Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖОЛ ЭРЕЖЕСИНДЕГИ ӨЗГӨРҮҮЛӨРДӨН КАБАРЫҢЫЗ БАРБЫ?

№341 15-21-май, 2009-ж.


Жол кырсыктарын азайтуу максатында Кыргыз Республикасынын «Жол кыймылы боюнча эрежелерине» Өкмөттүн 2009-жылдын 3-мартындагы Токтомунун негизинде өзгөрүүлөр жана толуктоолор киргизилген. Айдоочу окурмандарыбыздын суроолору боюнча ал эрежелерди кыскартып берүүнү чечтик. Бул эрежелер үстүбүздөгү жылдын 1-июнунан баштап ишке кирет.


Өзгөргөн жол эрежеси боюнча айдоочулар штаттан тышкаркы ми­лиция кызматкерлерине жана дру­жи­начыларга сөзсүз түрдө токтоп, тек­шерүүгө документтерин берүүсү шарт эмес (“Жол кыймылы боюнча эрежелердин” 2.1.1- пункту).


Арзыбаган материалдык зыян кел­тирген жол кырсыгы бол­гон учурда чыгым төлөп берүү боюнча айдоочулар өз ара сүйлөшүп алууга болот. Бирок жол кырсыгы сөзсүз түрдө каттоодон өтүшү керек (2.7-9.3).


“Айдоочуга тыюу салынат” пунк­туна да толуктоолор кир­гизилген. Ай­доочуларга тө­мөнкү учурларда тыюу салынат:
– МАИ кызматынын машина­ла­рынын коштоосу жок туруп башаламан колоннада жарык күйгүзүп, авариялык жарыкты, жарык берүүчү приборлорду жандырып, сигналды кечке жаңыртып жүрүүгө;
– Жол кырсыгы болгон соң тиеше­лүү текшерүү бүткөнчө ал­коголдук ичимдиктерди ичүүгө, баңгизаттарын жана адамдын пси­хикасына таасирин тийгизүүчү заттарды колдонууга;
– Эмгек жана өргүү тартибин бу­зуу менен унааларды айдоого тыюу салынат. Эл аралык ташууларда бул маселе боюнча бекитилген эл аралык келишимдерди сактоо керек;
– Рулда баратканда атайын кол­донууга ылайыкталган техникалык жабдыгы жок туруп уюлдук теле­фон­ду колдонууга;
– Токтоп турган машинанын жол кыймылы жүрүп жаткан жактагы эшиктерин ачык таштаганга.


Кызыл жана көк түстө маяк берилип, колонна менен жүрүп ба­раткан машиналардан озуп өтүүгө болбойт ( 3.3, 11.5).


Жаркырак, сары, кызгылт-са­ры түстөгү маяктарды оор жүк, бат жарылуучу, бат күйүп кетүүчү, ра­диоактивдүү, уулуу заттарды та­шуучу унааларды коштоп жүрүүчү транс­порттор гана колдоно алышат. Анда да Ички иш­тер бөлүмдөрүнүн уруксаты менен.


Жүргүнчүлөрдүн милдетте­рине да толуктоолор киргизилди. Жүр­гүнчүлөргө төмөнкү учур­лар­да тыюу салынат (5.3-пункт):
– Караңгыда милиция кыз­мат­кери унааны токтоткон учурда машина­дан түшүп, анын кыймыл-аракетине каршы чыгып, жумушуна тоскоол кылууга;
– Автоунаада коопсуздук курун такпай коюуга;
– Мототранспортто тиешелүү баш кийимсиз жүрүүгө.


Балдарды автоунаада алып ба­ратып аларды түшүрүүдө жана салууда жарык берүүчү авариялык сигнал күйүп турушу керек (7.1).


Белгиленген үч чийини бар эки тараптуу жолдо айдоочуга машина айдап баратып сол та­раптагы акыркы чийинге же сол та­раптан берки четке чыгууга тыюу салынат (9.3).


Эки тараптуу жолду бөлүп туруучу сызыкча же атайын белгилер жок учурда айдоочу кый­мылдуу жолдун ортосундагы тос­коол­дукту оң жагынан айланып өтүүсү керек.


Көчөлөрдөгү коопсуздук арал­ча­ларына иш үстүндөгү ИИБ жа­на атайын кызматтардын кыз­маткерлеринин машиналарынан баш­ка автоунааларды токтотууга тыюу салынат.


Автоунааларды көчөлөргө ток­тотуу эрежелери бузулган учурда ток­тотулган машинанын ээси жок болсо, унаа атайын кара­жаттарды колдонуу аркылуу эва­куа­цияланат.


Көчөлөрдүн кесилишинен сол­го бурулууда кесилиштин борбору унаанын сол жагында калыш ке­рек (13.3.).


Жолдо эки жана андан көп чи­йин болсо, бетме-бет келе жаткан ав­тоу­наалардын бир ба­гытка бир учурда бурулуусуна уруксат берилет (13.4).


Түрдүү белгилери бар ке­си­лишке бир учурда келген унаа­лардын ичинен биринчи бурула турган айдоочу кал­гандарына жарык сигналын берип, бурула тургандыгын билдирүүсү керек (13.10).


Эл жашаган аймакта авто­унаа­нын ылдамдыгы 10 чакырым/сааттан (мурда 20 чакырым/саат болчу) аш­пашы керек ( 17.2).


Күндүз эл жашабаган ай­мак­тарда айдоочулар авто­унаа­нын жакынкы жарыгын жан­ды­рып айдоосу керек (19.10).


Айдаганды үйрөтүү үчүн пай­да­ланылган машиналарда тор­моздун, кошуунун (сцепление) пе­далдары инструктор отуруучу орунга да дубликатталып жасалышы керек. Ошондой эле арт жакты көрсөтүүчү күзгү сөзсүз болушу зарыл.


Айдаганды үйрөнүп жат­кан­дар окутуучу мекеменин унаалары менен уруксат берилген аймакта гана жүрө алышат (21.7).


Буйрук берүүчү жол бел­ги­лерине түшүнүк берилди.


Өзгөрүүлөрдүн катарында жа­ңы жол белгиси киргизилди. Ал “жасалма өңгүл-дөңгүл” деп аталат. Бул белги айрым аймактарда автоунаалардын ылдамдыгын ата­йын азайтуу мак­сатын көздөйт. Ант­кени ал мектеп, бала бакчалардын ай­ла­на­сындагы көчөлөргө коюлат.


Автоунааларды эксплуа­та­ция­лоого төмөнкү өзгөрүүлөр кир­ги­зилди:
– Сары жана кызгылт-сары өңдөгү жаркырактар көлөмү чоң, оор сал­мактуу, уулуу, радиоактивдүү, бат кү­йүп кетүүчү заттарды ташуучу, жол оң­доочу унааларга гана коюлат.
– Автоунаага жаркырак маяк ор­нотуу уруксаты ИИМ тарабынан берилет. Ошондой эле бул уруксат унаанын каттоо документтерине тир­келиши керек.
– Атайын сигнал, жарык маяктары орнотулган автоунааны колдонууга берүү КРнын Өкмөтү тарабынан аныкталган тартипке ылайык жүр­гүзүлөт.


– Атайын кызматтардын автоу­наа­сына оперативдик номерлерди тагуу ИИМ тарабынан аныкталат.
– Автоунаага ар кандай жар­на­маларды, сүрөттөрдү, жазууларды, белгилерди чаптоо жана унаанын за­воддон чыккан өңүн өзгөртүү үчүн МАИден уруксат алуу керек.
– Автоунааларга туманга каршы фараларды экиден ашык орнотууга тыюу салынат.
– Жалпы эл колдонуучу автоу­нааларды аскердик өңгө (камуфляж) сырдоого тыюу салынат.
– Жолдорго, көчөлөрдүн ке­си­лиш­терине, темир жол өткөөлдөрүнө жол кырсыктарын, эреже бузууларды тартып калуу үчүн видео жана фото тартуучу каражаттар орнотулушу мүмкүн.
– Айдоочу мас абалында кармалган учурда анын абалын расмий түрдө далилдөө үчүн тиешелүү аппараттар колдонулат.


Автоунааны колдонууда тыюу салынуучу эрежелерге да то­лук­тоолор киргизилди. Алсак:
– Автоунаанын бир сайына ар түрдүү өлчөмдөгү, үлгүдөгү, конс­трукциядагы, ар түрдүү сүрөттүү дөң­гөлөктөрдү орнотууга болбойт.
– Картериндеги вентиляция сис­темасы бузук автоунааны айдоого болбойт.
– Автоунаанын алдыңкы жана капталындагы айнектерин караң­гы­латууга, эшиктерге жана арткы ай­нектерге күзгү каптоолорду орнотууга тыюу салынат.


Бахияна Сатылганова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: