Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«БАЛАМДЫН ӨЛҮҮ ЖЕ ТИРҮҮСҮН ЭЛЕ АЙТЫП КОЙГУЛАЧЫ...»

№344 5-11-июнь, 2009-ж.


Эки жума мурун баласынан тирүүлөй айрылган эне көз жашын төгүп, редакциябызга баш бакты. Төбө чачты тик тургузган бул окуяны угуп, кимди күнөөлөөнү да билбедик.
Күчтүүлөр алсызын кордогон замандыбы же кайрымсыз тагдырдыбы?
Эмнеси болсо да окуяны окуп, талдап көрүңүз, окурман...

«Он төрт жашымда зордукталып...»

– Атым Айжан, жашым 21де. Бирок жаш кезимден эле тагдырдын тай­ күлүк ташы менен алпурушуп келе жат­кан­данбы, эмнегедир өзүмдү көп жаш жашап койгондой сезем. Үй­бүлөдө улуу кызмын.
14 жашымда тиричиликтин айы­нан апам Бишкекке иштеп кетти. Мен болсо ку­дабыздыкында убактылуу жашап калдым. Бир күнү эле куда баланы издеп бир жигит келди. Үйдө эч ким жок эле.
– Үйдө ким бар? Сен кимсиң? - деди ал мени көзүнүн төбөсү менен карап.
– Үйдө эч ким жок .
Тигинин жаман оюн билбеген жа­ным, суроолоруна жооп берип жат­тым. Ошол жерден үйдө эч ким жок экендигинен пайдаланып, тиги жигит мени басып жыгылды. Кыйкырып-өкүрсөм да күчүм келбеди. Көз жа­шыма карабаган зөөкүр мүдөөсүн аткарып, мени карап да койбостон кетип калды. Ошентип, 14 жашымда аялга айландым. Мени балалыгымдан айрыган Асандын түрмөдөн чыгып келгенине 2 гана күн болгон экен. Карыган энеси мен арыз жазсам, баласы кайрадан түрмөгө кетерин айтып ыйлады. Анын көз жашын кө­рүп аяп кеттим. Жабылуу аяк, жабылуу бойдон калышын мен дагы туура кө­рүп, Асанга турмушка чыктым. Би­рок күндө таяк жеп, көрбөгөн кор­дукту көрүп, акыры чыдабай качып кеттим.

«Тагдырдын кезектеги соккусу»

– Ошентип, төркүнүмдө жүрдүм. Ошол күндөрү мен Руслан аттуу жигит менен тааныштым. Жашырганда не, мен аны чындап эле сүйүп кал­дым. Асандан кийин эркек ат­туу­нун бардыгын жырткыч катары кө­рүп калган жаным, анын жакшы мамилесине, мээримине ийидим. Ошол күндөрдүн биринде Руслан мага үйлөнөрүн айтты.Төбөм көккө жеткендей сүйүнүп, ак жоолук са­лынып, Русландын босогосун ат­тадым.
Алгач жакшы эле жашап жүрдүк. Кыздуу болдук. Экинчи балам боюм­да барда Русландын мага болгон ма­милеси кескин өзгөрдү. Мурун колу эмес, жаман көз менен да карачу эмес. Эми колу тие баштады. Көрсө, му­рун сүйлөшүп жүргөн кызы күйөөсү менен ажырашып, айылга келген имиш. Ал кызды ала качып кеткенден ки­йин аргасыз мага үйлөнгөнүн кийин бил­дим. Сыртымда 1 балам, ичимде 1 балам болсо, кайда кетет элем деп канчалык көңүлүм сыздаса да, эсине келер деп тиштене күтүп жүрдүм.
Бирок көңүлү башканы каалап калгандан кийин эркек балага да, башкага да карабай калат тура. Төрөйүн деп айы-күнүмө жетип тур­ганыма карабай, мени кетирип тынды. Ошентип, экин­чи баламды төркүнүмдө төрөдүм. «Мага да бакыт келер» деп атын Бакыт койдум. Өзүмдүн колумду байлаган 2 балам менен чынын айтсам, төр­күнүмө бата албай койдум. Анын үстүнө, менин турмушумдун айы­нан атам апамды күнөөлөп, экөө ажырашып кетишкен. Иши кылып, аябай кыйналып жүргөн күндөрүмдө биринчи күйөөм Асан келди.
– Эмнеге келдиң? - дедим мен .
– Айжан, мени кечир. Баары бир сенден башка адам мага чыдабайт экен. 2 балаңды өз баламдай кылып карайм. Кел, кайра жашоону жаңы баштайбыз, - деди.
Чын дилинен өкүнүп жатканын билип, макул болдум.

«Балам мышыктын аягынан аш ичип...»

– Асан сөзүнө турганы менен 2 ба­ламды кайненем батырбады. Канчалык кирпиги менен ийилип кызмат кылсам да, 2 кенедей баланы көп көрүп туруп алды. Асан да кыйратып акча тап­пайт. Аргасыз талаага жумушка чык­канга мажбур болдум. Күнү кечке талаада иштейм. Кичинекей ба­ламды манежге салып, памперс кийгизип кетчүмүн. Аны кичинекей 4 жаштагы кызым карап калат. Үйдө кайненем мышык бакчу. Көрсө, ошол мышык тамак ичкен аякка балама тамак куюп берчү экен. Кызым ошол тамакты инисине берерин кийин билдим. Эптеп таап келген акчама балдарыма жарым литр сүт алсам кайненем мага өчөшүп, жа­рымын ошол мышыкка куюп берип салат.

– Бул эмне кылганыңыз? - дедим бир күнү чыдабай кетип.
– Сенин балдарың жугунду ичип деле чоңоёт. Балаң ичкен бир чыны сүттү эмнеге менин мышыгым ичпейт? Дегеле, кой муну, менин ту­кумумду чо­ңойтуп аткансып, - деди.
Не, демекмин. Жашымды шыпырып алып, талаага жумушка кеткенге ар­гасызмын. Ошентип, кең ааламга менин кенедей 2 балам батпады. Акыры жашоом адам чыдагыс абалга жетти. Бир күнү келсем балам эмгектеп, мышык менен тамак талашып ичип жатыптыр. Ошону көргөндөн кийин мындан ары чыдай албасымды тү­шүндүм. Бир күнү таежем мындай акыл айтты.
– Айжан, ушул балдар катуу кый­налды. Таш боор немелерге кор кылбай, Бакытты алам деген бирөөлөр болсо берсеңчи? Сен кызыңды деле эптеп чоңойтуп кетсең, ошол олжо. Бала­ны бекер мерт кылып коюшпасын. Коң­шуларың айтканына караганда, сен жокто колдору да тиет экен. Макул болсоң, менин Мира деген курбумдун баласы жок. Ошолор багып алсын, - деди.
Ары ойлонуп, бери ойлонуп отуруп, анын айтканын туура көрдүм. Оюмда мен кургур «балам аталуу да, энелүү да болот, балким, жакшы үйбүлөгө туш келет. Менин жанымда тепки жеп жүргөнчө, балага зар бирөөлөрдүн колунда бактылуу өскөнү жакшы» деп ойлогом. Алдымдагы туңгуюк абалдын бирден-бир жолу деп тү­шүнгөм.

«Бакытымдын өлүү же тирүүсүн эле айтып койгулачы...»

– Баламды жуунтуп-тазалантып алып, болжошкон жерге бардык. Уулумду боорума бек кысып алып, мүдүрүлүп-чалынып бара жаттым. Астыбыздан 2 аял чыкты. Экөөнү тең таанычу эмесмин. Мен оюмда таежемдин курбусу ушул экен деп ойлогон элем. Башым туман болуп, жаным көзүмө көрүнүп жатса, аки-чүкүсүн деле байкабадым да.
Баламды жакшы карашса эле болду. Мен эч качан талашпайм. Сыр­тынан эле көрсөтүп тургула, эжелер, - деп ыйлап жатканымды бир билем. Тиги аялдын бири мени бир нерсе деп жооткотуп отургузуп, «балага «отказ» жазып бер» деди. Калтыраган колдорум менен балама «отказ» жазып бердим. Бакытты ко­лумдан алып, тигилер жолго түштү. Боорумдан суу­рулуп бара жаткан бала менен кошо боюмдагы жылуулук да кеткенсиди. Өпкө-боорумду жулуп алгандай бо­луп, үйгө келдим. 2 күндөн кийин ба­лам тууралуу билейин деп таежеме бардым. Кызыктын баары ошондо башталды.
– Айжан, иш ушундай болуп кал­ды. Бала башкаларга кетип калды. Миралар бала багып алыптыр. Эми балаң кайда экенин өзүм да бил­бейм, – деди таежем. Башка эч нерсе айт­пады.
Мына, баламды бергениме 2 жума болду. Ошондон бери кекиртегимден тамак өтпөйт, - деди көз жашы мон­чоктогон Айжан. Мен баланы берип атканда мындай сүйлөшкөн эмеспиз. Мен сыртынан кө­рүп турам деген талап менен берген элем. Билбейм, эмнеге мени минтип алдап кетишти? Баланы талашат деп ойлошту окшойт. Өзүм берип ат­кан­дан кийин эмнеге антет элем? Жөн эле сыртынан Бакыт аман экенин көрүп, басып кетет элем. Жанына басып барып, бетинен да өппөйт болчумун. Мен деле адаммын да, өз колум менен берип аткандан кийин энелик укугум балада жок экенин сезмекмин. Болгону, ал кимдин колуна түшкөнүн, жаңы ата-энеси кандай адамдар экенин билгеним жакшы эле. Айлам кетип, төлгөчүгө да кайрылдым. Анын айтуусунда, балам сатылып кетиптир. Бирок абалы жакшы эле дегендей кылды.
Өз, көзүмдөн элеси кетпей койду.Түндө анын ыйлап жаткан үнү угулгандай болот. 27-майда бирге толмок. Балам столду айланып, там-туң басып калган эле. Жумуштан келгенимде мени көздөй талпынып, бетиме бетин басып кыт­кылыктап калчу. «Тагдырым ушул экен» деп баш ийип калганга энелик жүрөгүм жол бербеди. Балким, бир жардам болобу, баламды алгандар сүрөтүн көрсө таанып, жүрөгү болсо бир жолу көрсөтүп коёбу, - деп силерге келдим.
Бакыттын жаңы ата-энеси, силер­дин ким экениңерди да билбейм. Бирок жакшы адамдар экениңерди жүрөгүм сезет. Суранам, баламды бир эле жолу алыстан болсо да, көрүп ал­ганга уруксат бергилечи. Башка эч нерсе сурабайын. Баламдын абалы жакшы экенин билсем эле бардыгына ыраа­зымын...

ххх

– Баламды бергенден кийин Асан менен ажырашып кеттим. 1-июнда балдарымдын атасы келди. «Сүй­гө­нүм сендей эмес экен. Тил табыша албадык. Бал­дарды көргөнү келдим», - дейт. «Мен бир баламды жетелеп, экинчисин көтөрүп кайыр сураганга чейин барып кыйналганда, балдарың бар экенин эм­неге эстебедиң? Балаң мышык менен аякташ болгондо, эмнеге бир тамырың зырп этпеди? Эми баары кеч»,- дедим. Мен аны эч качан кечире албайм. Ба­ламдан ажырап калгандан кийин мага жа­шоонун кызыгы деле болбой калды. Өз жанымды кыйып койгонго деле даярмын. Бирок кызымды аяп келем. Ал да мен сыяктуу көз жашын төгүшүн каалабайм.
Азыр кызым экөөбүз талаада жа­шап жатабыз. Токмокто кулпунайдын маалы. Күзгө чейин ошол жумушта иштейм. Кышында да бир жумуш табармын, - деди кетеринде үмүттүн шооласы карегинде чачыра­ган, эне.
Эмне дейбиз, Айжандын баласын таап, көңүлү тынып, мындан аркы жолу ачык болушун каалап, уза­тып кала бердик.

Балам Бакытка
(Айжандын баласына арнаган ыры)

Жалган дүйнө, чын дүйнө,
Баарыбызга тең дүйнө.
Аттиң, арман кыламын,
Аны кимге айтмакмын?!

Алдан тайып жүрөгүм,
Алсырадым, жүдөдүм.
Өмүрүм менин өткөнчө,
Өкүнүч өрттөөр көөдөнүм...

ххх

Маңдайымда күйүп турган чырагым,
Суусаганда моокум канаар булагым.
Жараткандан өмүрүңдү сурадым,
Сага гана бакыт каалап жашаймын.

Нуржамал Жийдебаева
press@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(1)
30.11.2010. 19:14 
Тайпасы:
Кыймылы жок
Комментарийлердин саны:
80
Катталган:
14-09-2010
Соӊку аракети:
14-09-2011 14:59
Жынысы:
Белгисиз
Калаасы:
münchen
0
aijan bakyt balandy taiejeng soz jok bilet kimde ekenin.al bilbei ech nerse bolboit.oshol adamdan gana sura.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: