Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«Агама» бий тобу: «БАЛЕТТЕН БАШКАСЫНЫН БААРЫН БИЙЛЕЙБИЗ»

№343 29-май - 4-июнь, 2009-ж.


Көз жоосун ала чимириле бийлеген “Агама” бий тобун кимдер билбейт. Ал эле эмес, топтун татынакай кыздарына ашык болгон жигиттер да көп.
“Агама” бий тобу «Супер-Инфо» уюштурган мыктылардын тандоосунда эки жыл катарынан “Жылдын супер бий тобу” деген наамга арзыган. Күйөрмандарынан татыктуу баасын алган бийчи кыздардын жашоо образына кызыксаңыздар, анда бул макала сиздер үчүн...


Альбина

Өзгөчөлүгү – топтогу үйбүлөлүү жалгыз кыз.

Жакшы көрүп жеген тамагы – дымдама.


Гүлсана

Өзгөчөлүгү – ар дайым жылмаюу тартуулап турат.

Топтун шопоголиги.


Айгерим

Өзгөчөлүгү – топтун эркеси.

Жакшы көргөн жаныбары – ит жана ат.


Махабат

Өзгөчөлүгү – ачык-айрым.

Табиятта эс алууну жакшы көрөт.


Алина

Өзгөчөлүгү – канында еврейден баштап кыргыз канына чейин бар.

Жакшы көргөнү – уйку.


«Агама» тууралуу...

– Альбина, тобуңардын өзгөчө аты тууралуу айтып кетсеңер...
– Топтун аты баарыбыздын ысымдарыбыздын баш тамгаларынан түзүлгөн. Мисалы, Альбина, Гүлсана, Айгерим, Махабат, Алина. Мен Германияга кеткенде топко дагы бир кыз алганга туура келген. Диана кийин келгендиктен, анын ысымы топтун атына кошулган эмес. Диана буга таарынбайт деле. Анан «агама» деген сөздүн өзүнүн мааниси дагы бар. Агама – кескелдириктин бир түрү. Баарыбыз чогуу отуруп ушул атты тандаганбыз.
– Топ ачуу кимдин идеясы?
– Биз баарыбыз мурун “Гаухар” бийчилер тобунда элек. Кийинчерээк алардан бөлүнүп чыгып, өзүбүзчө топ ачтык. Азыр топто алтообуз бийлеп жүрөбүз.
– Канча жашыңардан бери бий менен алек болуп келе жата­сы­ңар?
– Мен 4 жашымдан, Айгерим 6 жашынан, Гүлсана 3 жашынан, айтор, баарыбыз эле кичине кезибизден бий менен жашап келе жатабыз.
– Бий – силер үчүн...
– Бий – баарыбыз үчүн өзүнчө дүйнө. Өзүбүздү бийсиз элестете албайбыз.
– Бийдин канча түрүн бийлей­сиңер?
– Балеттен жана чечёткадан башканын баарын эле бийлейбиз.

Топтун мыйзамдары

– Гүлсана, топтун ичинде кандай мыйзамдар бар?
– Эң биринчи эрежебиз – бири-бирибизге кандай учурда болбосун колдоо көрсөтүү. Мына ушундай ички биримдиктен улам “Агама” тобу ийгиликтерге жетишип келетат. Экинчи мыйзамыбыз – эч качан бой көтөрбөө. Анан башкаларга сырыбызды ачпашыбыз керек. Ошондой эле кандай учур болсо да жылмайып жүрүү.
– Топтун ичинде лидериңер барбы?
– Мен лидермин дебейминби (күлүп)... Бизде андай нерсе жок. Топ­тун ичинде ар кимибиздин өз милдеттерибиз бар. Аларды бөлүшүп алганбыз. Мисалы, мен топтун каржы маселесин чечем. Альбина болсо кийим жагына жооп берет. Мектеп окуучуларынан турган бий курамын түзүп, “Агама-2” деп атаганбыз. Айгерим ошол топтун кыздарына бий боюнча сабак берет. Махабат заказдар боюнча иштейт. Алина музыка жагын көзөмөлдөйт. Ушулар боюнча ар кимибиз жооп беребиз. Ошондуктан бизге лидердин же жетекчинин кереги жок.

«Ставкалары» жөнүндө...

– Махабат, азыр эң популярдуу бий тобу катары таанымалсыңар. Концертке чакырык көп түшөбү?
– Оо, аябай көп түшөт. Чындыгында эле жылдыздар менен эң көп иштешкен топ биз экенбиз. Эки жыл бою бекеринен силердин гезит тарабынан да сыйлыкка илинбегендирбиз.
– Анда «ставкаларыңар» тууралуу айтып кетсең...
– Мисалы, бир ырчы концертине чакырса, коштоп бийлеген бир бий үчүн 2000 сом алабыз. Ал эми бир бийди толук өзүбүз аткарып калсак, 3000 сомго баалайбыз.
– Ал эми жабык кечелерге атайын чакырышсачы?
– Эгерде Бишкекке эле чакырышса, бир бийге 2500-3000 сомдун тегерегинде акча алабыз. Ал эми алыс жактарга чакырышса, анда жолдун узактыгына карайбыз. Кээде ар бирибизге 3000 сомдон деле айланып калган учурлар болот.
– Силердин коопсуздугуңарды ким коргойт?
– Жигиттерибиз. Бизде Альбина эле турмушка чыккан. Калгандарыбыздын жигиттерибиз бар. Алар менен жүргөндө бизге эч ким тийише албайт.
– Кечелерде бийлеп жаткан учурда акча кыстарган учурлар болобу?
– Эми андай учурлар көп болбосо да, кээде болот. Беш кол тең эмес дегендей, тартипсиз адамдар бар да. Бирок биз көпчүлүк учурда кыстартпаганга аракет кылабыз. Кыстарганы келе жатса, колубузга эле ала коёбуз. Себеби денебизге бирөөнүн колун тийгизгибиз келбейт.

«Бек байке бутумду тебелеген жок»

– Айгерим, кайсы ырчылар менен жакшы тил табышасыңар?
– Шоу-бизнестеги бардык ырчылар менен жакшыбыз. Айта кетчү нерсе, бизге башында Бек Борбиев аябай колдоо көрсөткөн. Анда жаңы уюшулуп жаткан кезибиз болчу. Форма тиктиргенге каражатыбыз жок эле. Ошол учурда Бек байке бир концертте “бизге бийлеп бербейсиңерби?” деп сунуштап калды. Биз формабыз жок экенин айтсак, форма тиктирип берген. Биринчи жолу ошондо колдоо көрсөтүп, кийинчерээк да атыбыз таанылганча топко заказдарды таап берип жүрдү.
– Клипте Бек байке менен танго бийлейсиң. Аны менен бийлөө жеңилби?
– Башында бийлей алчу эмес. Бирок кийин өздөштүрүп кетти. Ал клиптеги бийлеген учурду эки саатта эле тартып бүткөнбүз.
– Бутуңду басып алган жок беле?
– Башында башка кыздар менен бийлеп үйрөнүп жатканда тебелеп алыптыр. Меникин тебелеген жок. Кадамдарды санап тез эле үйрөнүп алды.

Топтун улуусу жана сулуусу...

– Диана, араңарда улуусу, сулуусу деген статустар барбы?
– Топтун улуусу – Альбина, ал эми кичүүсү – Айгерим. Сулуусу... (ойлонуп) баарыбыз эле сулуу окшойбуз.
Альбина улуусу катары бизге акыл айтып, баарыбыз менен тил табышканга аракет кылат. Ал эми Айгерим өтө эрке. Көп уктайт, көп таарынат, көп тамак жеген да ушул кызыбыз.
– Араңарда атаандаштык деген нерсе барбы?
– Бизде бири-бирибизге атаандаштык жок. Бирок башка топторго атаандаштык бар.
– Келечекте кандай планыңар бар?
– Буюрса, “Агама” тобунун чоң концертин берсекпи деген ой менен жогорку деңгээлдеги шоу уюштурууну пландап жатабыз.
– Анда ишиңерге ийгилик.

Нуржамал Жийдебаева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: