Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Бишкек ШИИББинин башчысы, генерал-майор Мелис Турганбаев:«АР КИМДИН КУЙРУГУН БАСА БЕРГЕНДИКТЕН, ӨЧӨШКӨНДӨР КӨП»

№527 7-Ноябрь-13-Декабрь, 2012-ж


Өлкөбүздө болгон чуулгандуу кылмыштардын бетин ачкандардын башында тургандардын бири, генерал-майор Мелис Турганбаев учурда борбор калаабыздын милициясын жетектеп жаткан кези. Ал кызматынын күнгөй-тескейи тууралуу ой бөлүштү.

– Мелис мырза, Бишкек шаардык ИИББине жетекчи болуп келдиңиз, ишти эмнеден баштадыңыз?
– Бишкек – борбор шаарыбыз. Өлкөбүздүн күзгүсү деп да койсо болот. Кыргызстанда болуп жаткан кылмыштардын 60 пайызы Бишкекте катталат. Шаардагы кылмыштуулук боюнча көйгөйлөр мага жакшы белгилүү. Реформа жасоо үчүн биринчи кезекте милиция кызматкерлеринин социалдык шартын талапка ылайык жакшыртышыбыз зарыл. Мисалы, ИИМ багыты боюнча бир катар мыйзамдарга өзгөртүүлөрдү жана толуктоолорду киргизүү, материалдык-техникалык жабдууларын чыңдоо, кызматкерлерибиздин маянасын көтөрүү кажет. Шаардык милиция бөлүмдөрүн да кеңейтебиз. Алардын кээсинде бир кабинетте эле 10-15 кызматкер иштеген учурлар бар. Бир бөлүмгө барсам, кабинеттин ичине караганда сыртта жылуу экен, кээ бир бөлүмдөрдө буржуйкага от жагып отурушат. Эми ошолорго жаңы имараттарды куруп, толук кандуу милиция бөлүмүн ачабыз. Криминал-эксперттерге керектүү жөнөкөй шаймандары да жок экен, ошондуктан керектүү материалдык базаларды чыңдоого аракет кылабыз.

– Алдыга койгон пландарыңыз тууралуу айта кетсеңиз...
– Уурулук, талап-тоноочулук, каракчылык өзгөчө түнкүсүн күч алып кеткендиктен, кайгуул-күзөт кызматынын маршрутун өзгөрттүк. Андан сырткары шаардагы тыгындардын болушу да көйгөй жаратууда. Ошол себептүү кыймыл кайнап турган убактарда борбордук тыгын көп пайда болгон көчөлөргө жол коопсуздугун камсыз кылуучу кызматтын инспекторлорун коюп баштадык. Айрыкча Бишкекти тегерете курчаган жаңы конуштарда уурулук, тоноочулук сыяктуу кылмыштар көбөйүп кеткендиги байкалды. Эми ар бир жаңы конуштардагы аймактык инспекторлорго контейнерден кеңсе ачып беребиз. Анан да кайгуул-күзөт кызматы шаарды 3 нөөмөттө көзөмөлгө алат. Мындан сырткары жоюлуп кеткен түнкү кайгуул кызматын кайрадан ачып жатабыз, себеби саат 22-23төн кийин түнкү Бишкек жашоосу башталып, түнкү клубдар иштеп, тоноолор, мушташуулар көп болууда.

– Уюшкан кылмыштуулукка жана коррупцияга каршы күрөш жүргүздүңүздөр. Сизге криминалдан же жогорку жактан коркутуулар, эскертүүлөр болдубу?
– Мени эч ким коркута албайт. Бирок тобокелчилик чоң. Бийлик тараптан деле бут тосуулар болгон жок, болсо ачык эле айтмакмын.

– 26-ноябрда Медет Садыркуловдун өлүмү боюнча сот өкүмү чыкты. Сиз Ички иштер министринин орун басары болуп турганда бул кылмыш ишин өз көзөмөлүңүзгө алып, тергөө иштери жүрдү эле. Сиз сот өкүмүнө канааттандыңызбы?
– Бул иш боюнча алган жаза мөөнөттөрү мени канааттандырбайт. Мындан да көбүрөөк мөөнөт бериш керек эле. Бирок, башкысы, күнөөлүүлөр жазасын алышты. Тергөө жана сот иштери жүрүп жатканда аябай эле тоскоолдуктар болду. Күбөлөрдү коркутууга, ишти бурмалаганга аракет кылышты. Биринчи этабы гана бүттү. Эми Бакиевдердин жана аларга жардам берген адамдардын үстүнөн сот иши башталат. Бул кылмышты жол кырсыгы деп жаап койгондор бар, аларга да юридикалык баа берилиш керек. Азырынча сыртка чыкпай, иштелип жаткан маалыматтар көп. Ошону толук аягына чыксак, дагы көптөгөн кылмыштардын бети ачылат.

– Республикабыздагы интернет-порталдардын бири аттары аталбаган кылмыш иликтөө кызматкерлеринин атынан премьер-министрге, ИИМдин жана УМККнын жетекчилигине кайрылуусун чыгарды. Анда сиз жөнүндө көп нерселер жазылыптыр. Мисалы, «Ош окуясында эч чара көргөн эмес, Жалал-Абадга барганда да Байболов экөө жашынып жаткан, өзбектердин үйүнө курал таштап, кайра коркутуп акча алып турган» деп жатышат...
– Бул – мени көрө албагандардын чыгарган ушагы. 2010-жылы Уюшкан кылмыштуулукка каршы күрөшүү башкы башкармалыгынын түштүктөгү башкармалыгы ачылып, мен анын жетекчисин өздүк курамга тааныштыруу үчүн барганмын. Барган түнү Ош окуясы башталып кетти. Ош шаардык жана облустук милициясынын 600дөй кызматкери менен түнү бою коомдук тартипти сактоо, жабыркагандарды сактап калуу иштерин аткарганбыз. Ош шаардык ИИББинин башчысы жана орун басары баштарынан жаракат алышкан.
«Алай» мейманканасынын жанында жайгашкан жатаканадан «коридор» түзүп, 800дөй кызды коопсуз жерлерге жайгаштырганбыз. Чарчаганынан кызматкерлерибиздин баары бутуна тура албай калышкан. Бизге Коргоо министрлигинин бир полковниги да тартип сактоодо чоң жардам берген. Эртең менен саат 8-9га чейин кармап турдук, ошол убакта жабыркагандар аз болчу. Эртең менен гана «келгин куштар» учуп келе башташты.
Убактылуу өкмөттүн чечими менен Ош облусуна комендант болуп Бактыбек Алымбеков жана Исмаил Исаков келгенде аларга жетекчиликти өткөрүп бергем. Эмне үчүн алар ошондо токтотуп кала алышкан жок? Мен жетекчи болгондо, мүмкүн, башкача болмок. Курсан Асановду да аймакты жакшы билген адам керек деп мен чакырткам. 12-июнь күнү кечинде мага ошол убактагы Ички иштер министри Болот Шер «Байболов Жалал-Абадга комендант болду, абал оор, барып жардам бериңиз» деп телефон чалды. Ал түнү вертолёт уча албай, эртеси мага 40 кызматкерди кошуп, Жалал-Абадга вертолёт менен ташташкан. Комендант болуп менден мурун барган Кубатбек Байболовду көргөн да жокмун. Мен баргыча ал эч кандай алгылыктуу чара көрбөптүр. Жетекчиликти өз колума алып, жолдорду тосуп блок-постторду койдук. Жалал-Абад ОИИБинин башчысы Станбек Бакиров жаш, жаңы дайындалгандыктан, пенсиядагы генерал Темиркан Субановду жардамга чакырсам, ал түндөп такси менен келген. Баарыбыз биргелешип иштедик. Көп киши каза болгон «Сампа» пахта заводуна жалаң полковниктерден турган пост койдук. Аларды тамашалап «9-рота» деп койчубуз.
Жалал-Абадда окуянын өрчүп кетпешине колдон келген мүмкүнчүлүктү колдондук. Сузакта да чоң уруш болуп, көп адамдар кырылып кетиши мүмкүн эле, ага жеткирген жокпуз. Базар-Коргон РИИБинин башчысы Мыктыбек Сулаймановду өлтүрүп коюшканда, анын туугандары «күнөөлүүлөрдү бир жумада таап бересиңер, болбосо Базар-Коргонго бир да өзбек кирбейт» деп ультиматум коюшкан. Бир күндө күнөөлүүлөрдү аныктап, чек арадан кармап келгенбиз. Ошондон кийин гана качып кеткен өзбектер үйлөрүнө кайтып башташкан. Биз жөн эле бирөөнүн үйүнө курал таштап, акча талап кыла берсек, жок дегенде бирөөсүнүн бети ачылмак да.

– Кимдер мындай сөздөрдү таркатышууда? Ким жана эмне үчүн буга кызыкдар болушу мүмкүн? Авторлорун аныктаганга аракет кылып көрдүңүзбү?
– Бакиевден баштап уюшкан кылмыштуу топторго чейин баарын талкалап жатпайбызбы. Дагы көп адамдарга карата материалдар бар, бирөөнүн куйругун басасың, чукуйсуң. Ошондуктан душмандарым көп болсо керек. Ким жазганын иликтеген жокмун. Кыязы, мени каралагысы келгендер чыгарган го. Мындай ушактарды ким чыгарып, кимдер кызыкдар болуп жатканы мени кызыктырбайт. Эгер менин күнөөм же жазган адамдын далили болгондо, ачык эле айтып чыкмак да. Жазгандарды келемиштер деп гана айта алам.

– Рахмат маегиңизге, иштериңизге ийгилик!

«ГЕНЕРАЛ ДЕГЕН НААМДЫ БУЛГАБАГАНГА АРАКЕТ КЫЛАМ»
Өзү жөнүндө
– Мен 1962-жылы Фрунзе (азыркы Бишкек) шаарында төрөлгөм. 1983-жылы Кыргыз мамлекеттик университетин, 1986-жылы Ленинград шаарындагы СССР ИИМинин жогорку курсун бүтүргөм. Ошондон бери кылмыш иликтөө кызматтарында иштеп келем. Үй-бүлөмдүн коопсуздугу үчүн алар тууралуу маалымат бере албайм.

Достору тууралуу
– Досторум көп. Арасында байлары да бар. Алардын көпчүлүгү ар кайсы өлкөлөрдө жашашат. Заводдору бар, бизнес менен алектенишет. Мага «керек десең акча, үй, автоунаа алып беребиз, жөн гана коррупцияга малынбай иште» деп айтып калышат. Эгер мен да ишкердик менен алпурушуп калсам, бизнесимди чет өлкөлөрдө ачмакмын. Досторумдун арасында Чеченстандын президенти Рамзан Кадыров да бар.

Кызматы тууралуу
– Мен жоокермин. Кай жакта иште десе, ошону аткарам. Берилген тапшырманы так, чынчыл аткарып, генерал деген наамымды булгабаганга аракет кылам.

Байлыгы тууралуу
– Мени көп ушактар ээрчип жүрөт. «Кабат-кабат үйлөрү бар» деп да сөз чыгарып жиберишиптир. Ал тууралуу жообун айта турган болсом, эми алачыкта жашабайм да. 4 сотых жер тилкеде үйүм бар, огородум жокко эсе. Үйүмө тууган-урук, досторумду тосконго болот. Аларды жакшынакай тосуп алып, жакшынакай узатышым керек да. Эч нерсени уурдаган жокмун, ата-эне, туугандар бар дегендей, мен жакшы үйдө жашаганга акылуу эмесминби? 90-жылдарда Бишкек шаарынан жер үлүшүн алып кафе салганбыз, аны аялым иштетет. Уурдап, пара алып, бирөөнүн акчасын жеген жокмун. Кафеден түшкөн каражат биздин киреше булагыбыз экендигин да айта кетейин.

Нурбек Абдыкадыров
koom@super.kg


Мелис Турганбаев: "Мени эч ким коркута албайт"

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(15)
10.12.2012. 11:30 
Тайпасы:
Кыймылы жок
Комментарийлердин саны:
64
Катталган:
04-11-2011
Соӊку аракети:
21-02-2015 15:42
Жынысы:
Белгисиз
0
ошол учурда Ошто кырдаал кучоп турган маалда Жалал-абадда эмне бар. Силер баарын билесинер байкуш эл билбейт.
10.12.2012. 21:17 
Тайпасы:
Тартип бузгандар
Комментарийлердин саны:
57
Катталган:
16-08-2008
Соӊку аракети:
23-01-2015 20:22
Жынысы:
Белгисиз
Калаасы:
Бишкек
0
Ош окуясы буларга тамаша болгон экен да!
10.12.2012. 23:14 
Тайпасы:
Жаран
Комментарийлердин саны:
10
Катталган:
09-11-2011
Соӊку аракети:
22-04-2017 01:18
Жынысы:
Белгисиз
Калаасы:
Osh
0
жалал-абадда дагы абал курч болчу да
10.12.2012. 23:20 
Тайпасы:
Кыймылы жок
Комментарийлердин саны:
26
Катталган:
18-11-2012
Соӊку аракети:
08-10-2015 19:51
Жынысы:
Белгисиз
Калаасы:
Нарын
0
Мелис байке ишинизге ийгилик каалайм.Коро албагандар корунгонду суйлой беришет.Кудайдан деле коркушпайт
11.12.2012. 08:42 
Тайпасы:
Кыймылы жок
Комментарийлердин саны:
64
Катталган:
04-11-2011
Соӊку аракети:
21-02-2015 15:42
Жынысы:
Белгисиз
0
kardaza76 бул жерде генералды жаман коруп же коро албай жаткан эчким болгон жокко дейм.
11.12.2012. 11:07 
Тайпасы:
Кыймылы жок
Комментарийлердин саны:
91
Катталган:
30-10-2012
Соӊку аракети:
20-11-2015 22:16
Жынысы:
Белгисиз
0
Дааа негизи ууру тойгончо же олгончо карганат деп коет го... А коз менен корбогон сон бир нерсе деп айтуу кыйын Мусулман адамга. Кандай болсо да эл учун иштесе...
Super TV
11.12.2012. 13:27 
Тайпасы:
Жаран
Комментарийлердин саны:
8
Катталган:
27-10-2010
Соӊку аракети:
16-12-2016 14:38
Жынысы:
Белгисиз
0
ishinizge iygilik jakshy jyiyntyk korgozdu
Super TV
12.12.2012. 11:47 
Тайпасы:
Кыймылы жок
Комментарийлердин саны:
7
Катталган:
06-06-2012
Соӊку аракети:
14-10-2016 20:05
Жынысы:
Белгисиз
0
Негизи Мелис мырза бул чыныгы эркек деп эсептейм,анткени озу спортсмен суйлогону бут оорунду
спортсмендерге канча колдоо коргозгон,артынан туруп берчуу адам коп жалан спортсмендер,аман болунуз Мелис Турганбаев
Super TV
13.12.2012. 06:46 
Тайпасы:
Кыймылы жок
Комментарийлердин саны:
15
Катталган:
19-07-2011
Соӊку аракети:
16-04-2016 17:51
Жынысы:
Белгисиз
Калаасы:
москва
0
Мелис байкени теледен же башка жерден коп коп корбойбуз, демек чыныгы кызматкер.Анткени кээбир чондорубуз теледен тушпой акуйубузду театр кылып бутушту го, суйлогон создору кооз акылдуу создор, айтканы менен кылган жумушу окшобойт.Мелис байке аларга окшобойт "дайым так, таза, акылы кучтуу" адам мыкты инсан" дегендей сизге ийгилик .
13.12.2012. 08:42 
Тайпасы:
Кыймылы жок
Комментарийлердин саны:
64
Катталган:
04-11-2011
Соӊку аракети:
21-02-2015 15:42
Жынысы:
Белгисиз
0
кыргызстандын чондору эл учун иштегенде ошол согуш дагы болбойт эле. аябай акылдуу болуп кетесинерда кайдагыны жазып. Ошол Ош Жалал-абад окуясын алдын албай Кыргыз милициясы СНБ кыргыз армясы кайда журду эле. кыргыз эли озу корсо да кормоксон болгонду туура корот.
13.12.2012. 12:14 
Тайпасы:
Жаран
Комментарийлердин саны:
690
Катталган:
10-03-2010
Соӊку аракети:
21-09-2017 13:32
Жынысы:
Белгисиз
0
Телефону меникиндей экен. Канакей эми, кылмыштуулук азайып, айрыкча жаш балдарга зомбулук жөнүндө укпай калсак, Кудай кубат берип, өзү коргосун!
13.12.2012. 21:34 
Тайпасы:
Кыймылы жок
Комментарийлердин саны:
2
Катталган:
03-09-2010
Соӊку аракети:
27-01-2016 16:02
Жынысы:
Белгисиз
Калаасы:
Актау
0
Баардык адам озуну мактагысы келет.Бишкек шаарында кылмыштуулук аяабай кобойду дегенин карасан бул байкенин,ошол кылмыштуулукту Зам. министир болуп турганда токтото албаган эми начальник болгондо токтотобу ишене турган созду айтсаныз байке жакшы болмок.
14.12.2012. 01:05 
Тайпасы:
Тартип бузгандар
Комментарийлердин саны:
153
Катталган:
21-11-2012
Соӊку аракети:
03-01-2018 12:17
Жынысы:
Белгисиз
Калаасы:
разницы нет
0
корсотпой калып атат го !!!!!!
15.12.2012. 12:57 
Тайпасы:
Кыймылы жок
Комментарийлердин саны:
1
Катталган:
14-12-2012
Соӊку аракети:
03-01-2013 01:08
Жынысы:
Белгисиз
0
Iwenbeym
15.12.2012. 19:12 
Тайпасы:
Кыймылы жок
Комментарийлердин саны:
14
Катталган:
23-11-2011
Соӊку аракети:
13-09-2014 08:23
Жынысы:
Белгисиз
0
Рахмааат генерал маегинизге,бирок бираз актанып койупсуз эч нерсе жебедим деп, маяна менен жакшы уй анан кафе салганга мумкун эмес, ууру тойгончо жеп чычкыча карганат сиз да чычкыча актаныпсыз, ак иштейм депсиз сиздин команданыз менен канчалар ак жерден подстава болуп камалып кетишти, баарыбызга кудай барю
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: