Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

2012- ЖЫЛДА КЫРГЫЗ СПОРТУ ЭМНЕСИ МЕНЕН ЭСТЕ КАЛДЫ?

№531 4-10-январь, 2012-ж


2012-жылдын өзгөчөлүгү – анын олимпиадалык жыл экенинде. Лондондо өткөн мааракелик 30-Жайкы Олимпиада оюндарына Кыргызстандан 14 гана спортчу жолдомо алды. Бул эгемендүү болгондон кийинки ата мекендик спорттун тарыхындагы эң жаман көрсөткүч. Ал жолдомонун бир канчасы ЭОК (Эл аралык Олимпиада Комитети) тарабынан спорт өнүгө элек өлкөлөргө колдоо катары берилүүчү жолдомолордон болду. Негизи, мындай курам менен Лондонго узатпай эле коюш керек болчу, узаткан соң алардан ийгилик үмүт этүү да кыйын эле. Ошентсе да артта калган жылга көз чаптырып көрдүк.

ОЛИМПИАДА ЖАНА АНДАН БАШКА ЖОГОТУУЛАР
Январь айында футбол боюнча жаштардан турган улуттук курама командабыз Орусиянын Санкт-Петербург шаарында өткөн Шериктештик Кубогуна катышып келди. Украина, Молдавия жана Латвия менен бир тайпада ойногон мекендештерибиз бир упай ала албай кайтышты.
Сентябрь айында Дүйшөмбү шаарында АФКнын президентинин Кубогунда «Дордой» 7-ирет катышып, биринчи жолу финалга чыга албай калды. Ошондой эле жолсуз жүрүш деп «Лондон-2012» Олимпиадасына жолдомо ойнотулган 3 мелдеште шагыраган балбандарыбыздан 4 гана жолдомого илингенин кошсок болот. Ал эми Олимпиадага 14 спортчунун төртөө ЭОКтун (Эл аралык Олимпиада Комитети) жолдомосу менен барып, баары ийгиликсиз кайтканын унута элек чыгарсыз. Мындай жоготуу тууралуу талкуу өткөрүү үчүн кыргыз спортунун тарыхында быйыл биринчи жолу спорттук курултай өттү. Андан соң Рио-де-Жанейродо өтүүчү кийинки Олимпиадага кызуу даярдык көрүлүп, атайын базалардын да долбоору чийиле баштады.

СПОРТТУК ЭМГЕКТЕР
Ален Офойо. «Кара кыргыз» атка конгон кикбоксчу Ален Офойонун беттештерин камтыган атайын диск жарык көрдү. Муну спортчу өзү чуркап бүтүрдү.
«КРнын Дене тарбия жана спорт энциклопедиясы». Улуттук Олимпиада Комитетинин долбоорунун негизинде аталган энциклопедия жарык көрдү. Анда азиялык, олимпиадалык оюндар, дене тарбия жана спорт тарыхы, маалыматтар, спорт түрлөрүнүн Кыргызстандагы өнүгүүсү жана башка маалыматтар камтылган.

Сыйлык алышты. Айымдар арасындагы күрөш боюнча башкы машыктыруучулукту аркала- ган Нурбек Изабеков баш болуп, Бахтияр Юсупов, Идирис Ботиков, Кубанычбек
Идинов жана Казакбай Нуров сыяктуу машыктыруучулар «КРнын эмгек сиңирген машыктыруучусу» наамына татышты.

ОРУН АЛМАШУУЛАР
Футбол боюнча улуттук курама команда өзгөрүүлөргө учурады. Команданын башкы машыктыруучусу Муратбек Жумакеев ордун бошотту. Кыргыз футболунун сапатын арттыруу максатында бул орунга 6 жылдан бери «Дордойдун» башында туруп келген Сергей Дворянков дайындалды. Ал эми КРнын Футбол федерациясынын президенти Айбек Алыбаев 4 жылдык кызматтан соң президенттин жарлыгы менен ээлеген кызматын өткөрдү. Көрсөтүлгөн 3 талапкердин ичинен бул орунга Семетей Султанов келип отурду.
Жыл башында КРнын Өкмөтүнүн алдындагы Дене тарбия жана спорт агенттигинин жетекчиси Үмбеталы Кыдыралиев кызматтан алынып, ордуна Байгазы Кенжебаев дайындалды. Ошондой эле грек-рим күрөшү жана эркин күрөш боюнча улуттук курама команданын башкы машыктыруучулары алмашты. Грек-рим күрөшү боюнча башкы машыктыруучу Эмил Алыкуловдун ордуна «Бээжин-2008» Олимпиадасынын триумфатору Канатбек Бегалиев келсе, эркин күрөш боюнча башкы машыктыруучу болуп Руслан Маджинов дайындалды (Анарбек Усенкановдун ордуна).

АЧЫЛЫШТАР
Бул жылы кыргыз спортунда анча көп эмес ачылыштар болду. Кыргызстанда өткөн бильярд боюнча Дүйнө чемпиондугунда 3-орунду алып Канат Сыдыков атын чыгарса, эрежесиз эр уруш боюнча бир катар беттештерди өткөргөн Актилек Жумабек уулу да атын тааныта алды. Ошондой эле айымдар арасындагы күрөш боюнча «чү» дегенде эле «Лондон-2012» Олимпиадасына жолдомо алган Айсулуу Тыныбекова менен футбол боюнча «Дордойдун» курамында өзгөчөлөнгөн Каюмжан Шариповду ачылыштардын катарына кошо алабыз.

МЫКТЫЛАР
Биринчи болуп шахмат боюнча Нуриза Оторбаева Өлкө чемпиону аталды. Кикбокстун К-1 версиясы боюнча Континенттер аралык чемпион Алексей Федосеев Ялтада кикбокс боюнча Дүйнө Кубогунда кур тагынып кайтты. 2012-жыл Алексей үчүн ийгиликтүү болуп, К-1 версиясы боюнча Дүйнө чемпиондугунун жана W5 Fighter мелдешинин чемпиондук курун тагынды.
Кылычбек Саркарбаев үчүн да жыл жемиштүү болду. Беларуста өткөн уруш түрүндөгү самбо боюнча Дүйнө чемпиондугунда Кылычбек Саркарбаев 5-орунду алса, Кыргызстанда бир катар рейтингдик беттештерде жеңүүчү аталды. Анан, албетте, «Супер-Инфонун» тандоосу менен «2012-жылдын Супер спортчусу» наамын жеўип алды.
Футбол боюнча «Дордой» үчүн жыл ийгиликтүү болору сезон башында эле байкалган. Алар башында «Абдыш-Ата» командасын утуп, КРнын Суперкубогун камсыздаса, Көз карандысыздык Кубогунун финалында «Алганы» 6:0 эсебинде утуп алды. Андан тышкары Өлкө чемпиондугунда сезон жыйынтыкталарына 6 тур калганда мөөнөтүнөн мурда чемпион аталды. Бул алардын 8-чемпиондугу болуп калды.
Жылдын кайтып келүүсү катары көк бөрү боюнча «Бөрүлү» командасын көрсөтүүгө болот. Бир жылдык тыныгуудан кийин сокулуктуктар кайрадан көк бөрү боюнча Өлкө чемпиону аталышты. Бул эле эмес, көк бөрүчүлөрүбүз Казакстандын Чымкент шаарында өткөн эл аралык мелдешти утуп алышты. Казакстан менен Кытайдын ат үстүндөгү азаматтарын артка калтырып, финалда кыргызстандык эки команда – «Кабылан» менен «Кожомкул» кез келди. Бул кыргыздар көк бөрү боюнча Борбордук Азияда биринчи дегенди билдирет.
Чет жерлерде жүргөн спортчуларыбыздан Эмил Кенжесариев Өзбекстандын «Бунёдкор» клубуна өткөн. Көп өтпөй казакстандык «Актөбеге» кайтып келди. Жаш футболчу Эрбол Атабаев «Барселонанын» футболдук мектебине кабыл алынып, сентябрь айынан тарта окуй баштады.

ЧЫРЛАР
Бишкек шаарынын Ленин райондук соту үстүбүздөгү жылдын 6-декабрында балбан Айсулуу Тыныбекова жана Розалия Тилегенованын ишине чекит койду. Аталган спортчуларыбызды Кылмыш кодексинин 234-беренеси (бейбаштык) боюнча күнөөлүү деп таап, Айсулуу 2 жылга, Розалия 1 жылга шарттуу түрдө эркинен ажыратылышты. Ошентип,«көчөдө эмес», спорт дүйнөсүндө чуу сала турчу Айсулуу «17 жашар кызды сабады» деген айып менен соттолду.
Чырлардын катарын Дзюдо федерациясынын президенти Азамат Бакасовго байланышкан иштер толуктайт. «Кылмыштуу топтун мүчөсү» деген айып менен аны ИИМ кармап, кийин кайра коё берген. Кийин журналисттер менен жолугуп, бир катар суроолорго жооп берди. «Көпчүлүккө жалгыз каршы туруудан тажадым» деген Азамат мырза ноябрь айында жумуштан кетүү тууралуу арызын берген эле. «Арызым карала элек. Январда чогулушта каралат. Ошого чейин иштей берем»,-деп билдирди жакында.


КЫРГЫЗСТАНДА БОЛУП КАЙТКАН КОНОКТОР
Жыл ичинде бир-эки спорттук мелдештер жана спортко байланыштуу сүйлөшүү үчүн атактуу спорттук ишмерлер жана спортчулар өлкөбүздө болуп кайтышты. Март айында Бишкекте бильярд боюнча Дүйнө чемпиондугу өтүп, 100гө жакын кий чебери өлкөбүздө болсо, сентябрда УЕФАнын президенти Мишель Платини расмий иш сапары менен келип кетти. Ошондой эле эркин күрөш боюнча өспүрүмдөр арасында Азия чемпиондугу өтсө, кийин Баяман Эркинбаевдин жаркын элесине арналган бел боо күрөшүнүн алыш түрү боюнча Азия чемпиондугу өттү. Ага дүйнөнүн түрдүү 8 өлкөсүнөн балбандар келип, күч сынашты.
Аншлаг менен өткөн спорттук иш-чаралардын бири деп швециялык Мартин Актардын кикбокстун К-1 версиясы боюнча Дүйнө чемпиондугунун чемпиондук куру үчүн Алексей Федосеев менен беттешке келгенин айтсак болот. Анан да өлкөдө шахматты өнүктүрүү максатында Алмазбек Атамбаев Эл аралык шахмат федерациясынын президенти (ФИДЕ) Кирсан Илюмжинов менен кезикти.

Максат Кудайбердиев
sport@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
07.01.2013. 10:30 
Тайпасы:
Тартип бузгандар
Комментарийлердин саны:
141
Катталган:
29-12-2011
Соӊку аракети:
06-07-2013 15:28
Жынысы:
Белгисиз
Калаасы:
москва
0
жанагы Айсулуу деген кызды чын эле камап жибериштиби? жаман болуптур эми ЗЕЧКА болот турбайбы
08.01.2013. 05:39 
Тайпасы:
Жаран
Комментарийлердин саны:
60
Катталган:
07-12-2012
Соӊку аракети:
31-08-2018 10:18
Жынысы:
Белгисиз
Калаасы:
москва
0
Кырг да спорт онолбойт.Себеби биздин баштан сасыйбыз.Мисалы: тренировка кылам деп кызыгып барасын .Ал жерде мен тренеринди кээде эле корбосон а так корбойсун ал озунун ишенген балдарына дайындап озу катышпайт кундо конул буруп уйротпойт.
Мен озумдун башымдан отконду айттым
09.01.2013. 01:06 
Тайпасы:
Жаран
Комментарийлердин саны:
44
Катталган:
02-05-2011
Соӊку аракети:
09-05-2018 00:14
Жынысы:
Белгисиз
Калаасы:
osh
0
Эн деп жазгансыздарбы? Эу депби тушунбой калдым макаланын башына.
09.01.2013. 09:40 
Тайпасы:
Супермодератор
Комментарийлердин саны:
2058
Катталган:
22-02-2011
Соӊку аракети:
21-09-2018 18:13
Жынысы:
Белгисиз
Калаасы:
...
0
ELIMA91,
Катачылык кеткен, рахмат түзөтүлдү.
10.01.2013. 00:24 
Тайпасы:
Жаран
Комментарийлердин саны:
47
Катталган:
12-10-2012
Соӊку аракети:
25-05-2018 17:59
Жынысы:
Белгисиз
Калаасы:
россия
0
admin_media сиз менен кантип туз байланышсак болот?Сизге болгон бир катаар суроолорум,жана ой пикирлерим бар болчу?
12.01.2013. 05:18 
Тайпасы:
Жаран
Комментарийлердин саны:
111
Катталган:
21-03-2012
Соӊку аракети:
19-07-2018 02:01
Жынысы:
Белгисиз
0
Кыргызстандын спортун которо тургандарды иштетпесе, алардын ордуна чондор акчасына карап оз тааныштарын коюп атса ал кайсы кыйраткан спорт болот. Ал тааныштары иштей албаса эмне болот деп ойлошпойт. УЯТ да ушундай кылган.Олимпиада буткучо кайра кайра таблицаны карап: жок дегенде 4-5 медаль алса деп умуттонуп аттык, анан томсоруп отуруп калдык, ырымга да 1 да медаль жок. Же чондорубуз креслодон кресло талашкандан башка билген иши жокпу? абдан окунучтуу, элин ойлогон башкаруучулар калбай калган го
13.01.2013. 12:40 
Тайпасы:
Кыймылы жок
Комментарийлердин саны:
243
Катталган:
16-08-2011
Соӊку аракети:
13-01-2015 19:08
Жынысы:
Белгисиз
0
Жаркын Байзаков жокко
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: