Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КРнын Маданият жана туризм министри Ибрагим Жунусов: «КОШУНАНЫН НИКЕ ШАКЕГИН БИР КҮНГӨ АЛЫП ҮЙЛӨНГӨНБҮЗ»

№526 30-Ноябрь-6-Декабрь, 2012-ж


Министрдин иш бөлмөсү. Маңдайымда 30 жылдык үй-бүлөлүк тарыхы бар, ынтымактуу, үлгүлүү жубайлар. Бири-бирине болгон сый-урматы, жагымдуу, жумшак мамилеси жана жүрөктөрүнүн түпкүрүндөгү сүйүү менен ыраазычылык сезимдери сырттан байкалып тургансыйт. Ырчы, обончу, Маданият жана туризм министри Ибрагим Жунусов жубайы Чынара Сатыбалдиева менен «Жан шерик» рубрикабыздын бүгүнкү коноктору.

– Бүгүн сиздер менен жалаң гана үй-бүлө жаатында сүйлөшсөк деп турам. Кепти үй-бүлө курган алгачкы күндөн баштасак.
Ибрагим Жунусов: – Үй-бүлө жолуна аттанган учурда менин жакшы эле популярдуу болуп турган учурум эле. «Алтын апа», «Чынара», «Сүйүү баяны», «Сүйүү ишеними» деген ырларым элге сиңип калган кез. Бирок анда үйлөнүүгө даяр эмес элем. Төрт бир туугандын үчөө студент, жалгыз гана апам мугалим болуп иштеп акча табат. Үйүм жок, иштеген ишим жок. Өзүм үчүнчү, Чынара болсо экинчи курста окуйт. Алгачкы 4 жылда батирлеп жашап жүрдүк. Нанга акчабыз жок, ачка калган күндөрүбүз болгон. Азыр аны балдарыбызга айтсак, таң калышат.

– Чынара эже, турмушка чыгып жатканда ушундай кыйынчылыктардын болорун күттүңүз беле?
– Биз Ибрагим экөөбүз бир тойдо таанышып калганбыз. Ал жөн гана «мимолётный» таанышуу болчу. Бирок андан көп өтпөй ошол ырчы жигит жөнүндө жакшы пикирлерди, мактоолорду уга баштадым. Экөөбүз бир окуу жайда окучубуз, кийин дагы бир ирет жолугушуп калдык. Жылдызыбыз келишип, 2 жыл сүйлөшүп жүрдүк. Мен жашаган жатаканага каттай берип тажаганынан кийин бөлмө алып көчүп келип алган. Ошентип жүрүп баш кошконбуз.
И.Ж.: – Ал кезде жатаканадагы балдар менен Чынараны талашып далай жолу мушташтым. Сыртынан жактырып жүргөндөр келип «экинчи биздин жатаканага келбегин» дешет, «эмнеге келбешим керек?» деп мен чыгам. Айтор, биздин сүйлөшүп жүргөнүбүздү элдин баары билчү. Кээде бизди көргөндө студенттер бөлмөлөрүндө «Чынара» деген ырымды жаңыртып, үнүн катуу чыгарып бизди карап калышар эле.
Ч.С.: – Кыскасы, кимге, кандай үй-бүлөгө чыгып жатканымды алдын ала жакшы эле билгем. Турмуштун сыноолоруна деле даяр болчумун.
И.Ж.: – Чындыгында, биздин үй-бүлөгө караганда Чынаранын ата-энеси ал кезде жакшы турушчу. Мен апамдан, Чынара дагы ата-энесинен 2-3 айча жардам алып турдук. Анан уялат экенсиң да. Үй-бүлө болгон соң өзүм багышым керек деп аракет кыласың. Апамдын менден башка Бишкекте дагы эки студент баласы бар дегендей.
Кандай гана жумуштарда иштебедим? Жаңы үйлөнгөн кезде бир өзбектин үйүндө батирде турчубуз. Акысын төлөчү күндү бир аптага жылдырып беришин өтүнүп үйүндөгү бүт жумушун аткарчубуз. Короосун шыпырып, таштандыларын тазалап дегендей. Вагондордон көмүр түшүрүп иштечүмүн. Ал маалда тойлордо ырчыларга акча беришчү эмес. Тойго чакырат, барып ырдайсың, акырында кадимки чүпүрөк түйүнчөккө нан-пан түйүп колуңа карматып узатып коёт. Ошого сүйүнүп жөнөйсүң.
Анан да анда элге бөтөлкө сатуу уят иш болчу. Мен ага карабай үйдөгү болгон бөтөлкөлөрдү кыя өтчү эмесмин. Ошол жерге отура калып, ичин жууп-тазалап, алпарып сатып, андан алган 10 тыйынга жарым бөлкө нан алчумун. Ал кезде Оштогу ашканаларда жарым порциялап тамак сатылчу эмес. Бир порцияны 50 тыйынга сатып алып Чынара экөөбүз бөлүп жеп алчубуз. Жарытып жакшы, жарашыктуу кийим деле кийчү эмеспиз. Анан кыздуу болуп калдык. Андан бетер кыйналдык. Балалуу үй-бүлөгө батир да табылбайт экен. Айтор, биз көп кыйынчылыктарды баштан өткөрдүк. Буюрса, азыр эми анын баарын жеңдик деп ойлойм.

– Чынара эже, Ибрагим агайдын бул кептеринен кийин мындай кыйынчылыкты жеңүү сизге канчалык оор болгонун уга кетпесек болбос.
– Чындыгында эле абдан оор болгон. Бирок адам баласы кандай гана кыйынчылыкка туш келбесин, баары бир моюн сунууга аргасыз экен да. Ибрагим жакшы жашоого умтулуп, колунан келгенинин баарын кылды. Үй-бүлө багам деп көмүр жүктөп, бөтөлкө сатканга чейин барды. Аны көрүп туруп эмне демек элем? Ыраазы гана болосуң. Ошол кезде эле экөөбүздүн «али алдыда бийиктиктерди багынтабыз» деген тилектерибиз бар болчу.

– Ошол күндөрдү эстеп, балдарыңыздарга сабак катары айтып турасыздарбы?
И.Ж.: – Ооба, кээде урушуп калабыз, «силер биз көргөн күндү көргөн жоксуңар да» деп. Бирок кайра артынан «ошондой кыйынчылык күндөрдү балдарым көрбөсө экен» деп тиленесиң.

– Чынара эже, жолдошуңуз бир кезде популярдуу ырчы болду. Ырчылардын күйөрмандары көп болчу эле...
– Ооба, күйөрмандары болду. Аша чаап, үй-бүлө ынтымагына доо кетиргени болгон жок. Ошонусуна кубанам. Эл адамы болуп, популярдуулугу артып турганда ушак кептер да ээрчийт экен. Андайда мага Ибрагим жөнүндө ушак айтып келген адамдын өзүн кайра башка ойго салып узатып койчумун. Ушак сөзгө караганда жолдошума болгон ишенимим бийигирээк болду. Азыр деле интернеттеги сын-пикирлер, ушак кептерди угуп калам, андайга маани деле бербейм.
И.Ж.:«Сен жөнүндө эл арасында сөз болсо, сен популярдуусуң, а сөз болбосо, анда сени эч ким тааныбайт» деген сөз бар эмеспи. Сөз боло берет экен.

– Үй-бүлөдө кызгануу сезимдери кимиңиздерде күчтүүрөөк?
И.Ж.: – Жаш кезде мен кызганчаак элем, кийинчерээк Чынара кызганчаагыраак болуп калды окшойт (күлүп).
Ч.С.: – Жаш кезде Ибрагим аябай кызганчаак болчу. Ар бир кадамымды көзөмөлдөп турар эле. «Жумуштан саат баланчада чыксаң, мынчада үйгө келесиң» деп. Айтылган убакыттан 10 мүнөт кечигип калсаң, «кайда жүрдүң?» деп ошол үчүн деле уруша кетчүбүз. Азыр мен үйдө отургандыктан, «кайда бардың, качан келесиң?» деп сурайм да. Антип сурап калсам эле Ибрагим «кызганып жатасың» деп калат. Ишинин көптүгүн жакшы түшүнөм, андыктан көп деле кызгана бербейм. Кызганбайм го деп эле ойлойм.

– Үй-бүлөдө анда-санда боло турчу пикир келишпестиктерди кантип жеңесиздер?
И.Ж.: – Андайда абалга жараша бирөөбүзгө артка кадам таштаганга туура келет. Кээде мен, кээде Чынара. Бири-бирибиздин пикирибизди угуп, токтоолук, түшүнүүчүлүк менен кандай гана маселе болбосун жеңүүгө болот. Мисалы, бизде балдарга болгон мамиле, таалим-тарбия жаатында деле пикир келишпестиктер болуп кетчү. Бир нерсеге ачууланып катуу айтып койсоң, жубайың чыгат, «катуу айттың, абайлап, акырын деле түшүндүрсөң болмок» деп. Анан унчукпай койсоң дагы чыгат да, «айтсаң боло балага» депчи. Кыскасы, үй-бүлө болгон соң андай-мындай болуп турат.

– Чынара эже, жолдошуңуздан кандай белектерди алып турасыз?
– Мурда салт катары жыл сайын туулган күнүмдө алтын зер буюм белек кылчу. Азыр белек берүүгө шылтоо болуп калса, «эмне алып берейин?» деп алдын ала өзүмдөн сурайт. Көбүнчө үйгө керектүү буюмдардан алдыртам. Айтпай туруп сюрприз кыла элек (күлүп). Бирок бул романтик, а мен реалистмин.

– Атактуунун жубайы болуу сиз үчүн...
– Башында абдан эле оор болду. Качан да болсо Ибрагимдин көлөкөсүндө болдум. Бир жакка барсам, элдин мага болгон мамилеси жөн эле Чынарага эмес, Ибрагимдин жубайына. Андай мага жакпай, жеке адам катары көрүнгүм келчү. Ал үчүн менде деле мүмкүнчүлүк менен потенциал бар болчу. Бирок акыры үй-бүлө, бала-чака деп жүрүп Ибрагим Жунусовдун жубайы болуп кала берүүгө көндүм окшойт (күлүп).

– Экөөңүздөрдүн тең эсиңиздерде түбөлүккө калган бактылуу күн?
Ч.С.: – Үйлөнгөн күнүбүздү, ар бир балабыздын төрөлгөн күнүн айтат элем. Анан, албетте, балдарыбыз аман-соо, ден соолугубуз чың, төрт көзүбүз түгөл дегендей, ар бир эле күнүбүз бактылуу.
И.Ж.: – Ооба, экөөбүздүн баш кошконубуз бактылуу жашоонун башталышы болду да. Үлпөт тоюбузда да кызыктуу бир окуя болгон. Башта айтып кетпедимби, студент болгондуктан, материалдык жактан кыйналып турган күндөр. Никеге туруу үчүн ЗАГСка барууга нике шакегибиз жок. Алалы десек акча тартыш. Анан кошуналарыбыздын шакектерин бир күнгө сурап алып тагынганбыз. Колдорубузга чоң болгондуктан, аны Чынара жоготуп алып, кийин төлөп кутулганыбыз эстен кетпейт.
Окууга тапшырардан мурун бир жыл көчө шыпырып иштедим, мени «ушинтип калдың» деп мазактап күлгөн классташтарым болгон. «Болгон тагдырыбыз, жашообуз ушул беле?» деп апамдын ыйлап отурган күндөрү эсимде. Мени «үстүндөгү кийиминен башка эч нерсеси жок» деп чанган кыздар болгон. Бирок ал кезде эле көкүрөгүмдө тилегим, максатым бар болчу. Ошого үмүт артып жашаар элем. Кийимим бүтүн, үстүмдө үйүм бар, тамагым жетиштүү жашап калганыма 10-15 жылдын гана жүзү болду. Эми мени сындагандар мен асмандан түшө калгандай сөз айтышат. А чындыгында, көп кыйынчылыктын артында гана мен ушул күнгө жетип отурам.

Чолпон Сүйүнбаева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(13)
03.12.2012. 09:29 
Тайпасы:
Жаран
Комментарийлердин саны:
9
Катталган:
17-05-2011
Соӊку аракети:
30-06-2018 10:12
Жынысы:
Белгисиз
Калаасы:
osh
0
Ибрагим акага ийгилик жана уй булосу менен ар дайым бирге бактылуу болушун гана каалайм
03.12.2012. 11:39 
Тайпасы:
Кыймылы жок
Комментарийлердин саны:
44
Катталган:
11-10-2011
Соӊку аракети:
18-10-2016 14:22
Жынысы:
Белгисиз
+2
Ибрагим байкеге ийгилик каалагандан башка соз жок, Саясатка аралашып бара жатасыз, талантыныз менен жеткен атынызга сасыган саясат колокосун тушурбосун деп калоо айтмакчымын
03.12.2012. 16:41 
Тайпасы:
Жаран
Комментарийлердин саны:
50
Катталган:
17-05-2012
Соӊку аракети:
07-08-2018 11:55
Жынысы:
Белгисиз
Калаасы:
каракоо
+2
ибрагим байке откон кундорду унутуп калган адамдай сезилесиз,Караколго иш сапары менен келгенде бюджет жакшы эле чабылды сизге тамак,эс алуунузду уюштуруш учун.Одноразовый чай ичпейм мага чамасы чыгып тургандай кылып чай куйгула деп экиленгенизди уккандачы кыжыр кайнаган.Маданиятты которуш учун эмне салым коштунуз,унунуз деле укмуш эмес,азыр маданият керек болсо в плачевном состоянии,Караколго келип энени бутурдунуз,везде бухгалтерияда бардакартисттердин костюмдарын айтпай эле коеюн!!!!!!!!!!!!!
05.12.2012. 14:44 
Тайпасы:
Тартип бузгандар
Комментарийлердин саны:
153
Катталган:
21-11-2012
Соӊку аракети:
03-01-2018 12:17
Жынысы:
Белгисиз
Калаасы:
разницы нет
0
istina, причем тут чай!!!??? караколго башка министерстводон эч ким барбайбы ? жазса болот экен деп жаза бербе !!!
03.12.2012. 18:23 
Тайпасы:
Жаран
Комментарийлердин саны:
5
Катталган:
18-11-2011
Соӊку аракети:
22-12-2016 12:35
Жынысы:
Белгисиз
Калаасы:
ростов-на-дону
+1
Саргара жортсон кызарта бортосун болуп кылган эмгегиниздин убайын жакшылап коро берин.Эми саясаттан да бир майнап чыгарайын деп аракеттенип жатасыз го.Кантсе да элиниз учун эмгектене бериниз.
03.12.2012. 21:30 
Тайпасы:
Жаран
Комментарийлердин саны:
3
Катталган:
22-11-2012
Соӊку аракети:
28-08-2018 23:44
Жынысы:
Белгисиз
+1
Рысбек м.н Баямандай 5 эле адам бийлике келсе, Кыргызстан 5 жылда Турциядан ашып тушмок!!! А булар кимдер??? Тен тени м.н,тезек кабы менен. Ырчы болгондон кийин,экинчи уйу сахна болуш керек,а не ЖК.
04.12.2012. 03:42 
Тайпасы:
Тартип бузгандар
Комментарийлердин саны:
65
Катталган:
25-03-2011
Соӊку аракети:
15-02-2013 09:11
Жынысы:
Белгисиз
0
BLATNOI, Эмне Турция кыйратып жашап атыптырбы?Турцияда жашоо Кыргызстандан 2эсе оор.Кыргызстан бейиш!Андан коро пайдалуу нерсе кылалы!
04.12.2012. 11:45 
Тайпасы:
Кыймылы жок
Комментарийлердин саны:
60
Катталган:
25-11-2012
Соӊку аракети:
13-01-2014 17:18
Жынысы:
Белгисиз
0
жашоонордун мурда ыйлатарлык болсо, эми жыргатаарлык болуп жатасынар бейм!!! Саясаттын сасык жолуна тушуп ЖКга барганча, КРдин эл артистин алып тынч жашай берсениз болмок. Сиз келип туризимибиз кыйрап аткан жок. Кыргызстан туризм мн онугот дейсинер кана?! Казакстандын маданияты мн биздикин коргондо ыйлагын келет. Маданият мн туризимге чыпалактайда салым кошуп кетсениз баракелде дейт элек!
04.12.2012. 14:40 
Тайпасы:
Кыймылы жок
Комментарийлердин саны:
9
Катталган:
27-06-2012
Соӊку аракети:
07-02-2014 11:44
Жынысы:
Белгисиз
+2
бактылуу болунуздар!
05.12.2012. 04:12 
Тайпасы:
Жаран
Комментарийлердин саны:
202
Катталган:
06-03-2012
Соӊку аракети:
12-09-2018 19:20
Жынысы:
Белгисиз
Калаасы:
Эски шаар
+3
Аялы абдан акылдуу аял деп уккам ал эми озу сахнаны да,ЖКны да кыйратканын коро элекмин.Мумкун эми коруп калаарбыз?
10.12.2012. 14:17 
Тайпасы:
Жаран
Комментарийлердин саны:
14
Катталган:
23-08-2012
Соӊку аракети:
19-07-2018 19:20
Жынысы:
Белгисиз
0
Эй тоаа адамдар силерге эмне дейм да, ар ким озуну билип жашай бербейби асылбай эле, унчукпайле окуп коё бербейсинерби,Аллахым жалпбыздын журогубузго ыйман берсин.коро албас ушакчылардан өзүң сакта.
15.12.2012. 18:19 
Тайпасы:
Кыймылы жок
Комментарийлердин саны:
45
Катталган:
09-01-2012
Соӊку аракети:
16-10-2015 17:15
Жынысы:
Белгисиз
-1
Видеосун киргизиниздерчи Супер-Инфо сураныч
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: