Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

2012-ЖЫЛ. ЭМНЕ ТАПТЫК? ЭМНЕ ЖОГОТТУК?

№531 4-10-январь, 2012-ж


Коштошуп жаткан жыл баналдуу эмес, күтүүсүз окуялар менен коштолду. Баягы эле митингдерге бай болгону менен, анын соңкуларынын бири үч депутаттын СИЗОго отуруп калуусу менен эсте калды. Аларга карата сот өкүмү кандай чыгары азырынча белгисиз, бирок биз жылдын башка дагы маанилүү окуяларына тыянак чыгарып көрөлү.

КЫРГЫЗСТАНДА

Январь

  • Жаңы жыл кирип келгенде эле, 4-январда Бишкектин «Ала-Тоо» аянтында казино жана оюн автоматтарынын иштөөсүнө каршы митинг болуп өттү.
  • 30-январь күнү УМККнын Коррупцияга каршы кызматы «Альфа Телеком» («Мегаком») компаниясынын башкы директору Азамат Мурзалиев баштаган дагы башка кызматкерлерин камакка алды. Аларга кызмат абалынан кыянаттык менен пайдалануу, ишенип тапшырылган менчикти ээлеп алуу жана башка айыптар коюлду.

ФЕВРАЛЬ

  • 10-февралдан тартып Кыргызстан менен Түркиянын ортосунда визасыз режим келишими ишке кирди.

МАРТ

  • Марттын биринчи күнүндө «Ата Журт» жана «Бүтүн Кыргызстан» партиялары Ош шаарында митинг өткөрүштү, ал эми 31-мартта Баткенде.
  • Бул айдын эң дүрбөлөңдүү окуясы экс-президенттин бир тууган иниси Акмат Бакиевдин качып кетүүсү болду. Ал 6-февралда түрмөдөн медициналык борборго дарылоого которулуп, күн сайын текшерип турган колониянын кызматкерлери 3-мартта аны ордунан таппай калышкан. Ушул күнгө чейин анын дайыны белгисиз.
  • 13-мартта Башкы прокуратура Кыргызстанга ташылып келинген уулуу көмүр боюнча Энергетика жана өнөр жай министри Аскарбек Шадиевге кылмыш ишин козгоду.

Апрель

  • 6-апрелде Мамлекеттик жаза аткаруу кызматынын башчысы Шейшенбек Байзаков кызматынан бошотулду.

Май

  • Бул айда ИИМдин эксперттик-криминалисттик борборунун кызматкери Надыр Абдыракматов иш бөлмөсүндө өзүн кокустуктан атып алды. Милиция кызматкери кырсык катталган жерден эле жан берген.
  • Көп өтпөй УМККнын офицери үйүндө өз өмүрүнө кол салды. Ал да өзүнө тапанчадан ок чыгарып, ооруканадан көз жумду.

Июнь

  • Бишкек шаарынын экс-мэри, ЖКнын депутаты Нариман Түлеев УМККнын тергөө изоляторуна жеткирилип, ага коррупция боюнча айып тагылды. Тергөөнүн маалыматы боюнча, Нариман Түлеев шаар башчы болуп турганда мамлекетке 1 миллион доллардан ашуун зыян тийгизген.
  • 4-июнда Алмазбек Атамбаев Кытайга барды. Бул сапарда эки өлкөнүн мамлекет башчылары «Датка-Кемин» электр энергиясын өткөрүүчү линияларын жана «Кемин» подстанциясын куруу долбоору боюнча жеңилдетилген кредиттик макулдашууга кол коюшту.

Июль

  • 4-июлда «пара алганга тиешеси бар» деген айып менен Социалдык өнүктүрүү министри Равшанбек Сабиров камакка алынды. Бирок 21-ноябрда Биринчи Май райондук соту экс-министрди бардык айыптоолор боюнча актаган чечим чыгарды.
  • 16-июлда Чубак ажы Жалилов кызматын тапшыруу боюнча Уламалар кеңешине арыз жазды. Анын ордуна 17-июлда Рахматулла ажы Эгембердиев муфтийдин милдетин аткаруучу болуп шайланды.
  • Айдын аягында Бишкек шаарынын тургундарын Ала-Арча дарыясынын башында жайгашкан Тез-Төр көлү кыйла эле чочутту. «Көлдүн суусунун деңгээли жогорулап кеткендиги үчүн борборду топон суу каптайт экен» деген ушак дуу тарап, Байтик жана Чоң-Арык айылдарынын эли өз алдынча коопсуз жайларга көчүп, коомчулуктагы дүрбөлөң араң токтоду.

Август

  • 13-августта «өкмөт башчы Өмүрбек Бабановго түркиялык ишкер тарабынан кымбат баалуу аргымак тартууланган, бул пара алууга барабар» деген билдирүү менен «Ата Мекен» фракциясы кезексиз жыйын өткөздү.
  • 16-августта Бишкекке Орусия өкмөт башчысынын биринчи орун басары Игорь Шувалов башында турган делегация келип, президент Алмазбек Атамбаев менен жолугушту. Бул иш сапарында эки тарап Камбар-Ата-1 ГЭСин, ошондой эле Нарын дарыясынын башында жаңы ГЭСтердин каскадын курууга макулдашышты. Ошондой эле Орусия Кыргызстандын 2005-жылдан берки 489 миллион долларлык карызын кечери белгилүү болду.
  • 20-августта Ысык-Көлдүн Ак-Суу районундагы Эчкили-Таш бекетинде Балбай Кулбарак уулу аттуу чек арачы төрт кызматташын жана алардын биринин аялын атып өлтүрдү. Өзү эртеси колго түшүрүү учурунда окко учту.
  • 22-августта Парламенттик көпчүлүк коалициясынын жетекчиси, депутат Канатбек Исаев «Биримдик» коалициясы тараганын расмий түрдө билдирди.

Сентябрь

  • 1-сентябрда Өмүрбек Бабанов өкмөт башчынын милдетин аткаруудан бошоду.
  • 3-сентябрда Жогорку Кеңеште КСДП, «Ар-намыс» жана «Ата Мекен» фракцияларынан турган коалиция түзүлүп, премьерликке Жантөрө Сатыбалдиев келди.
  • 3-сентябрда Социалдык коргоо министрлигине караштуу Социалдык жактан камсыздандыруу департаментинин башчысы Гүлнара Дербишева «пара алды» деген шек менен бир айлык мөөнөткө УМККнын СИЗОсуна камакка алынды.
  • 15-сентябрда Башкы прокуратура ЖКнын депутаты Туратбек Мадылбековдун уулу Бишкек шаардык прокуратурасынын кызматкери Элдар Мадылбековду камакка алды. Ал «мурдагы президент Курманбек Бакиевдин жакындарына тиешелүү мүлктү жасалма документтер аркылуу өзүнө менчиктеп алган» деп шектелүүдө. Бул кылмыш ишинде фигурант катары депутат Садыр Жапаров, мурдагы Мамлекеттик мүлк министри Турсун Турдумамбетов да бар.

Октябрь

  • 3-октябрда «Кумтөрдү» улутташтыруу демилгеси менен чыккан «Ата Журт» фракциясынын депутаттары Камчыбек Ташиев, Талант Мамытов жана Садыр Жапаров «Ала-Тоо» борбордук аянтында митинг өткөрүүдө Ак үйдү басып алуу иш-аракеттерин жасады» деген айып менен УМККнын абагына камалышты.
  • 12-октябрда Британиянын укук коргоо органдары Кыргызстан жана АКШнын өтүнүчү боюнча Максим Бакиевди кармады.
  • 29-октябрда Ички иштер министри Зарылбек Рысалиев кызматтан алынып, анын ордуна Шамиль Атаханов келди. УМККнын төрагасы болуп Бейшенбай Жунусов дайындалды.

Ноябрь

  • 25-ноябрда Бишкек шаардык кеңешинин шайлоосу өтүп, эртеси «Республика» партиясынын өкүлдөрүнүн добуш берүүдөгү мыйзам бузууларын жашыруун камерага тартып алгандар тасманы интернетке жарыялап жиберишти. Мында «Республика» партиясынын жаштар канатынын лидери Наргиза Ажибаева башкаларга «карусель» боюнча сабак өтүп жаткандыгы тартылган.
  • 26-ноябрда Медет Садыркулов жана дагы 2 кишинин өлүмү боюнча сот өкүмү чыгып, кылмышка катышкан «Альфа» атайын тобунун кызматкери Бакыт Байжанов жана күзөт агенттигинин башчысы Эргешбек Маткайымов 15 жылга күчөтүлгөн режимде эркинен ажыратылды. Ал эми жогорку кызматтагы жетекчилерди кайтаруу кызматынын мурдагы башчысы Марат Турдукулов 18 жылын темир тордо өткөрмөй болду. Чек ара кызматынын экс-башчысы Замир Молдошев болсо 5 жылга күчөтүлгөн тартипте камакка алынды.
  • 30-ноябрда «Кызмат абалынан кыянаттык менен пайдаланды», «Менчиктештирүү, салыктык, бажылык же лицензиялык уруксат берилген ишти жүзөгө ашырууда кызмат абалын мыйзамсыз пайдалануу» беренелери боюнча Геология жана минералдык ресурстар боюнча мамлекеттик агенттиктин мурдагы жетекчиси Учкунбек Ташбаев 2 айлык мөөнөткө УМККнын СИЗОсуна камалды.

Декабрь

  • 8-декабрда Бишкекке криминалдык авторитет Камчы Көлбаев Дубайдан келгендиги маалым болду. Ага «Адам уурдоо», «Мыйзамсыз курал-жарак сактоо, аны алып жүрүү» сыяктуу оор кылмыш беренелери боюнча айып тагылып, УМККнын СИЗОсуна абакка алынды.
  • 10-декабрда «Супер-Инфо» гезитинин журналисти Асхат Субанбеков УМКК тарабынан уюштурулган «Басылмалар арасындагы коррупцияга каршы күрөштө чагылдырган мыкты макала» сынагында 3-орунду ээлеп, УМКК төрагасынын Ардак грамотасы жана баалуу белеги менен сыйланды.
  • 27-декабрда Түркиянын борбор шаары – Анкарада өткөн Махмуд Кашгари атындагы Эл аралык адабият сынагында кыргыз жазуучусу Айдарбек Сарманбетов 2-орунга арзыды.

ДҮЙНӨДӨ

Январь
23-январда Европалык Биримдик Ирандын нефти продуктуларын импорттоого тыюу салды.

Февраль
4-февралда Москва шаарында Орусиянын Мамлекеттик Думасы менен президенттик шайлоонун жыйынтыгынын бурмалануусуна каршы нааразычылык акция болуп өттү.
17-февралда Германиянын президенти Кристиан Вульф коррупция чатагына байланыштуу отставкага кетти.

Март
4-мартта Орусияда президенттик шайлоо өтүп, Владимир Путин үчүнчү ирет президент болуп шайланды.

Апрель
16-апрелде Жим Ен Ким Дүйнөлүк банктын башчысы болуп дайындалды.

Май
30-майда Түндүк Корея өзүн өзөктүү куралы бар өлкө деп жар салды.

Июнь
2-июнда Египеттин соту экс-президент Хосни Мубаракты 2011-жылдагы элдик толкундоолордо 850дөй адамды өлтүрүүгө жооптуу деп, өмүр бою эркинен ажыратты.

Июль
6-июлда Румыния парламенти Румыния президенти Траян Бэсескуга импичмент жарыялады.

Август
16-августта курамына 57 мамлекет кирген Ислам кызматташтык уюму Сириядагы каргашалуу окуялардан улам Сирия мамлекетин катардан чыгарып салды.

Сентябрь
9-сентябрда Орусия Федерациясы менен АКШнын ортосунда визалык режимди жөнөкөйлөтүү тууралуу макулдашуу ишке кирди.

Октябрь
7-октябрда Венесуэлада президенттик шайлоо өтүп, ага үчүнчү жолу Уго Чавес мамлекет башчысы болуп шайланды.

Ноябрь
6-ноябрда Барак Обама экинчи мөөнөткө АКШнын президенти болуп шайланды.

Декабрь
19-декабрда «Сэнури» консервативдик партиясынын төрайымы Пак Кын Хе Түштүк Кореянын биринчи аял президенти болуп шайланды.
25-декабрда Казакстандын «Чымкент» аэропортунан учак кырсыкка учурап, 27 адам каза болду. Учакта 20 аскер кызматкерлери, анын ичинде Казакстан Чек ара кызматынын башчысынын милдетин аткаруучу Турганбек Стамбеков жана экипаждын 7 мүчөсү бар болчу.

Мээрим Жеңишбек кызы
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
14.01.2013. 08:12 
Тайпасы:
Жаран
Комментарийлердин саны:
172
Катталган:
16-06-2012
Соӊку аракети:
15-05-2018 11:03
Жынысы:
Белгисиз
Калаасы:
Сахалин
0
Эми бул жылдан Кыргызстандын экономикасы мынчага осту, эли жакшы ийгиликтерге жетти деген гана кубанычтуу жанылыктарды кутом.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: