«БИРӨӨНҮН АЯЛЫ МАГА КЫЗ КӨРҮНӨТ ЖЕ АЛ АЯЛДАН КАНТИП КУТУЛАМ?»

– «Бу артистти аялым, шоопурду күйөөм дебеш керек. Ай, ким эле, Нүкү, Мики, о кокуй күн ай, ушулардын атын кыргызча эле койбой...» Наалыган чоң апам дайыма ушинтип калар эле. Ал убакта макалдын маанисин чын эле түшүнбөчүмүн, азыр эми туура эле турбайбы деген ойго кептелдим. Эмнеге артист аттууга ушул жаман сөз көп жабышат, көрө албаган душмандары чыгарабы же атактуулукту адам баласы көтөрө албай кетебизби?.. Айтор, мен сиздерге жан дүйнөмдүн сырын аңтаргым келип турат. Мейли урушкула, мейли жемелегиле, бирок жөн гана окуп койгула...
Мунун баары ырчылыкка кадам таштаганымдан башталды. Бүгүнкү күндүн шоу-бизнес деп аталган чөйрөсү мени да өстүрдү, таптады, элге таанытты. Ошол эле убакта бутум баскан жер «иттин өлүгү толгон» интригага, жүзүңө келип үңүлүп, ары карап туруп шыбап кеткен ушак сөзгө арбын, кээде чын эле жүрөк толо кубаныч алып келген, гүл көтөрүп күттүргөн күйөрман арттырган, бирде туруп көөдөн бөксөрткөн окуяга кабылткан учурларга бай болуп келет. Адатта «аны айтпай эле коёюн, муну минтпей эле коёюн» деп жашырган менен, бизди билген адамдар үчүн абийир айрандай төгүлүп калганын аңдабайбыз...
Бир күнү кайсы бир ырчы кыздын туулган күнү болуп калды. Сахналаштарын чакырды. Бийледик, ичтик, ойнодук, күлдүк... Бир убакта мени шоу чөйрөдөгү эже бирөө менен «подружкам болот, а так бойдок, апе-ей, не деп койдум, башы бош эмес...» деп каткыра күлүп тааныштырды. Эркекпиз да, ал айымды карап комплимент айтып койдум:
– Бойдок дегенге мен ишендим. 18ге жаңы толгонсуз го...
– Ай-ий, ай, койчу, уялтпачы. Силердин бир ырыңар жагат...- деп башка эле ырчынын ырын кыңылдап ырдап да койду айым. Көзү күлмүңдөп чын эле татынакай экен, аны бир караганда жашы 40ка жетейин деген аял деп ойлобойсуң, жапжаш көрүнөт. Туулган күн шаңдуу жүрүп, куттуктоо сөз мага келди. Мен кесиптешимди куттуктап, ырдап кирдим. Байкап турам, тиги айымдын көзү мени тиктеп турганын. Ырдап бүтүп ордума келсем, «мен бая башка бирөөнүн ыры менен алмаштырып ырдап салган турбаймынбы, кечирчи» деп жабыша баштады. Бул абалдан кантип чыгарымды билбей турганда телефонум чырылдап калды эле, сыртка чыкканга шаштым.
Ошентип күндөр өтө берди, айланып эле чогулган жерде жанагы айым жүрчү болду. Салкын гана саламдашып койсом, бир чөйрөдөгү шакылдаган эжекелерим «ии, мурдуңду көтөрүп, жылдыз болуп калган экенсиң. Адам карабай, сыйлабай» деп киришсе болобу. Өзүм теңдүүлөргө барайын деп сахнанын артында карбаластап калдым. Жашы деле, улуусу деле баары бир гримдөөчү бөлмөгө толуп алышыптыр. Кимден кийин ырдаарымды карап дубал тактаны тиктеп тургам. «Ммм, бүгүн биздин жылдыз бала башкача» деп баягы сулууча келген айым колтуктап калды. Ошол күндөн баштап ал менин телефонумду, үйүмдүн дарегине чейин билип алыптыр. Кээде чалып «той бар, келип ырдап, шыбагаңды алып кетпейсиңби» деп чакырат. Ырдап жан баккан жандар той-чардан «отказ» кылмай жок да. Кээде шашып такси менен барам, ал чакырган той-кечелерге, андайда түз эле үйгө жеткирет сулуу айым. Бир күнү «эже, мени мындан кийин тойлорго чакырбай эле коюңуз, өзүм башка заказ алам. Анан да сиз менен иштешип жүргөн айымдар мага жакпайт, жүрүм-туруму, башкасы» деп кагып салдым.
– Мага сиз деп кайрылбай эле кой деп канча айтам сага. Чын эле тиги ... айтмакчы, көөп кетиптирсиң, бала! Бүктөтүп коюш оңой сени,- деп жинденип баштады.
Бүктөттүрүп коё албайт деңизчи, бирок айланасында жүргөн «шоучу» эжелерим курулай пиар, куру доомат менен кыямат-кайым кылары бештен белгилүү...
– Улуу болсоңуз улуу дейм да...
– Сени менен жүргөн кыздарды көрүп күлкүм келди, койчу, малышкаларды не кыласың?- деп кайра ырсалаңдайт.
Ошентип, башым айланып, кантип аны менен мейманканага барганымды билбейм. Мындай күндөр далай эле болду. Жаман сөз бат жетет белем, жакынымдын бирөөсү билип калганбы же бирөө шыбырап койгонбу, айтор, урушуп, чын-бышыгын тактап-териштирип ызы-чууга калдым. «Бирөөнүн аялы бирөөгө кыз көрүнөт» деп бекеринен айтылбаптыр. Эми мага кыз деле көрүнбөй калды, ал аялдан кантип кутулуунун амалындамын. «Бул эмнеден улам тантып, картанын бетин ачып жатат» дебеңиздер. Картаны белгилүү гана чөйрө билет ачылганын...

Шок жигит
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (28)
akjol1989
2012-11-19 22:04:33
Болушу мумкун бирок болгон чактада ошол артис айтканда да келип келип элден кенеш сурап калат беле проста бул ШОК ЖИГИТтин жазган темасы..
0
dindilin89
2012-11-20 01:56:40
ОХО ХО очень интересно, кайсы ырчысын анчалык красавчик болгон.
0
glamur13
2012-11-20 05:02:55
Ээх! Шок жигит ишин чатакка айланганго кургур. Ээми сени буктоп салат тигил эжешан.
+1
full_moon
2012-11-20 11:03:08
glamur13,
:))
0
melashka
2012-11-23 16:07:54
glamur13, туураа айтасын
0
razana_kg
2012-11-20 08:53:06
Ушинтип эркектин намызын кетиресинерда. Биз ишенген жигиттер аял затынан коркуп олтурасынарбы? Шок жигит озунду коргой албасан озгону анда вообще коргой албайсында. Уят эле.
0
janarka
2012-11-20 13:36:19
"Jakshy bolush asta-asta jaman bolup bir pasta"-dechi bele?
0
rozka
2012-11-20 20:53:07
сиз жакшы деп алдап кутулбаса торго тушуптур байкуш
0
Looks
2012-11-21 01:34:38
Э дос. Сен биринчи аялына тушундуруп айт. Анан эжешана айт буктойбу пиар кылабы п.х. За то кутуласын. Болбосо мындан да ырбап кетет.
0
spinkub
2012-11-21 05:28:05
окубайм деп окудум кайдагы жомок!создорунун мааниси эмнеде?эркек башын менен ушул ишти бутуро албай баарына жарыя кылып...бекеринен силерди артист дебейтда...менимче ал сага эмес сен ага кыз болуп корунуп жатасын)))
+1
neo03
2012-11-23 00:30:59
буктойм десе эле буктотуп коёсунбу?Озундун конулун бар да,болбосо эчак эле мамиленди узмоксун!
+1
neo03
2012-11-23 00:34:41
суроттогу баланы карасанар,Дайыр Исмадияровго окшош экен)))
+1
Kerim1986
2012-11-23 21:06:17
Чындыкка окшошпогон бекерчиликтин иши.
0
zina88
2012-11-23 23:05:43
Сенде эки вариант бар же ошол эже менен жашай бер башын айланып же ол эже сени менен жашайт башынды айлантып башка вариант жок сага бар болсо да эптей албайсын уже калган турбайбы башын айланып.Бир карын майды бир кумалак чиритет деген соз бар элибизде артисттердин наамын булгаган кумалак болупсун да ээ....
0
full_moon
2012-11-24 12:27:49
Шок жигит бул эмнен? элге жарыя кылбай озун эле бутуруп салчу иш... бекем болсон боло, жигиттик намысынды жоготпой... намыс деген кайда?
0
Zamirbek.kg
2012-11-24 23:43:27
Эриккенде ойлонуп жазган жомокко чын калпын супер инфо билетда
0
isamurai
2012-11-26 07:34:18
мен билем бул ким экенин
0
№ 1032, 16-22-сентябрь, 2022-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА