Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КИМДИН, КИМДИН ЗАМАНЫ,ТАКСИСТТЕРДИН ЗАМАНЫ...

№533 18-24-январь, 2013-ж


«Жол азабы – көр азабы» демекчи, азыркы тапта айыл тургундарынын борбор шаарга келип-кетмеги азап менен тозок. Мунун эң биринчи себеби – жол киренин кымбаттыгы.

ЖОЛ АЗАБЫ ЖАНА ЖОЛ КИРЕ КӨЙГӨЙҮ
Ооба. Азыр таксисттердин «ити чөп жеп» жаткан маал. Себеби мурункудай учактын баасы арзан эмес, автобус, поезд кээ бир аймакка эле каттайт. Анан жүргүнчүлөр айла жоктон менчик таксилерге ыкташат. Бирок мындай кырдаалдан пайдаланган айдоочулар жол кире акысын каалашынча калчап, өздөрү билгендей кылып бычып жатышканы баарыбызга эле маалым. Жыл сайын майрамдарда жана Жаңы жылды утурлай, студенттер каникулга чыккан маалда жол кире асмандап кетет. Буга карапайым калктын чөнтөгү туруштук бере алабы же жокпу, такси айдагандардын иши да жок.
Таңданасың. Элдин нааразычылыгына караганда, дайыма күйүүчү майдын баасы кымбаттаганда жол кире акысы да жогорулайт. Бирок күйүүчү май арзандаганда жол кире эмнеге арзандабайт?! Атүгүл аманаттарды жеткирүү да оңбогондой акчаны талап кылат. Мисалы, документ же акча салынган конвертти алып баруу үчүн эле айрым облустун таксисттери 200-300 сом талап кылышат. Ал канча орунду ээлейт же оордук кылабы, түшүнбөйсүң.
Жакында эле кесиптешим күбө болгон Ош-Бишкек жолундагы окуяны мисал катары айта кетпесек болбос. Бир студентке айылдан ата-энеси баштыкка азык-түлүк салып жибериптир. Бишкекке келген соң айдоочу айткан 300 сомго студент баланын акчасы жетпей калган экен. Анда айдоочу «толук бербесең, анда кайра айылга жеткирип салам. Өзүӊ айткан баага алдырып ал» деп тигинин колунан баштыкты жулуп алды дейт. Ушул адамгерчиликке жатабы, окурман?
Мындан сырткары жолдон жүргүнчүлөр көп кыйналышат. Кээ бир айдоочулар «дөңгөлөккө тагылуучу чынжыры жок эле ашууну ашабыз» деп суукта калып калгандар да бар. Андайда жүргүнчүлөр машинаны түртүп, кээ бирлери суукка урунуп калышат. Эми элестетсеңиз, таксинин ичинде кары-жашы бар. Төө-Ашуудан карыган адамдардын кан басымы көтөрүлсө эмне болот? Ага ким жооп берет? Кээ бир айдоочулар түндөп жол жүрүп келишет да, кардар чыгып калса, уктабастан кайра жолго чыгып кете беришет. Анан жол жүрүп баратканда көзү илинип кетип кырсыкка учурагандары да бар.

«ТАКСИ КЫМБАТ БОЛСО, АНДА УЧАККА ОТУР»
Айта берсе арман, көйгөй көп. Бул азыркы жашоонун чындыгы. Бирок медалдын эки тарабы бар болгондой, такси айдагандардан жол кирени эмнеге кымбаттатып жаткан себебин өз ооздорунан уккубуз келди. Алгач Бишкек шаарындагы «Ош базарынын» жанындагы Чүй-Кулиев көчөлөрүнүн кесилишиндеги Жалал-Абадга кетүүчү таксисттерге барып, элдин нааразычылыгын айтсак, арасынан бирөөсү «биздин баа жакпаса, анда учак менен учушсун! Көрөбүз анан, канча акча кеткенин» деп калды. Көпчүлүгү маектешүүдөн баш тартып, акыры МАКСАТБЕК ЖОЛОЕВ аттуу айдоочу жол киренин кымбаттыгын төмөнкүдөй түшүндүрдү:

– Конвертти 100 сомго, ал эми баштыкты оордугуна жараша 200 сомдон 500 сомго чейин алып кетебиз. Жол кире 1200 сом. Бензин кымбат, жол жаман. Унаа бузулса, тетиктери кымбат. Өкмөт болсо жолду оңдобой койду. Салык төлөйбүз. Ошондой кырдаалдарга жараша жол кире кымбаттоодо. Ал эми майрамдарда деле биз ушул баа менен жүргүнчүлөрдү жеткиребиз.
Ал эми Кулиев-Москва көчөлөрүнүн кесилишинен Ошко кетчү таксилердин биринин айдоочусу УЛАРБЕК ТОКТОГУЛОВ буларга токтолду:
– Ош-Бишкек каттамында иштейм. Жол кире 1000 сом. Чет өлкөлүктөргө 1500 сом. Алардын жүгү көп болот. Майрамдарда кыргыздарга деле жол кире баасы 1500 сомго көтөрүлөт. Аманатты документ болсо 100-150 сомго, чоң жүк болсо 300дөн 500 сомго чейин жеткиребиз. Мисалы, Төө-Ашуудан ары көздөй бензиндин 1 литри 42 сом. 70-75 литр бензин менен келем. Азыр бизди бул жерге тургузбай, МАИчилер кууп жатышат.


Атын атагысы келбеген, Алайга каттаган таксист буларды кошумчалай кетти:
– Мен Алайга бир барып келгенде 5 миң сом пайда түшөт. Жол кире 1300 сом. Бирок кээде кардар жок туруп калабыз. Азыр кардар болсо 700-800 сомго деле алып кете берет элем.

Андан соң Бишкек шаарынын батыш тарабында жайгашкан жаңы автобекетти көздөй бет алдык. Ал жактан да жеке таксисттерге жолугуп, кепке тарттык.
САЯКБАЙ АБДЫБЕКОВ, Ысык-Көл-Бишкек каттамынын айдоочусу:
– Мен фирмада иштейм. Патент алабыз. Ушул жакка келип, кардар жок күтүп турабыз. 1 күн, кээде 2 күн конуп калган учурлар болот. «Попутчиктер» бизге кардар коюшпайт. Алар 100-200 сомдон эле жүргүнчүлөрдү салып кете беришет. Чолпон-Атага чейин 450-500 сом алабыз. Аманаттарды көлөмүнө жараша жеткиребиз. Конверттерди 50 сом, баштыктарды 100дөн 300 сомго чейин, кээде «бекер ала кет» деп суранса, бекер ала кетебиз. Бензин кымбаттаса деле биз жол кирени кымбаттатпай, ошол боюнча ташып жатабыз. Жаңы жылда биздики эле эмес, керек болсо маршруткаларда да жол кире кымбаттайт.

АЛТЫНБЕК ОСМОНОВ, Талас-Бишкек каттамынын айдоочусу:
– Таласка жол кире 400-500 сом. Жаңы жыл, майрамдарда деле 500 сом, көтөрүлбөйт. Аманаттарды конверт болсо 50 сом, баштык болсо 100 сомго жеткиребиз. Эгер аманатты жоготуп алсак, аны төлөп берүүгө милдеттүүбүз. Бензин кымбаттаса, жол кире 550-600 сомго чейин кымбаттайт, бензин түшсө түшөт. Мен Таластан келип, кайра кеткенде 1000 сом чөнтөгүмдө калат. Жумасына 2 же 3 жолу келип-кетебиз. Жолдо жүрүүнүн да өзүнчө кыйынчылыктары бар. Кышында жол тайгак болот, көчкү түшөт, таш кулайт. Ашуудан чыга албай калсак же ар кандай кырдаал болуп калса, ушул жерде бригадада чогуу иштеген таксисттер бири-бирибизге жардам беребиз. Себеби баарыбыз бирибиздин артыбыздан бирибиз жолдо болобуз да.


ЗАМИР СУЛТАНГАЗИЕВ, Нарын-Бишкек каттамынын айдоочусу:
– Кочкордон Бишкекке такси айдайм. 200 чакырымдык жол. Жол кире 250-300 сом. Кээде майрам күндөрү 400-450 сомго чыгып кетет. Аманатты көлөмүнө жараша 50 сомдон 200 сомго чейин жеткиребиз. Барып келгенибизде 700-800 сом чөнтөгүбүзгө түшүп калат. Бензиндин баасы арзандаса, жол кире дагы арзандайт эле, элге да жакшы болмок.
АБДЫЛДА РАЖАБОВ, Баткен-Бишкек каттамынын айдоочусу:
– 1 жылдан бери Лейлек-Бишкек каттамында иштейм. Жол алыс, 1100 чакырым. Тезирээк барганда 20-24 саатта барабыз. Уйкудан каласың. Кышында 25-27 саатта жетебиз. Оштон бери жол жакшы, ары жагы начар. Жол кире 2000 сом. Кээде 1500-1800 сом болот. Жаңы жылда 10-15 күн бир аз кымбаттайт. Андайда эл бай эмес да, нааразы болуп араң түшүшөт. Аманатты болсо кардарлардын көңүлү менен бергенин алып, жеткиребиз. Айына 1 жолу гана барып келем. Жол тайгак, машина көп, кардар аз. Мына азыр 4 күндөн бери кезек күтүп турам, кардар жок. Кээде 1 айлап жатып калабыз. Бул жактан мейманканага 1 түнгө 120 сом төлөйбүз.

«ЖЕКЕ ТАКСИСТТЕРДИ КӨЗӨМӨЛДӨЙ АЛБАЙБЫЗ»
Аймактан келген таксисттердин жол кирени өз алдынча кымбаттатышын өкмөт ооздуктай алабы же жокпу, ошону билүү максатында КРнын Экономика министрлигинин астындагы монополияга каршы департаментинин жетекчисинин орун басары БАКЫТ ИСАЕВге кайрылдык:
– Алыскы аймактан келген таксилердин көпчүлүгү менчик. Ошондуктан алар жол кире акысын өздөрү чечишет. Жол кирени кымбаттатып же арзандатууну көзөмөлгө алууга мыйзам жок. Себеби алар өлкө казынасына салык төлөп, патент алышат. Биз шаар ичиндеги автобус, маршруттук такси сыяктуу коомдук унааларга жана Бишкек-Талас, Бишкек-Каракол сыяктуу каттамда каттаган фирмалардын үстүнөн гана көзөмөл кылабыз. Ал эми Жалал-Абад, Ош, Баткен облустарынан борбор шаарыбызга каттаган фирмалар азырынча жок.

Бизди таң калтырганы бул болду. Бишкектен 570 чакырым алыстыктагы Жалал-Абадга жол кире 1200 сом болсо, андан ары 100 чакырым алыстыктагы Ошко 1000 сом экен. Демек, кээ бир такси айдагандар чындап эле өз билген баасын коюп жаткан экен да. Жүргүнчү ташыган таксисттер чын эле каалагандай баа коёруна аргасыз ынандык.

Асхат Субанбеков
koom@super.kg


Жол азабы жана жол көйгөйү18-01-2013

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(21)
Super TV
19.01.2013. 14:03 
Тайпасы:
Жаран
Комментарийлердин саны:
355
Катталган:
28-05-2012
Соӊку аракети:
23-09-2018 01:53
Жынысы:
Белгисиз
Калаасы:
нарын
0
таксисттерге деле кыйын,бир кун кечке жол журуп аран 1000 сом табат.а эгер машинесинин бир тетиги сынса анда 1000 сомго эч нерсе келбейт.донголоктордун кымбаттыгычы.
Super TV
19.01.2013. 23:53 
Тайпасы:
Кыймылы жок
Комментарийлердин саны:
314
Катталган:
30-10-2012
Соӊку аракети:
20-11-2015 22:16
Жынысы:
Белгисиз
0
таксисттер демекчи, алдамчылары да четтен чыгат экен,4кун мурда айылга таксисттерден документ жибергем акчасын толоп, аны менден акчасын алган алып барган сон дагы акчасын бергиле деп ал жактан да алыптыр, токумун жеген адамдар кобойду тообо!!!
Super TV
20.01.2013. 18:22 
Тайпасы:
Жаран
Комментарийлердин саны:
310
Катталган:
11-12-2010
Соӊку аракети:
21-09-2018 19:47
Жынысы:
Белгисиз
Калаасы:
Ош
0
азыр баскан турганын акча эле болуп калды тооба
Super TV
20.01.2013. 18:24 
Тайпасы:
Кыймылы жок
Комментарийлердин саны:
28
Катталган:
20-11-2011
Соӊку аракети:
26-04-2014 01:48
Жынысы:
Белгисиз
Калаасы:
ЖалалАбад -Бишкек арасы......
0
Чын эле Ошко (жакшылап баалашсан) 1000 сом менен эле кетесин, а Оштун жарым жолунда жайгашкан Таш Комурго 1200-1300 сом....
21.01.2013. 09:50 
Тайпасы:
Кыймылы жок
Комментарийлердин саны:
9
Катталган:
13-01-2013
Соӊку аракети:
31-03-2013 10:26
Жынысы:
Белгисиз
Калаасы:
КУДАЙДЫН буйруган жери
+1
Баткендин баасынын алдында Ош Жалал Абад уят болот. оюна келген бааны койбостон эки жакты карап койсонор.
21.01.2013. 13:22 
Тайпасы:
Жаран
Комментарийлердин саны:
99
Катталган:
08-12-2010
Соӊку аракети:
03-06-2018 17:22
Жынысы:
Белгисиз
+1
Таластын айдоочусу- калп айтып бааны 500 дон ашпайт дептир, жаны-жыл башка майрамдарда- 700-800 го деле чыгып кетет. ал эми Жалалбатка 1500 дон экен...дайым эле ушундай эле баада болот экен..
21.01.2013. 22:52 
Тайпасы:
Кыймылы жок
Комментарийлердин саны:
314
Катталган:
30-10-2012
Соӊку аракети:
20-11-2015 22:16
Жынысы:
Белгисиз
+1
алдамчы таксисттер жонундо жаздым эле кайда кетти
22.01.2013. 11:03 
Тайпасы:
Жаран
Комментарийлердин саны:
43
Катталган:
08-06-2012
Соӊку аракети:
27-01-2018 15:24
Жынысы:
Белгисиз
Калаасы:
Бишкек
+1
Таласка каттаган такси лапша илиптир да
22.01.2013. 15:52 
Тайпасы:
Түйүлдүк
Комментарийлердин саны:
252
Катталган:
06-11-2012
Соӊку аракети:
14-07-2014 22:40
Жынысы:
Белгисиз
Калаасы:
..........sonuuuuuun jerde
0
буларга деле кыйын го эми айрыкча кыштын кунундо ашуу ашкан эненебиздин оюну эместир?
22.01.2013. 18:26 
Тайпасы:
Жаран
Комментарийлердин саны:
157
Катталган:
27-08-2011
Соӊку аракети:
23-09-2018 17:03
Жынысы:
Белгисиз
Калаасы:
Петербург
0
Мен 2010 800 менен барган жлем Ошко
23.01.2013. 09:34 
Тайпасы:
Супермодератор
Комментарийлердин саны:
2059
Катталган:
22-02-2011
Соӊку аракети:
24-09-2018 10:26
Жынысы:
Белгисиз
Калаасы:
...
0
Alibek_KG94,
Коомдук адепке туура келбеген сөздөрдү жазууга тыюу салынат!
5 күн банга!
23.01.2013. 13:06 
Тайпасы:
Кыймылы жок
Комментарийлердин саны:
181
Катталган:
04-10-2008
Соӊку аракети:
22-10-2013 14:27
Жынысы:
Белгисиз
0
Ош-Бишкек жолуна каттай берип, улам барып-келген сайын турдуу окуяларга дуушар болом. Нааразычылык айдоочу тарапка коп. Тоо-Ашууга жеткенге чейин жургунчунун конулу менен барып андан ары кыялын корсотушот, жургунчу жолдо калмак беле урушуп-талашып анан эптеп жетет. Окмот козомолдой албайт дегенге жамынып алып мындай иштерди кылганы туура эмес. Бир чети аларды тушуном узун жолдо транспорт деген транспорт бузулат башка болот. Бирок чыдаса иштеш керек, алкымды азайтып
23.01.2013. 13:08 
Тайпасы:
Кыймылы жок
Комментарийлердин саны:
181
Катталган:
04-10-2008
Соӊку аракети:
22-10-2013 14:27
Жынысы:
Белгисиз
0
Бир окуучу кызды тууганы салды, акчасын толоду, "озум уйуно чейин жеткирип коем" деп убадасын алган сон, шаарга жеткен сон "ал айыл алыс барбайм, атанды чакыр болбосо туш" дейт. Бул не деген шумдук? Кыскасы, айта берсе арман коп бул деген айдоочу эмес ар бир адамдын ар намысында. Жоош момун жакшы муноздогу айдоочулар деле бар албетте
23.01.2013. 15:03 
Тайпасы:
Кыймылы жок
Комментарийлердин саны:
120
Катталган:
24-02-2012
Соӊку аракети:
21-01-2016 09:14
Жынысы:
Белгисиз
-2
Jalal abadtin mayli suusuna barish uchun 1200. Som al tash komurudon kiyinki ele jerde oshentseday kimbat. Andan koro. Gazel mn ketkile osh Bishkek stoyankasina barsanar dordoydun, arzan Tem bolee jatip ketesiner
Super TV
24.01.2013. 06:32 
Тайпасы:
Жаран
Комментарийлердин саны:
21
Катталган:
21-12-2011
Соӊку аракети:
27-08-2018 13:44
Жынысы:
Белгисиз
Калаасы:
москва
0
кышта ошко 1500 стойит еле ехееее жазда 800 еле
24.01.2013. 09:14 
Тайпасы:
Кыймылы жок
Комментарийлердин саны:
66
Катталган:
24-08-2012
Соӊку аракети:
26-11-2016 18:29
Жынысы:
Белгисиз
Калаасы:
Москва
+1
Айта берсен арман коп,кайгыргандан пайда жок
Super TV
24.01.2013. 15:24 
Тайпасы:
Жаран
Комментарийлердин саны:
64
Катталган:
04-09-2009
Соӊку аракети:
18-09-2018 17:09
Жынысы:
Белгисиз
0
бензин арзандаганда кайра жол киренин баасын арзандатыш керек би :) ?! 3-4 сомго которулот, тушкондо коп болсо 1 сомго тушот!
25.01.2013. 05:27 
Тайпасы:
Жаран
Комментарийлердин саны:
5
Катталган:
08-08-2011
Соӊку аракети:
26-09-2017 13:35
Жынысы:
Белгисиз
+1
кээ бири аша чаап коюптур!!! Майрамдардын,каниулдун алдында кымбаттап эле кетет!
26.01.2013. 20:04 
Тайпасы:
Жаран
Комментарийлердин саны:
4
Катталган:
09-03-2012
Соӊку аракети:
24-09-2018 10:02
Жынысы:
Белгисиз
Калаасы:
Новокузнецк
0
Таласка 16-октябрьда 650 сом толоп Тоо ашуудан 6 саат тоонуп, эртен менен 10 до чыгып тунку 2 де жеткем. Бирок обратна 400 сом менен келгем 20- октябрьда. Мен 21-октябрьда Ошко 1500 сомго баргам. Кайра артка 1-ноябрьда 800 сом менен келгем.
27.01.2013. 20:00 
Тайпасы:
Кыймылы жок
Комментарийлердин саны:
29
Катталган:
17-10-2011
Соӊку аракети:
28-06-2013 07:02
Жынысы:
Белгисиз
0
1 mile kancha som? Mile ga karap eseptesh kerek! Alys tarapka milenyna 1.50 tyiyndan kylsa, norma. Ushu jonundo JK chechim chygarysh kerek. Oshondo kyshyn-jazyn bir summada bolot. Taxinin da jumushu kyiyn birok... Bul menin jeke oium...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: