Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Ассаль Ашрам: “МЕНИ ТҮШҮНБӨГӨНДӨРДҮН АЙЫНАН ӨМҮРҮМӨ КОЛ САЛГАМ”

№344 5-11-июнь, 2009-ж.


“Билгениңден билбегениң көп” деп бекеринен айтылбаса керек. Бүгүнкү каармандын өмүр баянын угуп отуруп тобо келтиргенге аргасыз болдум. Сөз өткөн сандарыбызда айтылган, операция жолу менен жигиттен кызга айланган Ассаль Ашрам тууралуу болмокчу. Каарманыбыз Бакрас деген атын Ассаль Ашрам деп которгон.
Анда назарыңыздарда Ассаль аттуу “кыздын” жашоо образы...

Транссексуал – төрөлгөндөгү жынысын чанып, эркектен кызга же кыздан эркекке айлангысы келген адам. Адам негизи организминде кайсы жыныстын гормондору көбүрөөк болсо, ошол жыныска баш ийет.

“Ата мээримин көрбөй чоңойдум”

– Жашоо бир адамга жылмайып келсе, экинчисине кабак бүркөп келерин мен балалыгымдан билем. Катардагы балдардай болуп ата-энемдин ортосуна түшүп жетелешип эркелеп, бала бакчага барып, каалаган оюнчук менен ойноо бактысын көргөн жокмун. Мен төрөлгөндө ата-энем ажырашып кеткен экен. Кийин апам мени балдар үйүнө берип коюптур. Көп өтпөй балдар үйүнөн нарындык таежелерим “эркек баланы өзүбүз багып алалы” деген ой менен алып кетишет.

Ошентип, таене-таятамдын колунда жүрүп мектепке бардым. Ата-энемдин жетишпегенин мектепте окуп жүргөндө сездим. Таене-таятамдар кары болгондуктан, мени анчалык деле эркелете беришчү эмес. Ал кезде эжем (өз апам) Бишкек шаарында жашачу. Бирок ал “балам бар” деп Нарынга келип, көңүл деле бөлүп койгон жок. Апамды тилим чыкканы эле “эже” дедим. Азыр эжемди эч күнөөлөбөйм. Мени балдар үйүнө берип койгону үчүн жана өзү тарбиялабаганы үчүн эжемди эчак кечиргем. Учурда эжем экөөбүз жакшы эле мамиледебиз.

Ал эми атам менен жакында эле тааныштым. Азыр ал Ош жергесинде жашайт. Чоң кызматтын ээси. Жолукканда атам мага материалдык жардамын сунуштады. Бирок мен андан баш тарттым. Кудайга шүгүр, өзүмдүн тапканым өзүмө жетет. Атамдын учурунда бере албаган аталык мээриминин, жардамынын эми мага кереги жок.

Бишкектен мага жакшы демөө­р­чүлөр табылып, “Happyness” аттуу мүмкүнчүлүгү чектелген майып балдар уюмун түзгөм. Бүгүнкү күндө ийгиликтүү иштеп жатат. Мындан тышкары, акчалуу байкелердин жардамы менен Нарында сулуулук салонун ачканмын. Ошондой эле майыптык үчүн пенсия алып турам. Ушулардан топтолгон акча менен күнүмдүк жашоомду өткөрөм.

“Мага кыздар эмес, тескерисинче, жигиттер жакчу”

– Мектепте кадимки эле балдардай окуп жүрдүм. Убакыт өтүп, сүйүү сезимдери ойгоно баштады. Негизи, эркек балдар кыздарга тийишет эмеспи. Ал эми мага кыздар эмес, тескерисинче, жигиттер жакчу. Муну өзүм да түшүнчү эмес элем. Ошондо эле кыздардын кийими жагып, өзүмдү кыздардай алып жүрчүмүн. Мимикаларым да, сүйлөө манераларым да кыздардай болчу. Ошондуктан класстагы балдар мени такыр кошушчу эмес.

Мындай абалымды түшүнө албай көп ойлондум. Түшүнүксүз көп суроолорго кептелдим. Бирок аларга эч кимден жооп ала албадым. Ичимдеги толгон бугумду угуп, сүйлөшө турган жакын курбу-курдашым да болгон эмес. Кайсы бир күнү Нарындагы СПИД борборуна барып калдым. Ал жерде бир доктур менен ушул темада ачык сүйлөшө кеттим. Мына ошол доктур Үмүт эжеден көкүрөгүмдө топтолгон суроолорго жооп алдым. Ошондо гана мен транссексуал экенимди билгем.

“Жипке муунуп...”

– 11-классымда өзүмдөн улуу бир баланы катуу сүйүп калдым. Ал бала да менин абалымды жакшы түшүнгөн транссексуалдардан болчу. Бирок ал сүйүүмө жооп бербеди. Ушунчалык кыйналганымдан өз өмүрүмдү кыйгым келди. Табият мени катардагы эле адамдардай кылып жаратпаганына, көпчүлүктөн четке кагылганыма, эч ким мени түшүнбөгөнүнө ызаландым. Жипке муунуп өлөйүн деп чечтим. Бирок асылган жибим үзүлүп, жерге кулап түштүм. Кулаган жерде айнектин сыныгы бар экен, көзүмө жакын жерин тилип кетти. “Көздүн ээси бар” деп коёт эмеспи, айнек карегиме кирбептир. Ал эми жиптин үзүлүп кетишин “Кудай мага дагы бир ирет жашаганга мүмкүнчүлүк берди” деп түшүндүм.
Ошондон тартып өзүмө “башыма кандай кыйынчылык келбесин, жеңип чыгам” деп сөз бердим.

“Жигиттен кызга айландым”

– Орто мектепти аяктап, Нарын Педагогикалык орто окуу жайынын музыкалык бөлүмүнө тапшырдым. Окуу жайдан да өзүмдү алып жүрүү боюнча көптөгөн эскертүүлөрдү уктум. Жадакалса Жылдыз деген бир эже “чачыңды кырк, эркек балдардай кийин” деп жүрүп 2-курста окуудан чыгарып, жаны жай алды. Анан да апамдын (таенемдин) “үйлөн, бизди неберелүү кыл” деген сөзү да тажатып жиберди. Эмнеси болсо да мындай акыбалымда Нарында жашай албастыгымды түшүнүп, Бишкекти көздөй келе бердим.

Жакында эле жыныстык мүчөмдү алмаштырдым. Көпчүлүк «чет өлкөдөн операция жасатты» деп ойлоптур. Мен дагы бир ирет айтып кетер элем, операцияны Кыргызстандан эле мыкты доктурлар жасашты. Бирок жасаган адамдын ысымын айта албайм. Операция жасатар алдында көп адамдардан кеңеш алдым. Көпчүлүгү каршы болгон жок. Бир гана молдо “бул шайтандын жолу. Кудай берген жынысыңды чанба” деп айтты.

Операциядан кийин көптөгөн гормоналдык дарыларды ичип жатам. Булчуңдарым жукарып, төшүм чоңойсун деп. Бул операциянын жыйынтыгын сүйгөн жигитим чыдамсыздык менен күтүп жатат. Ал “мени көйнөк кий” деп да суранууда. Жакында кием го. Мен жигитимди аябай сүйөм. Аны “бултушкам”, “тултушкам” деп эркелетем. Бул сөзүм ага да аябай жагат. Анан да жигитим аябай кызганчаак. Телефонумду тез-тез текшерип турат. Мен да аны кызганам. Себеби аны сүйбөй коюуга болбойт.

“Операциядан кийин тааныбай каласыңар”

– Музыкасыз жашай албаган соң келечекте бир гана Кыргызстанды эмес, дүйнөлүк шоу-бизнести багындыра турган пландарым бар. Азыр ушунун үстүндө иштеп жатам. Сахнага чыгыш үчүн биринчи сүйкүмдүү келбет керек эмеспи. Фигурамды жакшы эле деп эсептейм. Ал эми бетиме пластикалык операция жасатыш керек. Буюрса, жакында жасатам, ошондо көпчүлүктүн оозу ачылып, мурунку Бакрасты тааныбай калышат деп ойлойм.

“Сабап кеткен балдар да болгон...”

– “Балыкчы балыкчыны алыстан көрөт” демекчи, мен өзүмө окшош адамды өңүнөн эмес, үнүнөн тааныйм. Учурда курбуларым көп, анын ичинен эң жакыны Айка (Алишер). Айка экөөбүз көп нерсени башыбыздан өткөрдүк. Түнкү клубдарга барып чогуу эс алабыз. Сыр айтайынбы, биз түнкү клубга тырмактан баштап кирпикке чейин боёнуп, сөйкө тагынып, кадимки кыздардай кийинип барабыз (күлүп). Анан биздин сулуулугубузга суктанып тийишкендер да болбой койбойт.

Биздин жашоо образыбызга жини келген жигиттер үйгө чейин келип, терезени талкалап, уруп-сабап кеткен күндөр да болду. Арыз жазып, сотко кайрылсак, ал “бандиттерге” өзүңөр шериксиңер” дегенсип, эч кандай чара деле көрбөй койду... Ий, койчу, эми мунун баары артта калды деп ойлойм. Эми мен өзүмдү бир жыныстуу адам деп эсептейм. Буюрса, баары жакшы болот деген ишенимдемин.

Жаратылыш адам баласы таба алгыс табышмактарды да тартуулап келет эмеспи. Ушул күнгө чейин генетиктер да, сексопатологдор да транссексуалдар кайдан келип чыгарына толук жооп табыша элек. Кандай болсо да, Ассаль коомдо өз ордун таап кетерине тилектешпиз.

Бактыгүл Сокушова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
11.10.2011. 18:31 
Тайпасы:
Жаран
Комментарийлердин саны:
370
Катталган:
06-09-2010
Соӊку аракети:
04-10-2018 23:46
Жынысы:
Белгисиз
Калаасы:
Italia,Sardegnia.
0
Bul insandi saxnadan 4idamsizdik menen kutobuz,kim boldu eken?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: