Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«МЕКТЕПТЕРДЕ ЗОМБУЛУК ЖОК» ДЕШЕТ. БУГА ИШЕНЕСИЗБИ?

№344 5-11-июнь, 2009-ж.


Мектеп иштерине, окуучуларга байланыштуу расмий иш-чараларда “Окуучулар арасында бири-бирине зордук-зомбулук көрсөтүү жок. Балдар мушташпай эле жакшынакай окуп жүрүшөт. Бизде баары жайында”,- деген кыяздагы билдирүүлөр жасалат. Бирок мектеп окуучуларынын, айрыкча эркек балдардын чыныгы жашоосу “баары жайында” деген өңдүү билдирүүлөрдөн өтө эле айырмалуу.

Заманбап жаштар

Азыр кайсы гана класска баш бакпагын, окуучулардын жок дегенде 80 пайызынын колунан уюлдук телефон көрө аласың. Мугалимдерге караганда окуучулар мобилдүү экени байкалат. Жалаң уюлдук телефондор менен гана чектелбестен, азыр жаштар «интернет» илдети менен да ооруй башташты. Анан да бул виртуалдык мейкиндикке баш баккан адам эмнелерди гана таппайт. Олуттуу илимий ачылыштардан, саясаттан тартып, спорт, мода, техника, порнографияга чейин каалагандын баары бар.
Кейиштүүсү – өспүрүмдөрүбүздүн билим көрөңгөсүн көтөрүүчү маалыматтык сайттарга эмес, туш келди маалыматтарга толгон көңүл ачуучу сайттар менен ынак болушканы.

Окуучулардын “эрдиктери” жүрөктү түшүрөт

Жумушубуздун мүнөзүнө ылайык, Кыргызстандагы ар кайсы сайттарга көз салып турабыз. Ал сайттарга мектеп балдарынын чыныгы турмушун көрсөткөн роликтер да көп жарыяланат.
Ошол сайтты барактап отуруп, эки-үч роликке көзүбүз түштү. Алардын бири “Мушташ” деп аталса, дагы бири “Новопокровканын жигиттери “мырыктарды” минтип жазалайт...” деп жүрөт. Баш-аягы 5-7 мүнөттүк бул роликти көрүп отурган ар бир ата-эненин жүрөгү канап кетчүдөй. Новопокровкадагы бир мектептин 5-6 тың чыкма жигиттери жоош, момун балдарды четке алып чыгып, эси ооп калгыча тепкилешиптир. Анан да эсин жоготкон балакайды “жаагына чапкылагыла, кичине суу чачып эсине келтиргиле!” дешип шылкылдата эки колтуктан ала жетелеп кетишти. Бирөөнү сабап, тамаша кылып уюлдук телефонго тартып жаткан бул топтун жанынан окуучу кыздар деле унчукпай өтүп жатышат. “Кой-ай” деген киши жок.
Экинчи роликте 14-15 жаштар чамасындагы өспүрүмдү кайсы бир имараттын ичине киргизип алып, бирөө бети-башка тепкилей сабап, аны эки-үчөө тамаша кылып, бирөөсү уюлдук телефонго тартып жүрөт. Аягында бечара баланын бетинен тамтык калган жок.
Роликтер сайтка киргизилген күн­дөн тартып “өтө популярдуу” болуп, бир нече күн алдыңкы беттерде жүрдү. Бул арада биз териштирүү максатында ИИМдин Жашы жете элек өспүрүмдөр менен иштөө бөлүмүнө байланышка чыга албай жаттык.

Тартип сакчыларынын бул иштерден кабары барбы?

ИИМдеги Коомдук коопсуздук башкы башкармалыгынын Жашы жете элек өспүрүмдөр менен иштөө бөлүмүнүн ага инспектору, милициянын подполковниги Мурат Мундузбаевди жогорудагы маселе боюнча кепке тарттык.

– Чынын айтсам, мындай сайттын бар экенин да биринчи жолу угушум. Мектептеги зордук-зомбулук менен күрөшүүдө жалаң ИДНдин (өспүрүмдөрдүн иштери боюнча инспектор) колунан көп нерсе келбейт. Ал үчүн мектеп администрациясы, мугалимдер, ата-энелер, балдар чо­гуу-чаран иш алпарышы керек.
Акыркы кездерде балдар арасында башкача түшүнүк пайда болгон. Мисалы, “стукач”, ошол эле сиздер айткандай “мырык” деген... Таяк жесең же бирөөгө акчаңды тарттырып жибер­сең да эч кимге арызданбашың керек. Арыздансаң “стукач” аталып, катардан чыгып каласың. Мына ушундай түшүнүктү өспүрүмдөр мээге катуу си­ңирип алышкан. Мындайда ИДН менен катар мугалимдер, ата-энелер да балдары менен тыгыз иштешсе, кейиштүү көрүнүштөр азаймак. Мына бул видеороликти эле алалы. Бул баланын бети-башы дагы бир жумача көк ала болуп жүрөрү анык. Ал сабакка кирет, үйүнө барат. Демек, ата-энеси, мугалимдер анын жүзүн көрүшөт. Эмне иш болгонун жакшылап такып сураса, анча-мынча чындык чууруп чыгары анык.
Бир чети мектептердин жетекчилиги мындай чатактарды көпчүлүккө, бизге да жеткирбей басты-басты кылганга шашышат. Директор, завуч дегендер кызматтан кол жууп калбайын дегендей далалат кылышары да белгилүү. «Ооруну жашырсаң, өлүм ашкере кылат» дейт. Анын сыңарындай мектеп жетекчилери ар кандай окуяларды коомчулукка, бизге жеткизбей жаап-жашырып жүрө беришип, аягында килейген чыр чууруп чыгат. Мисалы, өткөн жылы Панфилов районундагы Каптал-Арык айылындагы окуяны алалы. Каза тапкан А.Жузумалиевдин окуясы бир эле күндө пайда боло калган маселе эмес да.
– Мушташтарды уюлдук телефонго тартып, интернетке киргизип жаткандар кылмыштын катышуучулары экени анык. Алар ажыратуунун ордуна, тескерисинче, видеого тартышкан. Бирок алардын аракетинин кичинекей пайдалуу жагы бар. Анткени алар мушташтарды жалпы эл көрө турган сайтка жүктөп коюшушту да. Болбосо, мектепте мындай зомбулуктар болуп жаткандыгын көпчүлүгүбүз билбей деле жүрмөкпүз. Ушул иши үчүн ал балдардын жазасы жеңилдеши мүмкүнбү?
– Жок, андай болушу мүмкүн эмес. Алар видеого тартып алып милицияга же мугалимдерге алпарышкан жок да. Айрымдары ушундай видеолорду интернетке жүктөө үчүн атайын бирөөлөрдү мушташтырып, уюлдук телефонго тартып жатышпайбы.
– Сиздердин бөлүмдө интернет-ресурстар менен иштеген адис­тер барбы? Ал жакта эмне иштер болуп жатат, кабар алып ту­ра­сыңарбы?
– Жалпы ИИМ боюнча бар-жогун айта албайм, бирок биздин бөлүмдө андай мүмкүнчүлүк жок. Сиз айткандай маселелер жалаң интернет менен иштей турган бөлүм, адистер керек экендигин көрсөтүүдө. Менин билишимче, Орусиянын ИИМинде интернет-ресурстар менен иштөөчү башкармалык бар. Ал жакта жалаң гана өспүрүмдөр арасындагы зомбулук эмес, порнография, алдамчылык, адамдарды кулчулукка сатуу өңдүү иштерге каршы күрөш жүргүзүлөт. Бизде да мындай бөлүм ачылар деген үмүттөбүз...

Көрсө...

Сураштыра келсек, Өспүрүмдөрдүн иштери боюнча бөлүмдө эле эмес, жалпы ИИМде интернет-ресурстарга көзөмөл жүргүзүүчү бөлүм жок экен. Муну угуп алып, “аттиң” деп калдык. Эгер виртуалдык мейкиндикке кү­нү-түнү көз салып турушса, далай кылмыштын бети ачылып, жогоруда айтылган балдар арасындагы зомбулукка да бир аз чек коюлар беле... Коомдун коопсуздугун камсыз кылуучу органдарыбыздын заман менен канатташ иштей албай жатканы кейиштүү.

Шаиста Шатманова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
15.06.2016. 06:11 
Тайпасы:
Жаран
Комментарийлердин саны:
58
Катталган:
08-06-2016
Соӊку аракети:
31-01-2018 07:06
Жынысы:
Белгисиз
0
жаман
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: