Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Малик Борбашев: «БАЛДАРЫМ ЖОЛУМДУ ЖОЛДОЙТ ДЕП ИШЕНЕМ»

№342 22-29-май, 2009-ж.


Малик Борбашев... Бул ысым кезинде кыргыз спортунун сыймыгы эле. Кол кабын мыкка илип койгонуна 8 жылдан ашса да, анын укмуштуу жеңиштери күйөрмандарынын эсинде бүгүн да сакталуу. Андыктан конокко кикбокс боюнча багынтпаган чокулары калбаган, “Гермес-профинин” эң “жёсткий” экс-өкүлү, айтылуу Малик Борбашевди чакырдык. Маликтин спорттогу алгачкы кадамдары, карьерасындагы урунттуу учурлары, азыр эмне менен алектенип жаткандыгы тууралуу маалымат төмөндө.

– Спортчу болушуңуз каныңызданбы же?..
– Бала чагымдан эле чоң аталарымдын балбан болгондорун угуп, сыймыктанчумун. Ал мезгилде көчмөн жашоодо жылкы тийүү деген адат болгон эмеспи. Эгер уурдалган малдын дайыны билинсе, эки тараптын балбандары ортого чыгып күрөшчү экен. Кууп келген элдин өкүлү жеңишке жетишсе, жылкыларын кайтарып алчу. Менин чоң атам да кезинде казак туугандардын 9 балбанын жеңип, уурдалган малды кайтарып алыптыр. Андыктан спортко болгон шык каныбызда бар десем жаңылышпайм.
– Чоң спортко кантип аралашып калды­ңыз эле?
– Аскерден келгенден кийин Токмокто зер, асем буюмдарын сатып иштеп жүрдүм. Досторумдун сунушу менен ушу-саньда боюнча Бишкектин ачык чемпиондугуна катыштым. Бул эл аралык ири мелдеште чемпион аталдым. Анан мени Александр Хусаинович менен тааныштырышты. Ал мени жактырып, «Гермес-профиге» чакырды. Ошентип, чоң спортко кадам таштадым.
– Акыркы мезгилде ата мекендик кикбоксчулар сиздердин убактагыдай жеңиштер менен мактана алышпайт. Мунун себеби эмнеде деп ойлойсуз?
– Балким, бул каржылоого байланыштуу, мүмкүн, мыкты машыктыруучу жетишпейт. Мен бир нерсени баса белгилеп кетким келип турат. Анда биздин жеңүүчүлүк духубуз күчтүү болчу. Чет өлкөгө мелдештерге баратканда ар бирибиздин баштыгыбызда туубуз боло турган. Мелдештин алдында атаандаштарыбыздын өз ара: “Сенин жолуң болбой калды. Кыргыз менен мушташат экенсиң”,- деген сөздөрүн угуп калчубуз. Ушулар эле көп нерседен кабар берип турбайбы.
– Сиздин карьераңызда эле эмес, чоң спорттогу сейрек кездешүүчү ошол кайгылуу окуя тууралуу сурабасам болбос. Сиз менен болгон беттештен кийин Ридон Бугаре аттуу спортчу каза тапкан. Ал тууралуу өзүңүздөн уксак...
– Ошондо Лос-Анжелесте ири мелдештердин сериясы башталган. Профессионалдар арасында 75 килограмм салмакта Дүйнө чемпиондугу үчүн франциялык Ридон Бугаре (теги марокколук) менен мушташарым белгилүү болгон. Беттештин алдында Александр Хусаиновичке: “Ал менин кумирим. 1995-жылы Киевде өткөн Дүйнө чемпиондугунда ага аябай суктангам”,- десем: “Анда аны менен мушташууга даярсыңбы?”- деди. Буга: “Эгер жеңилип калсам өкүнбөйм. Аны менен мушташкандын өзү эле мен үчүн көп нерсени билдирет”,- деп жооп бергеним эсимде.
Биринчи беттеште жеңилип, экинчи жолу 4-раундда нокаут менен жеңип алгам. Натыйжада, чечүүчү беттеш тууралуу сүйлөшүүлөр башталды. Лос-Анжелестеги ошондогу экөөбүздүн тирешүүбүз былчылдашкан беттештерден болгон. Ага атактуу, таанымал адамдар күбө болушуп, эң көп кол чабуулар да биздин беттешке арналган.
Ошентип, чечүүчү беттештин 11-раундунда калыс менин анык үстөмдүгүмдү эске алып, мушташты токтотууга аргасыз болгон. Атаандашым беттештен кийин чечинүүчү жайдан эсин жоготуп, ошол бойдон өзүнө келбей каза болуптур. Сотмедэкспертиза көрсөткөндөй, ага мелдештен мурда жаракатына байланыштуу бир нече айга мушташууга тыюу салынган экен. Ал жаңы үйлөнүп, акча керек болгондуктан, рингге чыгууга аргасыз болуптур. Ошол мелдештен кийин дүйнөдөгү эң таанымал адамдардын бири болуп калганымды айтпасам да түшүнүктүү. Ал жагынан батыштын ММКкаларына кеп жок эмеспи.
– Ошол окуядан кийин Америкага кайра барган жоксузбу?
– Кийинчерээк Ридон Бугаренин урматына атайын мелдеш уюштурулду. Ал 1998-жылдын 24-мартына белгиленип, уюштуруучулар бизди да чакырышты. Албетте, биз Бугаренин жаркын элесине урматыбызды билдирип сапар алдык. Ал жакка баргандан кийин америкалык тараптын коопсуздук кызматкерлери менин жана командалаштарымдын өмүрүнө коркунуч туулуп жаткандыгын кабарлашты. Алар Бугаренин биртуугандары өч алмакчы болуп жаткандыгын айтышты.
Айтор, күчөтүлгөн тартип сакчылары менен эки күн жүргөндөн кийин Александр Хусаинович тиешелүү адамдарды таап, Бугаренин биртуугандары менен жолугушмакчы болдук. Башында алар бизди агрессивдүү тосуп алышканы менен, кийинчерээк сүйлөшө башташты. Биз көңүл айттык. Акыры өз ара түшүнүштүк. Мелдеш болуп жаткан сарайга биртуугандары менен чогуу киргенибиз эле маанилүү окуя болду. Спортто да адамдык мамилелер жогору турат эмеспи.
– Карьераңыздагы эң оор өткөн беттеш деп кайсы мушташты эсептейсиз?
– Негизи, андай беттештер көп болгон. Ошентсе да таиланддык мушкерге каршы чыгып, «Дүйнө чемпиону» наамымды коргогон беттешимди бөлүп көрсөтөм. Ошондо сол тиземен жаракат алып, операция жасатыш керек болсо да, мушташууга туура келген. Беттеш 12 раундга созулуп, жеңип чыгып, чемпиондук наамымды коргоп калгам.
– Кепти жеке жашооңузга бурсак. Жан шеригиңизди кантип тапкансыз?
– Келинчегим Индира менен бир айылдан болобуз, бир класста окуганбыз. Аны 6-класстан бери жакшы билем. Таанышкандан бери ушул күнгө чейин жыл сайын жазында өзүбүздүн тоо боорунда ачылган гүлдөрдү терип берем. Башында дос катары сүйлөшүп жүрдүк. Мен окууга спорт интернатына кетип, аскерде экенимде да мамилебиз үзүлгөн жок. Анан 21 жашымда үйлөнүү сунушун киргизип, экөөбүз үйлөнүп алдык. Индира – менин жашоомдогу жан шеригим, башкы колдоочум. Башкысы, балдарымдын энеси.
– Балдарыңыздын ичинен спортчу болом дегендери барбы?
– Экөөбүздүн тарбиялап жаткан 3 уулубуз бар. Улуусу Хан-Теңир – 15, Эльбрус – 13 жана Аль-Халик 11 жашта. Эми азыр алар жаш. Келечекте ким болорун өзүлөрү чечишет.
Ошентсе да балдарымдын жок дегенде бирөөсү менин жолумду жолдооруна ишенем.Өзгөчө кенжелеринен күтөм.
Учурда кайсы чөйрөдөсүз?
– Учурда өзүм бала чагымдан көнүп чоңойгон, көңүлүмө жаккан иш менен алекмин. Токмокто турганыбыз менен, айылда мал кармап, жер иштетип дегендей. Жакында 2 гектар жерге күн карама эккен элем, чыгып калды. Мындан тышкары, 1 гектар жерде алма жана 1 гектарда жүзүм багым бар. Негизи, спортко чейин дыйканчылык менен алектенип баштагам. Кийинчерээк экөөнү айкалыштырып жүрдүм.
Жакында борборго жумуш боюнча Спорт агенттигине барып келдим. Азыр Чүй райондук спорт бөлүмүнө документтеримди тапшырдым.
Мына ушундай, окурман. Кезинде кыргыздын туусун желбиретип, гимнин Азия эле эмес, Европа менен Американын элин тик тургузуп, урматтатып жүргөн спортчу учурда карапайым күн кечирип, колуна кетмен алып, дыйканчылык менен алектенет.

Жеке анкетасы

Туулган жылы – 1972-жыл, 12-май
Туулган жери – Чүй районуна караштуу Совет айылы
Бою – 182 сантиметр
Салмагы – 75 килограмм
Лакап аты – Малыш
Спорттогу жетишкендиктери –
Кикбокстун эркин мушташ түрү боюнча Дүйнөнүн 2 жолку жана профессионалдар арасында
Евразиянын 2 жолку чемпиону (1996, 1997-жылдар)
Үйбүлөлүк абалы – Үйбүлөлүү,
3 уулдун атасы
Билими – Токмоктогу Айыл
чарба академиясынын экономика бөлүмүн бүтүргөн
Жашаган жери – Токмок шары

Кызыктуу фактылар

Бокс сүйүү­чүлөр арасында 1995-жылы казакстандык Эрмахан Ибраевди жеңип алган. Кийинчерээк казак спортчусу Олимпиадада чемпион аталган.

Иниси Кенжебек Борбашев да убагында “Гермес-профиде” машыгып жүргөнүн баары эле биле бербейт. Ал агасы менен Канат Сыдыгалиевдин көлөкөсүндө калып кеткен. Ошентсе да 2001-жылы Дүйнө чемпиондугунда коло медалга ээ болуп, «Эл аралык класстагы спорт чебери» наамына ээ болгон.

Малыш деген лакап атын клубдашы Арсен Акылбеков ыйгарган. Ал Маликти советтик “ХХ кылымдын каракчылары” тасмасындагы каракчыга сырткы келбети менен кыймыл-аракетин окшоштуруп, ушинтип атап койгон. Бул каармандын образын белгилүү актёр Талгат Нигматулин жараткан.

Базарбек Абдураимов
sport@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: