Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАРЫШКА ТҮШКӨН АЗАМАТТАР ЭМНЕ ДЕЙТ?

№344 5-11-июнь, 2009-ж.


Шайлоо жакындаган сайын талапкерлердин саны азайып, 11ге түштү. Айрымдары өз каалоосу менен баш тартса, айрымдары Шайлоо Кодексинин талаптарын аткарбагандыгы үчүн, айрымдары мамлекеттик тил боюнча сынактан өтпөй, БШК тарабынан тизмеден чыгарылды. Көпчүлүктүн кызыгуусун жаратып турган талапкерлерге шайлоого байланышкан, байланышпаган да суроолорду узаткан элек. Башка талапкерлерден айырмаланып, учурдагы президент К.Бакиевдин саат эмес, мүнөттөрү саналуу. Андыктан бул талапкердин жоопторун гезитибиздин келерки сандарынан окуйсуздар. Ал эми биринчилерден болуп жооп бергендер төмөнкүлөр болушту.

Темир Сариев

– И.Исаков президенттик шайлоодон баш тарткандан кийин, айрым санаалаштарыңыз сизди да баш тартат деп айтышууда. Бул мүмкүнбү?

– “Ак шумкар” партиясынын курултайында мени президенттикке талапкерликке көрсөтүштү. Мен өзүм чыгып, жеке кызыкчылыгым үчүн талапкер болгон жокмун. Ошол курултайга Кыргызстандын бардык аймактарынан келген делегациялар катышты. Алар “эл колдоп жатат. Сиз партиянын атынан шайлоого барыңыз” деп менин талапкерлигимди сунушташты. Ошондуктан баш тартпайм, акырына чейин жарышка катышам. Бул партиянын чечими, бул чечим туруктуу болот.

– Т.Сариев “БЭКтин уставын бузуп, талапкер болду. Добуштарды бөлүү максатында учурдагы бийлик менен сүйлөшүп алды” дегендерге жообуңуз кандай?

– Партиянын өзүнүн көз карашы бар. Мен эч ким менен сүйлөшкөн жокмун. Сүйлөштү деп айтып жаткандарга болсо, бул алардын алсыздыгы деп билдирем. Мурунку санаалаштарымбы же башка күчтөрбү, айтор, учурда ар кандай ушактарды таратып жүрүшөт. Мен муну алардын уятына койдум. Партиянын курултайдагы билдирүүсү туруктуу. Партиянын саясаты учурдун талабына жооп берет. Ошондуктан “Ак шумкар” партиясы жарыштын аягына чейин бекем туруп, элден колдоо табат деп ишенем.


Алмазбек Атамбаев

– БЭК жеңишке жетишсе, АКШнын аба базасы боюнча бир пикирге келе аласыңарбы?

– АКШнын аба базасы боюнча учурда укуктук процесс ишке кирди. 18-августта бул аба база өлкөдөн чыгып кетиши керек. Жаңы шайлана турган президенттин инаугурациясы жана президенттик кызматка киришүүсү бул датадан кийинки убакытка туш келет. Ошондуктан аба базаны чыгаруу же чыгарбоо чечими учурдагы өлкө башчысы К. Бакиевдин эркинде деп эсептейм.

– Президенттик шайлоодо Кыргызстандын бардык аймактарынан колдоо табарыңызга ишенесизби?

– Колдоо табам, эл бизди колдоп жатат. Учурда БЭКти колдоп, 500 миңге жакын адам кол коюп берди. Биз бир талапкер менен чыктык эле, бирок Т.Сариев өзүнчө кетти. Аны Кудайга койдум. Кимдин ким экенин убакыт көрсөтөт. Бийлик тарабынан ар кандай коркутуулар болуп жатса да, мамлекеттик кызматтардан кетирип жатса да, эл бизди колдоп жатат. Кыргызстандын бардык аймагынан колдоо табарыбызга ишенебиз.


Нурлан Мотуев

– Тил сынагы учурунда “коррупциячыларды 50 жылга камаш керек” дедиңиз муну кантип жасайсыз? Ишке ашаарына көзүңүз жетеби?

– Учурда Кыргызстанда коррупция менен күрөшкөн мамлекеттик да, коомдук да атайын уюмдар бар. Бирок алар реалдуу күрөшпөй жатышат. Эгер мен президент болсом, мыйзамдарды өзгөртүп, паракорлорду 30-40 жылга чейин камап, уурдаган байлыгын мамлекеттин казынасына өткөртүп бермекмин. Укуктук-нормативдик актыларды иштеп чыгып, пара алган адамды, мамлекетке чыккынчылык кылган берене менен бирдей кылмакмын. Бийлик коррупцияны ооздуктап жатабыз дейт. Андай болгон жок, азыр мектептерде аттестат алыш үчүн пара сурап жатышат. ЖОЖдордо экзамендерде жалаң акча менен иш кылып калышкан. Бир кызматка барып иштейм десең, сөзсүз түрдө пара беришиң керек. Өлкөдө ушундай иштер болуп жатса, Кыргызстан кантип өнүксүн?

– Өлкөдө радикалдуу диний күч­төр­дүн таасири күчөп баратат деп тынчсызданбайсызбы?

– Мен антип кооптонбойм. Анткени биз Ооганстан, Пакистан же Өзбекстан эмеспиз. Бул өлкөлөрдө радикалдуу диний күчтөр колуна курал алып, бийликке баш көтөрүп жатышат. Бизде андай жок. Бирок оппозиция айткандай, парламенттик республика боло турган болсок, 90 бай-манап өзүнүн уруусун, айылын, районун бөлүп алып, борбордук бийликке баш ийбесе, ошондо гана мамлекеттин коопсуздугуна доо кетет. Анан бара-бара Ооганстанга айланабыз. Ал эми динден эч кандай коркунуч жок деп ойлойм.


Жеңишбек Назаралиев

– Апийим өстүрүп, Кыргызстан­ды кризистен алып чыгууну сунуш­тадыңыз. Мындай шартта өлкөдө баңгилик күчөйт деп кооптонбойсузбу?

– Кооптонууга негиз жок. Биз апийимди фармакологиялык негизде өстүрүп, мамлекетке түшө турган киреше жагын ойлонушубуз керек. Жаштарыбызга жакшы билим берип, аларды апийимден алыс тутуп, экономиканы көтөрө алабыз. Мисалга алсак, Индия мамлекетине фермерлери жыл сайын 750 миң тонна апийим өндүрүп берет. Кыргызстанда апийим өстүрүүгө толук шарт бар. Эмне үчүн биз муну пайдаланбашыбыз керек? Аны медициналык максатта өстүрсөк, өлкөнүн экономикасына жыл сайын 20-30 миллиард доллар киреше алып келет. Кыргызстандын бул тармакта практикасы бар, 1940-1945-жылдардагы Дүйнөлүк согуш учурунда кыргыз апийими миллиондогон өмүрдү сактап калган.
Ошол эле учурда 6-8 чоң жана 30-40 чакан ГЭСтерди куруп,
өлкөнүн экономикасын көтөрсө болот.

– Президенттик шайлоодо өзү­ңүзгө атаандаш катары кимди айта аласыз?

– Менин эң негизги атаандашым катары учурдагы өлкө башчысы К.Бакиевди айта алам. Анткени анын колунда күчтүү админстративдик ресурс турат. Элден ким колдоо табарын күтө туралы. СДПК фракциясынан Бакыт Бешимов менен тандем курмакмын, бирок тилекке каршы, ал президенттикке талапкерлигин койгон жок. Учурда президенттикке татыктуу деп эч кимди айталбайм.


Акбаралы Айтикеев

– Кесибиңиз өндүрүшчү. Кыргызстанды өндүрүш менен көтөрсө болобу, болсо кантип?

– Мен шайлоо программамды жа­кын­кы күндөрдө элге жарыялайм. 2005-жылдагы шайлоодо да “өндүрүштү көтөрүп, элди багам” деп сөз бергенимде, эл мени колдоп, ардактуу орунду алып берди. Ошол ураанымды кайра кайталайм. Элди бакканга күчүм жетет. Өлкөнүн кен-байлыктарын, жер-суусун токтоосуз ыйык коргоого алам. Мени колдоого алган элдин талабын аткара алам деп ишенем.

– Жеңишке жетишсеңиз, алгачкы кадамыңыз эмне болот?

– Элге дем берип, жаңы саясый багыт ачуу керек. Төрөгөн ар бир энеге мамлекеттин эсебинен 25 миң сом сүйүнчү бөлдүрүү боюнча токтом чыгаруу керек. Жаштарды мамлекеттик кызматка тартып, иш орундары менен камсыз кылуу зарыл. Свет жайы-кышын өчпөй, суу сатылбай, кыргыз элине электр энергиясы арзан баада берилиши зарыл. Булар менин алгачкы кадамдарым болмокчу.


Токтайым Үмөталиева

– Айрым саясатчылар бей­өкмөт уюмдарды “Батыштын тыңчылары” деп айтышат. Буга кандай карайсыз?

– Ошентип айтып жаткандар өздөрү тыңчы. Алар бейөкмөт уюмдардын эмне экенин билишпейт. Бул уюмдар мамлекеттин өнүгүүсүнө чоң салым кошуп жатат. Мисалга алсак, экономикалык, социалдык, гендердик багытта изилдөө жана окутуу иштерин жүргүзүп, мамлекетке жардам берип жатат. Ошол эле учурда, мамлекетке канчалаган программаларды алып келип, иш орундарын камсыз кылууда. Учурда өлкөдө иш алып барган АРИС программасы да БӨУнун демилгеси менен түзүлүп, иштеп жатат. Өлкөдө 8 миң БӨУ болсо, алардын ар биринде жок дегенде 3төн кыргыз жараны иштеп, айлык алып, үйбүлөсүн багып жатат. Жогоркудай пикирди айткандар дагы бир жолу ойлонуп көрүшсүн.

– Кыргызстанды аял киши башкара турган убакыт келди деп айта аласызбы?

– Айта алам, себеби акыркы убакта дүйнөдө аялдар бийликке келип, чыр-чатагы жок эле мамлекеттерди башкарып келе жатышат. Аялдар канткен күндө да энебиз да. Ошондуктан уул-кыздарыбыздын келечегин ойлоп, согушсуз, тынч жашоо түзүп бергенге аракет кылабыз. Өзүбүздүн тарыхты эле алсак, эң оор учурда эл бөлүнүп-жарылып баратканда, Курманжан Датка энебиз элди бириктирип, мамлекетти сактап калган. Эркектерге караганда, аялдар мээримдүү, күйүмдүү деп ойлойм.

Айбек Кочкоров
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
15.06.2016. 06:13 
Тайпасы:
Жаран
Комментарийлердин саны:
157
Катталган:
08-06-2016
Соӊку аракети:
31-01-2018 07:06
Жынысы:
Белгисиз
0
жаман
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: