Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КРнын Эмгек сиңирген артисти Алтынай Нарбаева: «АПАМ 14 ЖАШЫНДА ТУРМУШКА ЧЫГЫП, 15 ЖАШЫНДА ТӨРӨГӨН»

№523 9-Ноябрь-15-Ноябрь, 2012-ж


«Ата-эне менен бир тууганды тандаганга акыбыз жок. Ал Кудайдан берилген белек» деген кептин ырас экендиги талашсыз. Апалар аман болсун, апаңар бар кезде баркын билгиле, сыйлагыла» деген КРнын Эмгек сиңирген артисти Алтынай Нарбаева эне темасындагы бул баарлашуубуздун башынан аягына чейин көз жашын тыя албады.

«АПАМДЫН КҮЙӨӨСҮ БАР ЭКЕНИНЕ КАРАБАЙ АТАМ АЛА КАЧЫП КЕТКЕН ЭКЕН»
– Апам Жаныш кызы Азада 6 жашында атасынан, 8 жашында энесинен айрылып, жетимдиктин азабын тартып, таежесинин колунда чоңоюптур. 14 жашында турмушка чыгып, 15 жашында уулдуу болот. Аты – Жамшит. Баласы 9 айга толуп калган кезде атам апамдын айылынан ары-бери ат менен өтүп жүрүп, бир-эки ирет сууга бараткан жеринен көрүп жактырып калып, ала качып кетиптир. Күйөөсү намыска бекем туруп апамды артынан издеп барбаптыр. Ошентип, атам экөө түтүн булатып жашап калышат да, 9 айлык баласы мурунку күйөөсүндө калат.
Апам балага болгон сагынычтын азабын көп эле тартканын айтып калар эле. Кызганбасын деп атама көрсөтпөй анча-мынча тамак-аштан, кийимдерден өзү тигип, баласына берип жиберчү экен. Ал жакшы, бардар үй-бүлөдө чоңойгон. Кийин ошол улуу агабыз үйгө келип, биз менен катышып, аралашып кетти. Агамдын бир туугандары менен азыр да катышабыз. Баары чыгармачыл, белгилүү инсандар.

«КАРЫГАНЧА ТАКАЛУУ БУТ КИЙИМ КИЙДИ»
– Мени апам 40 жашында төрөгөн. 8 баласынын эң кичүүсүмүн. Мен төрөлөрдө улуу эжелерим турмушка чыгышып, алар да кош бойлуу экен. Эжелерим арданып, «алдырып салыңыз» дегендерине болбой мени төрөптүр. Жетим болуп чоңойгондугу үчүн «балам көп болсо...» деп тиленгенин айтып калар эле.
8 баланы тарбиялап, үй жумуштарына жетишкени аз келгенсип, айылдагы аялдар кеңешинин төрайымы катары иш алып барчу. 7-класска чейинки эле билими бар экенине карабастан, айылдагы билимге умтулган жаштарды чогултуп, аларды окутчу. Карып, 80 жашка чыгып калганча колунан тыпыйган сумкасы, бутунан такалуу бут кийими түшкөн жок. Айылдын кемпирлерине окшоп көлөч-маасыны да аз эле кийди.
Апамдын кайраттуулугуна алигиче таң калам. Эки агам каза болгондо гана апамдын көз жашын көрбөсөм, бир да ирет ыйлап отурганын көрбөдүм. «Жетим жүрүп жетилдим, эми мен ыйлабайм» деп калчу жарыктык.

«БУТУ МЕНЕН ЧЫМЧЫП АЛАР ЭЛЕ»

– Апам айылдагы касиет тутунган инсандардын бири эле. Төлгө салып, жаш балдарды эмдеп, жоголгон нерселерин таап, дарегин айтып берчү. Колу жөндөмдүү, ишмер, тынч отура албаган кыймылдуу жан эле. Кийиз, шырдактын түрүн жасап, тикмечилик да жайы бар болчу. Бир аз эле бош отуруп калса, кум менен идиштерин жышып жууп кирчү. Анан кантип бош отурасың? Бир жагынан тамекиден, кызылчадан, жибек курттан, күрүчтөн, жүгөрүдөн тыным жок. Күндүз тамеки жулуп келебиз, түнкүсүн отуруп алып аны тизмей. Уйкуга 2-3 саат гана бөлүп берет. Анан жүгөрү иштери башталат. Айтор, апам биздин убактыбызды көзөмөлдөп турчу.
Мунун баары тарбия экенин кийин гана түшүнүп отурам. Тарбия жаатында апам мага турмуштун, медицинанын, ашкананын, экономиканын, деги койчу, болгон тармактын баарынан энциклопедия болду десем жаңылышпайм. Тартипке бекем болчу, ошентсе да катуу урушуп же катуу урган күндөрү болгон эмес. «Алтынай, тур, малды айда» деп бир айтат, «азыр» дегенди эки эрет кайталагандан кийин буту менен аябай катуу чымчып алчу. Кол менен чымчыгандан да катуу. Анан өзүң эле тызылдап чуркайсың...

«КӨК ЖЫТТАНЫП КАЛГАН АКЧАЛАРЫН КҮНГӨ ЖАЙЧУ»
– Апам абдан сарамжалдуу аял болгон. Ысырапкорчулукка такыр жол берчү эмес. «Акча деген адамга бел болот» деп акчаны бекем кармачу. Кээде кышы менен сандыгында катылып туруп көк жыттана баштаган акчаларын жазында күнгө жайып, кайра жыйнап, катып койчу. Балдарынын бирин да акчадан кем кылган жок. Дайыма колубузда акча жүрөр эле. Көрсө, бул «көрө электин көргөнү жаман болот» демекчи, кийин акчалуу болуп калса көөп же акчанын кулу болуп кетпесин деген насааты экен. Апамдын тарбия жаатындагы бул ыкмасын мен азыр балдарыма колдоном.

«КЭЭДЕ ЖОРУКТАРЫНА КҮЛӨР ЭЛЕК»
– Апамдын анча-мынча куйкум сөздөрүнөн тышкары жүрүм-турумуна да кээде күлүп калар элек. Бир жолу Ташкентте жашаган агам балалуу болуп, апамды чакырды. «Эл-жер көрүп келесиң» деп мени да ээрчитип алган. Агам бекеттен достору менен тосуп алды. Досторунун арасындагы бирөөнүн эриндери укмуштай чоң, калың экен. Апам экөөбүз аны карап катып калыптырбыз. Анан үйгө келдик, баарыбыз отуруп чай ичип отурабыз. Апам куш уйку салып, отурган жеринде уктап кетиптир. Бир маалда апам эки эринин эки жакка колу менен ачып, «минтип ачып туруп салып койсо, жей берет да» деп коёт. Быкшып эле отуруп калдык. Балдар шашыла чыгып кетишти. Алар кеткенден кийинки кыраан-каткырыкты айтпа.

«АПАҢ АШЫП КЕТСЕ АЛТЫ КҮН ЖАШАЙТ ДЕДИ»
– Бири 40, экинчиси 41 жашында эки агам бул дүйнөдөн өтүп кетишти. Бул күйүт атам менен апамдын белдерин бүгүп, чачтарын агартты. Ата-эне үчүн өз баласын жерге бергенден өткөн катуу сыноо жок экен, аябай кыйналышты. Кийин апам ооруп, борборго келип операция жасатып, өтүн алдыртты. Врач, профессор Акылбек Усупбаев агайыма терең ыраазымын.
Кийин бөйрөгү ооруду. Ооруп жатканда айылга барсам, буту шишип, өңү саргарып кетиптир. Врачка телефон чалсам, «Алтынай, апаңардын оорусу бөйрөктөн экен, айла жок... Ашып кетсе алты күн жашайт, белиңерди буугула» деди. Ошол күнү апам «Алтынай, мага суюк кесме бышырып берчи» деп суранды. Тамагымдан 3-4 кашык эле жеди. Анан «бутумду аябай кысып жиберди, байпагымды чечип койгулачы» дегенинен карасак, байпагы деле жок экен, шишиги күчөп кетиптир.
Молдо чакыртып, өзүнө дем салдыртты. Кыймылдабай калган колдорун төшөктөн алып чыгып алаканын жайып бата кылды. Анан балдарына ыраазычылыгын бере баштады. «Баарына ыраазымын» деген сөзүн айтыптыр. Мен апамдын акыркы сапарга аттанганын көргүм келбей сыртка чыгып кеткем, эжелерим менин атымдан да ыраазычылык сурашкан экен, «Алтынайыма миңден миң...» деген боюнча үзүлүп кетиптир.
6 ай төшөктө жатканы менен, кыйналганын бир билдирбеди. 84 жашка чыкса да, төшөктө жатып калганча бир ирет кыздарына же келиндерине кирин жуугузган жок. 3-4 сыйра жуусаң да, «силер кийимди сууга малып эле илип коёсуңар» деп өзү кайра жуучу.
Качан барбайын, «Алтынайым оромону жакшы көрөт» деп ысык оромосу менен тосуп алар эле. Азыр эжелерим жогун билдирбейли дешип оромосун бышырып турушат, бирок апамдай болбойт да. Апанын орду башка. Бала кезде нанды бышырып, тандырдын жанынан эки нандан каймакка мыжыкма жасап берген апам азыр жанымда болсо кана?!
Апаңар тирүү кезинде баркына жеткиле, кучагына, мээримине бөлөнгүлө демекмин. Ар бир апанын үнүнүн тембри, бийиктиги болот эмеспи. Мен да апамдын жагымдуу үнүн, жылуу кучагын, жытын жыттаганга түбөлүк зар экенимди айткым келет.

Чолпон Сүйүнбаева
star@super.kg


Алтынай Нарбаева: "Апам 14 жашында турмушка чыгып, 15 жашында төрөгөн"

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(10)
Super TV
10.11.2012. 17:48 
Тайпасы:
Жаран
Комментарийлердин саны:
338
Катталган:
18-03-2009
Соӊку аракети:
21-08-2017 15:21
Жынысы:
Белгисиз
0
Эне кымбат баарынан энелерди сыйлайлы козу барда.
Super TV
10.11.2012. 18:14 
Тайпасы:
Кыймылы жок
Комментарийлердин саны:
3
Катталган:
30-04-2012
Соӊку аракети:
03-12-2012 12:53
Жынысы:
Белгисиз
0
Эженин ырлары, уну сонун! Суйлогону ушунчалык орундуу! Менин да апам 12 жыл мурун 44 жашында отуп кеткен. Ушунчалык эскеруунуз менен ыйлаттыныз! Аябай сагынам апамды! Козу барда сыйлаганды билелик! Рахмат Сизге Алтынай эже!
Super TV
11.11.2012. 12:02 
Тайпасы:
Жаран
Комментарийлердин саны:
171
Катталган:
23-05-2012
Соӊку аракети:
07-12-2016 21:38
Жынысы:
Белгисиз
Калаасы:
Бейиштин тору...
+1
Апамды сагынып отурган жаным,козумо жаш алып ыйлап да жибердим!Апалар аман болсун,эч качан оорубасынчы!Алтынай эже жонокой создору таасирдуу аял экен...
12.11.2012. 12:08 
Тайпасы:
Кыймылы жок
Комментарийлердин саны:
167
Катталган:
22-05-2007
Соӊку аракети:
14-09-2015 15:00
Жынысы:
Белгисиз
Калаасы:
Москва
+1
Ата-Аскалуу тоо, Эне-тоодогу Булак, Бала- ортодогу шам чырак. Ар бир адам оз энеси жонундо айтып буто албайт. Эне ыйык-Эне кымбат!
12.11.2012. 13:04 
Тайпасы:
Кыймылы жок
Комментарийлердин саны:
380
Катталган:
20-08-2010
Соӊку аракети:
10-06-2016 08:31
Жынысы:
Белгисиз
Калаасы:
Кытай-Кызылсуу кыргыз автономиялуу областы
+1
Аты затына ылайык эжеке да, бар болуңуз, арыбаңыз! талантыңызга таазим!
12.11.2012. 17:48 
Тайпасы:
Кыймылы жок
Комментарийлердин саны:
16
Катталган:
16-04-2012
Соӊку аракети:
30-11-2012 17:53
Жынысы:
Белгисиз
+1
Алтынай эже бактылуу болунуз калган омурун сиздерге берсин окууп алып козумдон жаш толуп кетти
16.11.2012. 09:09 
Тайпасы:
Жаран
Комментарийлердин саны:
4
Катталган:
15-03-2011
Соӊку аракети:
03-01-2018 04:38
Жынысы:
Белгисиз
Калаасы:
Okean jeegi
0
Apanyz chynynda altyn kishi bolgon eken.
16.11.2012. 13:07 
Тайпасы:
Жаран
Комментарийлердин саны:
32
Катталган:
01-08-2007
Соӊку аракети:
21-05-2017 02:18
Жынысы:
Белгисиз
0
Сиздин чыгармачылыгынызга ийгилик!
20.11.2012. 16:28 
Тайпасы:
Жаран
Комментарийлердин саны:
14
Катталган:
01-08-2011
Соӊку аракети:
21-09-2018 17:43
Жынысы:
Белгисиз
Калаасы:
Бишкек
0
Эне бул эн ыйык аял заты. Менин апам да алтын киши.
10.12.2012. 23:48 
Тайпасы:
Тартип бузгандар
Комментарийлердин саны:
107
Катталган:
09-09-2012
Соӊку аракети:
28-05-2015 20:29
Жынысы:
Белгисиз
0
эне бирок,тамекини азыраак тартыныз же корунбой тартсаныз болмок!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: