Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СТУДЕНТТИК КҮНДӨРДӨН БИР ЭЛЕС

№524 16-Ноябрь-22-Ноябрь, 2012-ж


Бул адам көбүнчө жатаканада жашоо кечирип, ачка-ток күн өткөрөт. Лекция эле эмес, практикалык сабакта да уктап жатып, сессия учурунда зачёттук китепчесин көтөрө мугалимдин артынан чуркайт. «Кийинки семестрдин биринчи күнүнөн тартып аябай катуу окубасам, карап тур!» деп дайыма өзүнө сөз берет да, убадасына турбайт... Кеп ким жөнүндө баратканын аңдадыңызбы? Албетте, сөз студент тууралуу жүрүүдө. 17-ноябрь – Студенттер күнү. Бул күндү утурлай биз атактууларга кайрылып, кызыктуу окуяларга бай студент кезин чогуу эстедик.

Керим Турапов, КРнын Эл артисти: «АЛТЫ ЖЫЛ БАТИРДЕ ЖАШАП, БАЛА-ЧАКАЛУУ БОЛГОНБУЗ»
– Жашоомдун эң маанилүү бөлүгү – студенттик күндөрүм. Оштогу Музыкалык училищеде окуп жүргөндө эле, 22 жашымда үйлөнүп алгам. Аны аяктаган соң жубайымды алып борбор калаага жөнөдүм. Келип Бүбүсара Бейшеналиева атындагы Искусство институтунун вокал бөлүмүнө экөөбүз тең тапшырдык.
Алты жыл батирде жашап, ал арада балалуу болуп, тилекке каршы, ал чарчап калды. Кийин дагы 1 уул, 1 кыздуу болдук. Балдарды багып, кийим кийип, курсакты тойгузуш керек да. Ата милдетин аткарайын деп студент экениме карабай кароолчу, көчө шыпыргыч болуп иштеп, баарына жетишип жүрдүм. «Адам кыйналган сайын жашоого бышат»деген кептин чындыгы бар. Анткени азыр ойлоп көрсөм, ошондогу оор көз ирмемдер мага дем-күч берип, алдыга койгон максаттарыма жетүүгө чоң түрткү болгон экен.

Чолпон, «Nоn-Stоp»дуэтинин ырчысы:«КОНЦЕРТТЕРГЕ ДА КИТЕП КӨТӨРҮП БАРАМ»
– Бишкек финансы техникумунда окуп жүргөндө ырчы катары тааныла элек болчумун. Ошентсе да иш-чараларга активдүү катышып, алдыңкы студенттердин бири элем. Негизи, жогорку окуу жайларда ырдап-бийлеген таланттуу студенттерге жакшы көңүл бурулат эмеспи, ошонун таасириненби, зачёт, экзамен учурунда мага аябай эле жардамы тийип, көп жерден жеңилдиктер берилчү. Бирок эки колду жайып эле отуруп албай, албетте, тырышып окуп, техникумдун Ардак тактасында сүрөтүм илинип турчу. Анан да кызыл дипломдун ээси болгом.
Азыр Искусство институтунун режиссура факультетинде окуйм. Институтта окууга болгон талап абдан катуу. Андыктан керек болсо концерттерге барганда да жаныма китептерди алып жүрүүгө туура келет.

Динара Сагынбаева, КРнын Саламаттыкты сактоо министри: «ЧӨП ЧАПКАНДЫ ҮЙРӨНГӨМ...»
– 1975-жылы Кыргыз мамлекеттик медициналык институтуна тапшырдым. 1-курсту аяктаарыбыз менен бизди Токтогулдун Тоолук деген айылына чөп чапканга жиберди. Өмүрүмдө чөп чаап, үйдөн алыс кетип көргөн эмес элем. Жеген тамак-ашыбыздын бардыгы эшикте, өзүбүз чатырларда жашадык.
Кийин айылга барып калганда байкап көрсөм, белгиленген жердин чөбүн чаап бүткөндөн кийин чалгыны кайрайт экен. Биз болсо бир ай жүрдүк, бир дагы жолу чалгыны кайрап койгон эмеспиз. Студентпиз да, күчкө толуп тургангабы, ошол эле чалгылар менен бүтүргөнбүз. Жаш кезде бардыгы колуңдан келет экен. Колумдан келбейт дегем, бирок ага деле көндүм.

Жамал Сейдакматова, КРнын Эл артисти: «БӨЛМӨНҮ КЫРААН КАТКЫРЫККА БӨЛӨЧҮМҮН»
– Жаштайымдан актриса болсом деп кыялданчумун. Бирок ата-энем «кыз киши артист болбойт»деп менин бул оюма караманча каршы эле. Ошентип, 1957-жылы Фрунзедиги №5-мектепти артыкчылык менен аяктаган соң Москвадагы Полиграфиялык институттун технологиялык факультетине тапшырып калдым. Окуп жүргөнүм эле болбосо, жан дүйнөм актрисалыкты көксөп, жатсам-турсам оюм театрда. Окуудан чыккандан кийин курсташ кыздар менен спектаклдерге барып жүрүп, Москванын дээрлик бүт театрын кыдырып чыгыптырмын.
Жатаканага келгенде да кыздарга түлкүнүн, мышыктын образына кирип оюн көрсөтүп, бөлмөнү кыраан каткырыкка бөлөчүмүн. Ошондо алар актрисалыкка дилгирлигимди байкап, «Жамал, езжай в свой театр, тебе здесь нечего делать»деп мени колдошкон. Бул сөздөр мага чоң түрткү берип, үйдөгүлөргө калп эле «мен ооруп калдым»деп кат жаздым. Атам акча салган экен ошондо, билет алып, Кыргызстанга баса бердим. Келерим менен Кыргыз драма театрына келип сынак тапшырып, өтүп кеттим. Ошондон тарта актрисалык менен алпурушуп келе жатам.

Тата Улан, этноакын: «МУГАЛИМДИ БИЗДЕН КЕЧИРИМ СУРАТКАМ»
– Москвадагы Щепкин атындагы театралдык окуу жайда билим алып жүргөн кезим. Аталган окуу жайда бий ийрими бар болчу. Орустардын каяктагы бир бийлерин бийлетип эле эсти оодарышчу. Бир күнү окуу жайдын жетекчилиги «кыргыз улуттук бийин даярдагыла, чакан фестиваль болот»деп калды. Анан жигиттер улуттук аспаптарда ойноп, кыздар бийлеп беришти. Фестиваль аяктагандан кийин бизге сабак берген бир мугалим токтотуп алып, «кыргыз балдар жалкоосуңар, кыздарды бийлетип коюп отуруп алдыңар»деп намысыбызга тийип жатпайбы. Мен анын сөзүнө арданып «кечирип коюңуз, кыргыз – баатыр калк. Кыргызга ат үстүнөн түшө калып, кылычын жерге таштап тарталаңдап бийлеген «западло»! Биздин элдин эркеги, үйдүн кожоюну төрдө отуруп кымыз иччү, эт жечү»дедим. Ошондо тиги мугалим бизден кечирим сураган.

Айгерим Расул кызы, ырчы:«СЕССИЯ УЧУРУНДА ГАНА ОКУУ ЖАЙГА БАШ БАГАМ»
– Мен студенттик күндөрдүн күнгөй-тескейин көрүп кыйналган деле жокмун. Сессия учурунда гана окуу жайга баш бакпасам, башка учурда барбайм деле. Себеби ырчы болгондон кийин көбүнчө гастролдордо жүрүүгө туура келет. Студенттер күнүндө аларды да, өзүмдү да куттуктап концерт берген учурлар көбүрөөк болот.

Мирбек Иманбеков, ырчы: «ЖАТАКАНАГА КИРЕ АЛБАЙ СЫРТТА УКТАГАМ»
– Студенттик кез ар бир адамдын жашоосундагы эң бир кызыктуу доор болуш керек. Меники деле кызыктуу окуяларга бай өттү. Жатаканада жашачумун. Бир күнү досторум отурушка чакырганынан барып кайра келсем, саат түнкү бирден ооп калган экен. Жатакана саат 11де эле жабылат да. «Киргизип коюңу-узчу...»деп жалдырасам да вахтёрша киргизбей койсо болобу! Аны да түшүндүм бир чети, сөзүнө турду, ха-ха... Анткени буга чейин дагы эки-үч жолу кечигип келгенде «экинчи кайталанбасын...»деп эскертүү берген эле. Анан айла жок жатакананын алдындагы отургучтардын биринде таңкы 5ке чейин отурдум. Чыдабай кеткенминби, узунумдан түшүп уктап калыптырмын. Ойгонсом таң агарып калган экен, өткөн-кеткендер мени таңыркай карап, курсташтарым жанымда турушуптур. Ыргып туруп эле «саат канча болду?!»десем, «сегиз болду, бас, сабакка кеттик»деп шылдыңдай күлүшөт! Ошондо уялганымдан бөлмөмө кире качканым эч эстен кетпейт.

Ыргал Кадыралиева, ЖКнын депутаты: «31 КЫЗ, 2 ЖИГИТ БОЛУП КЕЧЕ ӨТКӨРГӨНБҮЗ»
– Биринчи студенттик майрамым эле. Оштогу Турбаза спорт клубунда агаларымдын диско-бары бар болчу. Группадагы 31 кыз, 2 жигит болуп ошол жерге барып майрам уюштурмай болдук. Жөн гана дискотека эмес, лотерея менен ар кандай акцияларды уюштурушуптур. Биз билет албай эле «чёрный входдон»кирип кеттик. Көрсө, билетте лотерея бар экен. Догуруна баштадым, «мен дагы лотерея ойнойм» деп. Бир аяш агам алып келип, мага бирөөнү берди.
Лотерея ойнотулуп, утуштар чыга баштады, бирок мага эле чыкпайт! Аябай эрке элем да, Санжар акеме ыйлай баштадым, «мага эмнеге чыкпайт?» деп. Ал «көрсөтчү билетиңди» деди. Бир аздан кийин эле мага «Кока-Кола»чыгып калса болобу! Көрсө, Санжар акем билетимдин номерин жаттап алып, барып айтып койгон экен. Ишенесиңерби, «Кола» чыкканда ушундай бир сүйүндүм, ал чоң ийгиликтей сезилген. Болбосо кичинекей бөтөлкөдөгү эле таттуу ичимдик да, аны бардан бекер эле алмакмын. Анткени агаларымдын бардыгы ошол жерде турушат. Өзүм «Коланы» шампандай чачыратып ачканды билем, ошентип ачып, досторума өнөрүмдү көрсөткөм. Студенттик күндөрүм менин көптөгөн шык, таланттарымды ачкан, мен үчүн өмүрүмдүн эң кызыктуу учуру болду десем жаңылышпайм.

Асел Асанова
Самат Баялы
star@super.kg


Студенттик күндөрдөн бир элес

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(7)
Super TV
17.11.2012. 05:39 
Тайпасы:
Кыймылы жок
Комментарийлердин саны:
34
Катталган:
05-12-2011
Соӊку аракети:
20-09-2016 04:57
Жынысы:
Белгисиз
0
сагындым ошол кундорду
Super TV
17.11.2012. 18:39 
Тайпасы:
Кыймылы жок
Комментарийлердин саны:
14
Катталган:
23-07-2011
Соӊку аракети:
12-10-2014 22:46
Жынысы:
Белгисиз
0
эн сонун кундорум эске келип тушту, тагыдырыма ыраазымын ушундай жагымдуу эн соонун кундорду элестерди, эстеп.
Super TV
18.11.2012. 12:45 
Тайпасы:
Аким
Комментарийлердин саны:
76
Катталган:
15-10-2012
Соӊку аракети:
23-08-2018 15:08
Жынысы:
Белгисиз
Калаасы:
Москва
0
эх,ошол кундор кайтып келсе сагындым студенттик доорду
19.11.2012. 13:42 
Тайпасы:
Кыймылы жок
Комментарийлердин саны:
17
Катталган:
25-05-2010
Соӊку аракети:
21-11-2012 15:55
Жынысы:
Белгисиз
0
Мен да озум студент болгондуктан жогоркулардыкынадй отуп жатат. Ошентсе да мага Керим Турапов, Жамал Сейдакматова жана Мирбек Иманбековтордун окуялары абдан жактыыыыыыыыыыыыыыы
Super TV
19.11.2012. 20:25 
Тайпасы:
Кыймылы жок
Комментарийлердин саны:
12
Катталган:
10-07-2012
Соӊку аракети:
10-01-2015 04:45
Жынысы:
Белгисиз
Калаасы:
Muenchen,Germany
0
Ehhh,studenttik kundorumo ech kaisy kundorumdu tenebeim, uwul kundorum ech kachan tugonboshun kaalait elem...
Super TV
21.11.2012. 03:59 
Тайпасы:
Жаран
Комментарийлердин саны:
23
Катталган:
07-10-2010
Соӊку аракети:
14-12-2016 00:22
Жынысы:
Белгисиз
Калаасы:
москва
0
Барыбир илгерки культура адамдарынын суйлогон создору орду менен жана жеткиликтуу. Жамал Сейдакматованын окуясы эн кызыктуу экен.
23.11.2012. 18:21 
Тайпасы:
Тартип бузгандар
Комментарийлердин саны:
153
Катталган:
21-11-2012
Соӊку аракети:
03-01-2018 12:17
Жынысы:
Белгисиз
Калаасы:
разницы нет
0
мен да как раз студент кезимди эстеп аткан кунум биз да ата энелерибиздей ата журтка салымыбызды кошкон жакшы кадрлардан болсок экен дейм
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: