Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ДӨҢГӨЛӨК YСТYНДӨГY ЧАБАНДЕСТЕР

№342 22-29-май, 2009-ж.


Көчөдөн биринин артынан бири чууруп жүрүп бараткан мотоциклчен адамдар өтүп баратышса, баарыбыз башыбызды буруп карап калабыз. Мурда “рокер” аталган, азыркы байкерлердин романтикалуу жашоосу баарыбызды кызыктырат эмеспи. Анда эмесе темир күлүк үстүндөгү жашоо тууралуу сөз сиздер үчүн.

Тарых сүйлөйт

Байкерлердин байлыгы болгон мотоциклдин тарыхына кайрыла кетели. Адамзат тарыхында биринчи мотоцикл 1885-жылы Германиялык “Reitwagen Gottliba Daimler” компаниясы тарабынан даярдалган. Дөңгөлөк бөлүктөрү жыгачтан жасалгандыктан, биринчи мотоцикл ошол кездеги адамдарды да аябай таң калтырган. XIX кылымдын аягы XX кылымдын башында, мотоцикл чыгарган фирмалар көбөйүп, саны жүздөп саналган. Мотоциклди алгачкы колдонуу бактысына курьерлер, почточулар, сүт ташуучулар ээ болушкан. Анткени алар үчүн мотоцикл велосипеддин педалын айлантуудан кутулуу амалы жана машинадан арзан техника катары ыңгайлуу болгон. Дүйнөлүк биринчи согуштун башталышы менен мотоциклге болгон мамиле түп-тамыры менен өзгөрөт. Ошентип, аскер техникасын чыгаруучулардын кийлигишүүсү менен азыркы крузер жана чоппер образындагылардын алгачкы үлгүcү 1921-жылы 180 килограмм салмакта болуп, кыймылдаткычы 1000 сантиметр көлөмдү түзүп Brough Superior деген ат менен чыккан. Ошол кезден баштап мотоцикл унаа катары гана эмес, өзүнчө жашоо образынын бир бөлүгүнө айланган. Экинчи дүйнөлүк согуштун башталышы менен ага катышкан өлкөлөрдүн фронтторунда миңдеген мотоциклдер кызмат кылышкан.

“Тозоктун периштелери”

Байкерликтин башталышы экинчи дүйнөлүк согуштун аякташы менен АКШдан сапар алган десек болот. Согуш жылдарында “Тозоктун периштелери” аталган учкучтар эскадрильясы согуш аяктагандан кийин жоюлууга туш болот. Эркин учууга жана жогорку ылдамдыкка көнүп калган учкучтар учактын рулун мотоциклдин рулуна алмаштырышат. Башталышында чакан топторго топтолушуп алып өлкөнү кыдырышып, жаңы жашоо, кызыктуу окуяларды издөө менен алек болушат. Көптөрү чакан шаарларга отурукташып өздөрүнүн унаа оңдоочу жайларын ачышып, жаңы жашоо башташат. Ал эми калгандары болсо байкерлик жашоолорун уланта беришет. Жаңы түзүлгөн байкерлердин клубу “Тозоктун периштелери” деп аталып калат. Кошумчалай кетчү нерсе, бул клуб бүгүнкү күндө да ишмердүүлүгүн улантып,көптөгөн дүйнөлүк өкүлчүлүктөрү ачылган күчтүү, бай клуб катары белгилүү.

Байкерликтин бир бөлүгү болгон кийимдерин,мотоциклдерин темир-тезектер менен жасалгалоо жөрөлгөсү, учкучтардын орден-медалдарын мотоциклдерине,кийимдерине илип алгандан башталып,азыркы кезде да актуалдуу бойдон калган.

СССРдин рокерлери, ой, байкерлери...

Мурдагы Советтер Союзунда алгачкы байкерлер 80-жылдардын башында рокерлер деп аталып чыга башташат. Ал кезде ар кимдин эле машина сатып алганга каражаты болбогондуктан, 1200 рублга чехиялык “Ява”, “Чезет”, мотоциклдерин сатып алууга мүмкүн болгон. Ал кездин бардар өспүрүмдөрү эки дөңгөлөктүү тулпарга оңой эле жетишсе, колунда жоктору каникул мезгилдеринде заводдордо иштешип, түнкүсүн вагондордон жүк түшүрүшүп, чогулткан акчасына мотоцикл сатып алышкан. Мотоцикли бар балдарга сулуу бийкечтер менен таанышуу, сүйүүсүн жолуктуруу бир топ оңой болгон. Ошентип, улуу доордун өспүрүмдөрү биринчилерден болуп байкерлер кыймылын башташат. Өздөрүн сыймыктануу менен “рокерлер” деп аташып, шаарлардын түнкү жашоосуна тынчтык бербей МАИ кызматкерлери менен түшүнбөстүктөргө кездешип, мыйзамдын торуна көп эле түшүшкөн. Биринчи расмий байкерлик клуб 1983-жылы “Түнкү карышкырлар” деген ат менен түзүлгөн. Клубду кесиби боюнча врач, “Хирург” деген каймана аты менен белгилүү болгон адам түзүп, ушул кезге чейин башкарып келет. Бул клубдун СНГ боюнча көптөгөн өкүлчүлүктөрү ачылып, байкерлеикти өнүктүрүп келет.

Байкерлер Кыргызстанда

Биздин өлкөгө мындай көрүнүш 90-жылдардын башында агылып келе баштаган. Ошол мезгилде мотоцикл менен жүрүштөрдү жасап, байкерликтин жышаанын алып келе баштаган жаштар пайда болгон. Топ-топ болуп түзүлүп алышып, өздөрүн байкер аташкан жаштар коомчулуктун бир кичинекей бөлүгү болуп чыга келишет. Бирок канча убакыт өтсө да, чет элдик байкерлер сыяктуу бир уюмга же клубга чогула алышпай коюшат. Анын ортосунда МАИ, милиция тараптар менен да көптөгөн маселелерге кабылышат. Элдер да аларды мыйзамдан четтеп кетишкен, бузулган жаштардын агымына таңуулап коюшат. Ошентип, 2005-жылы гана Кыргызстанда биринчи жолу “Темир үйүрлөр” деген ысым менен байкерлер клубу түзүлгөн. Клубдун жана байкерлер сезонунун ачылышын 24-мартка белгилешет. Тагдырдын тамашасыбы же байкерлер жашоосу ушундай татаалбы, айтор, ал күнү кыкеңдер революция кылып жиберет. Ошентип, ачылыш 1-майга жылат. Тагдыр кайра байкерлерге жылмайып, эмгек күнүнөн баштап темир тулпардагы чабандестер кыймылынын өмүрү ийгиликтүү уланып кетет. «Темир үйүрлөр» клубунан башка да «Мотокружок» жана «Тоттенкофф» клубдары ачылып, азыркы кезде байкерлердин саны бир топко өсүп калган.
Биздин байкерлер көпчүлүк учурда советтик «Урал» жана жапониядан чыккан мотоциклдерди колдонушат.

Новиков Тарас, 29 жашта, 5 жылдан бери байкер, кесиби электр-механик:

“Байкерлер карапайым эле адамдар”

“Кыргыз байкерлери күнүмдүк тиричилик менен эле алпурушуп жүргөн жөнөкөй эле адамдар. Көпчүлүгү техникага жакын чөйрөдө эмгектенишип, арасында бухгалтер, журналисттер да бар. Алардын курагы 18ден 50 жашка чейин. Клубда кыргыз, орус, уйгур жана башка улуттун өкүлдөрү да бар. Музыка угууда рок жанрына басым жасайбыз. Бирок эң сонун музыка мотоциклдин кыймылдаткычынын күрүлдөгөн үнү деп билебиз. Казакстандын, Орусиянын жана Өзбекстандын байкерлери менен тыгыз байланыштабыз. Быйылкы сезон бешинчи сезон болуп, 25-апрелде ачылышы болуп өттү. Ачылышка Казакстандан биринчи жолу өзү мотоцикл башкарып кыз байкер келген.
Кыргыз байкерлери МАИ, Баңгизатты көзөмөлдөө агенттиги уюштурган иш-чараларга катышып турабыз. Биздеги мотоциклдердин бааларына кайрылсак советтик мотолор 6000 сомдон 30 миң сомго чейин турат. Ал эми жапон мотоциклдери 3000 доллардан 10000 долларга чейин турат.
Өлкөбүздө да байкерлердин саны күн санап өсүүдө”, - дейт көп жылдан бери байкер болуп жүргөн Тарас.

  • Байкерлер арасында “Темир жамбаш” наамын алыш үчүн 1600 чакырым аралыкты 24 сааттын ичинде басып өтүү керек. Андай наамга Борбордук Азиядан жалгыз гана Казакстандык Серик аттуу байкер ээ болгон.
  • Байкерлер тууралуу жүздөгөн фильмдер тартылган. Ал фильмдерде дүйнөнүн белгилүү актёрлору Микки Рурк, Марлон Брандо, Мел Гибсон, Марк Дакаскос, Алан Делон, Джонни Депп, Майкл Дуглас, Николас Кейдж ж.б. тартылышкан.

Байкерлер сөздүгү:

Чоппер - колго куралган мотоцикл;
Шоссейник - алыска жүргөн байкер;
Проспект - үйрөнчүк байкер;
Матрац - отургучта түз отура албаган адам;
Катит - демейдегиден жакшы бараткан мотоцикл;
Седло - байкердин отургучу.

Залкарбек Карабалаев
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
16.03.2015. 00:47 
Тайпасы:
Жаран
Комментарийлердин саны:
3
Катталган:
05-07-2011
Соӊку аракети:
11-12-2016 23:18
Жынысы:
Белгисиз
Калаасы:
Тоолос айылы
0
6 жылдан бери мен биринчи болдум :-D
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: