Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЭРИНДЕРГЕ КАМ КӨРҮҮ

№523 9-15-Ноябрь, 2012-ж


Аялдамада турсам, эки жигит минтип сүйлөшүп жатышат:
– Тааныштыңбы? Кандай кыз экен?
–Билбейм, жакшы эле го. Анын болтойгон, кыпкызыл эриндери эсимде калыптыр. Тимеле бышкан алчадай...
Изилдөөчүлөр да көпчүлүк эркектер айымдар менен таанышканда алгач алардын эриндерине көзү түшөрүн айтып келишет. Чындыгында, татынакай ачык болтойгон эриндер бул – беттин көркү. Андыктан ар бирибиз эриндерибизге кам көрүүгө тийишпиз. Өзгөчө жай, кыш айларында. Ал үчүн эмне кылуу керек? Суроого жооп издеп көрөлү.

ЭРИНДЕР ЭМНЕДЕН ЖАБЫРКАЙТ?
Эриндердин түсү жана сапаты ден соолуктун жалпы абалын чагылдырып бере алат. Алсак, ачык кызыл эриндер ден соолуктун таза экендигинин, ал эми кубарыңкы эриндер каны аз экендигин билдирет. Көгүш тартышы болсо, көпчүлүк учурда өпкө, жүрөк-кан тамыр системинин ооругандыгынын жана башка ушул сыяктуу оорулардын белгиси болуп саналат. Эриндин кургап кетиши жана жарылышы организмге В2 витамининин жетишсиздигинен болот.
Эриндер дайыма сырткы курчап турган чөйрөнүн: шамалдын, күндүн, ысыктын, сууктун таасирлерине дуушар болот. Андыктан аларды тийиштүү түрдө күтө билбесе, ар түрдүү ооруларга чалдыгышы мүмкүн. Дайыма эринди тиштеп алуу, жалап-жуктоо адаты, оозго ар кандай кир нерселерди салуу, жипти тиштеп үзүү сыяктуу көнүмүш адаттар жана семичке көп чагуу анын назик кызыл челине зыян келтирип, бузулушун шарттайт. Ошондой эле өтө ысык тамак, ысык чай эриндин былжырлуу челинин күйүп калышына алып келиши мүмкүн. Ысык тамакты жакшы көргөн адамдарда дайыма эринин күйгүзүп алуу болуп, бара-бара анысы жарага айланышы ыктымал. Эринди күтүүдө помаданын жана эрин боёочу каражаттардын да жардамы чоң. Аны туура тандоо менен эриндерге кам көрүүгө болот.

ООЗ БОЁКТУН ТҮРЛӨРҮ ЖАНА АЛАРДЫН СЫРЛАРЫ

  • Нымдандыруучу эрин боёгучу. Эрин боёктун бул түрү эл арасында «атлас», «классикалык» деп да аталат. Ал эринге түс бергенден сырткары терини кургап кетүүдөн сактайт. Жаз жана жай айларында колдонууга ыңгайлуу. Ар кандай формадагы эриндерге жана бардык курактагы айымдарга сунушталат. Мунун кемчилиги – так калтырганы жана тез эле өчүп калгандыгы.
  • Азыктандыруучу эрин боёгучу. Боёгондо күңүрт тартып, көп жалтырабайт. Жеңил боёлот жана жарашыктуу. Курамы ар кандай майларга жана момго бай болгондуктан, кышкы суукта эриндин жарылышынын алдын алат. Кемчилиги, туура боёбосо эриндин формасынан чыгып, жайылып кетиши мүмкүн. Помаданын бул түрүн пайдаланууда атайын эриндин тегерегин сызуучу калемди колдонуу туура.
  • Туруктуу жана эң туруктуу эрин боёгучу. Аталышы айтып тургандай, эрин боёктун бул түрү боёгондон кийин 8-12, кээде 24 саатка чейин өчпөй сакталат. «Эринимди боёшум керек эле» деп улам-улам күзгү каратпайт. Кандай боёсоң, жайылып кетпей, ошол боюнча жүрөт. Анан да кийимге, колго, колдонгон идиштериңе эч кандай так калтырбайт. Кемчилиги – эринди плёнкадай нерсе каптап, бир аз тырыштырып, жагымсыз сезим коштоп тургандыгы. Косметологдор бул каражатты күнүгө колдонууга тыюу салышат. Эгер эриниңиздин териси кургак болсо, анда бул боёкту колдонуудан качканыңыз оң.
  • Гигиеналык эрин боёгучтар эриндердин кургашынын жана жарылып кетишинин алдын алат. Өзгөчө күз-кыш мезгилинде эринге эң керектүү каражат. Бул каражатты жай айларында да колдонууга болот. Ал күндүн зыяндуу нурларынан сактай алат. Курамы ар түрдүү витаминдерден, нымдандыруучу жана азыктандыруучу заттардан тургандыктан, кемчилиги жок деп саналат. Бир гана өкүндүргөнү – эринге өзгөчө түс бере албагандыгы.
  • Эрин жылтыраткычы – учурдагы кеңири колдонулган косметикалык каражат. Өсүмдүк майларына жана витаминдерге бай болгондуктан, терини азыктандырып, жумшартып жана күндүн зыяндуу нурларынан сактайт. Эринди көлөмдүү көрсөтүп, табигый өң берип, макияжга көрк кошот. Этияттык менен боёбосо, эриндин формасынан чыгып, агып кетиши толук мүмкүн.

ҮЙ ШАРТЫНДА ЭРИНДЕРГЕ КАМ КӨРҮҮ
Алма маскасы
Алманын сыртын аарчып, сүргүчтөн өткөрүп алуу керек. Өткөрүлгөн алмадан бир чай кашык алып, ага өсүмдүк майынан (жарым чай кашык) кошуп аралаштырып, маска жасаңыз. Аны эриндерге 15 мүнөткө коюп, жылуу суу менен жууп салыңыз. Алманы бананга, бадыраңга, өрүккө, кызылчага алмаштырса болот.

Бал-шекер скрабы
Бир чай кашык балга бир чай кашык шекерди кошуп аралаштырып аласыз. Аны плитага 5 секундга коёсуз. Таза тиш щёткасына даяр маскадан сүйкөп алып, эринге массаж түрүндө бир калыпта сүйкөп чыгыңыз. Андан кийин жылуу суу менен жууп салыңыз. Мындай пилинг эриндерди назик кылып, өзүнүн жумшартуучу касиети менен аны кургатпай, кесилтпей сактап турат.

Эриндерге массаж жасоо
Жумшак кылдуу тиш щётка менен 2 мүнөт эринге массаж жасоо сунушталат. Бул ыкма кан айланууну жакшыртып, эриндерге табигый өңдү берет. Болгону, аны ооздо кесиндилер жокто гана жасаш керек. Массаждан кийин эриндерге көздүн айланасына сүйкөөчү кремди сүйкөөгө болот. Бетке колдонгон кремдерди сүйкөбөңүз.

Эрин бырыштары үчүн көнүгүү
Эринге ооз боёгучту сүйкөгөндө астын, үстүн бири-бирине сыйпап, боёкту жугузат эмеспизби. Зайтун майын сүйкөп, эринди дал ошондой ыкмада кыймылдатып массаж жасоого болот.

Макаланы даярдоого жардам берген "Сулуулук жана ден соолук" бейтапканасынын дарыгер-косметологу Айнура Бейшеналиевага ыраазычылык билдиребиз.

Дамира Арстанова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(1)
12.11.2012. 20:54 
Тайпасы:
Жаран
Комментарийлердин саны:
35
Катталган:
21-06-2011
Соӊку аракети:
14-11-2018 20:37
Жынысы:
Белгисиз
Калаасы:
Kyrgyzstan
0
kop nerseni bilip aldym, raxmat kengewinizderge))))
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: