Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Чоро Думанаев, КРнын Эл артисти:«20 ЖЫЛДАН БЕРИ ЖАТАКАНАДА КҮН КЕЧИРИП КЕЛЕМ»

№523 9-Ноябрь-15-Ноябрь, 2012-ж


Кыргыз Эл артисти, театрда 40 жылдан бери иштеп келген сахна чебери Чоро Думанаевдин эмгеги тиешелүү деңгээлде бааланбай келе жатканы өкүндүрөт. Чоро ага сыяктуу зор таланттардын жашоосуна кызыкдар болуп, ал-абалын сураган пенде аз. Маек учурунда кыргыздын залкарларын эстеп көзгө жаш алдырган эскерүүлөрүн, жеке жашоосун айтып актёр капаланып алды.

«ЗАЛКАР АДАМДАРГА ЧАЙ КУЮП БЕРИП ЧОҢОЙДУМ»
Нарын облусунун Миң-Булак деген кооз, чоң айылында 1952-жылы төрөлгөм. Ата-энем колхоздо иштешчү. Үй-бүлөдө төрт бир тууганбыз: эки уул, эки кыз. Мени 10 жашымда эле агам, Кыргыз Эл артисти Асанкул Осмонов колуна алып, ошол агамдын тарбиясы менен өстүм. Бала кезде театрдын короосун айланып эле ойноп жүрчүбүз. Агам чыгармачыл адам болгондуктан, ошол кездеги залкар адамдар үйдөн үзүлчү эмес. Аларга чай куюп берип жүрүп чоңойдум.
10 жашымда «Космонавт» деген тасмага тартылып дебют жасагам. Жанагы «Атамдын тагдыры» тасмасында «ата, сүйүнчү!» деп чуркап келген жаш балдардын арасында мен да бармын. Ошондо бүт өмүрүмдү киного арнаарымды билбесем керек эле. Андан кийин не бир кыргыз фильмдерине тартылбадым. Тартылганда да жалаң залкар актёрлор менен бир тасмада ойногон бактылуу адам экенмин. Муратбек Рыскулов, Бакен Кыдыкеева, Советбек Жумадылов, Сабира Күмүшалиева, Даркүл Күйүкова, Болот Бейшеналиев, Сүймөнкул Чокморов кыргыздын кандай таланттары эле?! Ошолор менен иштешип калганыма сүйүнөм.

«АРТИСТ БОЛОМ ДЕП ОКУУМДУ ТАШТАП КОЙГОМ»
8-классты бүткөндөн кийин агам мени курулуш техникумуна тапшыртып койгон эле. Мен артист болорумду агама айтпай, окуумду таштап койгонмун. Ошентип көчөдө бекерчиликте жүрсөм, Болот Шамшиев «Ысык-Көлдүн кызгалдактары» тасмасына жигиттерди издеп жүрүптүр, анда эпизоддук ролду ойноп калдым. Кино бүткөндө агам «эми эмне кыласың?» деп абдан жериген. Кудай жалгап, Төлөмүш Океев «Отко таазимди» тартып калып, анда да эпизоддук ролду аткардым. Ал кино бүткөндөн кийин агам «эми эмне кыласың?» деп кайра баштады. Анда да Кудай колдоп, Геннадий Базаровдун «Көчө» фильминде алгачкы башкы ролумду жараттым. Кинолорго тартылып жүрүп Кыргыз драма театрынын алдындагы студияда окуп калдым. Ошондо актёр болорума көзү жетти окшойт, «эми эмне кыласың?» деп айтпай калды.

«20 ЖЫЛДАН БЕРИ ҮЙ АЛУУНУН КЕЗЕГИНДЕ ТУРАМ»
Биринчи никемден эки, экинчи никемден бир уулум бар. Ажал экен, бир уулум чырактай кезинде бул дүйнө менен кош айтышып, мени күйүткө салып кете берди. Мен үчүн тирүүдөй эле, бирок жанымда жок. Ата-эне үчүн баладан айрылуудан өткөн оор сыноо жок экен.
Өмүрүмдүн 40 жылын мамлекетке кызмат кылууга арнап, азыркыга чейин кызмат кылып келсем да, ушул убакка чейин мага үй бөлүнүп бериле элек. Барбаган гезиттерим, кайрылбаган чиновник калбады. Адам деле тажайт экен. СССР кезинде Чыгыш-5 кичи районунан жатакана тибиндеги бир бөлмөлүү батир беришкен болчу, азыр ошол батирде үй-бүлөм менен күн кечирип келем. Бутум болсо оорулуу, күндө массаж алам. Мен жашаган жатаканада кыргыздын таланттуу инсандары жашашат. Милиция, медицина кызматкерлерине үй курулат экен, маданият кызматкерлерине эч нерсе жок. 20 жылдан бери 6-номурда кезекте турам, бирок дегеле кезек жетпейт.

«БИЗ ТАРТЫЛГАН ТАСМАЛАРДЫН МАҢЫЗЫ ТЕРЕҢ БОЛЧУ»
Ар бир мезгилдин өз көрөрмандары болот экен. Азыркылар тарткан кинолор мен үчүн түшүнүксүз. Каякты туурап, эмнени айткысы келип жатат, такыр түшүнбөйсүң. Баягы эле уруш-атыш, мушташ, секс.
Биздин убактагы кинолор баарына түшүнүктүү, тарбиялык мааниси терең болчу эле. Кино адамдын аң-сезимине таасирин тийгизчү каражат да. Азыркыларда жарытарлык тема жок. Тарбия бермек түгүл, тескерисинче, жаштардын аң-сезимин бузуп жатат. Эч ким китеп бетин карабайт.
Бая күнү Бишкекте казактардын кино жумалыгы болбодубу. Ошондо Казак Эл артисти Асанали Ашимов деген актёр келиптир. Экөөбүз сейилдеп жүрүп, ал мага бир кызык окуя айтып берди. «Казакстанда бир мектепке барып калсам, кол тамга алабыз деп чуркап келип калышты. Мен «тээтиги жолдо Мухтар Ауэзов кетип баратат, чуркагыла, барып кол тамга сурагыла» десем, чуркап кетишти. Ичимден аябай кейидим, азыркы жаштардын деңгээлине»,- деди ал. Мен деле эртең бир мектепке барып «Чыңгыз Айтматов ким болгон?» деп сурап, окуучу билбей отурса, таң калбайм деле. Анткени биздин деңгээлибиз ошол нерсеге жетип калды.

«БОЛОТ БЕЙШЕНАЛИЕВ – КАЙНАТАМ»
Учурдагы жубайым Аиданын апасына Болот Бейшеналиев кийин үйлөнгөн. Уулум Нурболот төрөлгөндө Бокем төрөт үйүнөн алып келип, туздуу сууга өзү жуунткан. Жарыктык аябай баласаак эле, «жок, баарын өзүм кылам» деп бизди жолотпой, уулумду баса калып карачу. Кийин жумушка орношкондо да Нурболотту жетелеп алып театрга барып жүрдү. Нурболот быйыл 11-классты бүтүп жатат.
Жогоруда айтпадымбы, залкарлар менен иштешип калдым деп. Сүймөнкул Чокморов да жашоодо тамашакөй, комузда, домбрада, балалайкада мыкты ойногон жан эле. Көбүнчө тартуу иштери тоо-ташта болгондуктан, Сүймөнкул ага сүрөт тартчу каражаттарын көтөрүп алып, ыңгайлуу кооз жерлерди издеп жүрө берчү. Анан ойлонуп отуруп, менден да «кайсы жерди тартсам?» деп сурай берчү. Жашмын да, оюма эмне келсе, ошону айтып, «тарта бер да, жаратылыш койнунда турабыз, мына тоо, мына суу, бардык сүрөтчүлөр ушундай пейзажды тартышат» десем, үшкүрүнүп башын чайкап койчу. Көрсө, ал мени сынап жатыптыр да, жөн гана жаратылышка болгон көркөмдүк көз карашымды билгиси келген экен.

«АК КЕМЕДЕ» МОМУН ЧАЛДЫ ОРОЗКУЛ ТААРЫНТЫП АЛЫП...»
Ак кеме» тасмасында мен Кулубектин ролун ойногонмун. Ошондогу бир окуя эч эсимден кетпейт. Жанагы Орозкул Момун чалды чапканда «айбан экенсиң!» деп айтат эмеспи. Ошол жеринде бир топко чейин ролго кире алышпай кыйналышкан. Анан Шамшиевдин жини келип, «катуу, катуу эле тий да ары!» деп кыйкырганда Орозкул абышкага барып бир тийет,ал ызаланып «айбан экенсиң!» деп туруп басып кетет. Момун чалдын ролундагы Асанкул менен эртеси Орозбек Кутманалиев саламдашса, таарынып карабай коюптур. Ортого Сабира эжени салып, ал жашаган боз үйгө барып козу союп жатып араң таарынычын жазган элек. «Эмне, Шамшиев өлтүр десе өлтүрөсүңбү?!» деп кыйкырганын унутпайм. Кулубек Орозкулду тепкен эпизод бар, ошондо да мен аны катуу тээп койгон экенмин Орозбек мага таарынып, араӊ жазгам.

ТАРТЫЛГАН ТАСМАЛАРЫ:
«Ак илбирстин тукуму», «Ак кеме», «Каныбек», «Отко таазим», «Кызыл алма», «Көчө», «Ысык-Көлдүн кызгалдактары», «Чиркин өмүр», «Президент жана бомж» жана башка.

Лунара Бекиева
Ташболот Досалиев
(Айрым сүрөттөр актёрдун өздүк архивинен алынды)
star@super.kg



КРнын Эл артисти Чоро Думанаев: "20 жылдан бери жатаканада жашап келем"

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(11)
12.11.2012. 12:31 
Тайпасы:
Жаран
Комментарийлердин саны:
20
Катталган:
16-12-2010
Соӊку аракети:
13-11-2018 21:43
Жынысы:
Белгисиз
0
"Кочо"фильмин канча корсом да жадабайм.Сизге таазим!
12.11.2012. 16:24 
Тайпасы:
Жаран
Комментарийлердин саны:
3
Катталган:
17-04-2011
Соӊку аракети:
24-11-2016 09:41
Жынысы:
Белгисиз
Калаасы:
БИШКЕК
0
Колдо бар алтындын баркы жок.....
Super TV
12.11.2012. 17:11 
Тайпасы:
Жаран
Комментарийлердин саны:
793
Катталган:
12-01-2009
Соӊку аракети:
31-01-2018 00:05
Жынысы:
Белгисиз
Калаасы:
Бишкек
0
Улуу адамдар, залкар адамдар... баары бир улуу...
Дөөлөттүү өмүр каалайм, тилегиңиз тезирээк ишке ашсын демекчимин.
Super TV
12.11.2012. 17:53 
Тайпасы:
Кыймылы жок
Комментарийлердин саны:
107
Катталган:
31-10-2011
Соӊку аракети:
25-12-2013 23:02
Жынысы:
Белгисиз
0
Видно, что хороший человек... А то, что он один из талантливейших актёров неоспоримо...
Super TV
13.11.2012. 11:32 
Тайпасы:
Жаран
Комментарийлердин саны:
99
Катталган:
08-12-2010
Соӊку аракети:
07-11-2018 12:22
Жынысы:
Белгисиз
0
боорум ооруду- таланттуу адамдарыбыздын саны анча коп эмес го- бир болмолуу болсо да батир болуп берсе окмот кедей болуп калбайт эле. негизгиси оорубаныз!!!
13.11.2012. 12:37 
Тайпасы:
Кыймылы жок
Комментарийлердин саны:
14
Катталган:
08-10-2012
Соӊку аракети:
29-11-2012 11:43
Жынысы:
Белгисиз
0
Чоро сен кыргыз киносунун тарыхысын!Кудайым сага ден -соолук берсин ,калганы дагы болуп калаар .Мен сени менен сыймыктанам ,сен ойногон рольдорду кайра -кайра коргум келет Зикинтай.
18.11.2012. 16:44 
Тайпасы:
Түйүлдүк
Комментарийлердин саны:
252
Катталган:
06-11-2012
Соӊку аракети:
14-07-2014 22:40
Жынысы:
Белгисиз
Калаасы:
..........sonuuuuuun jerde
0
кочо киносуну коргондон тажабайм укмуш кино айылымды эске салат
19.11.2012. 20:51 
Тайпасы:
Кыймылы жок
Комментарийлердин саны:
10
Катталган:
21-12-2011
Соӊку аракети:
31-08-2015 13:31
Жынысы:
Белгисиз
0
Азаматсыз Чоро. Эл сиздин эмгегинизди жакшы билет.
21.11.2012. 15:34 
Тайпасы:
Кыймылы жок
Комментарийлердин саны:
26
Катталган:
06-07-2012
Соӊку аракети:
09-06-2013 22:58
Жынысы:
Белгисиз
0
сизди сыйлайм сиз кыргыз киносунун тарыхысыз чиркин омурду уй булобуз менен калтырбай корчубуз
21.11.2012. 15:35 
Тайпасы:
Кыймылы жок
Комментарийлердин саны:
26
Катталган:
06-07-2012
Соӊку аракети:
09-06-2013 22:58
Жынысы:
Белгисиз
0
сизди сыйлайм сиз кыргыз киносунун тарыхысыз чиркин омурду уй булобуз менен калтырбай корчубуз
29.03.2016. 16:33 
Тайпасы:
Кыймылы жок
Комментарийлердин саны:
3
Катталган:
28-03-2016
Соӊку аракети:
04-04-2016 11:02
Жынысы:
Белгисиз
0
Актер агайга КГ ГРУПП курулуш компаниясы 18-март 1 болмолуу батирди белек кылды. Бул курулуш компания кайрымдуулук иш чараларды абдан коп жургузот. Азаматсынар!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: