Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАЛА БАТАРЕЯ, ТЫЙЫН ЖУТУП АЛСА, ӨМҮРҮНӨ КАНДАЙ КОРКУНУЧ КЕЛЕТ?

№535 1-7-февраль, 2013-ж


6 айлык баладан тартып 7-8 жашка чейинкилер арасында топчу, батарейка, сөөк сыяктуу заттарды жутуп алган учурлар көп кездешет. Жутулган заттар кокус дем алуу жолдоруна өтүп кетсе, балага кандай коркунуч жаратат? Булар тууралуу Бишкектеги Балдардын тез жардам клиникалык ооруканасынын көкүрөк хирургия бөлүмүнүн башчысы Абдымалик Самсалиев айтып берди.

«КӨБҮНЧӨ АТА-ЭНЕЛЕРДИН ШАЛААКЫЛЫГЫ КҮНӨӨЛҮҮ»
-Врачтар бир ооздон «кичине балдар дамамат ата-эненин колу жеткидей гана аралыкта болуусу керек. Өзгөчө балдар айлана-чөйрөнү таанып, билүүгө кызыкдар кезде. Бул 6 айдан тартып 5 жашка чейинки аралык» дешет. Бул жаштагы балдардын, дегеле 7-8 жашка чейинкилер арасында түркүн заттарды жутуп алгандар көп кездешет. Мисалы, оюнчуктардын майда бөлүкчөсүн, сөйкө, оюнчук шакек, топчу, калем саптын башы, шуру, батарейка, тыйын, жүгөрү, буурчак, шуруп, ийне, ал тургай мык жана башка.
Медицинада организмге кирген мындай заттарды «чоочун денечелер» (инородное тело) деп аташат. Жана алар организмге кирип, чыкпай калса, зыяны көп. Ага болбой эле чоочун денечелерди жуткан балдар ооруканадан үзүлбөйт. Бул, чынында, көбүнчө ата-эненин шалаакылыгынан болот. Мисалы, жанынын тынчтыгын көксөп балага оюнчуктарды берет да, карабай коёт. Майда-чүйдө салынган баштыкты, кутуну баланын колу жеткидей жерге коюп коюшат. Буурчак тазалап же бир нерсе тигип жатып баласын жанына отургузуп коёт. Дүйнөнү, чөйрөнү таанууга далалат кылган бала колуна тийгенди кармалап, кызыгып, ал тургай аны оозуна да салып көрөт.
Көп учурларда жутулган бөтөн денече кызыл өңгөчтөн карынга, ичегиге өтүп, заң менен сыртка чыгат. А бирок дем алуу жолдоруна: кызыл өңгөчкө, өпкөгө, ал тургай ашказанга өтүп, чыкпай калган учурлары да кездешет. Анда баланын организмине кандай зыян келет? Ушулар тууралуу айталы.

«ЖУТУЛГАН ТЫЙЫН КЫЧКЫЛДАНЫП, ТЕГЕРЕГИН ОЮП ЖИБЕРЕТ»
-Тыйындар кызыл өңгөчкө туруп калган жана өпкөгө өтүп кеткен учурлар көп. Мурда СССРде чыгарылган тыйындардын зыяндуулугу жок болчу, баланын организминен алып чыкканда ошол жылтыраган боюнча чыкчу. Биздин тыйындардын сапаты начар болгондуктан, жутулган соң кычкылдануу жүрүп, тегерегин оюп жиберет. Көп туруп калса, тегерегин сезгентип, ириңдете баштайт. Алганда карайып чыгат. Тили чыга элек балдар сүйлөй албаганы менен, оорунун белгилеринен билсе болот. Атап айтсак, шилекейи агып, кусат, тамак ичпей ыйлайт, шалдырайт, анан дагы ичи өтүшү мүмкүн. Ушул себептүү айрымдары жугуштуу илдеттерди дарылоочу ооруканага алпарылып, дарты аныкталгыча дагы убакыт өтүп кетет. Кээде 3-4 күн, ал эмес, 1 ай өткүчөктү табылбай, анан келишет.
Биз дартты так аныктоо үчүн рентгенге салабыз. Тыйын жутулганда кызыл өңгөчкө туруп калат. Текшергенде ушундай болгону аныкталса, эзофагоскоп менен алып чыгабыз.
Ата-эне баланын тыйын жутуп жибергенин байкап калса, ошол замат баланы тизеге көмкөрөсүнөн жаткызып, башын ылдый салаңдатып, далысына ургулап чыгарууга аракеттенүүсү абзел. Эгер тыйын тамагына туруп калса, колду оозуна салып алып чыгууга мүмкүнбү, байкоо кажет. Бирок чыкпай жатса, улам колду сала берип тыйындын ары жылып кетүүсүнө жеткирбей, врачка алпарыңыз.

«БАТАРЕЯЛАР КЫЗЫЛ ӨҢГӨЧТҮ КҮЙГҮЗҮП КЕТЕТ»
-Эң жаманы – батареяларды жутуп алуу. Батареялар уулуу болгондуктан, турган жерин капкара кылып күйгүзүп, көпкө туруп калса тешип жиберет. Бизге өткөндө 3 жашар кызды алып келишкен. Батарея кызыл өңгөч, ашказан, ичегилерин тешип кетиптир. Кызга абдан оор операция жасалып, эми айыгып келатат.
Дагы бир мисал, 4 ай мурун 8 айлык бала батарейка жутуп алып түштү. Оозуна салганда эле батарея жарылып кетип, кулкуну айрылып, оозунун ичи менен кызыл өңгөчү күйүп кеткен. Операция жасап, ашказанына трубка койдук. 4 айдан бери ата-энеси тамак-ашты майдалап, суюк кылып ошол трубкага куюп тамактандырып жатышат. Учурда үйүндө. Эми алып келишсе текшерип көрөбүз, кызыл өңгөчү жакшы болуп калса, өзү тамак ичип баштайт.
Андыктан жаш балдарга чоң да, топчудай майда батареяларды да карматпаңыз! Жаңысын алмаштырганда эскисин дароо таштандыга ыргытуу кажет.

СӨӨК, ИЙНЕ ЖАНА БАШКАЛАРДЫ ЖУТКАНДА...
-Сөөк жутуп алса, анда далыга, артка чапкылоого болбойт. Анткени сөөк жылып отуруп, ички органдарга кетип калышы мүмкүн. Өпкөгө өтүп кеткенде таптакыр тийбеш керек. Анткени бронхторго барып такалып, дем алуу жолдорун бүтөп, бала мерт болуп калышы ыктымал. Өпкөсүнө кеткени билинсе, анда капталынан жаткырып, ооруканага тез жеткирүү зарыл. Өпкөгө кеткендеги белгиси: бала жөтөлүп, дем ала албай кыйылдайт.
Эгер чоңураак жаңгак, жер жаңгак же төө буурчак сыяктуулар болсо, анда деле бала дем ала албай катуу кыйылдайт. Аба жетпегендиктен, баланын колу-буту тыбырчылайт. Кыйылдаганы 4-5 метрге чейин угулуп турат. Мында да дароо ооруканага жеткирүү зарыл.
Учтуу нерселерди, мисалы, мык жутуп алса, ал барып кызыл өңгөчкө туруп калат. Мындай учурларда да ооруканага шыр жеткирүү кажет. 4 жаштагы бала келди эле, мык кызыл өңгөчтөн өтүп, ашказанына барып ары жылбай туруп калган. Операция жасап аман алып калганбыз. Ийне жутуп алганда ал өпкөгө өтүп кетип, өмүргө чоң коркунуч келет. Бизге ийне жутуп алган 3 бала түшкөн. Бирине операция жасап, бронхун кесип ийнени алып чыксак, экөөсүндөгү ийнени алып чыгууда бронхоскопту колдондук.
Сентябрдан баштап калем саптардын башын жуткандар түшө баштайт. Түшүм жыйналган кезде дем алуу жолдоруна буурчак, жүгөрү, семичке кирип кеткендер келет. Мындайда дем алуу жолдоруна туруп калган дан көөп, чоңоюп кетип, дем алуу жолдорун жаап калуу, турган жерин ириңдетип жиберүү коркунучу бар.
Кичине кыздар сөйкө, шакектерди жутуп алып да түшүшөт. Эмне жутса да баланын өмүрүн тобокелге салбай, шашылыш ооруканага жеткириш керек.

СТАТИСТИКА

  • 2012-жылы бөлүмгө чоочун денечелер кызыл өңгөчүнө жана өпкөсүнө туруп калып келгендердин саны – 181.
    Мунун ичинен тыйын жутуп алгандары – 80.
    Батарея жутуп алгандары – 9.
    Калганы – шуруп, сөйкө, буурчак, оюнчуктун майда бөлүктөрүн жана башкаларды жутуп алгандар.
  • Учурда чоочун денечелерди жутуп түшкөндөрдүн саны – 3.
    Бири буурчак, экинчиси жер жаңгак жутуп алып түшсө, үчүнчүсү эттен какап, эт кызыл өңгөчүнө туруп калган.

«БАТАРЕЯ ЖУТУП АЛГАНЫ 1 АЙДАН КИЙИН БИЛИНДИ»
Биз барганда аталган ооруканага Гүлнара деген келин 1 жаш 2 айлык баласы менен жаңы жаткызылды. Сураганыбызда, ал баласы Арлен Рыспаевдин оору тарыхын төмөндөгүчө түшүндүрдү:
-Бишкекте эле жашайбыз. Арлен 1 ай мурун тамак ичпей, ооруп кыйнала баштады. Поликлиникага алпарсак, «тамагы кызарып калыптыр» деп дары-дармек жазып берди. Аны бергенден кийин деле оңолбоду. Кырылдаганы токтобогондуктан, жугуштуу оорулар ооруканасына алпарсак, «өпкөсүнө суук тийиптир» деп дарылашты. Анда деле болбоду. Бул ооруканага алып келсек, дароо рентгенге тартышты эле, жалпак, кичине батарея жутканы билинди. «Азыр операция жасайбыз» дешти.

«ЖЭЭНИМ БУУРЧАК ЖУТУП, ОПЕРАЦИЯ БОЛДУ»
2 жаштагы Тамина Дөөлөткулова деген жээнин карап жаткан Айзада буларды айтып берди:
– Тамина ата-энеси менен Бишкектин Арча-Бешик конушунда жашайт. Апасынын айтымында, өткөн ишембиде кечке маал Таминанын буурчак салынган баштык менен ойноп жатып, оозуна буурчак салып алганын көргөн экен. Анан түндөсү Тамина оор дем алып, дене табы көтөрүлүп, көкүрөгү кырылдай баштайт. Биринчи күнү врачка алпарышса, рентгенге тарттырып, буурчак өпкөсүнө өтүп кеткени билинет. Бронхоскоп менен буурчакты алып чыгышты.
Буга чейин апасы карап жатса, азыр убактылуу мен кароодомун. Таминанын абалы жакшы болуп калды.

Канымжан Усупбекова
densooluk@super.kg


Ата-энелер, шалаакылыкка жол бербейли

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(12)
04.02.2013. 13:57 
Тайпасы:
Кыймылы жок
Комментарийлердин саны:
3
Катталган:
31-01-2013
Соӊку аракети:
09-02-2013 02:26
Жынысы:
Белгисиз
0
Жакшы караш керек,жалдырабай
04.02.2013. 14:14 
Тайпасы:
Кыймылы жок
Комментарийлердин саны:
9
Катталган:
06-02-2012
Соӊку аракети:
12-01-2015 15:59
Жынысы:
Белгисиз
Калаасы:
Кыргызстан
0
Кудай сактасын балдарды этият кылыш керек
05.02.2013. 03:09 
Тайпасы:
Кыймылы жок
Комментарийлердин саны:
7
Катталган:
06-12-2012
Соӊку аракети:
07-01-2015 10:42
Жынысы:
Белгисиз
0
Ancha myncha ashkazany kuchtuu baldar buga okshogon nerselerdi ash kylyp jiberse kerek
05.02.2013. 17:13 
Тайпасы:
Түйүлдүк
Комментарийлердин саны:
676
Катталган:
06-11-2012
Соӊку аракети:
14-07-2014 22:40
Жынысы:
Белгисиз
Калаасы:
..........sonuuuuuun jerde
0
баланын козун караган сайын назик болот дешет илгеркилер кышын жазын козу, улак, кучуктордун арасында топурак оюп чуко пуко жутуп томолонуп чалышып эле чоноюшканго эми заманга жараша адамы да самапал
06.02.2013. 16:57 
Тайпасы:
Тартип бузгандар
Комментарийлердин саны:
383
Катталган:
24-08-2011
Соӊку аракети:
28-04-2014 16:59
Жынысы:
Белгисиз
0
Менин кызым да 1 жарым жашында 10 копеекти жутуп алган эле сразу больницага алып барып,рентгенге тушуруп, 5 минудада эле алып коюшкан врачтар.
19.02.2013. 13:22 
Тайпасы:
Жаран
Комментарийлердин саны:
108
Катталган:
15-11-2011
Соӊку аракети:
30-07-2018 00:07
Жынысы:
Белгисиз
Калаасы:
saturn
+1
МЕНИН Баламда 10копеекти жутуп алып кайра горшогуга чыгарган
Super TV
21.02.2013. 17:49 
Тайпасы:
Жаран
Комментарийлердин саны:
164
Катталган:
04-06-2009
Соӊку аракети:
13-05-2018 12:25
Жынысы:
Белгисиз
0
кудай сактасын,мындай балакеттен.
27.02.2013. 16:50 
Тайпасы:
Кыймылы жок
Комментарийлердин саны:
35
Катталган:
12-10-2012
Соӊку аракети:
18-05-2014 14:47
Жынысы:
Белгисиз
0
Супер.инфо этек кир келгенде ич,бел ооруну айыктыруунун жолдорун жазгылачы,мага медицина жардам бербей жатат.
27.02.2013. 16:55 
Тайпасы:
Супермодератор
Комментарийлердин саны:
7530
Катталган:
22-02-2011
Соӊку аракети:
21-09-2018 18:13
Жынысы:
Белгисиз
Калаасы:
...
0
ledy.1993,
Сунушуңузга рахмат, тийиштүү бөлүмгө кабарлап коёбуз.
Super TV
02.07.2013. 16:38 
Тайпасы:
Жаран
Комментарийлердин саны:
71
Катталган:
21-06-2012
Соӊку аракети:
15-09-2017 01:05
Жынысы:
Белгисиз
0
кудай сактасын чымчыктын да балапаны оорубасын
12.07.2013. 11:04 
Тайпасы:
Кыймылы жок
Комментарийлердин саны:
22
Катталган:
10-07-2013
Соӊку аракети:
03-02-2014 23:19
Жынысы:
Белгисиз
+1
Абайлагыла,бала деген билбейтта,,,
13.01.2014. 14:43 
Тайпасы:
Кыймылы жок
Комментарийлердин саны:
3
Катталган:
20-12-2013
Соӊку аракети:
10-04-2014 21:45
Жынысы:
Белгисиз
0
ох жаман болуптур.эми кичинекей баланы аператция жасайбы.байкушум десе
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: