Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

2013-ЖЫЛГА ЖЫЛДЫЗ ТӨЛГӨ

№531 4-10-январь, 2012-ж


КОЙ
Иш, финансы
Бул жылы сиздин финансылык сезим-туюмуңуз жогорку деңгээлде. Андыктан кантип иштеп, канча акча таба аларыңызды жана канча акча коротуу керектигин алдын ала так билүүгө жетишүүңүз кажет. Ошондо керектүүлөрдөн тышкары чөнтөктө ашыкча акча жүрө алат. Карьерадан өсүү үчүн иштөө ыкмасын жаңыртууга, идеологиялык талаш-тартышка туш келүүгө даяр туруу керек.

Жеке жашоо
Каалаган максатка жетүү үчүн, мисалы, мамилелерди жөнгө салуу, үй-бүлө очогун тутантуу же үй-жайга ээ болууга көп тер төгүү кажет. Бирок жыйынтык кырдаалга жараша болуп калышы толук мүмкүн. Айталы, бирөөлөр жашоосун эскиче улантып, кээ бирөөлөр жаңыча жашоонун эшигин ачып.

Ден соолук
Ден соолугуңуз жүрүм-турумуңуздан, калыптанган адаттарыңыздан көз каранды. Энергияңыз толуп-ташып, эмоциянын көп болушун шарттайт. Бирок ашыкча активдүүлүк жана абайсыздык стресске, майда жаракаттарга кабылууга түртөрүн унутпоо зарыл.

БУКАЧАР
Иш, финансы
Букачарлар бул жылы профессионалдык жана чыгармачылык жактан автивдүү болуп, көзгө көрүнүп, материалдык абалын оңдошот.Карьерадан өсүүгө далалаттар да ийгилик менен коштолот. Кирешелер июндан баштап акырындап көбөйөт.

Жеке жашоо
Жашоого, дүйнөгө көз караштары өзгөрүп, мурун баалабаган нерселерди баалап чыга келишет. Кимде мамилелер али романтикалуу жолугушуулар деңгээлинде болсо, анда үй-бүлө маселеси башкы орунга чыгат. Алар бир жагына чыгууну каалашат: же үй-бүлө куруу, же мамилени жыйыштыруу. Мамилелеринде буга чейин жарака кеткендер бардыгы ордуна келгичекти күтүшпөй, жаңы таанышууларга басым жасашат. Сүйүктүүсүн кезиктире электердин көбү жана үй-бүлөлүүлөр жашоосун бир нукта улантышмакчы.

Ден соолук
Өпкөнүн өнөкөт оорусу барлардын оорусу жазда, кышта курчушу мүмкүн. Жүрөктү сактоо керектигин жылдыздар эскертишет.

ЭГИЗДЕР
Иш, финансы
Жеке ишин баштайм дегендерге тоскоолдук жок. Болгону, көп энергия, убакыт керек. Кызматкерлер атаандаштыкка туруштук берүү, ордун тарттырып жибербөө маселесине кабылышат. Ишин так аткарышса, баш оору жок. Жайдын ортосунда материалдык кыйынчылыкка кабылбоо үчүн акчаны үнөмдөө зарыл. Кыймылсыз мүлккө ээ болуу үчүн банктан насыя алуулары ыктымал.

Жеке жашоо
Үй-бүлөлүк бизнес, балдарды тарбиялоо же жакындарга жардам берүү... Булардын баары эгиздерден бул жылы көп убакытты талап кылат. Андыктан сүйүүгө, сүйүктүү болууга жетишүү өздөрүнөн көз каранды. Бойдок эгиздердин көбү баш кошууга жетпесе да, түбөлүк жар болчу адамдарына кезигишет.
Чет өлкөлөргө саякаттоо же пансионатта эс алууга мүмкүнчүлүк чыгарын кабарлашат.

Ден соолук
Эгиздердин бул жылы аярлуу органдары боор жана ашказан болмокчу. Андыктан диета кармоо, врачтарга кайрылуу ашыкча болбойт.

БӨЙӨН
Иш, финансы
Жаңы идеялар менен талбай иштөө, колдоо көрсөтүүчү адамдарга таянуу гана сизди алдыга алып чыга алат. Кыскасы, иште лидер болууга туура келет, болбосо четте калуу коркунучу бар. Өзүңүздү туура эмес баалоо да катачылык, анткени сиз профессионал жана табияттан уюштуруучусуз. Карыздардан кутулуу керек болгондуктан, акчаны абдан үнөмдөө сунушталат.

Жеке жашоо
Жаңы турак жайга көчүү же алыска саякатка чыгуу тилектери орундалат. Жаңыча жашоо баштоо жана аны гүлдөтүү мүмкүнчүлүгү да берилет. Муну колдон чыгарбай, керектүү жана жакшы адам экениңизди мамиле жана туура иш-аракеттер менен далилдөөгө жетишиңиз. Болбосо жашооңуздун жагымдуу барактарын ача албай каласыз.

Ден соолук
Жыл ичинде боор жана уйку безине көңүл буруп, керек учурда дарылануу сунушталат. Жайкысын көбүрөөк эс алууну да унутпаңыз.

АРСТАН
Иш, финансы
Бул жыл арстандар үчүн чоң секирикке даярдануу болмокчу. Ылайыгы келип калса эле өзүн көрсөтүүгө даяр туруп, чоң ишти аркалоодон качпоо кажет. Жана да ишенимдүү шериктештер менен иш алып барып, жетекчи менен дамамат акылдашып иш кылуу керек. Сырттагы тааныштар, чет элдик ишканалар менен иш алып баруу чоң кирешелерди тартуулайт.

Жеке жашоо
Бойдоктор өздөрүнө ылайык жандар менен таанышмайынча жандары жай албайт. Бирок баш кошуу, түбөлүк жар тандоого келгенде туура чечим кабыл албаса, турмуштун тайгалак жолун басып алуу коркунучу бар. Үй-бүлөлүүлөр күзгө таяп түшүнүшүү менен жашашпаса, үйгө кирер кутту кемитип алышат. Көптөр балалуу болууну пландашып, тилектери ишке ашат.

Ден соолук
Күтүлбөгөн кырсыкка, тезинен жасалуучу операцияга туш келүү коркунучу бар. Андыктан абайлап жүрүү, чала тааныштарга ишенбөө, убагында медициналык текшерүүдөн өтүп туруу зарыл.

БИЙКЕЧ
Иш, финансы
Лидер болууга, карьерадан көтөрүлүүгө, жеке ишти баштоого мүмкүнчүлүк бар. Көп нерсе ой-пикирди, максатты туура түшүндүрүү, ишендире билүү жөндөмдүүлүгүнөн көз каранды экенин эске алуу зарыл. Көп акчалуу болуу үчүн пайдалуу байланыштарды табуу керектелет.

Жеке жашоо
Бул жылы өзгөрүүлөр көптөрдүн эшигин кагат. Каршылык көрсөтпөй, агым менен болууга аракет кылуулары кажет.
Бойдоктордо сүйүү көпүрөсүн уратып салса да, уратпаса да болот дегендей кырдаалдар чыгат. Туура эмес чечим чыгарып жибергиче, баарын мезгилге койгон туура. Анткени ал баарын өз ордуна коёт.
Үй-бүлөлүүлөр майда, жагымсыз нерселерге көңүл бурбай, мунусу менен жан шериги мурункудай эле жагымдуу адам экенин билдирүүгө жетишүүлөрү керек. Ошондо үй-бүлө кемеси аскага урунбайт.

Ден соолук
Жугуштуу ооруларга чалдыгуу коркунучу бар. Андыктан витаминдүү азыктарды кабыл алып, спорт менен машыгуулары кажет.

ТАРАЗА
Иш, финансы
Эртеңки күнүңүздүн, карьераңыздын кандай болорлугу өзүңүздөн көз каранды. Башкысы, өзгөрүүлөрдү боло турган нерсе катары кабылдап, алдыга көжөлүп жыла берүү кажет. Ошондо жакшы жашоо үчүн күрөшүүнүн жыйынтыгы сиздин жеңишиңиз менен аяктайт. Курулуш же үй куруп баштоого улуу бир туугандар жардам берет. Жетекчилик тарабынан да колдоо болушу мүмкүн.

Жеке жашоо
Бойдоктор кыялындагы каарманын күтө беришсе болот. Сүйүктүүсүн командировка же сапар учурунда, же эмгек өргүүсүндө жүргөндө таба алышат. Эл эмне дейт деп кооптонууну жыйыштырып, сезимдерге орун берүү кажет. Анткени ал түгөйүңүз болуп калуусу толук мүмкүн. Үй-бүлөлүүлөр эриш-аркак үй-бүлө арабасын кийинки жылга чейин жакшы тартып барышат.

Ден соолук
Өздөрүн бир калыпта кармап, ооруга чалдыкпоо үчүн суу процедураларын (бассейн, дарылык ванна ж.б.) кабыл алуу сунушталат. Ден соолукта коркунучтуу эч нерсе деле күтүлгөн жок. Өнөкөт оорулар уйкуда.

ЧАЯН
Иш, финансы
Жылан жылы үй же жер тилкесин алуу, үй-бүлө куруу, жаңы иш издөө сыяктууларды ишке ашырууга жакшы шарт түзүп берет. Бирок чаяндар өзүнө жана жакындарына гана ишенүүлөрү кажет. Достордон жардамды жыл аягында күтүүгө болот.
Иште бирөөлөрдүн азгырыгына кирбей, колдон келчү, анан жаңы ыкмадагы ишти колго алуу кажет. Ошондо капчыгыңыз эч убакта бош калбайт.

Жеке жашоо
Чаяндар бул жылы «сүйүү өзүнчө дүйнө, анда таттуусу да, ачуусу да бар» дегенди баштарынан өткөрүшөт. Убагында мамилелерди бекемдеп, сактоого жетишкендер гана нике сарайынын эшигин аттай алышат. Үй-бүлөлүүлөр күздүн башында мамилелердеги кризисти жеңип, таттуу жашоону улантып кетүүгө жетишүүлөрү зарыл.

Ден соолук
Иммунитет жыл ичинде жаман деле болбойт. Бирок убагында эс ала билбегендерге депрессия «жолдош» болуп алат.

ЖААЧЫ
Иш, финансы
2013-жылы жаачылар тагдырын өздөрү каалаган багытка бура алышат. Жашоолоруна досторунун, жакындарынын, бирге иштешкендеринин таасири жана колдоосу көп тиет. Максаттарды ишке ашырууга пайдубал болчу убакыт – жылдын биринчи жарымы. Экинчисинде тайсалдабай, ишенич менен иш кылуу кажет.

Жеке жашоо
Жыл ичинде көңүл ачуу, достор жана туугандар арасында майрамдарды уюштуруу көп чыгат. Бирок ишенимдүүлүктү, туруктуулукту баалаган бойдоктор гана «сүйүктүүм ушул» деп бирөөнүн колун кармай алат. Үй-бүлөлүүлөрдүн көбү балалуу болуу кыялдарын ишке ашырышат. Үйлөрүндө ынтымак, сүйүү жыл боюнча конок болуп кала берет.

Ден соолук
Энергетикалык деңгээлдери төмөн болуп, өздөрүн көп убакта жакшы сезбөөлөрү, өнөкөт оорулардын кармашы күтүлүүдө. Мындайда, албетте, врачтарга кайрылуу турган иш.

ТЕКЕЧЕР
Иш, финансы
Кандай оор иш болсо да алып кетүүгө жөндөм жана тажрыйба жетиштүү болот. Жылдын акыркы 2 айында гана иште кыйынчылыктар жаралат. Финансы кыштын аягы, жаздын башында жана күздүн ортосунда ойдогудай болот. Бирок пландалбаган нерселерге да (мисалы, курста окуу) акча коротуу керектелет. Карьерадан ойдогудай өсүү күтүлбөйт.

Жеке жашоо
Үй-бүлөлүүлөр да, бойдок текечерлер да 2013-жылы романтикадан четте калбайт. Бирок андай убакыттар аз болуп, кайра эле иш же үй-жай, бала тарбиялоо менен алектенип кетүүлөрү күтүлүүдө. Кандай болгон күндө да сүйүктүүлөргө тамактануу же кино көрүү учурубу, айтор, жакшы сөздөрдү арнап, жашоону таттуу кылуу өздөрүнүн колунда.

Ден соолук
Ден соолукка көбүрөөк көңүл бурбаса, өнөкөт ооруларга жаңылары кошулушу мүмкүн. Жаман адаттардан арылуу, тамактануу режимин өзгөртүү кажет.

СУУ КУЯР
Иш, финансы
Ишкердик жана финансы жаатында тобокелдикке коркпой баруу керектелет. Жылдыздар сиздин утуп чыгарыңызды айтышууда. Материалдык маселени чечүү куулукту жана эптүүлүктү талап кылат. Болбосо жакшылыктуу эч нерсеге жетишпейсиз. Келечекте карьерадан өсүш үчүн керек болор билимди, маалыматтарды чогултууга да мүмкүнчүлүк табылат.

Жеке жашоо
Жылдын биринчи жарымы тынч жашоого эртелик кылат. Баары кызык, шаңдуу... Сүйүктүү адам үчүн баарын жасоого даяр туруу. Бирок жылдын экинчи бөлүгү жеке жашоо боюнча олуттуу ойлонууга түртөт. Туура эмес чечим кабыл алсаңыз, өкүнүчүңүз өзүңүздө калат.

Ден соолук
Ден соолук жаатындагы маселелерден качуу үчүн туура тамактанып, жылуу кийинип жүрүү керектелет. Өзгөчө бөйрөккө көңүл буруу кажет.

БАЛЫК
Иш, финансы
Жашоо деңгээлин оңдоо башкы орунга чыгат. Финансылык жактан көз каранды болбой, каалаган нерсени сатып алууга жетишүү үчүн өнөктөштөр ичинен ишенимдүүсүн тандоо кажет. Бизнестен четтегилер айлыгы жакшы иш орунга которулууга аракет кылышса, ойлору оңунан чыгат. Чет өлкөлүктөр менен иш алпарууга жетишкендер чоң кирешеге ээ болору күтүлүүдө.

Жеке жашоо
Сүйүүгө мас боло турган эле жыл. Бирок аша чаппай, ылайыктуу жандан өзүн артык көрбөй, туура жолдо болуу керек. Болбосо акыры «биз тандайбыз, бизди тандашат, бирок көбүнчө туура келбей калат...» менен бүтөт.

Ден соолук
Бул жылы богок, ашказан-ичеги ооруларына кабылуу коркунучу бар. Андыктан жеген тамак-ашка баа берип, эндокринологго (богок оорусу жаатында) көрүнүп, керектүү кеңештерди алуу кажет.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(9)
07.01.2013. 17:35 
Тайпасы:
Жаран
Комментарийлердин саны:
69
Катталган:
07-07-2012
Соӊку аракети:
03-05-2018 09:31
Жынысы:
Белгисиз
0
айткандай эле болсо жакшы.
08.01.2013. 18:18 
Тайпасы:
Жаран
Комментарийлердин саны:
27
Катталган:
28-11-2009
Соӊку аракети:
16-11-2018 09:43
Жынысы:
Белгисиз
Калаасы:
москва
0
ишенбейм болбогон жомокко
08.01.2013. 18:26 
Тайпасы:
Кыймылы жок
Комментарийлердин саны:
6
Катталган:
01-11-2012
Соӊку аракети:
31-10-2013 01:40
Жынысы:
Белгисиз
0
ушул толго туура чыкса эн сонун болмок ,
09.01.2013. 20:17 
Тайпасы:
Түйүлдүк
Комментарийлердин саны:
12
Катталган:
26-04-2012
Соӊку аракети:
01-07-2018 19:22
Жынысы:
Белгисиз
0
кудай берет деп отура бербей озун да аракет кылышын керек
09.01.2013. 23:32 
Тайпасы:
Жаран
Комментарийлердин саны:
13
Катталган:
03-11-2012
Соӊку аракети:
03-07-2018 12:04
Жынысы:
Белгисиз
-2
вапшета нармално
10.01.2013. 02:27 
Тайпасы:
Жаран
Комментарийлердин саны:
185
Катталган:
17-06-2012
Соӊку аракети:
11-02-2018 20:21
Жынысы:
Белгисиз
Калаасы:
Москва
0
Толук маалымат жок..... Окуп жылмайып койдуум
12.01.2013. 14:34 
Тайпасы:
Тартип бузгандар
Комментарийлердин саны:
33
Катталган:
19-11-2012
Соӊку аракети:
23-01-2014 12:36
Жынысы:
Белгисиз
0
чын эле болсо жакшы эле,жакшы жылдардан болсун!
12.01.2013. 18:06 
Тайпасы:
Кыймылы жок
Комментарийлердин саны:
12
Катталган:
24-10-2011
Соӊку аракети:
30-12-2013 13:00
Жынысы:
Белгисиз
Калаасы:
*город Мечты*
+1
мм,толук жазылбаптыр,мага жаккан жок...
13.01.2013. 01:29 
Тайпасы:
Жаран
Комментарийлердин саны:
27
Катталган:
27-04-2010
Соӊку аракети:
16-11-2018 16:17
Жынысы:
Белгисиз
0
хе, хе болушу мумукун, болуп калышы мумкун...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: