Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАГДЫРДЫН ӨГӨЙ БАЛДАРЫ

№535 1-7-февраль, 2013-ж


Жакында «Ысык-Көл облусуна караштуу Тоң районунун Кара-Коо айылында бир үй-бүлөнүн беш баласы мектепте окубай, ар кимге малай болуп иштешкендиктен, ата-энесинен балдарын алып коюптур» деген маалыматты угуп калдым. Кандай гана ата-эне өз канынан жаралган баласын бирөөгө малай кылып иштетет болду экен?.. Дал ушул суроого жооп издеп аталган Тоң районуна сапар тарттым.

«БАЛДАРДЫН АПАСЫНДА ЭНЕЛИК СЕЗИМ ЖОК ЭКЕН»
Алгачкы кадамым Тоң райондук акимчилигинин «Үй-бүлө жана балдарды коргоо» бөлүмүндө болуп, бул бөлүмдүн башчысы МЕДИНА ЖУМАЛИЕВАга жолуктум. Ал «балдардын энесинде аял затына тиешелүү энелик сезим дагы, мээрим дагы жок экен» деп сөз баштады.
– Биздин райондук социалдык адистер аз камсыз болгон үй-бүлөлөрдөгү көзөмөлсүз калган балдарды тактап, аларга жардам көрсөтүп келебиз. 2007-жылы Кара-Коо айылында бир үй-бүлөдөн 5 бала мектепте окубай калгандыгын билдик.
Балдардын атасы ичкиликке берилип, энеси эки-үч айлап үйүнөн кетип, кайра келгенди адатка айлантыптыр. Ал кезде үч баласы мектеп жашында, эки баласы кичине болчу. Изилдеп келгенде кийим-кечеси жок, тамак-ашты да убагында ичишпегендиги билинди. Үй-бүлөнүн абалы менен таанышкан соң үч баланы коңшу, Кажы-Сай айылында жайгашкан «Хадича» жеке менчик балдар үйүнө өткөрүп, мектепте окутуп, кийим менен камсыз кылганбыз. Эки бала болсо ата-энесинин колунда калып, аларды айыл өкмөтү көзөмөлгө алган.
Үч бала балдар үйүндө 2007-жылдан 2009-жылга чейин окушту. Андан кийин балдардын энеси келип, «балдарыбызды өзүбүз окутабыз» деп үйүнө алып кеткен. Көп өтпөй баягы эле акыбалга келип калгандыгына күбө болдук. Кошуналарынын айтуусунда, балдар ачкалыктан көгүчкөн кармап союп жеген күндөрү дагы болгон экен. Аны угуп-көрүп туруп, кайдигер мамиле кыла алган жокпуз.
Кайрадан балдар үйүнө алып кетели деп барсак, атасы мас, энеси дагы үйүндө жок экен. Үч баланы балдар үйүнө жайгаштырдык. Колдорунда калган эки баласын да бага алышпай, 10 жаштагы Кенжебек деген баласын бир чабанга малайлыкка берип коюшуптур. Кыштын кыраан чилдесинде беш ай 10 жашар бала малдын аркасынан жүрүп, колу-бетин үшүк алып кетиптир. Мал ээсине кезиккенибизде ал «менден акча, ун алышкан, ошону төлөй албай, мал бакканга жардамдашсын деп баласын таштап кетишкен» деп жооп берди.
Окуя аныкталгандан кийин милиция кызматкерлери менен биргеликте баланы алып келип, райондук балдар иштери боюнча комиссиясына маселе койдук. Андан кийин бул иш сотко өтүп, өткөн жылдын 17-майында соттун чечими менен балдардын ата-энеси ата-энелик укугунан ажыратылды. Балдарга кошумча сабактар өтүлүп, кийим-кече, дары-дармек менен камсыз кылдык. Учурда 5 бала тең жеке менчик балдар үйүнө өткөрүлүп берилген.

«БАЛДАР ҮЙҮНДӨ ЖАКШЫ, БИРОК АПАБЫЗДЫ САГЫНДЫК»
Ойной турган кезинде кой кайтарып, ата-эне мээримин көрбөгөн бир туугандардын абалы менен таанышуу максатында Кажы-Сай айылындагы «Хадича» балдар үйүнө бет алдым.
Балдар үйүнө баш бакканда эле «саламатсызбы?» деп биринен-бири өтүп учурашкан бөбөктөрдү көрүп, жүрөк жибибей койбойт. Издеген бир туугандарды ашканадан жолуктурдум. Темирбек, Турдубек, Өмүрбек, Кенжебек жана Келдибек ысымдары гана эмес, келбеттери да окшош экен.
– Менин атым Темирбек, бир туугандарымдын улуусумун. Балдар үйүнө келгенибизге 7 ай болду. 17 жаштамын, учурда 7-класста окуп жатам. Эң кичүү иним 1-класста окуйт. Жашыбыз классташтарыбыздыкынан улуу, окууга жетишип калалы деп аракет кылып жатабыз. Бул жактан кошумча сабактарды өтүп жатып, буюрса, жакшы окуп калдык.
Мурун дагы балдар үйүнө келип, 2-класстан 4-класска чейин окугам. Кийин кайра келгим келбей койгон, себеби анда балдар ар кандай себептер менен сабай беришчү. Балдар үйүндө эң улуусу мен болгондуктан, азыр эч ким сабабайт. Үйдө жүргөн кезде ата-энеме жардам берип, болгон оокаттардын баарын жасачубуз. Үйдө апам жокто өзүбүз эле каалаган тамагыбызды бышырып жечүбүз. Атам менен апамды сагындык, үйгө баргыбыз келет. Алгач окутабыз дегенинен кубанганбыз, бирок ата-энебизди ата-энелик укуктан ажыратканын угуп капа болдук. Апам дагы төрөп, атам майып болуп калыптыр, алар кантип жатышты болду экен?..

Сөзгө аралашкан КЕНЖЕБЕК:
– Мен 12 жаштамын, 3-класста окуп жатам. Сабактардын ичинен өзгөчө адабий окууну жакшы көрөм. Күндөлүгүмдө жалаң «4», «5» деген баалар. Бул жерде көп балдар менен достоштум. Үйдө жүргөндө айылдагы Көкүл деген кишинин коюн кайтарчумун. 400дөн ашуун койду эки киши бакчубуз. Бирок көп деле акча төлөчү эмес. Кээде гана кийим алып берчү. Тоо аябай суук болгондуктан, бети-колумду үшүк алып кеткен. Эжекелер дары сүйкөп жатып, азыр айыгып калды. Бул үй мага жагат, бош убагыбызда телевизор көрөбүз, эшикке чыгып муз тебебиз.

ГҮЛҮМКАН АКМАТОВА, «Хадича» балдар үйүнүн жетекчиси:
– Бир туугандар келгенде мүнөздөрү аябай оор болчу. Кишилер менен такыр сүйлөшүшчү эмес, суроолорго араң жооп беришчү. Тарбиячыларга баш бербей, бир нече жолу үйүнө качып кеткен учурлары болду. Артынан барып алып келип жаттык. Азыр «жума күндөрү мечитке барып, туура таалим-тарбия алгыла деп» айтып жатам.

«БАЛДАРЫМ БАШКАЛАРДАЙ ТАМГА ТААНЫП АЛЫШСЫН»
Уулдарын карап-бакпаса да, кантсе да ата-энеси эмеспи, «үйдө калган ата-энем кантип жатышты экен?..» деп балдардын улуусу сарсанаа болуп жатты. Ал эми балдарын мынчалыкка жеткирген ата-эне кандай адамдар болду экен, буга эмне себеп болду деген сыяктуу суроолорго жооп алмакка Кара-Коо айылына бардым. Балдардын ата-энеси Туратбек Осмонов жана Гүлмира Курманалиеванын үйүн таап барганымда алар жашаган үйдө от жагылып, үй ичи жылуу, бирок үйү акталбаган, чачылган абалда экен.
ТУРАТБЕК ОСМОНОВ, атасы:
– Мен ичимдикти дайыма эмес, кез-кезде ичип койчумун. Ошол учурда балдар өздөрү ар кимдин картошкасын казып, мал кайтарып иштеп, тамак-аш таап келип жандарын багышчу. Алгач балдарым окуйбуз деп эле мектепке барып жүрүштү. Бирок кийим-кечеси жупуну болуп, балдардын арасынан басыныштыбы, айтор, кийинчерээк окубайбыз деп калышты.
Кенжебек деген баламды бир чабан «мага жардам берсин» дегенинен макул болгом. Анын акысына ун алып келип берчү. «Беш баланы бага албайсыңар, окутпайт экенсиңер» деп бизди ата-энелик укуктан ажыратып, балдарды алып коюшту.
Мурун балдарымды багайын эле деп ар кимдин коюн кайтарып иштечүмүн. Ичкиликтин айынан кимдир бирөөлөрдөн катуу таяк жеп, башымдан катуу жаракат алып, көзүм жакшы көрбөй калды (бирок айылдаштарынын айтымында, мурун деле туруктуу иштебей, кээде гана элдин кара жумушун кылып, тапканын ичип жүрчү экен). Балдарыбызды көрө элегибизге көп болду. Айрым учурда телефон менен байланышып турабыз. Алып кетсем деп ойлогон менен укугум жок да. Бир жагынан балдарым деле башкаларга окшоп тамга таанып, окуп калсын деп жатам.

ГҮЛМИРА КУРМАНАЛИЕВА, апасы:
– Кайын энем, кайын атам барда пенсия алышчу. Балдарга дагы жөлөкпул алып, жакшы эле жашачубуз. Кийин ата-энемдин көзү өтүп кетти. Паспортумду да жоготуп алып, балдарга жөлөкпул ала албай калганбыз. Чындыгында, жетпеген турмушта жашайбыз. Өзүм Талас жергесинен болом, учурда 40 жаштамын. Эки улуу кызым турмушка чыгышкан. Калгандары жалаң эркек. Дагы бир кыз төрөп алсамбы деп жакында эле 5-декабрда сегизинчи баламды төрөдүм. Бирок ал наристебиз дагы эркек болуп, бир тууган эжеме «багып ал» деп бердик.
Жолдошум арак ичкенде кээде таарынып, эки-үч айлап кыздарымдыкына кетип калчумун. Андай учурда чоңоюп калгандыктан, улуу балам Темирбек бөбөктөрүн өзү эле бакчу. Балдарымды сагындым.
Бир жагынан «балдарымды сагындым, бирок алар менен жолугууга укугум жок» деп көзүнүн жашын тыя албаган аялды көрүп, аёо сезими келди. «Ушунча баланы кантип багам деп ойлогон жоксузбу?» деген суроомо жооп бере албай, ыйлап туруп алды. «Бирөөгө кор, бирөөгө зар бала» дегенге дагы бир жолу ынандым.
«Хадича» балдар үйү менчик болгондуктан, балдарды мамлекеттик балдар үйүнө жайгаштыруу керектелет. Тоң райондук «Үй-бүлө жана балдарды коргоо» бөлүмүнүн башчысы Медина Жумалиеванын айтымында, балдардын кийим-кечегин толуктап, жакын арада Ак-Суу районундагы балдар үйүнө жиберишет.

Айзат Анарбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(13)
04.02.2013. 12:02 
Тайпасы:
Жаран
Комментарийлердин саны:
234
Катталган:
28-05-2011
Соӊку аракети:
27-06-2018 01:21
Жынысы:
Белгисиз
0
segiz balany kantip bagam dedi eken? keypi alkash ele daana
04.02.2013. 13:11 
Тайпасы:
Түйүлдүк
Комментарийлердин саны:
252
Катталган:
06-11-2012
Соӊку аракети:
14-07-2014 22:40
Жынысы:
Белгисиз
Калаасы:
..........sonuuuuuun jerde
0
ээ ойлонуп торосо болмок, дагы жалан эркек бала экен кээ бироолор бир уул корсом деп зарланып жашагандар бар бироого кор бироого зар ушу экен
05.02.2013. 01:41 
Тайпасы:
Жаран
Комментарийлердин саны:
309
Катталган:
28-09-2011
Соӊку аракети:
22-10-2018 00:59
Жынысы:
Белгисиз
0
ух иий кадимкидей башым ооруп чыкты тобо кылдым сегизинчи баламы тородум эле дейт. ой кудай каяка баратабыз.
05.02.2013. 12:35 
Тайпасы:
Тартип бузгандар
Комментарийлердин саны:
4
Катталган:
12-10-2012
Соӊку аракети:
17-11-2016 13:04
Жынысы:
Белгисиз
0
Энеси кок мээ болбогондо мамлекет деле "баатыр эне" деп аз да болсо акча берип турмак! Чон баласы деле иштемиш болсо тиргилиги отмок. Мээрими жок болгон учун кенжесин эжесине карматты да! Рас гана болуптур!
05.02.2013. 15:57 
Тайпасы:
Жаран
Комментарийлердин саны:
Катталган:
04-10-2011
Соӊку аракети:
08-03-2018 13:54
Жынысы:
Белгисиз
0
Ата-эне эч качан ташбоор эмес. Сегиз баланы бул жарык дуйного аып келди. Бирок жашоо-шарт жана ата-эненин турмуштук билимсиздиги ушундай акыбалга алып келди. Бешиктеги баланын бек болорун ким билет дегендей, бул жеткинчектер келечекте оз жолун тапкан азаматтар болушат. Ата-энесин эч куноолобостон ардактап багып алышат. Ак жол силерге!!!!
06.02.2013. 00:45 
Тайпасы:
Жаран
Комментарийлердин саны:
27
Катталган:
25-01-2013
Соӊку аракети:
18-11-2018 17:32
Жынысы:
Белгисиз
Калаасы:
Ардактуу айылым
0
эми тиги 5 бир туугандар дайыма бирге болуусун каалайт элем ото окунучтуу окуя экен мындайдан кудай озу сактасын жетишпеген турмуш деп шылтоолобой ата эне бир аз аракет кылса болмок алардын айынан балдар жапа чегишиптир
06.02.2013. 19:04 
Тайпасы:
Жаран
Комментарийлердин саны:
90
Катталган:
21-10-2011
Соӊку аракети:
03-04-2017 19:00
Жынысы:
Белгисиз
Калаасы:
Новосибирск
0
Комментарийинерди норм жазгылачы Таба кылбай ар кимди
07.02.2013. 03:32 
Тайпасы:
Кыймылы жок
Комментарийлердин саны:
43
Катталган:
20-01-2013
Соӊку аракети:
26-09-2014 17:12
Жынысы:
Белгисиз
0
Эн туура кылыптыр балдар ата энесинин колунда калса туура эмес жолго тушушмок.Ата-эне бере албаган тарбияны жетекчилери уйротуп жатат.Акылдары болсо ата-энесин эч жерге таштабайт,азыр алар туура тарбия жана билим керек.
07.02.2013. 06:16 
Тайпасы:
Жаран
Комментарийлердин саны:
28
Катталган:
24-07-2012
Соӊку аракети:
16-11-2018 23:46
Жынысы:
Белгисиз
Калаасы:
ош
0
Атагага айла жок,энечи? Илгери согуш маалында деле энелер балдарын канатууга кактырбай ,тумшуктууга чокутпай бополоп баккан го.Эне торогонго эле эмес,бакканга туура тарбия бергенге таяр болуш керек да.Мен энеге наалат демекмин.Эне озу да эмгектенип балдарын да эмгекке тарбияласа мынчалык кыйналуу болмок эмес.Бул заманда кимге гана кыйын эмес.Эми балдары туура тарбия алып,эмгекчил болуп,бактылуу болушсун.
07.02.2013. 23:56 
Тайпасы:
Кыймылы жок
Комментарийлердин саны:
6
Катталган:
21-08-2012
Соӊку аракети:
17-06-2013 21:00
Жынысы:
Белгисиз
Калаасы:
Bishkek
0
baga albagandan kiin ne toroit anan, apasynyn meesi jokko ailanaiyn.
08.02.2013. 08:19 
Тайпасы:
Кыймылы жок
Комментарийлердин саны:
116
Катталган:
24-01-2013
Соӊку аракети:
31-12-2013 21:34
Жынысы:
Белгисиз
0
Албетте адамдардын озунон болот дегилечи бирок... Булда Аллатааланын берген сыноосу бешенесине эмне жазылса ошону корот. Адамдардын дикийлигинен текеберчилигинен болот мындай корунуштор менимче. Ошондуктан билим алыш керек ар бир адам. Эми Кудай балдарына д.с акыл мээрим ыйман берип ата-энесинин катачылыгын кайталашпасын.
09.02.2013. 00:51 
Тайпасы:
Жаран
Комментарийлердин саны:
16
Катталган:
26-01-2013
Соӊку аракети:
17-11-2018 04:42
Жынысы:
Белгисиз
0
Журогум ооруп чыкты аябай. Ата-энеси тируу туруп, жетимге айланышканына куйуп кеттим. Балдарга боорум ооруп жатат. Албетте жетишпеген турмушта баардыгына кыйын дечи?! Бирок, акыл-эсти пайдаланса мынчалык кейиштуу абалга туш келишмек эмес деп ойлойм.
09.02.2013. 14:11 
Тайпасы:
Жаран
Комментарийлердин саны:
54
Катталган:
11-11-2012
Соӊку аракети:
07-08-2018 21:14
Жынысы:
Белгисиз
Калаасы:
москва
0
уулдун богуна заз болуп журом. уулдарын кантип ушул акыбалда таштап койду кантип журогу чыдайт. дагы кыз болсо экен деп сегизинчисин тородум дейт сактанганды билбейм дей албай ээй бироого кор бироого зар балдар ай....кайсы жерден жудоо корсон зайыпты ошол элдин уулуна кой айыпты баарына куйоосу куноолу баарына алланын алдында озу жооп берет
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: