Бахияна Сатылганова, журналист: «ТӨРӨЛӨ ЭЛЕК БАЛАМА, БУТУ БАСПАЙ КАЛГАН АПАМА КЫЙЫН БОЛДУ»
Береги сүрөттү караңызчы, окурман. Телеалпаруучу Назира Айтбекова менен «Супер-Инфонун» кабарчысы Бахияна Сатылганованын түшкөн сүрөтү. Гезитибиздин биринчи бетине маданият жана шоу-бизнес чөйрөсүндөгү инсандардын сүрөттөрү чыгары баарына белгилүү. Кабарчы Б.Сатылганова шоу чөйрөнүн өкүлдөрү менен жакшы мамиледе болуп, дайыма «биринчи беттин сүрөтүн мен тартайын» деп турар эле. Албетте, бул чөйрөдөгүлөр менен жаман-жакшы айтышпай, чын дилден маектешип макала даярдачу. Бул сүрөт да Назира Айтбекованы гезитке сүрөткө түшүрүү маалында тартылган. Муну айтып жатканыбыздын да жүйөөлүү себеби бар.
2012-жылдын 30-октябрь күнү кабарчылар М.Орозумбетов менен Б.Сатылганова «Тамаша тор» рубрикасын даярдоо үчүн кетишкен. Натыйжада телеалпаруучу
Н.Айтбекованы тамашага салабыз деп катуу чочутуп алганын айтып, эл алдына чыгып кечирим сурашкан. Далай ирет гезиттин эмгек жамааты, аттуу-баштуу аксакалдар, сыйлуу адамдар менен биргеликте телеалпаруучудан кечирим сурап, бир пикирге келүүгө аракет кылышты. Тиешелүү органдар Назира Айтбекованын арызынан улам кылмыш ишин козгоп, тергөө амалдарын башташкан. Бул аралыкта эки журналист дагы, актёр жигит дагы тергөөнү үзгүлтүккө учуратпай, тергөөчү чакырган маалда барып, сурак берип жатышты.
Окуяны ар ким өз билгенинче жоруп, сөзгө сөз кошулуп отуруп Чубактын чуусуна айланды. Роль аткарам деген спортчу Ж.Муратовдун жана 2 жашар баланын энеси, кош бойлуу Б.Сатылганованын СИЗОго камалышы бул чууну ого бетер күчөттү. Соттун гумандуу эмес чечимине нааразы болуп, кесиптешибизге жана спортчуга колдоо көрсөтүп жамаатыбыз менен акцияга чыктык, ал чечимге нааразычылык көрсөтүү максатында кызматтан алынган эки кабарчыбызды кайра жумушка алдык.
Кызматкер катачылык кетирсе, кетирген катасына, жаңылыштыгына жараша айып алат, сөгүш алат же кызматтан кетирилет. Бул көпчүлүк учурда боло жүргөн, болушу керек болгон көрүнүштөр.
Бирок! Ал кабарчылардын максаты атайы кара санатайлык менен телеалпаруучуга зыян келтирүү эмес, тамашага салуу болчу. Колунда 2 жашар жаш баласы бар кош бойлуу келинди тамашалайм деп жаңылыштык кетиргенин билип туруп кышкы чилдеде тимеле коомчулукка коркунучтуу кылмышкерден бетер СИЗОго камап салуу – мына ошол нерсе жеткен адамгерчиликсиздик!
Тамашалайм деп жаңылыштык кетирип, жакшы санаалашым деп эсептеп жүргөн адамдын арызынан соң муздак, сыз абакка отуруу кош бойлуу келин үчүн турмуштун оор сыноосу болду. Болгондо да кара санатайлык менен атайылап жасалбаган тамашанын «кылмышка» айланышы, коомчулук тарабынан жааган сын-пикирлер камалган келин менен спортчунун жан дүйнөсүнө катуу эле батып, өмүрү эстен кеткис сабак болду. Коомчулуктун ачуу сөзү, абак оңой-олтоң нерсе эмес. Мунун кесепетинен курсактагы баланын бойдон түшүү коркунучу жаралып, Бахияна Сатылганова шашылыш ооруканага чыгарылды. Кесиптешибиздин жашоого болгон ындыны өчүп, психологиялык жактан оор жабыркаганын көрүп турабыз.
«Абактын ичин эмес, сыртын бир айланып чыккан адамдын жүрөгү түшөт. Эсимди жоготуп, жыгылып баратканымды билем, калганы эсимде жок. Ойгонсом мурдум, тамагым өзүмдүкү эместей туюлду, күйүп калыптыр. Мени эсине келтиребиз деп спиртти куюп эле салышкан окшойт, абактагы дарыгерлер. Канча убакыт өтсө да, мурдум калыбына келбей, эмне жыт келип жатканын түшүнө албай жүрөм.
Баарынан төрөлө элек балама, менсиз тамак ичпей апалап ыйлаган үйдөгү уулума, кайгыдан чөккөн жолдошума, кайындарыма, туугандарыма, туш-туштан жүйөсүз жеме уккан кесиптештериме кыйын болду. Ата-энемдин санаасын айтпай эле коёюн, карыган апам операция жасатып, балдак менен жүргөн, менин окуямдан кийин баса албай калды. Канча жан алекетке түшсөм да, апамдын кайгысын жеңилдете албайт экенмин... Балам кантип, кандай абалда төрөлөт, аны бир Кудай билет.
Мен эч кимге кыпындай жамандык каалабайм, камакка эч бир жандын камалышын да каалабас элем. Назира менин душманым эмес, экөөбүздүн кесибибиз бир, шоу чөйрөсүнө аралашканыбызга көп болду. Кайдан жолукпайлы саламыбыз түз болчу, экөөбүз тең Балыкчыда төрөлүп, атүгүл бир мектепте окуган экенбиз. Аны кийин билгенбиз. Азыр деле менин ага болгон оюм таза...» Кесиптешибиз ушинтип айтканга араң жароодо. Дарыгерлер «окуяны кайра-кайра эстете бербегиле, нерви катуу жабыркаган» дегенинен улам эстетип, көз жашын агызууну туура көрбөдүк.
Б.Сатылганова үй камагына чыгарылганын уккан кээ бир ММКлар баса калып жазып, билип-билбей, чын-бышыгын сурабай, такталбаган маалыматтарды жайылтып жиберишүүдө. Андан да жаман жан кейиткени, айрымдардын "кызык, арыз жазар замат кош бойлуу боло калыптыр..." деген кептери болду. Бул эмне деген келжиректик? Жараткан ыраа көрсө, берем десе, бала деген кайсы убак болбосун бойго бүтөт. Айлап-жылдап балага зар болуп жүргөн эне-аталар канча?
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (185)
Жакшы соз жыланды ийининен чыгарат дейт беле.Назирага кечирууго жеткизе турган создорду айта бериш к.к,айта бериш к.к.Кечиргиче кечирим сурай бериш к.к.Акыры жибийт болуш к.к.Бул жердеги комменттерди окуп кайра курчуп кетеби деп коркуп турам.Андан коро окурманбы,ырчыбы,актербу,журналистпи каалочулар чогулуп Назирага барыш к.к.Бахияна эженин атынан эл да кечирим сураса мумкун жибип кетер.Акыры журогундо кечиримдуулук согуп калаар
Bahiyana eje.Kop kapalanyp kaigyra berbenizKursaktagy balanyn amandygy,kelechegi jonundo oilonunuz?.Bir az gana chydap koiuunuzdu otunom. Menin oiumcha bul azyrky jurup jatkan ish Naziranyn tamashasy dep tushundum,ozunun facebook ta bergen joobu a karaganda"Men al turmodon chykkanda mikrofon,gul m-n tosup chygam.Bul TAMASHA bolchu" dep
Назикени да кокуткон копчулук болду дегендей, анан да анча мынча гезитке тишин кайрап жургондордун тобосу да ошол маалда корунуп калды дегендей, эми бул аялга анын "кудайы Фатима ынсап берсин" унутулбас эмне бар, ачуусу да таркап калаар
баарын эле назираны жамандайсын аны деле тушунсо болот кандай абалда калганын оюнда эч нерсе жок баратканда алдынан ит чыга калса коркосун бироолор коркутуп алып кетсе корот элем силерди да но албетте ушунча убакыт отту кечирууго деле кезек жетти болуш керек Бахияна деле жазасын алып болду менимче,Аллах да кечиримдуулукту суйот дейт так что Назира кечирсен оозуно деле жакшы го дейм элге жаман корунбой анан да жаш баласын ойлоп кой жаш баланын конулу калгыча карыган уйдун буту сынсын дейт
Салам кыргыздар, колун менен кылганынды моюнун менен тартасын деген ушул да. Мындан сабак алышыбыз керек.
Баш ал десе борк алган заман, пайгамбарыбыздын айколдугун эмнеге адамдарга берген эмес, Эне болсон назира кечирмексин, каргыш жаман бир кун баарыбыз олобуз бирок ар бир ушак жана жаман ой учун наркы дуйнодо жооп беребиз
Уужас просто! Ушул денгеелге чейин жеттиби бул тамаша тор? Мен бул ж-до уккам, бирок Бахиананын СИЗОго отуруп калганын укпапмын.Туура, тамаша ото катуу болуп кетиптир, аны укканда биз дагы копко чейин соз кылган элек. Кечирим сурап жатышат дегенинда укканмын. Ошол боюнча бутуп калдыго деп жургонмун. Корсо...Мммм...ото жаман болуп жаткан турбайбы. Кечиримдуулук- бул биздин каныбызда болуш керек, адамгерчилик, бул ар бир адамдын денгеелинде. Бирок азыр бул адамдык сапаттар чанда кездешет.
"Жылаандын куйругун басып алып..." деген соз барго, ошондой эле болуптур. Орустар айтмакчы "не тронь .....- вонять не будет". Мен чын дилимден кайгырдым комменттерди окуп алып. Бахиана кучтуу бол, сен ичиндеги ымыркай учун кучтуу да, акылдуу да болушун керек. Эн башкысы сенин жакындарындын сени колдоп жаткандыгында, сени таанып-билген бизге окшогон окурмандар да сени колдоп жатабыз. Туура эмес жасаган жумуш учун эн эле жаман дегенде жумуштан алып салсын, ал эми кош бойлуу айымды абакка отургузуу
бул ото эле аша чапкандык.Кечирип кой Назира, бирок сага сабырдуулук каалайм. Сени эл таанып билип, сыйлап жургон кызсын, ошол сыйга татыктуу бол.
мдаааа...обидно за Державу!
Россия телеканалынын "В прямом эфире" деген передачасына катышыптыр. Куйоосу, Бахиянанын куйоосу да барды. Бахияна туз байланыштан чыгып, кечирим сурады. Кечиресизби деп сурашса, сот чечсин деп койду. Акырында бразилиялыктардын лифтте уюштурган розыгрышын коруп, кулууп отурду.
juma_kg,
Сайтка курамы окшош сайттарды жарнама кылууга жана шилтеме калтырууга тыюу салынат!
5 күн банга!
Мусулманчылыкта кечиримдуу болгула деп айтылат. Менимче боюнда жок болсо мейли эле кечирбей эле койсо болмок, Назира озу деле эне болуш керек, курсактагы кичинекей баланын убалына деле калат болуш керек.
Oyundan ot chygat dep bekerinen aitkan emes da ata-babalar.
