КҮЙӨӨСҮН АЛДАГАН АЯЛ ЭНЕЛИК УКУКТАН АЖЫРАЙБЫ?

Бул окуяны угуп, таң калбай да, жаза албай да коё албадык. Баласыз бир тууганына эне өз баласын берип салганы боорукерликпи же өз баласын атасынан ажыраткан мерездикпи?

БАЛАНЫ БЕЛЕК КЫЛУУГА БОЛОБУ?
Бул окуя редакциябыздын Нарын шаарындагы аймактык бөлүмүнө келген жабырлануучу Бактыяр Баатыровдун (каармандардын аты-жөнү белгилүү себептерден улам өзгөртүлдү) жактоочусу Орозбек Мадиновдун баяндоосу менен жазылды.
Нарын облусуна караштуу Кочкор районунун тургуну Бактыярдын келинчеги Фатима 2011-жылдын 19-май күнү Балыкчы шаарындагы төрөт үйүндө үчүнчү баласын төрөйт. Алардын дагы уулу жана кызы болгон. Үчүнчү баласын төрөгөн күнү аялы «баланын абалы начар болуп жатат. Мени ооруканадан кеч чыгарышат экен. Сен келбей эле кой, баланы барганда эле көрөсүң» деп күйөөсү Бактыярды Балыкчыга келтирбей токтотуп коёт. Эртеси атасы жаңы туулган баласы чарчап калганын угат.
Чындыгында, Фатима ымыркайды өзүнүн бала көрбөй жүргөн бир тууган эжеси Надирага берип койгон болот. Күйөөсүн ишендирген соң Фатима эжеси Надира менен тиешелүү документтерди жасатып, баланы биротоло Надиранын наамына жаздыруунун аракетин көрө башташат. Балыкчы шаардык аймактык ооруканасынын төрөт бөлүмүнүн дарыгерлери Ч.М. жана Ш.Бнын жардамы менен Надиранын наамына «2011-жылдын 19-май күнү төрөт бөлүмүндө төрөгөн» деген медициналык аныктама жасатышат. Андан соң ымыркайга Чынтемир деп ысым ыйгарып, Надира жалгыз бой эне катары Балыкчы шаардык жарандык абалдын актыларын каттоо (ЖААК) бөлүмүнөн 2011-жылы 20-майда Чынтемирдин наамына туулгандыгы тууралуу күбөлүк алышат.

«БАЛАДАН БАШ ТАРТАМ» ДЕП ТИЛ КАТ ЖАЗДЫРЫШКАН
Бактыяр өз айылында жубайы Фатиманы күтүп, келет деп жүргөндө бейтааныш эле адамдан «сенин аялың төрөп, баласын эжесине берип, эжеси төрөдү деп каттатып алган» деп угуп, Балыкчыга барат. Кайын журту «балаңды кайын эжең Надира багып алды, талашпа, эгерде талашсаң Фатима менен ажыраштырып, эки балаңды да алып коёбуз» деген талап коюп, колунан «баланы биротоло багууга бердим» деген тил кат жаздырып алышат.
Ошентип, жолдошу Фатиманы эки баласы менен үйүнө алып келип жашап калат. Баланын чыры үй-бүлөгө тынчтык бербей, бир күнү үйдүн кожоюну жок кезде Фатима эки баласын алып, үйдөгү оокаттарын жүктөп, Балыкчы шаарына кетип калат. Артынан бир нече жолу барган Бактыярга жубайы «үйүңдү, малыңды сатып Балыкчыга келсең жашайм, болбосо жашабайм» деп баш тартат. Кайын журтунун жана жубайынын мындай мамилесинен улам Бактыяр тиешелүү органдарга арыз менен кайрылган. Натыйжада бир нече мыйзамсыз документтер жасалганы билинди.

Бактыярдын жактоочусу ОРОЗБЕК МАДИНОВ төмөндөгүлөргө токтолду:
– Жогорудагы жагдайлар аныкталгандан кийин Башкы прокуратурага бир тууган эже-сиңдилер Ф.Ж. менен Н.Жга жана Балыкчы шаардык аймактык ооруканасынын төрөт бөлүмүнүн дарыгерлери Ч.М., Ш.Бга кылмыш ишин козгоо жөнүндө арыз берилип, учурда тергөө иштери жүрүп жатат. Андан сырткары биздин доо арызыбыздын негизинде Балыкчы шаардык сотунун 2012-жылдын 20-июлундагы чечими менен жасалма документтердин баары жокко чыгарылган.
20-ноябрда Балыкчы шаардык сотунда Фатиманы энелик укуктан ажыратуу, балдарды атасына алып берүү жана төрөлгөн балага аталыкты аныктоо жөнүндө жарандык иш каралат.

Бул кылмыш ишине иликтөө жүргүзүп жаткан Балыкчы ШИИБинин тергөөчүсү ШАПАТБЕК УУЛУ АВТАНДИЛ:
– Аталган арыз боюнча, Балыкчы шаардык прокуратурасы тарабынан Кылмыш жана жаза кодексинин 350-беренеси (документтерди, мамлекеттик сыйлыктарды, мөөрлөрдү, бланктарды мыйзамсыз жасоо, даярдоо, сатып өткөрүү же пайдалануу) менен кылмыш иши козголуп, Балыкчы ШИИБине өткөрүлүп берилген. Тергөөнүн жүрүшүндө Ф.Ж. күйөөсүн алдоо жолу менен баласын жалгыз бой эжеси Н.Жга берип койгондугу далилденди. Ф.Жнын үч кичинекей баласы бар экендигин, анын кылган аракети анча оор эмес кылмыштын курамына киргендигин эске алып, бул козголгон кылмыш ишин жеңилдеттик.

Гүлжан Асанкожоева
naryn@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (47)
isamurai
2012-11-21 02:22:19
озу бала торолгондо роддомго барып, специально телофонду очуруп, аялын сыртан эле унунун жетишинче чаааакырып ..КОРСОТЧУ КИМГЕ ОКШОШ..дегенге не жетсин ахххх
0
kg-Baktybek
2012-11-21 08:45:23
Фатимадай энеден кудай озу сактасын. Куйоосу туура жол тандаган. Эгер,уйун,мал-мулкун сатып Фатимага бара турган болсо, эн чон ката кылат эле,себеби уй-жайы жок,куч куйоо аталып кочодо калмак
0
aziret_voin
2012-11-22 21:03:49
Оой дени карды соо местирда?адам эмес айбанда баласн бэрбэсе керек бирого?
0
karona12
2012-11-21 13:09:38
Ушунчалык эжесине куйсо куйоосу менен кенешип ыраазы болсо берсе боло бермек да бирдемеси бар окшойт да куйоосу экоонун ортосунда болбосо мындай кылмак эмесда аллбетте аялдын акылы болсо.
0
karona12
2012-11-21 13:09:38
Ушунчалык эжесине куйсо куйоосу менен кенешип ыраазы болсо берсе боло бермек да бирдемеси бар окшойт да куйоосу экоонун ортосунда болбосо мындай кылмак эмесда аллбетте аялдын акылы болсо.
0
m2011
2012-11-23 01:37:20
кийин ал бала да чоноюп ызы чуусу коп болмок.чынында еле бала багып алса болмок. кандай эне баласын олду деген. ертенки кунун ойлосо болмок. акылы жок.
0
yoma.kg
2012-11-23 10:17:33
ТФУ ТФУ ТФУ, кудай сактасын мындай аялдан, даже магазинге айтпай кетип калса, келгенде "БОЙ" кылмакмын!!!
0
kanikey
2012-11-23 14:42:05
эми мумкун оз эжекеси эне болгусу келгендир, бул бергени ката деле эиес, туугандарына берип жакшы эле жашап жатышпайбы, бул жерде бир гана катачылык куйоосуно жакшы тушундуруп чогуу эле чечишип беришсе баары жакшы болмок.
0
kanikey
2012-11-23 14:43:10
yoma сеники вообщее туура эмес, андай кылсан коп жашабайсын билдинби.
0
admin_AGAT
2012-11-23 15:11:11
spinkub, nazarova_89.28, yoma.kg - силерге эскертүү!
Сайтыбызда "сарт" сыяктуу сөздөрдү, кимдир бирөөнү кемсинткен, мазактаган билдирүүлөрдү жазууга тыюу салынат.
0
akbala90
2012-11-24 13:17:15
kachantan beri eerinin oorduna ayaly chechip kalgan? BYt jagynan tuura emes iw jasagan go bul ayal. Erkek kiwi bow bolso ayaly uwundai bolot da..
0
kanatkayrat
2012-11-24 15:53:57
аялы начар адам экен, сабаш керек болчу
0
Beerland
2012-11-25 02:01:49
эх пенделер бири бирибизди алдап кана кун откозот экенбизда.
0
bolsun85
2012-11-25 08:05:11
Байкуш жолдошу кой оозунан чөп албаган кишиго я,андай өзүмчүл келиндерди камчы эле татыктуу.
0
Beka_kg
2012-11-25 20:16:25
охооо-соз жок го
0
koky85
2012-11-26 05:34:42
Куйоосун алдаган аялды жазалоо керек
0
№ 1032, 16-22-сентябрь, 2022-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА