Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ИТТИН АТЫ, «ИТТИН СТИЛИ» МЕНЕН АТАКТУУ БОЛГОН СНУП ДОГГ

№531 4-10-январь, 2012-ж


 Ырчылар менен дуэт ырдоо жагынан алдына эч кимди салбаган америкалык рэпер Снуп Догг бүгүн биздин «Дүйнө жылдыздары» рубрикабыздын каарманы.

Толук аты-жөнү – Кэльвин Кордозар Броадус (кичүүсү)
Туулган жылы – 1971-жыл, 20-октябрь   
Туулган жери – АКШнын Калифорния штатынын Лонг-Бич шаары
Бою – 192 см
Салмагы – 75 кг
Кесиби – Рэпер, музыкант, актёр
Жанры – Хип-хоп, рэп, R&B
Жакшы көргөн тобу – «Metallica»
Дини – Ислам

МУЛЬТФИЛЬМДЕН УЛАМ СНУП ДОГГ АТАЛГАН 
Бул таланттуу рэперди апасы бала кезинде анын көз карашынан, мүнөзүнөн, чачынын тармалдашып турганынан улам америкалык мультфильмдеги каарман күчүккө окшоштуруп, тамашалап анын атынан Снуп Догги Догг деп атап койгон. «Snoopy» деген сөздү англис тилинен которгондо «изине түшүү», «артынан түшүү» деген маанини берет.
Кэльвин кичине кезинде дал ошол мультфильмдеги күчүккө окшоп бир нерсеге абдан кызыкдар болуп, ал жөнүндө толук маалымат алмайынча жаны тынчу эмес экен. Ошондон улам аны бардыгы Снуп деп атап жүрүп, бара-бара Снуп Догги Догг деп тааныла баштайт. «Бул лакап атты мага апам ыйгарган. Кийинчерээк ысымыма айланып кетти. Анан да мен рэпер болгондон кийин элге башкача ат менен таанылгым келди»,- деп эскерет Снуп каймана аты тууралуу.
Рэпердин атасы Вернелл Вэрнадо Вьетнам согушунун ардагери, жергиликтүү почта кызматкери жана ырчылык менен да алектенген адам болгон. Ата-энеси Снупту абдан жакшы көрүшчү. Бирок алардын уулуна болгон сүйүүсү бул үй-бүлөнү сактап кала алган эмес. Снуп үч айында бактылуу үй-бүлө эки жолго түшөт. Апасы Беверли Тэйт бир аз убакыттан соң Кэльвин Кордозар Броадус аттуу адамга турмушка чыгып, уулун ошол күйөөсүнүн фамилиясына өткөрөт. Окуучу кезинде мектептеги үлгүлүү окуучулардын катарын толуктачу.
Снуп табиятынан абдан арык, карагаттай көздөрү чанагынан чыгайын деп тургандыктан, мугалимдер аны оорулуу деп ойлоп, тынчсызданышчу. Бирок кийин спортзалга барып машыгып жүрүп, мурунку оорулуу көрүнгөн жүзүнүн изи да калган эмес.

БАҢГИЗАТЫНЫН КУЛУНА АЙЛАНГАН
«Дени сак жашоо үчүн!» деген ураанды туу туткан, бою узун, колдору шадылуу келген Снуп бир кездерде Лонг-Бичтеги баскетбол талааларынын жылдызына айланып кетет.
Мектеп курагынан өтүп, колледжге тапшыргандан тарта аны достору оюндан чанда гана көрүп, кийинчерээк такыр эле жолобой калганын байкашат. Анткени Снуп баңгизатын алып-саткан жергиликтүү бир топтун курамына кирип кетет. Мындан улам колледжди бүтүп жатканда үч жыл темир тор артында отурууга мажбур болуп, жашоонун оор сыноосуна тушугат. «Минтип жашоо түбөлүккө созулмак экен, эгерде бир таанышым мени адам болууга үмүттөндүрбөгөндө. Ал «сенде ырчылык талант бар экен. Бул жакта, кааласаң, өмүр бою деле отура бересиң. Эптеп чыгуунун аракетин кылып, талантыңды чыгарышың керек» деген. Анын мындай жүрөккө жеткен сөздөрү мага, чынында, дем берген»,- деп эскерет Снуп. Ошондон кийин ырчылык менен алектенүүнү чечип, абактан чыккандан кийин олуттуу түрдө рэперликке киришип, акырындан атагы чыга баштайт. Бирок анын баңгизатынын кулуна айланып, ушул кезге чейин колдонуп келгени тууралуу кептер менен «марихуана мени күчтүү кылып, жакшы маанай тартуулайт» деп айтканы кейитет. Керек болсо атасы менен бирге маңзатын чегип жаткан сүрөттөрдү Снуптун уулу «Твиттердеги» баракчасына жүктөп салган.

БАЛДАРЫНЫН РЭПЕР БОЛУШУН КААЛАБАЙТ
«Атасыз өсүү, менин оюмча, жаман эмес. Себеби өзүмдү мисал кылсам, бул мага келечекте балдарыма татыктуу ата болууга чоң түрткү берди. Атанын балдары үчүн болгон милдети – жоопкерчилик. Бул ар бир эркектин жашоо образына айланышы керек»,- деген Снуптун үй-бүлөсүнө кайрылалы. Алгачкы сүйүүсү, мектепте бир класста окуган Шанте Тейлор менен баш кошуп, учурда экөөнүн ортосунда Корд, Корделл аттуу уулдары, Кори деген кызы бар. Жубайы менен 2004-жылы түшүнбөстүктөн улам ажырашып, бирок сүйүү күчтүүлүк кылганбы, 2008-жылы кайрадан түтүн булатууну чечип жарашышат. Кызыгы, рэпер балдарын келечекте музыка дүйнөсүнөн көргүсү келбейт. Мунун себебин ал өмүр бою гастролдордо жүрүп акча табуу көкүрөгүнө көк талкандай тийгенин, балдарынын да минтип кыйналышын каалабаганы менен түшүндүрөт.

ЖАШТЫГЫ МЕНЕН КОШТОШО АЛБАГАН СНУП ДОГГ
Снуп Догг 1993-жылы алгачкы ирет «Иттин стили» Doggystyle») аттуу ыр жыйнагын чыгарат. Рэпердин популярдуулугун мындан билиңиз, ыр жыйнак чыкканга чейин эле, күйөрмандарынан алдын ала бир жарым миллион буйрутма түшкөн. Анан да музыка сынчылары тарабынан көптөгөн позитивдүү комментарийлер айтылып, ыр жыйнактагы чыгармалар америкалык хит-параддардын сап башын ээлеп турган. Белгилей кетчү жагдай, рэпер чыгармачылык жылдар аралыгында ондогон лакап аттар менен сахнага чыгып келсе, учурда ысымын Снуп Лайон деп өзгөрткөн. Маалыматтарга караганда, Снуп өзүн жарнамалаганды жакшы көргөн адам. Муну ал 2009-жылы орус рэпери Тимати менен ырдап чыккан «Чер жазуу» Groove On») дуэтинен кийин айтып чыгышкан. «Тимати Снуп аркылуу дүйнөгө таанылгысы келсе, Снуп Европада да атактуулугун арттырууну көздөгөн» деген маалыматтар айтылып келет. Снуп мындан башка Девид Гетта, Эйкон, Эминем, Николь Шерзингер, Бейонс менен да дуэт ырдаган. Снуптун бир чочулаганы – жаштыгы менен коштошуу. Кайсы бир интервьюсунда «такыр картайгым келбейт. Картайганда менин жашоомо айланган рэпти окуй албай калам да. Ушундан абдан корком» деп айтканы бар.

Асел Асанова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
07.01.2013. 12:51 
Тайпасы:
Жаран
Комментарийлердин саны:
302
Катталган:
19-12-2012
Соӊку аракети:
14-06-2018 17:24
Жынысы:
Белгисиз
0
Bul kartaigancha emne bolup ketet kim bilet?
07.01.2013. 14:43 
Тайпасы:
Түйүлдүк
Комментарийлердин саны:
676
Катталган:
06-11-2012
Соӊку аракети:
14-07-2014 22:40
Жынысы:
Белгисиз
Калаасы:
..........sonuuuuuun jerde
0
картайбай калдыгооо
07.01.2013. 16:45 
Тайпасы:
Жаран
Комментарийлердин саны:
69
Катталган:
07-07-2012
Соӊку аракети:
03-05-2018 09:31
Жынысы:
Белгисиз
0
сноуп до
08.01.2013. 15:19 
Тайпасы:
Жаран
Комментарийлердин саны:
1
Катталган:
10-10-2011
Соӊку аракети:
13-08-2017 18:12
Жынысы:
Белгисиз
0
бул да айныды, каяктагы клубняктарга аралашып!
11.01.2013. 12:06 
Тайпасы:
Кыймылы жок
Комментарийлердин саны:
16
Катталган:
15-03-2012
Соӊку аракети:
29-08-2016 09:45
Жынысы:
Белгисиз
0
Я вот одному удивляюсь, если у него религия "Ислам" зачем он тогда снимает такие клипы с полуголыми девушками, и как я знаю Snoop Dog часто употребляет наркотические вещества,если он недавно принял "Ислам" может в будущем изменится как подобает к этой религии.
11.01.2013. 13:19 
Тайпасы:
Супермодератор
Комментарийлердин саны:
7530
Катталган:
22-02-2011
Соӊку аракети:
21-09-2018 18:13
Жынысы:
Белгисиз
Калаасы:
...
0
Aida91,
Кыргыз тилинде жазуу сайттын талабына ылайык.
13.01.2013. 02:32 
Тайпасы:
Кыймылы жок
Комментарийлердин саны:
19
Катталган:
16-08-2012
Соӊку аракети:
17-02-2013 02:54
Жынысы:
Белгисиз
Калаасы:
Moscow,London,Mayami
0
Иттин баласы десе! :D
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: