Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«УУЛУМДУН ӨЛҮМҮНӨ ӨЗҮМДҮ КҮНӨӨЛӨЙМ»

№531 4-10-январь, 2013-ж


Ысык-Көл районунун Кара-Ой айылынан келген Гүлнара Каадатаева аттуу айымдын бизге жазган катын гезит бетине жарыялабай коё албадык. Катта эне өзүнүн оор турмушун баяндаган экен.

«КАРГАШАЛУУ КҮН»
– Ошол каргашалуу күндү эч качан унутпайм. 2010-жылдын 18-декабры эле... Кара-Балтадагы үйүмө келатсам эшиктин алдында топтошкон эл мени күтүп туруптур. Алардын арасынан кошунам «эже, жүрсөңүз» деп мени жетелей райондун жалпы дааратканасына жөнөдү. Жүрөгүм элеп-желеп боло түштү. Барсак, даараткананын ичинде уулум Азамат жипте асылып турат. Денеси жылуу эле экен. Дем алуусу токтоп, түбөлүк уйкуга кеткендей. Аны көргөндө ааламым сапырылып, өксүү, кайгы, күйүттөн бакырып ыйлап кирдим. Ошол мүнөттө ааламымдын жарыгы өчүп, көзгө сайса көрүнгүс караңгылык көөдөнүмдү каптап турду. Жашоодон эң акыркы үмүтүм чарт үзүлө, сербейген көлөкөдөй болуп калдым.
Баламдын сөөгүн Ысык-Көлгө, айылга алып бардым. Өзүм Көлдүн кызы болгонум менен, күйөөмдөн 1 кыз, 1 уул менен 24 жашымда ажырашып, Чүйгө келип жашап калганыма быйыл 22 жыл болот. Азамат бир келген өмүргө тиешелүү сыноону көтөрө албай, ачууга, балалыкка алдырып, жаңыдан гана жоогазындай ачылып келе жаткан жаштыгын садага чапты. Уулумдун сөөгүн чыгарганы жатканда «мен бул сыноону көтөрө албайм! Уулумду алып чыкпагыла!» деп ыйлап-зарладым. «Чыгаргыла! Убакыты келип калды» деген молдонун үнүн укканымда эстен тандым. Көп өтпөй жаакка чапкылап, «апа, апа-а!» деп ыйлаган кызымдын үнүнөн улам селт этип кайра эсиме келдим. Орду толгус жоготуу, бүткүс арман-өксүү, уйкусуз түн...

«ООРУ ЖАНА ТАГДЫР»
– Кошунама турмушка чыккам. Акылсыз адамга баш кошуп, башымдан таяк кетпей, далай ажырашып, далай элдештик. Аягында кызым 2ге, уулум 1ге чыккан кезде үстүмө аял алып келгенде ажырашып тындык. Ажырашкандан кийин нерв оорулуу болуп калганымды билдим. Бирде акылымдан айнып, бирде өзүмө келип, турмуштун маңдайга жазган сыноосун далбас ура, жеңгенге аракет кылдым. Көлдө 4 жылдай батирде жашадык. Балдарымды эптеп чоңойтуп алайын деп тамак жасап саттым. Балдарым боорун жерден көтөрүп калганда Чүйгө келип, талбаган эмгегимдин аркасынан үйгө жеттим.
Ошол маалда кызым 9га чыгып, уулум 8де эле. Кокустан автокырсыкка учурап, башымдан оор жаракат алып, оорукчан болуп калдым. Жүлүнүмдөн суу алдырдым, суу аралаш кан чыкты. Ошондон бери 20 жылдан ашты, жылда оорукананын неврология бөлүмүнө жатып дарыланам. Акырындап отуруп башымда шишик пайда болду. Сыртымдан дени сак көрүнгөнүм менен, ага кошул-ташыл кан басымым көтөрүлүп, кант диабетине да чалдыктым. Кызым чоңоюп, Таласка турмушка чыгып кетти.
Уулум жөнүндө айтсам, 3-класстан баштап жашоонун түйшүгү, жоопкерчилиги, турмуштун тузагы анын моюнуна илинди. Түшкө чейин окуйт. Окуудан үйдү көздөй келе жатканда ырдап келер эле. «Аа, байкушум, кайсы ырысына ырдайт?» деп ичимден кейий жылмаям. Анан дарбазаны бир тебет да, тамашалай:
– Эй, чоң катын! Ач эшикти!- дейт. Чай ичип болгондо колуна сыра, лимонад, майда-чүйдө таттуулар салынган баштыкты берем, ал поездди көздөй чуркайт. Кара-Балтадан өтчү поездге отуруп, Луговоеге чейин колундагыларын сатып барып, кайра ал жактан башка поездге түшүп үйгө келет.
Ошол маалда башым катуу ооруганынан бир бөлкөнү да көтөрө алчу эмесмин. Түйшүк баламдын моюнунан ныгыра басып, байкушумдун ыйлаган күндөрү көп болду. Көзүнөн буурчак-буурчак жашы тоголонуп «апа, мен мындай жашоодон тажап кеттим» дечү да, поездди көздөй жөнөйт. Колумдан эч нерсе келбегендиктен, күчүмдү көз жашыман чыгарып калам. Күнүгө ушундай окшош күндөр өтөт. Балам таттуу балалык кездин даамын татпай, эски кийим менен чоңойду. Үй-бүлөнүн жүгүн балама көтөртүп койгонума, айыккыс оору туш-туштан басканына, жакырчылыктан башыбызды көтөрө албаганыма ичтен сызам.

«АПА, СИЗДИ ӨМҮР БОЮ ДАРЫЛАТАМ!»
– Кийин мектепти бүтүп, Бишкекте үй куруучу болуп иштеп, мени өмүрү өткүчө дарылатты. Күндөрдүн биринде:
– Апа, мен кыз албайм. Ага калыңга көп акча керек. Мен бир кызды сүйбөйм, бирок жакшы көрөм. Турмушту алып кете алат,- деп астына ачуу басар менен барып кыз аты бар келин алдык. Мен Кара-Балтада, уулум келинчеги менен Бишкекте батирде жашап калышты. Азамат курулушта, келинчеги тигүү цехинде иштейт. Алардын тапканы ичкен-жегенинен артпай кыйналып жатышты. Ошондой болсо да уулум жума сайын келип, мага тамак-ашыма тыйын таштап турду. Бир жолу да түнкү саат 12лерде келип эшикти такылдатты. Терезеден анын меникиндей алаңдаган көздөрүн көрүп кубанып кеттим. Кудайыма миң мертебе ыраазы боло уулума бой таштадым. «Апа, мен сизди сагынып кеттим» деп кучактай бетимен өпкүлөдү да, адатынча мени бир кытыгылап, анан өзү каткырып алды. Анан Бишкектеги жаңылыктардан саймедиреп өттү. Мага тыйын таштап, эртеси Бишкекке кетти. Кийин уксам, «апаңа неге акча бересиң, өзүбүз араң жашап жатсак?!» деген келинчеги менен уруша кетиптир. Ушундан кийин келинчеги кетип калган экен. Эзели ичкенин көрбөгөн жаным балам үйгө ичип келгенде жер астын-үстүн боло түштү.
– Апа, кечириңизчи мени... Экинчи ичпейм! Сизден башка менин кимим бар? Сиз мага керексиз,- деди алаканын жая карылуу колдорун көргөзө.
– Мен сиз үчүн иштеп келгем жана иштей берем. Ушунча жыл сизди дарылатып жүрүп, аял алганда таштап коёмбу? Аял деген толтура, эне деген бирөө,- деп ыйлады. Экөөбүз тең ыйладык.
– Атаң үстүмө аял алып келгенде, кенедей экөөңөр менен көчөдө калганда деле мен ичпей, жинди болбой эле силерди чоңойтподум беле? Ушунчалык өзүңдү жоготосуңбу?- деп ыйлап жаттым. Анан баламды сүйлөшпөй коркутуп коёюн деп чечтим. Бир аз коркутсам, бул каталыгына чекит коёт болуш керек деп ойлоп, аны жалгыз таштап эжемдин үйүнө кетип калгам. Эртеси келсем терезелер сынып, талкаланган. Азамат менен сүйлөшпөй койдум. Балам уялганынан үйгө кире албай жүрдү. Келинчеги да келген жок.
Азамат эки ортодо калгансыды. Акыры турмуштун бороон-чапкынына туруштук бере албадыбы, кыйын жашоону таштап кетүүгө бел байлаптыр... Уулум кичинесинен бери турмуштун алп казанында кайнап, өзү күткөн бакубат жашоого жетеринен үмүт үздү окшойт.

«УУЛУМА ТҮШҮМДӨ ЖОЛУКТУМ»
– Балам өлгөнү үйдүн босогосун аттаган жокмун. Уулумдун жыты, элеси сиңген ошол үй, теңтуштары менен баскан ошол көчө көз алдыма Азаматты тартат. Баарын саттым да, эжемдин үйүнө көчтүм. Ошентсем уулума болгон эскерүү, сагыныч-күйүт, тозоктун отунан кутулам деп ойлопмун. Өмүрдө, жашоодо баарын көрдүм дегеним менен, мен баса элек турмуштун миң кырлуу жолу али алдыда экен. Үйдү сатканым менен эле уулума болгон сагынычым жоголуп кеткен жок, кайра күчөдү.
Быйыл Азаматтын каза болгонуна 3 жыл толду. Бир жумадан бери түшүмөн кетпейт. Сагыныч, куса толгон көздөрү менен моюнумдан кучактай «апа, мен сизди сагындым» деп өпкүлөйт. Уулума тойбой мен да өпкүлөйм. Түшүм болсо да жүрөгүм сезип, «сенин өлүмүңө мен себепкермин» деп өзүмдү күнөөлөйм...
Эмне үчүн уулумдун бир кылган каталыгына ырайым кылган жокмун? Ушунча жыл мен үчүн жашап, мени дарылаткан уулумдун бир каталыгын эмнеге кечирбедим? Жашоодогу түйшүктү чогуу өткөргөнүбүз менен, баламдын али бала экенин кыязыма албаптырмын да. Азыр төрт дубалдын ичинде жан көтөрө алгыс жалгыздыктан өзүмдү коёрго жер таппай, бул дүйнөдөн өтүп кеткиче өзүмдү кечире албасымды түшүнүп, өксүү менен «уулум, мени кечир!» деп ыйлап күн өткөрүп келем.

Асхат Субанбеков
koom@super.kg

Психологдун кеңеши
«ЭНЕ ӨЗҮН КҮНӨӨЛӨБӨШҮ КЕРЕК»

Жогорудагы каарманыбызга «Триумф-Инфо» психологиялык окуу борборунун психологу НУРЗАДА МАЯМЕРОВА төмөнкүдөй кеңеш берет:
– Бул жерде энеси уулун кыйнаган жок. Ар бир эне баласын урушат. Демек, бул баласынын тандоосу. Айтар кеңешим, Гүлнара эже баласынын тандоосун түшүнүү менен кабыл алганга аракет кылышы керек. Балким, уулу бул чечимди мурда эле чечип койгон. Балким, башка да көйгөйлөрү бардыр. Ошондуктан өзүн-өзү күнөөлөгөн болбойт. Анда өзүнүн ден соолугуна зыян. Үмүт жана ишенич менен жашап, келечекти ойлоо керек. Жалгыз эмес, кызы, кошуна-колоңдору бар. Алар менен сүйлөшүп, алаксуу зарыл. Мындан тышкары кризистик борборлорго кайрылганы оң.


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(23)
07.01.2013. 12:26 
Тайпасы:
Жаран
Комментарийлердин саны:
38
Катталган:
17-08-2010
Соӊку аракети:
05-06-2018 14:17
Жынысы:
Белгисиз
Калаасы:
ош
+2
Эже сиздин куноонуз жок. Эне-бала ар дайым урушат жарашат. Энесине капа болгонго эч кимдин акысы жок. Балким баланыздын чын эле башка маселелери бардыр. Жаткан жери жайлуу топурагы торко болсун. АЛЛА ТААЛАМ бейиштен орун насип этсин. Озунузду колго алып Кызыныз учун жашаныз. Кызынызга да торкун керек. Кайрат кылыныз. Сабырдуу болунуз. Неберенизди багып алсаныз балким жараатыныз бат айыгаар..
07.01.2013. 14:04 
Тайпасы:
Кыймылы жок
Комментарийлердин саны:
69
Катталган:
28-09-2012
Соӊку аракети:
25-03-2014 16:22
Жынысы:
Белгисиз
Калаасы:
Кыргызстан
+3
ушул башыныздан болуп откон кыйынчылыктын баарына куйоонуздун куноосу туздон туз. Эки чиедей бала менен таштап кеткен куйоо соройунузду Кудай урсун.Сиздин куноонуз жок себеби сиз эки баланы жалгыз багып чонойттунуз. Эххх эркектер силер дагы уй-булонорду жана оз канынардан жаралган балдарынарды каяктагы бир бузукуларга алмаштырып таштап кетпегиле. Анткени силердин да балдарынар ушундай оор кундордо жашайт. Ойлонгула,ойлонгула эркектер уй-було деген ыйык нерсе....
07.01.2013. 14:48 
Тайпасы:
Кыймылы жок
Комментарийлердин саны:
24
Катталган:
13-03-2012
Соӊку аракети:
23-07-2013 15:20
Жынысы:
Белгисиз
Калаасы:
Бишкек
+1
Азаматтын жаткан жери жайлуу болсун, Куноонун башы куйоонуздо...
08.01.2013. 01:23 
Тайпасы:
Түйүлдүк
Комментарийлердин саны:
676
Катталган:
06-11-2012
Соӊку аракети:
14-07-2014 22:40
Жынысы:
Белгисиз
Калаасы:
..........sonuuuuuun jerde
+3
куноо сизде эмес ,уулунузда дагы эмес куноонун баары сизди майып болгуча сабап кийин басып кеткен жолдошунузда. Андайларда тируу байлап танка менен бастырып бастырып таштаса. Аллах сизге сабыр берсин
08.01.2013. 04:46 
Тайпасы:
Жаран
Комментарийлердин саны:
63
Катталган:
21-11-2012
Соӊку аракети:
17-04-2018 05:25
Жынысы:
Белгисиз
+1
Аллахым сабыр берсин сизге озунузду куноолобонуз сиз кунолуу эмессиз куноонун баары куйонуздо,андан коро намаз окуп ар намаздан сон куран окуп Аллахымдан уулунуздун куноолорун кечирип кабырында азапсыз жатышын сураныз.Аллахым озу жакшы коргон пенделерине берет экен мындай сыноолорду,мындай дартты.бул дуйнонун азабынан акыреттин азабы отто каттууу ,ошондуктан кейибениз Аллахыма шугур кылыныз сабыр кылыныз Аллахымдын бизге кылган парздарын толук аткарыныз Иншаллах созсуз акыретте жаннаты болосуз!
08.01.2013. 04:56 
Тайпасы:
Жаран
Комментарийлердин саны:
63
Катталган:
21-11-2012
Соӊку аракети:
17-04-2018 05:25
Жынысы:
Белгисиз
0
Окуп алып журогум жамман эзилип кетти Иншаллах сизге боорукер Аллахым бул сыноолорду бул дарттарды сизди жакшы коргон учун берген.Аллахым озу жакшы коргон пенделерин бул дуйнодо ушунчалык кыйын татаал сыноолор менен сынайт экен ошого пендеси даагын сабыр кылып Алланын буйруктарын аткарып Аллага шугур кылса ал пендесине созсуз акыретте Жаннатын белек кылат экен.Бул дуйного беш убактай отуп кетет а акырет бул туболукко кала турган Жашоо ошондуктан ушунча сабыр кылыпсыз даагын кичине сабыр кылыныз
08.01.2013. 05:00 
Тайпасы:
Жаран
Комментарийлердин саны:
63
Катталган:
21-11-2012
Соӊку аракети:
17-04-2018 05:25
Жынысы:
Белгисиз
0
Аллахым сабыр ден-соолук берсин сизге даагын жакшы Жашоо насип кылсын бул дуйно менен акыреттин бактылуулугун берсин Иншаллах Омииин!!!
08.01.2013. 05:18 
Тайпасы:
Кыймылы жок
Комментарийлердин саны:
50
Катталган:
05-12-2012
Соӊку аракети:
13-06-2016 17:56
Жынысы:
Белгисиз
Калаасы:
.
0
Жаткан жери жайлуу болсун! :((
08.01.2013. 05:44 
Тайпасы:
Кыймылы жок
Комментарийлердин саны:
91
Катталган:
12-07-2011
Соӊку аракети:
01-03-2016 23:25
Жынысы:
Белгисиз
Калаасы:
москва
0
Kydai balasinin kiligin kechirsin Özun ölturuu chon kunoo ekenin ar dayim dinden baldaribizga uyrotibuz kerek Alla ar dayim tuura joldu körsötsun InsAllah
08.01.2013. 11:24 
Тайпасы:
Жаран
Комментарийлердин саны:
47
Катталган:
10-10-2011
Соӊку аракети:
03-05-2018 15:26
Жынысы:
Белгисиз
0
Бул жерде эч кандай сиздин куноонуз жок, жон гана ажалы жеткен пещенесине жазган. жаткан жери жайлуу болсун жайы жаннаттан болсун
08.01.2013. 13:28 
Тайпасы:
Кыймылы жок
Комментарийлердин саны:
3
Катталган:
16-07-2011
Соӊку аракети:
05-04-2013 18:34
Жынысы:
Белгисиз
0
Бул жашоонун ойдо томон сыноосу коп. Жакынымды жоготтум д озун жоготкон эн жаман адат. Сиздин бул окуяда куноонуз жок. Сиздин баланызга болгон кусанызды тушунуп турам бирок, жашоо алдыда. Сизге сабыр тилейм.
08.01.2013. 13:34 
Тайпасы:
Кыймылы жок
Комментарийлердин саны:
3
Катталган:
16-07-2011
Соӊку аракети:
05-04-2013 18:34
Жынысы:
Белгисиз
0
Дагы кыздар ойлонгула, Азамат чыныгы эркек экен. Келин экенине карабай сыйын ордуна коюп уйлонсо, сооп жок кайра Азаматты таштап кетиптир андай катындын барынан жогу чынында.
08.01.2013. 18:44 
Тайпасы:
Жаран
Комментарийлердин саны:
133
Катталган:
13-10-2010
Соӊку аракети:
18-01-2018 20:35
Жынысы:
Белгисиз
0
Sometimes, 2 баласын таштап уйлонуп алган куйоосундочу ?
08.01.2013. 19:21 
Тайпасы:
Жаран
Комментарийлердин саны:
78
Катталган:
01-10-2011
Соӊку аракети:
15-05-2018 19:23
Жынысы:
Белгисиз
0
Эмне учун атанын кылган куноосу учун,балдары,аялы жабыр тартыш керек?ээ кудайым куноокор болбоюнчу ашык суйлоп,эмнеси болсо да энеге куч кубат бер кудайым,окуп алып,козумдон он талаа жаш кетти,бул дуйнодо энелер наристесинен ажырашпасынчы.
09.01.2013. 11:34 
Тайпасы:
Жаран
Комментарийлердин саны:
1
Катталган:
29-07-2011
Соӊку аракети:
02-12-2017 11:54
Жынысы:
Белгисиз
0
Ne deibiz ar bir adam bawyna tuwkon synoonu kotoruw kerekpiz. Bul bizge Allanyn jonotkon synoosu,sabyr kylynyz degenden bawka ailabyz jok. Biroonu kunoologongo e4 kimdin akysy jok,balkim Azamattyn ordunda bolgondo men antmekmin mintmekmin dewibiz mumkun birok. Bizdin bawybyzga tuwso balkim andan da jaman akybalga tuwmokpuz kim bilet.
09.01.2013. 19:23 
Тайпасы:
Кыймылы жок
Комментарийлердин саны:
8
Катталган:
24-01-2009
Соӊку аракети:
05-06-2014 18:26
Жынысы:
Белгисиз
Калаасы:
Ош
0
Албетте сиздин урушканыныз эн туура болгон,анткени ичкенчилик жакшылыка алып барбайт жана койгойду чечпейт.Сизди омуру откончо дарылаганга милдеттуу,сиз 9 ай боюнузда которгонунуз, ак сутунуз учун уулунуз омур бою карыз эле.Эси жоктук кылыптыр.сабыр кылыныз.
11.01.2013. 15:34 
Тайпасы:
Кыймылы жок
Комментарийлердин саны:
128
Катталган:
18-03-2009
Соӊку аракети:
01-05-2014 23:01
Жынысы:
Белгисиз
Калаасы:
Бишкек
0
Ким канчалык күнөөлүү экенин Сиз өзүңүз гана билесиз, кайгынуу жеңүү деген аны унутуп, качуу же алаксуу эмес, ошонун баарын жүрөктөн өткөрүп, аны көтөрө билүү, анан тирүүлүктү баарынан жогору коюп жашоону улантуу,Жараткан бизди жашасын деп жараткан. Андыктан эч нерсе болбогондой жүрө бер деген жөнөкөй адам,
11.01.2013. 15:48 
Тайпасы:
Кыймылы жок
Комментарийлердин саны:
128
Катталган:
18-03-2009
Соӊку аракети:
01-05-2014 23:01
Жынысы:
Белгисиз
Калаасы:
Бишкек
0
болобу, психологиялык борбор болобу, берген кеңештерине мен кошулбайм..Эстеп туруңуз, куран окутуңуз.
12.01.2013. 17:00 
Тайпасы:
Кыймылы жок
Комментарийлердин саны:
36
Катталган:
30-05-2012
Соӊку аракети:
20-11-2015 13:50
Жынысы:
Белгисиз
0
Бул окуяга атасы гуноолуу баласына тарбия бериш керек болчу,башка аял алып албай
13.01.2013. 14:37 
Тайпасы:
Тартип бузгандар
Комментарийлердин саны:
32
Катталган:
29-08-2011
Соӊку аракети:
18-03-2014 23:53
Жынысы:
Белгисиз
Калаасы:
Кара Кулжа Октябрь
0
Журогум ооруп кетти окуп алып
14.01.2013. 00:18 
Тайпасы:
Кыймылы жок
Комментарийлердин саны:
31
Катталган:
29-08-2011
Соӊку аракети:
08-05-2014 22:48
Жынысы:
Белгисиз
Калаасы:
Ош
0
окуп жатып козумо жаш алдым чынында, жаткан жери жайлуу болсун. баланыз сизди аябай жакшы корот экен эле
21.03.2013. 08:09 
Тайпасы:
Түйүлдүк
Комментарийлердин саны:
11
Катталган:
19-03-2013
Соӊку аракети:
14-08-2013 12:11
Жынысы:
Белгисиз
0
Туура биринчи куноо жолдошунузда экен, мындан ары озунузду колго алыныз,небере ширин бт дешет неберелериниз,кызыныз мн бактылуу болунуз,сизде эч кандай куноо жок!эми кызыныз бактылуу болсун, сиз коргон кундорду корбосун!
16.11.2013. 04:27 
Тайпасы:
Кыймылы жок
Комментарийлердин саны:
1
Катталган:
01-11-2013
Соӊку аракети:
28-01-2014 23:04
Жынысы:
Белгисиз
Калаасы:
анкара
0
Аллахым уулунузду кечирсин, аллахым кечиримдуу баарыбызды кечирет, бул дуйнодо тарткан кыйынчылыктарыныздарды туболук жашоодо бейишке чыгарсын, сизге жана бул макаланы окуган баарыбызга сабыр берсин! АЛЛАХЫМ!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: