Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Элмирбек Иманалиев:«МИТИНГДЕ ЫРДАГАНДАН КИЙИН АРТЫМДАН АҢДУУ БАШТАЛГАН»

№534 25-31-январь, 2013-ж


Мындай карай келсең, оо качанкы Элмирбек Иманалиев. Чыгармачылыгына 20 жылдын жүзү болуптур быйыл. А жашын санай келсең, болгону 35те. Каарманыбыз ушул күнгө чейинки өмүрүнө саресеп сала кызыктуу маек курдук.

КААРМАН ТУУРАЛУУ КЫЗЫКТУУ ФАКТЫЛАР

  • Обон жаратуу кээде бир жылга чейин созулуп кетиши мүмкүн. Элмирбек мырза «андайда кыртышым сүйбөй, киши тандап сүйлөшүп калам» дейт.
  • Айылда жүргөн кезде камчы өрүп, жыгачтан буюмдарды жасап, устачылык жайы бар болчу.
  • «Булбулум» аттуу ырынын сөзүн жазганда алгач Сыймык Бейшекеевге көрсөткөн. Ал «жаңылмачтай ыр экен» деп жактырган эмес. Кийин өзү обонун жазып, Саламат Садыкова, Элмира Кайып кызы, учурда Омар жана башка ырчылар ырдап жүрүшөт.
  • «Азамат Болгонбаев мени өкүл ата койгондон кийин ата дей албай жүрдү. Бир ирет «Элмирбек байке» деп кайрылганынан укпамыш болуп, качан ата демейин сөздү созуп жатып ата дедиргем» дейт акын.
  • 5 маал намаз окуган учуру, Иса пайгамбарга ишенгендердин жыйынына барган кези, мазарларга сыйынган жана йога менен алектенген учурлары болгон.

– Саламатсызбы, Элмирбек мырза? Маегибизди сиздин жашооңуздагы акыркы жаңылыктар менен баштасак деп турам.
– Саламатчылык. Жакшы болот. Быйыл менин чыгармачылык жолго аттанганыма 20 жыл болду. Албетте, элге отчёт берип, чоң концерт тартууласам деген ойдун камын көрө баштадым. Андан тышкары жазып жүргөн анча-мынча аңгеме, ырларымды жарыкка чыгарууну көптөн бери эңсеп келем. Азыр аларды басууга даярдап, оңдоп-түзөө менен алекмин.

– 20 жыл деген аз убакыт эмес. Чыгармачылык чыйыр жолго эрте аттанган экенсиз да...
– Ооба. Абдан эле эрте аттандым. 5 жашымдан комуз кармадым. 12 жашымда төкмөлүккө алгачкы кадамымды таштап, 15 жашымда филармониянын чоң сахнасында республикалык акындар айтышына түшүп, баш байгени жеңип алгам.

– Комузду 5 жашар балага ким үйрөттү экен?
– Радиодон күүлөрдү угуп жатып эле өзүм үйрөнүп алгам. Ырас, атамдын Бектурган деген досу комузду жакшы чертер эле. Үйгө келгенде менин комузумду күүлөп, өзү да чертип берип кетчү, бирок атайын отургузуп алып «мындай кармап, мындай черт» деп үйрөткөн эмес. Ал кеткенден кийин өзүмчө уккан кайрыктарды кайталай баштачумун. Мага тамганы да эч ким үйрөткөн жок. Өзүмдүн кызыгуумдун артынан эле бардык тамгаларды жаттап, 5 жашымда «Манас» эпосун шар окуп калгам.

– Жакшы экен. А төкмөлүк өнөрүңүз качан кабарын бере баштады?
– Өзүм Токтогул районунун Чоңко айылынан болом. 12 жашымда өлкө эгемендүүлүккө жаңыдан кадам таштап, улуттук майрамдарыбыз жандана баштаган кез. Нооруз майрамы болчу, бир мугалим мага «комуз менен чыгып саламдашасың» деп эл-жер, Нооруз майрамы, биздин өрөөндөн чыккан чыгаан акындар туурасында текст жазып берди. Сахнага чыгып аны ырдадым, жаттаган текстим бүткөндөн кийин ары жагын берилип кетип өзүм төгүп кирдим. Ошол жерден баштап элдин баары кыйкырык-сүрөөнгө алып жатып калышты. Ал жоругум Фрунзеге жеткен экен, устатым Тууганбай Абдиев айылга мени издеп барыптыр. Ырдатып көрүп эле «сенден төкмө акын же жазма акын чыгат. Айылда жүрсөң чөйрөң кандай болот ким билет, шаарга жүр» деп калды. Ал кезде атамдын көзү өтүп кеткен эле, апамдын уруксаты менен шаарга келип, Тууганбай Абдиевдин шакирти болуп калдым.

– Учурда өзүңүз шакирт тарбиялап калган кез...
– Ооба, азыр «Айтыш» фондуна келип, дайыма бизден сабак алып жүргөн 10-15 бала бар. Баары таланттуу. Акырындап такшала башташты. Жакында 21 жашка чейинки жаш төкмө акындар арасында «Жаш таңдай» деп аталган таймаш өткөрөлү деп жатабыз. Буюрса, күбө болосуздар.

– Акындар арасындагы чоң айтыштарда башкы максат өзүн элге көрсөтүүбү же баш байгеби?
– Жакшы суроо экен. Дал ушул суроону мен дайыма мелдешке чыгар алдында өзүмө берем. Кээ бир айтыштарга түшкөндө көкүрөктөгү оюңду айтып алууну максат кыласың. Калыстар кандай чечсе чече берсин, баш байгесин бербесе бербейттир, бирок мен айтчумду айттым деп акыркы жыйынтык угула электе эле канааттанган учурлар көп болгон. Мисалы, 2003-жылы кыргыз мамлекеттүүлүгүнүн 2200 жылдыгына карата казак-кыргыз арасында чоң айтыш болду. Анда мен:
Эл башчыбыз эсирди,
Эстебеди кесирди.
Жаттан карыз көп алды,
Жан кечтилер жеп алды.
Бөлөктөн карыз көп алды,
Бөрүдөй талап жеп алды...- деген саптарды ырдап койдум. Залдагы эл жер тепкилеп кол чаап колдошту. Айтканыма өзүм да ыраазы болдум. Бирок ошондон кийин бийлик бутактарындагы адамдардын мамилеси дароо терс жагына өзгөрдү.
Ал эми байге жаатында айтсам, абийирибизге камчы чаппай эле коёлу, кээ бир учурда каржылык жактан муктаж болуп турганда байгеге болгон кызыгуу болбой койбойт. Кээде «алдыңкы байгелүү 3 орундун бирине илинип калсам, бул маселемди чечип алмакмын» деген ой менен айтышка чыккан учурларым деле болгон, аны жашырбайм.

– Бийлик тарапка жакпаган сөз айтып алып, анын запкысын тарткан учуруңуз болду беле?
– 2007-жылы ноябрь айында митингде ырдап коём деп балээге калгам. Анда эч кимди кетсин деген талап жок эле, болгону реформалык өзгөрүштөрдү күтүп эл толкуп чыккан. Ошондон кийин майда-чүйдө коркутуулар күчөп, бийликтегилердин укуругу абдан узун болот экен, ар кандай жолдор менен жолуңдан чыга берет. Ал учурда артымдан бир топ күн номери жок Жигули ээрчип жүргөн.

– «Аруузатым» сыяктуу ырларды жаратып, обончулук жайыңыз да бар экенин билебиз...
– Обончулук, ырчылык жаатына бир кездерде катуу берилип кеткем. Чындыгында, ал кезде эстрада азгырып турган учур. Төкмөлүк талантым кадимкидей аксап калган. Азыр ойлоп көрсөм, эстрада ырчылары мага таарынышпасын, ошондо кайра акындыкты тандап эң эле туура кылыптырмын деп коём.

– Улуу инсандарыбыз дүйнөдөн өткөн кезде элдин көзүнө жаш алдырган чыгармаларды жараттыңыз. Бирок «кошокту аялдар айтчу эле» деген сындар болду?
– Ушул суроону жакшы бердиңер. Ооба, кошок аялзатына таандык. Мен аткарган ал чыгармалар кошок эмес, жоктоо. Илгери жоктоо деген болгон, белгилүү адамдар дүйнө салганда аткарылат, ал эркектерге тийиштүү. Тескерисинче, бул жанрды мен жандандырдым.

– Окуганды, комуз черткенди, акынчылыкты, баарын эрте баштаган экенсиз. Ошол эле учурда жеке жашооңуз да артта калбаптыр...
– «Булбулум» аттуу ырымдагы «Жашыймын көп эстеп ал күндөрдү, Жаштыгым жаштыкка окшобогон» деген саптарды айтып курдаштарым көп тамашалап калышар эле, «жаштыкты көрбөй калдың» дешип. Ооба, 16 жашымда Гүлбүбүгө баш кошком. Эрте ата болдум. Ал тагдыр экен. Кимге кандай тагдыр жазса, анын бир тамгасын да кыйшайтпай аткарууга аргасыз экенбиз. Кийин экинчи ирет үйлөндүм. Келинчегимдин аты Нурзат, медицина жаатында билими бар. Менден 4 жаш кичүү. Ортобузда эки балабыз бар. Уулум Эрулан үч жашта. Баарын билгиси келип, өсүп жаткан учуру. Эки күн мурун эле «ата, Кудай барбы?» деп сурады. «Ооба, балам, Кудай бар» десем, «корком» дейт. «Туура, Кудайдан гана корк, башка эч кимден коркпо» деп койдум. Эң кичүү кызымдын аты Жайдары, 2 жашка чыга элек. Тили чыга баштады. Балдардын бал тилине эзилип жүргөн чагым.

– Улуу кыздарыңыз тууралуу да айта кетсеңиз?
– Улуу кызым Айзуура быйыл мектепти аяктайт. Өзүнө-өзү максат коё билген кыз, келечекте кесип тандоодо жаңылбайт деп ишенем. Бул жаатта мени менен да кеңешти. Ичинен тандап, жактырып жүргөн кесиби бар экен. Андан кийинки кызым Сезим да бой жетип келатат.

– Кызыктуу маегиңизге рахмат.

Чолпон Сүйүнбаева
star@super.kg



"Митингде ырдагандан кийин артымдан аңдуу башталган" дейт Элмирбек Иманалиев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(22)
Super TV
26.01.2013. 03:27 
Тайпасы:
Жаран
Комментарийлердин саны:
309
Катталган:
28-09-2011
Соӊку аракети:
22-10-2018 00:59
Жынысы:
Белгисиз
0
супер инфодон коргон эн жакшы маек ушул болду. баардыгы жай жайында акын деп ушул кишини айт. Гулбубу Иманалиева менен жашабай калганбы экинчи уйбуломон дейтго.
Super TV
26.01.2013. 09:54 
Тайпасы:
Кыймылы жок
Комментарийлердин саны:
15
Катталган:
03-11-2011
Соӊку аракети:
09-01-2015 07:22
Жынысы:
Белгисиз
Калаасы:
Amerika
0
2005-жылы ушул токмо акынды Чон Апамдын тоюнда коруп жактырып калган болчум:-) Мектепте окучум анда, арыктап кетиптир,абдан симпотичный адам бирок.
Super TV
26.01.2013. 15:26 
Тайпасы:
Кыймылы жок
Комментарийлердин саны:
70
Катталган:
04-11-2011
Соӊку аракети:
04-11-2016 02:15
Жынысы:
Белгисиз
Калаасы:
Талас
0
Эх просто супер адам, сыйлайм. Акыркы мезгилде коп чыкпай калды.
Super TV
26.01.2013. 15:49 
Тайпасы:
Жаран
Комментарийлердин саны:
851
Катталган:
10-06-2011
Соӊку аракети:
08-05-2018 22:40
Жынысы:
Белгисиз
0
аябай сонун маек болуптур! уккандан жадабайсын.абдан уккулуктуу болуптур! талантынызды дагы ташкындата бериниз! алды дагы болотурган фестивальга жениш каалайм! апей аягында кызыныздын атын унутуп кызык болуптур го!
Super TV
26.01.2013. 16:31 
Тайпасы:
Кыймылы жок
Комментарийлердин саны:
103
Катталган:
24-01-2012
Соӊку аракети:
20-05-2014 00:41
Жынысы:
Белгисиз
-2
dasuukan juranalist bolso bul agaidan dagu soonun kepterdi alup chuksa bolmok. Jurnalist katardagu suroolordu ele berip agaidun ozgocholykttoryn dagu jakschu achup bere albagandugu okyndyrot
Super TV
26.01.2013. 16:41 
Тайпасы:
Кыймылы жок
Комментарийлердин саны:
103
Катталган:
24-01-2012
Соӊку аракети:
20-05-2014 00:41
Жынысы:
Белгисиз
0
Elmirbek agaydun jonokoilygynyo abdan baa berdim,koldoi kenen adam eken. Bar bolunguz
Super TV
26.01.2013. 21:53 
Тайпасы:
Кыймылы жок
Комментарийлердин саны:
34
Катталган:
20-01-2013
Соӊку аракети:
14-03-2013 22:41
Жынысы:
Белгисиз
0
Аман болунуз агай
Super TV
27.01.2013. 12:51 
Тайпасы:
Жаран
Комментарийлердин саны:
212
Катталган:
05-11-2011
Соӊку аракети:
19-06-2018 18:27
Жынысы:
Белгисиз
0
Элмирбек агай аябай кызыктуу маек болуптур,ийгилик сизге!
Super TV
27.01.2013. 13:01 
Тайпасы:
Жаран
Комментарийлердин саны:
212
Катталган:
05-11-2011
Соӊку аракети:
19-06-2018 18:27
Жынысы:
Белгисиз
0
супер-инфо, агайдын бир дагы чыгармасы медиа порталда жок экен го,киргизип койо аласынарбы?
Super TV
27.01.2013. 20:07 
Тайпасы:
Жаран
Комментарийлердин саны:
72
Катталган:
10-05-2012
Соӊку аракети:
29-09-2018 07:42
Жынысы:
Белгисиз
Калаасы:
Бишкек
+1
Салам супер Элмирбектин Чынгыз Айтматовго анан 7 апрелге кошкон кошогун таап бере аласыздарбы алдын ала рахмат дарегим Sizge.kat@mail.ru
29.01.2013. 12:12 
Тайпасы:
Кыймылы жок
Комментарийлердин саны:
52
Катталган:
09-11-2012
Соӊку аракети:
04-07-2016 09:35
Жынысы:
Белгисиз
0
Талант бардык жагынан таланттуу дегендей Сендей жигитти таланты менен жараткан Кудайга, ата-энеңе, жана ар бир сабыңды эзилип, жыргап уккан кыргыз элиң менен, кыргыз тилине таазим!Бар бол иним, жолуң жарык жана шыдыр болсун, Жараткан колдоп, тилегиңди берсин.
30.01.2013. 06:40 
Тайпасы:
Жаран
Комментарийлердин саны:
4
Катталган:
13-12-2012
Соӊку аракети:
23-10-2017 18:15
Жынысы:
Белгисиз
+6
Азаматсыз. Сизди уй булобуз менен жакшы коробуз. Чыгамачылыгызга ийгилик.
30.01.2013. 21:27 
Тайпасы:
Кыймылы жок
Комментарийлердин саны:
21
Катталган:
05-09-2012
Соӊку аракети:
30-11-2015 09:02
Жынысы:
Белгисиз
Калаасы:
Жалал-Абад
-7
Иштеринизге ийгилик! Сизден дагы жакшы токмолукторду кутуп калабыз. Бактылуу болунуздар...
31.01.2013. 15:45 
Тайпасы:
Кыймылы жок
Комментарийлердин саны:
8
Катталган:
16-02-2012
Соӊку аракети:
16-10-2015 10:16
Жынысы:
Белгисиз
Калаасы:
Бишкек
0
Элмирбек байке, сизге ден-соолук, чыгармачылык ишинизге ийгилик каалай. Эн негизгизи уй-булонуз менен бактылуу болуп Кыргыз элине кызмат кыла бериниз. Биздин уй-було сизди сыйлайт жана урматтайт!
Super TV
04.02.2013. 16:02 
Тайпасы:
Жаран
Комментарийлердин саны:
202
Катталган:
17-03-2008
Соӊку аракети:
29-05-2017 09:11
Жынысы:
Белгисиз
Калаасы:
Бишкек
0
Элмирбек байке алтынчысын айтпай койдуңуз, төкмө акындар элинин өткөнүн мыкты билген тарыхчы дагы болушу керек.
Super TV
04.02.2013. 16:06 
Тайпасы:
Жаран
Комментарийлердин саны:
202
Катталган:
17-03-2008
Соӊку аракети:
29-05-2017 09:11
Жынысы:
Белгисиз
Калаасы:
Бишкек
0
Эрте чоңойгону байкалып турат, өз курагынан улуу, олуттуу, сүйлөгөнү орундуу. "Булбулум" деген ырынын өзү эле кандай жагымдуу? Элмирбек Иманалиевдин талантынан жаралган дагы бир канча ырлар бар, ушундай баага татыктуу, муундан-муунга өтүп ырдала турган.
Super TV
20.12.2014. 19:48 
Тайпасы:
Жаран
Комментарийлердин саны:
54
Катталган:
01-08-2013
Соӊку аракети:
06-08-2018 18:42
Жынысы:
Белгисиз
0
Гулбубу эми окунуп жаткандыр.Материалдык кыйынчылык эле экоон ажыраткан го.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: