ҮЧ ДЕПУТАТТЫН СОТУ БЕЛГИСИЗ МӨӨНӨТКӨ ЖЫЛДЫРЫЛДЫ

10-январь күнү Бишкек шаарынын Биринчи Май райондук сотунда 2012-жылдын 3-октябрындагы окуялар боюнча биринчи сот иши башталды. Соттолуучулардын катарында Жогорку Кеңештеги «Ата Журт»партиясынын депутаттары Камчыбек Ташиев, Садыр Жапаров жана Талант Мамытов, алардын эки жардамчысы, бир жан сакчысы менен мурунку аскердик прокурор Кубатбек Кожоналиев бар. Алардын баарына "бийликти күч менен алууга аракет жасады" деп айып тагылган.
Сот ишине депутаттардын тарабын колдоп башка эл өкүлдөрү Курманбек Осмонов, Жылдызкан Жолдошова, Турсунбай Бакир уулу жана башкалар келишти. Алар сот процессинин жүрүшүндө «кылмыш иши мыйзамсыз козголгон»деп айтышты.
Камчыбек Ташиевдин адвокаты Азимбек Бекназаров сот ишинде коргоп жаткан кардарынын ден соолугу начарлап кеткенин, бирок судья Абдыразак Боромбаев баш коргоо чарасын өзгөртүүдөн баш тартканын айтты. Ошондой эле Азимбек мырза тергөө органдары ага кылмыш ишинин материалдары менен таанышып чыгууга мүмкүнчүлүк бербегенин билдирди. Аны менен Камчыбек Ташиевдин дагы бир адвокаты Икрамидин Айткулов да судьяны алмаштыруу өтүнүчү менен кайрылып, соттук курамга ишенбей турганын айтты. Жыйынтыгында бул өтүнүч канааттандырылды. Ошентип, кийин соттук отурумдун мөөнөтү белгисиз бойдон калды.
Адилет министрлигинин комиссиясы Икрамидин Айткуловду лицензиясынан ажыратуу боюнча соңку жыйын убактысын да жылдырды. Эскерте кетсек, 2012-жылдын 7-декабрында Башкы прокуратура тарабынан адвокатты кесиптик ишмердүүлүгү боюнча лицензиясынан ажыратуу маселесин кароо көрсөтмөсүн киргизген болчу.
Соттук иш Биринчи Май райондук сотунун имаратынын алдында 100гө чукул кишинин митингге чыгышы менен коштолду. Алар «Ташиев, Жапаров, Мамытов чыксын!»деп кыйкырышып, тез арада бошотулушун талап кылып жатышты.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (16)

jansezim26

2013-01-14 13:55:42

бийликти басып алам деген эмес Ташиев,ал адамдар чогулганда,айткан,ар бир депутаттын кабинетине киребиз,кумтор маселеси чечилмейинче ошол жерде жатабыз деген даже видеорепортажы бар

best-life

2013-01-14 23:03:22

катсе да жылааандын куйругун басып алды, эми кутулуш бир далай бар. онтобой ооруга жолугат деген ушул

altinim

2013-01-15 00:44:08

саясаттан оюндар оюндар жана оюндар

aigulai

2013-01-15 14:49:10

Откондо Атамбаев журналистерге соттун чечими чыккандан кийин Ташиевге жана Жапаровго мунапыс берип чыгарам деп кыйытты го

admin_media

2013-01-15 15:04:12

Aimirakan,
Сизге эскертүү!
Кимдир бирөөнүн дарегине айтылган негизсиз күнөөлөөлөргө,аны кемсинткен, мазактаган, жамандаган билдирүүлөрдү жазууга тыюу салынат!

Talastan

2013-01-15 16:39:28

Эми эсине келгендир да

Joldoshev

2013-01-15 17:28:14

Acer

2013-01-15 21:09:51

Бул Чынгызхандын шайы ооп калган го....

-1

aelinaaa

2013-01-17 16:23:30

Ташиевдин эч кандай куноосу жок ко,качан болсо куноолулор жыргап,шапат тээп,куноосуздор кыйналат.Качан,качан ,качан деги мыйзам менен иш корулот.

askar92

2013-01-17 20:41:14

мыйзам чегинде иш жургузсо болмок судьялар

zoro21

2013-01-17 22:17:08

salam baarynarga,azyr men agentte otursam moskvadagy tuugandar,Tashievdi atyp salyshtyby dep jazyp atyshat,anan men aiitym Tasievdi e4 kim ata albait dep sebebi el Tashievdi koldoit,Atambaev tuura sheshim chygarbasa padysha emes dep jatyshat elder rossiadagy tuugandar

femida

2013-01-19 20:17:57

эгер мыйзамсыз аракеттерди жасаган болсо мыйзамдын негизинде жоопкерчилике тартылуусу керек,бирок бул жерде бир тараптуу болуп калган сот бийлиги да

best-life

2013-01-19 23:39:53

акыйкатчыл адам эзелтен эле эч жерге баткан эмес, азыр кимдин-кимдин заманы бети жоктун, эки жуздуу саткындын, куйсупур, матайым,шайтандын заманы!!!

rnurzida

2013-01-20 07:19:18

Ташиевдин эч кандай куноосу жок,куноолуу деп ошол чынчыл адамдарды каматкан ажо аталымыш оз кызыкчылыгы учун элдин тынчын бузган ошол бийликтегилерди айтыш керек,Ош окуясын да уюштурган ошолор Батыров менен тил бириктирип,бул нерсени эл 5 колдой билет интернет булактарында жайнап жатат кантип план тузгондору,элин сатууга даяр болгондор эл башкарса сатылып кетишибиз эч кеп эмес

rnurzida

2013-01-20 07:19:18

Комментарий калтыруу үчүн өз ысымыңыз менен кириңиз же каттоодон өтүңүз.

№ 532, 11-17-январь, 2013-ж