Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Туризм боюнча мамлекеттик агенттиктин жетекчиси Турусбек Мамашев: «КЫЗДАРЫМ КҮЙӨӨГӨ КЕТКЕНДЕ ЫЙЛАЙМ ГО..»

№343 29-май - 4-июнь, 2009-ж.


“Кош келиңиз!” деп Кыргызстанга келген конокторго кыргыз жерин таанытууну кесип кылган инсандардын бири бүгүн биздин коногубуз.
Жан дүйнөсү бала чагынан табиятка жакын бул инсан бекеринен учурдагы кесибин тандабаптыр. Анын биринчи максаты – Кыргызстанды туризм аркылуу бүт дүйнөгө таанытуу. Кеп Туризм боюнча мамлекеттик агенттиктин жетекчиси Турусбек Мамашев жөнүндө.

– Турусбек мырза, ушул жумада бардык мектептерде акыркы коңгуроо болуп, канчалаган улан-кыздар турмуштун даңгыр жолуна аттанышты. Сиздин акыркы коңгурооңуз эсиңизде барбы?
– Ал күн ар бир окуучунун эсинен өмүр бою кетпесе керек. Мен да башка классташтарым сыяктуу эле келечектен көптү үмүттөнүп, кыялдардын кучагында мектеп уясынан чоң турмушка аттангам.
– Адатта көпчүлүк бүтүрүүчү­лөрдүн кыялы сыйлуу бир кесиптин ээси болуу эмеспи. Сизде да кыялдар болсо керек?
– Кантип болбосун? Ошол кезде режиссёр болуп, кино тартуу мен өңдүү жаштардын максаты, кыялы болчу. Анткени биз 1970-жылдардагы трагедия менен башталып, аягы бактылуу аяктаган кинолордун таасири астында чоңойдук.
– Кыялыңыз ишке аштыбы?
– Балалык кездеги тилегиме жеттим десем болот. Анткени Ленинграддан окуп келгенден кийин “менмин” деген кыргыз режиссёрлорунун бардыгы менен иштешип калдым. Мисалы, “Фудзиямадагы кадыр түн” аттуу тасмага үн режиссёр болгонум азыркыга чейин эсимде.
– Анан кайсы убактан баштап бизнес багытына ооп, Кыргызстандагы белгилүү ишкерлердин катарына кирип калдыңыз?
– 1990-жылдары иши жок калгандардын катарында кинорежиссёрлор да бар эле. Алардын айрымдары бизнеске кетишти. Мен да алардын катарында карызга акча алып, бош турган жер тилкесин алып, ал жерге кафе ачып иштетип, кийин карыздардан кутулуп, пайдасын көрө баштадым. Анан мүмкүнчүлүктөр көбөйө баштаганда Кыргызстанда биринчилерден болуп, Бишкек-Стамбул аба каттамын ачтык. 1992-1993-жылдары мамлекеттер аралык аба каттамына жол ачып бердик. Ошентип отуруп, кийин туризмге өтүп кеттим. Иштерим жүрүшүп, көптөн бери көңүлдө жүргөн кыргыздын чыныгы патриоту экенимди далилдөөгө мүмкүнчүлүк түзүлө баштады.
– Кандайча?
– 1994-жылы Түркиядан 27 журналист келип, аларды 2 күнгө керемет көлүбүзгө алып баруу, кооз жайлоолорду көрсөтүп келүү мага жүктөлдү. Аларды алып барып, коноктоп кайра келатып, орто жолдон журналисттердин суранычы боюнча жол боюнда тигилип турган боз үйлөргө токтодук. Алар боз үйлөргө кызыгышып камерага, фотоаппаратка тартып эле жатышкан. Кийин тарткандарын карап көрсөк, боз үйдүн ичинин киринен кишинин жүрөгү айланат. Ошол окуядан кийин Кыргызстанга келгендерди кыргыздын боз үйү, анын жабдыктары, каада-салты менен кенен тааныштыруу максатында “Дасмиянын” ичине “Кыргыз айылы” деген ат менен 6 боз үй салдырдым. Ошентип, мекенибизге келген туристтердин боз үйгө болгон кызыгуусун арттыра баштадык. Ал эле эмес, ШОСтун саммитине келгендердин ичинен Кытайдын Премьер-министри тамакка карабастан, “бул кереметтин автору ким?” деп боз үйгө кызыгып, мени чакырып алып бир топко чейин баарлаштык. Биздин оймо-чиймелерди көрүшүп, “ар бир чийимде философия бар экен, силер улуу калк экенсиңер” деп мактап кетишти. Азыр чет жактан келгендерди 3-5 жылдыздуу мейманканалар менен кызыктыра албайбыз.
– Боз үйдөн тышкары, дагы эмне менен кызыктырса болот деп ойлойсуз?
– Андан көрө ушундай өзүбүздүн ата-бабаларыбыздан бери келе жаткан каада-салттарыбызды даңазалоо менен таң калтырышыбыз мүмкүн. Мисалы, кыргыздар койду да маданияты менен союп, анын ар бир жилигин, башын, шыйрагын орду менен тартып, көзүн «көздөшүп жүрөлү» деп бөлүшөт. Боорунан быжы, өпкөсүнөн олобо, ичеги-карынынан жөргөм жасап, койдон эч кандай калдык калтырбайбыз. Этин жеп, терисинен кийим тигебиз. Ал эми жүнүнөн кийиз жасап, төшөк көктөйбүз.
– “Кыргызда эмне көп, той көп” деп коёт эмеспизби. Чакырган жерден калбайсызбы?
– Бизде дагы бир жакшы сөз бар. “Чакырган жерден калба, өзүң басып барба” деген. Анын сыңарындай мен да чакырган жерден калбаганга аракет кылам. Жуманын 5 күнү иш болсо, калган 2 дем алыш күнү ушундай тойлор менен эле өтүп кетет. Ыраматылык жубайым экөөбүз ээрчишип алып, конокторго көп барып жүрүп көнүп калган экем. Азыр деле бошой калсам, тойлорго барып милдетимен кутулганга шашылам.
– Кечиресиз, оор болбосо жу­байыңыз тууралуу айта кет­се­ңиз...
– Жубайым өзү бул дүйнөдө жок болсо дагы, анын жаркын элеси дайыма биз менен. Кыздарыбыз Айсулуу менен Аселге жакшы тарбия берип кеткени үчүн ага эки өмүр ыраазымын.
– Үйдө тамакты ким жасайт?
– Айрымдар Мамашевдин үйүндө тамагын жасап, кирин жууган үй кызматчысы бар деп ойлошот экен. Андай эмес. Ашканадагы жумуштар кыздардан эле артпайт. Кээде отуруп кыздарыма жаш кездеринен эле жүк артып койгондой болуп, боорум ооруп кетет.
– Күлүк ат менен сулуу кызга жуучулар көп келишет эмеспи. Сизге куда болсом дегендер да аз болбосо керек?..
– Туура, кыздарым чоңоюп, көзгө көрүнө баштаганы куда түшкөндөрдүн саны көбөйдү. Ортого киши салгандар да болуп жатат. Мынакей менин кыздарым, балаңар жигит болсо, кызымдын жүрөгүнөн орун таап алсын деп айтам. Эң башкысы, жүрөктөрдө сезим болушу керек. Айсулуу азыр 20 жашта. Дагы 2-3 жыл иштейин деген пландары бар. Бирок алар качан турмушка чыкса да, мен өзүмдү токтото албай ыйлайт болушум керек. Негизи, бардык эле ата-эне балдарын жакшы көрөт. Бирок мен бөтөнчө жакынмын. Балким, “бири кем дүйнө” дегендей, апасы жок үчүнбү, билбейм.
– Кийимди өзүңүз тандап киесизби?
– Эч качан өзүмө кийим сатып албайм. Бул кыздарымдын моюнунда. Бүгүнкү менин стилистим – Асел. Көйнөк, галстуктан өйдө алып келип, кайсы көйнөккө кайсы кос­тюм жана галстук жарашарын тандап берет. Ал эми эртең мага кийим тандоо кезеги кызым Айсулууда. Өзүм галстуктун түрүн чогултканды жактырам. Чет жактарга чыгып, жумуштун негизинде соода борборлорун аралап калганда да, көзүмө галстуктар илине түшөт. Үйдө 300дөн ашуун түрү бар болуш керек.
– Адамдын жеке турмушуна, ички дүйнөсүнө уруксатсыз аралашуу адепке туура келбейт. Ошентсе да бир суроону берейин деп турам. Жубайыңыздын көзү өткөнүнө бир нече жыл өтсө да үйлөнбөй жүрөсүз. “Мамашевдей мырзанын жубайы болсом” деп кыялдангандар да жок эмес болсо керек. Же бул нерсеге кыздарыңыз каршыбы?
– “Чыныгы себеби бул...” деп бир нерсени айта албайм. Ага менин кыздарымдын да, башкалардын да тиешеси жок. Убакыт-сааты келбей жатса керек. Урук-тууган чогулган жерде да “качан үйлөнөсүң?” деп айланы кетиришет. Жадакалса ушул сөздөн качып, кээ бир жерлерге барбай калам.
– Балким, ылайыктуу айым чыга электир...
– Андай болушу да мүмкүн. “Сага ылайыктуу” деп, ар ким менен тааныштырууга аракет кылган туугандар да бар. Ошентсе да жалгыз эле жүрөм.
– Аш-тойлордо ырдайсызбы?
– Жаш кезде Рыспай Абдыкадыровдун “Издейм сени” деген ырын ырдачумун. Ошондон бери жалаң изденүүнүн үстүндө жүрөм. Негизи, адам ар бир сөзүн, ал түгүл ырын ойлонуп, таразалап анан айтышы, ырдашы керек окшойт. Мен жашымдан “Издейм сени” деп ырдасам, жубайым “Коштошуу” деген ырды гана ырдай берчү. Аягында минтип, чын эле эртелеп биз менен кош айтышып кете берди. Көрсө, ал өзү байкабай ошол кезден баштап биз менен коштошо баштаган тура...
– “Ар бир башта бир өлүм” деп коюшат эмеспи. Жакындарыбыздан айрылсак, ушул кеп менен өзүбүздү жубатуудан башка аргабыз жок. Кызыктуу маек куруп бергениңизге рахмат.
– Силерге да рахмат. “Супер-Инфо­нун” окурмандары көбөйүп, өзүнүн жаңылыктары менен элди сүйүнтүп жүрө берсин!

Кызыктуу фактылар...

  • Аттестатында бир гана "4" бар. Ошондуктан алтын медаль эмес, күмүш медаль алган.
  • Адамдардан баалаган сапаты – адамгерчилик. Андан өткөн жакшы сапат жок деп эсептейт.
  • Күнүгө 6 жарымда туруп, 7 жарымга чейин спорт менен машыгат. Жайкысын муздак душка түшөт.
  • Кыздарын машинанын рулуна отургузбайт.
  • Белек берүүгө маани бербеген мүнөзүн «кемчилигим» деп билет.
  • Улуу кызын «атасынын күчү­гү», кичүү кызын «атасынын дарысы» деп эркелетет.

Гүлмира Турманбетова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: