Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«2012-жылдын супер актёру жана актрисасы» Аскат Сулайманов, Марал Койчукараева:«БИР РОЛГО БАЙЛАНЫП КАЛГАНДАН КОРКОБУЗ»

№530 28-декабрь-3-январь, 2012-ж


Быйылкы жылдын Аяз ата, Аяз кызы – «Жылдын супер актёру менен актрисасы» Аскат Сулайманов жана Марал Койчукараева болушту. Тасмада мыкты роль жаратып «супер актёр, актриса» аталууга жетишкен каармандарыбыз менен кыргыз киносунун абалы, өтүп бараткан жылдагы жетишкендиктери тууралуу кызуу маектештик.

– Келе жаткан Жаңы жылыңыздар менен! Майрамда кимден белек күтөсүздөр же, тескерисинче, бирөөгө белек камдап жаткан чыгарсыздар?
Марал: – Менде 31-декабрдан 10-январга чейин сессия. Андыктан сынактарды ийгиликтүү тапшырып алсам, ошол мен үчүн чоң белек болот эле. Бирок машина, бриллиант белек кылчулар болсо баш тартпайм (күлүп).
Аскат: – Мен белек күткөн деле жокмун. Үй-бүлөнүн тапкычы, Аяз атасы мен болсом каякта?! Маралдай сулуу кыз болсом, күйөрман жигиттерден күтмөкмүн, тескерисинче, күйөрмандарым менден белек күтсө керек.

– Бала кезде Аяз атага ишенчү белеңиздер?
М.: – Ооба, мен ишенчүмүн, 1-класска чейин. Ата-энем бизди Аяз атага ишендиргенге аябай аракет кылышар эле. Бирок кийин Аяз ата кадимки эле адам экенин билип калгам. Анан ишенбесем деле ата-энеме ишенгендей түр көрсөтүп жүрдүм. Негизи, бул майрам адамдын жан дүйнөсүн тазалайт, үмүттөндүрөт.
А.: – Мен да ишенчүмүн кичине кезимде, бир күнү Жаңы жылда костюмдарымды кийип, даярданып алып көчөгө чыксам, Аяз ата бир киши менен мушташып жатыптыр. Аяз атага жардам берейин деп жанына барсам, бизден эки көчө өйдө жашаган байке экен. Ошондон кийин Аяз атага болгон ишенимим сууп калган.

– Өтүп бараткан жыл кандай окуялар менен эсте калды?
М.: – Бул жылы биз тасманын бет ачарын абдан күттүк. Тасма жарыкка чыгып, коомчулук арасында ажиотаж жаратты. Сочиге барып келдим. Москвада апамдын жанында көп убакыт өткөргөнгө мүмкүнчүлүк болду. Быйыл окуум да башталды, анткени былтыр тасма тартуу иштеринен улам окуум үзгүлтүккө учураган болчу. Анан жылдын аягында минтип «Супер актриса» аталдым.
А.: – Бул жыл мен үчүн да жемиштүү болду. Эрнест Абдыжапаровдун «Киностан» фестивалында «Жылдын актёру», «Президент жана бомж» тасмасындагы ролум үчүн силердин гезит тарабынан «Супер актёр» деп табылдым. Бир жылда эки сыйлык алыш оңой эмес болуш керек, эмгегимди баалагандарга ыраазымын.

– Кыргызстанда кайсы режиссёрдун эмгегин баалайсыздар жана ким менен иштешкиңиздер келет?
А.: – Бизде профессионалдар көп эле. Мисалы, Эрнест Абдыжапаров, Актан Арым Кубат, Темир Бирназаров, Садык Шер-Нияз, Артык Сүйүндүков, санасаң дагы толтура. Чынын айтыш керек, мени киноактёр кылган Эрнест байкенин «Айыл өкмөтү» фильми болду. Бирок ошол фильмден кийин элдин баары «эй, участковый» дей берип, бир ролго байланып калбаймбы деп абдан корккон элем. Мына, Шурикти ойногон актёр өмүр бою Шурик болуп жүрүп өлдү. Айтышат экен, «Гайдай аны жаратып, Гайдай өлтүрдү» деп. Мен да 10 жылдай «участковый» атка конуп жүрбөдүмбү. Эми болсо «эй, баягы миллиондорду уурдаткан сенсиңби?» деп сурай башташты.
М.: – Мен да бир ролго байлангандан корком. Азыр жаш режиссёрлордон сунуш түшүп калат. Өзүм окууну жаңы бүткөн, башталгыч режиссёрлорго колдоо көрсөтүү иретинде тартылгым келет. Режиссёрлорду ылгабайм, мен үчүн баарынан тартып жаткан материал маанилүү, эң башкысы, тасма сапаттуу болсо болду. Курманжан датканын ролун ойноону кыялданчумун, бирок келбетим ал инсанга окшош эмес болчу. Курманжан датканын ролун ойноо ар бир актриса үчүн чоң сыймык болуш керек.

– Аскат байке, кээде жаш режиссёрлор суранса көңүлүн кыя албай роль ойноп берип койгон учурларыңыз болгонбу?
– Ооба, эгер таланттуу болсо, эмнеге болбосун? Мисалы, «Манас» университетинде окуган, кесиби боюнча режиссёр Арген Кеңеш деген жигиттин дипломдук ишине тартылгам. «Байпак» деген аталыштагы кыска метраждуу тасма болчу. Бул эмгек Орусиянын бир нече шаарларында коюлду, эл абдан жакшы кабыл алды. Бизде деле жаңылык киргизүүгө умтулган жаш режиссёрлор көп, аларга колдоо гана керек.

– Жараткан ролуңарга сындар да айтылып жүрдү эле...
А.: – Албетте, эми «Ээнсиреген үйгө» айтылгандай сындар жааган эмес (күлүп), бирок болгон. «Кыргыз милициясын уят кылып...» деген сөздөрдү тойдо жүргөндө угуп калгам. Бирок милициялар өздөрү «азамат! Эркекчилик ал, не?!» деп жубатып коюшкан.
М.: – Мисалы, мени адам катары жектеши мүмкүн, бирок «актрисалык оюнуң мыкты болуптур» деп улуу муундагы агайлар айтышкан. Мына ошолордун айткан сыны мен үчүн сын.

– Бири-бириңердин актёрдук дареметиңерге кандай баа бересиздер?
А.: – Марал актёрдук билими жок туруп ушундай деңгээлде ойногонуна ыраазы болдум. Маралдын ордунда болсом сүйүнмөкмүн, эл унутпай, дале сөз болуп жүргөнүмө. Унутулуп, тээ четте калгандан көрө жакшы да. Мага да ушундай роль сунушташкан, «Жаңы жыл күнү аянтта машинанын ичинде өнөктөш актриса менен жылаңач жатасыңар, биз терезенин сыртынан гана тартабыз» деп. «Титаник» фильминде бар эмеспи, ошол сыяктуу кылабыз дешкен. Бирок мен дароо «жок» деп баш тарткам. Ставканы көтөрүштү 50 миң долларга чейин, мен «100 миң доллар берсеңер да жок» дедим. Ошондо «Аскат?» деп суроолуу карап, түшүнбөгөн бойдон башын чайкап өз жолуна түшүшкөн.
М.: – Аскат байкедей профессионал актёрду мен кантип сындамак элем? Өзүм келечекте эл эсинде калган, мыкты ролдорду жараткым келет. Айта кетсем, «Ээнсиреген үйдөгү» Султандын ролуна башында Аскат байке талапкер катары каралып жаткан, бирок өнөктөшүм Болот Тентимишов болуп калды. Кастингден Аскат байкени карап «ушул кишини кайсы жерден көрдүм эле?» деп ойлонуп, кийин эстебедимби.
А.: – Койчу, ошондо сен белең?
М.: – Ооба (күлүп).

– Гонорардын баасын өзүңүздөр коёсуздарбы же режиссёрбу?
М.: – Бул жаатта менин тажрыйбам жок. Аскат байке профессионал катары жакшы билсе керек...
А.: – Мен биринчи сценарийди окуп чыгам, ошого жараша баа чечилет. Чет өлкөлүктөр, негизи, жакшы төлөп беришет. Жакында «Тенгри» аттуу француз айым тарткан фильмге тартылдым, жакшы төлөштү, «Ысык-Көл бешбармагы» аттуу орустар тарткан фильмдин жаратуучулары да жакшы төлөшкөн. Ал эми кыргыз фильмдеринен эң көп гонорар алганым «Президент жана бомж» тасмасы болду.

– Учурдагы кыргыз киносунун абалы сиздерди канааттандырабы?
А.: – Мен бая күнү уктум, Кыргызстанда жылына 50дөн ашык кино тартылат деп. Индияда жылына 1500 кино тартылат экен. Бирок Индияда эмне деген гана киностудиялары бар. Ал эми бизде «Кыргыз киносу» тартса жылына 5 кино тартса керек. Калгандары бүт менчик киностудиялар же көчөдөн келгендер эле тартып жатышпайбы. Бирок тартыла берсин, банкрот болуп акчасы күйгөндө өздөрү эле тартпай калышат.
М.: – Ооба, жакшылар өздөрү эле иргелип калат.

– Эгер кинонун сценарийине көңүлүңүздөр чыкпай жатса, дароо баш тартасыздарбы же акчасына карайсыздарбы?
М.: – Жок, эгер жакпаса дароо эле жолуңа түш дейм. «Ээнсиреген үйдөгү» ролумдан кийин бир топ режиссёрлор «роль ойноп бер» деп сунуш кылышкан, бирок тартуу иштери менин окуума жолтоо болгондуктан, баарынан баш тартып жатам.
А.: – Кайсы тасма экенин айтпай эле коёюн, бирок мен бир киного тартылып алып, туугандарымдан аябай тил уккан жайым бар. Ошол киного такыр тартылгым келбей, канча качып жүрдүм. Болбой эле үйүмө чейин келип, ортого тааныш-билиштерди салып жатты. Акырында «менин ставкам жогору, ага чыдабайсың» деп да айтып көрдүм. «Чыдайбыз» деп жабышып туруп алды. Айла жок тартылып бердим. Бирок жыйынтыгын көрүп, «тартылбай эле койбой» дедим. Кинодо же бир берейин деген ой жок, өзүм да көңүлсүз ойногондуктан, жарнамага тартылгандай эле ойноп коюпмун.

– Аяз ата менен Аяз кыз Жаңы жылда биздин окурмандарга эмне каалайт?
А.: – Ден соолугубуз чың, тынчтыкта, аманчылыкта жана ынтымакта бололу!
М.: – Ушул жылы өлкөбүз жакшылыктардын ордосу болсун!

– Маегиңиздерге чоң рахмат!

Лунара Бекиева
Адилет Бектуров
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(15)
31.12.2012. 11:56 
Тайпасы:
Кыймылы жок
Комментарийлердин саны:
21
Катталган:
29-11-2012
Соӊку аракети:
29-07-2013 19:29
Жынысы:
Белгисиз
Калаасы:
Мекеним Кыргызстан
0
Биздин актер актирисаларыбы мындан да кооп мыкты рольдорду жарата берсин. Чыгармамачылыгынарга чоон ийгилик каалаймын. Эл ичинде аман болунуздар.
31.12.2012. 14:57 
Тайпасы:
Кыймылы жок
Комментарийлердин саны:
45
Катталган:
15-11-2012
Соӊку аракети:
17-10-2014 02:33
Жынысы:
Белгисиз
0
аскат байке буттук рольдорун жакшы аткаратта ийгилик кааалайм сизге аллахым омур берсин.
31.12.2012. 22:59 
Тайпасы:
Кыймылы жок
Комментарийлердин саны:
24
Катталган:
29-06-2012
Соӊку аракети:
09-05-2016 14:44
Жынысы:
Белгисиз
0
Супер Инфо туура тандапсыздар! Марал эже аткарган р0лду анча мынча адам деле ойной албайт!
01.01.2013. 02:17 
Тайпасы:
Жаран
Комментарийлердин саны:
74
Катталган:
18-07-2012
Соӊку аракети:
07-08-2018 15:53
Жынысы:
Белгисиз
Калаасы:
German, stutgard
0
марал талантын алдыгыга оркундоп осоо берсиин!!!азаматсын!!!
01.01.2013. 14:33 
Тайпасы:
Жаран
Комментарийлердин саны:
212
Катталган:
05-11-2011
Соӊку аракети:
19-06-2018 18:27
Жынысы:
Белгисиз
0
азаматсынар,ийгилик силерге!аяз кыз болгон сонун жарашыптыр Маралга.
01.01.2013. 15:56 
Тайпасы:
Тартип бузгандар
Комментарийлердин саны:
18
Катталган:
24-08-2011
Соӊку аракети:
06-07-2014 10:37
Жынысы:
Белгисиз
Калаасы:
Бишкек шаары
+2
шумдук, тошок сценасын корсотуп койсо - супер актриса болуп калабы?!
01.01.2013. 16:48 
Тайпасы:
Жаран
Комментарийлердин саны:
12
Катталган:
13-03-2012
Соӊку аракети:
02-08-2018 02:40
Жынысы:
Белгисиз
+2
sestra туура айтасын!!!
01.01.2013. 20:12 
Тайпасы:
Жаран
Комментарийлердин саны:
32
Катталган:
14-12-2011
Соӊку аракети:
14-03-2018 02:20
Жынысы:
Белгисиз
Калаасы:
кыргызстан
0
супер актриса бирок татыктуудай эмес..
02.01.2013. 00:51 
Тайпасы:
Кыймылы жок
Комментарийлердин саны:
27
Катталган:
28-10-2012
Соӊку аракети:
27-03-2013 01:13
Жынысы:
Белгисиз
Калаасы:
Красноярск
0
Аскат Сулайманов кандай гана рольду ойнобосун,эн сонун,жеткиликтуу,ар бир адамдын журогуно жеткен болуп жаралат.Жада калса эпизоддо дагы оз ишин мыкты билген актёр экени билинип турат.Азаматсыз,чыгармачылыгынызга ийгилик,уй-булонузго бакыт каалаймын!"Ээнсиреген уй"фильминде Маралдын актёрствосу жаккан)))
02.01.2013. 01:43 
Тайпасы:
Кыймылы жок
Комментарийлердин саны:
24
Катталган:
14-07-2011
Соӊку аракети:
02-06-2013 12:50
Жынысы:
Белгисиз
Калаасы:
Махабат шаарчасында
+2
бир эле роль жаратып, анан "мыкты" актриса болобу?
02.01.2013. 02:38 
Тайпасы:
Жаран
Комментарийлердин саны:
139
Катталган:
22-11-2012
Соӊку аракети:
18-09-2018 17:06
Жынысы:
Белгисиз
Калаасы:
КG
0
Экоо кыз джигит болуп алышкан го... :)
03.01.2013. 03:16 
Тайпасы:
Жаран
Комментарийлердин саны:
103
Катталган:
08-12-2012
Соӊку аракети:
03-02-2018 19:59
Жынысы:
Белгисиз
Калаасы:
Москва
+2
Марал атгарган роль такыр туура келбейт биздин менталитетге и шариатга да! Кийими жок тартылса эле супер актриса кылган туура эмес.
05.01.2013. 20:23 
Тайпасы:
Жаран
Комментарийлердин саны:
7
Катталган:
26-02-2011
Соӊку аракети:
29-04-2017 12:35
Жынысы:
Белгисиз
0
Аскат байке баракелде, браво! Онорунуз оркундой берсин!
05.01.2013. 21:02 
Тайпасы:
Кыймылы жок
Комментарийлердин саны:
21
Катталган:
22-07-2012
Соӊку аракети:
19-08-2014 01:42
Жынысы:
Белгисиз
0
Марал мага жагат. Сильная личность, кучтуу кыз. Кеп жыланачтанганда эмес. Ал козунон эле корунуп турат. Ал эми чындыкты канчалык жашырган сайын, кайра дааналап коруно берет, же бизде жуздогон, миндеген айылдык Эле кыздар сойку болуп жургону жалганбы???
06.01.2013. 17:11 
Тайпасы:
Жаран
Комментарийлердин саны:
202
Катталган:
17-03-2008
Соӊку аракети:
29-05-2017 09:11
Жынысы:
Белгисиз
Калаасы:
Бишкек
0
"Женни Герхардды" окуган сайын авторго жиним келе берет, Женнинин аянычтуу тагдыры үчүн. Бирок автордо эмне күнөө, ал ошол мезгилдин бир тагдырын баяндап берди да. "Ээнсиреген үй" үчүн коомчулук Нурбек Эгенди, Маралды жакшы эле тепкиге алды. Бирок аларда эмне күнөө? Ушул замандын жылаңач чындыгын сүрөттөп, жүрөккө жеткире ойноп бергендери үчүн кунөөлүүб&
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: