Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖЫЛДЫЗДУУ АСМАН

№537 15-21-февраль, 2013-ж


(Башы өткөн сандарда)

Асман мелтиреп ойлуу.
– Азыр эмне кылабыз? Кыздар, бырылдап ыйлаганыңарды токтоткула. Бүгүн кечинде кафеге барабыз.
– Ыйлайбыз да, биз балалык менен коштошуп жатабыз. Мына эртең паспорт алдың, бүттү, турмуштун түйшүгү башталат.
– Кыздар, силер эмне ыйлайсыңар дейм да? Даяр үйгө барасыңар. Бизге, эркектерге кыйын, үй-жай салып, аял алып, бала бакканга даярданабыз.
Ушинткен кыздар-балдар бири-бирин сооротуп, каткырып күлүп класс демейдегиден өзгөчө шаңга толуп турат. Кечинде саат 6дан кечикпей кафеге бармак болушту, балдары менен кошо ата-энелери да барышат.
– Кызык, сенин ата-энең Орусияда го, ким келет?- деди Асман Берметке карап.
– Досуля, чоң апам барат, көйнөк алып жасанып отурат, бабушка тың го, билесиң. Мени жалгыз жибербей калсын ал.
– Менин да апам барат, тим койсо Самат байкем барып алгысы бар...
Кыздар кызуу сүйлөшүп баратып, артынан ак машина аңдып келатканын капар алышпады.
Качан гана айнектен башын чыгарган Космос деген бала кыздарга тийишкенде карап калышты.
– Кыздар, мектепти бүтүшүңөр менен!
Шыпылдаган Бермет «рахмат» деп жооп бергенге үлгүрө койду эле, Асман нукуп алды.
– Жооп бербе, капкара болуп, көзүн кара жыртайып. Теңине тийишпейби.
– Асман, ушу сен адамдарды өңүнө карап бөлбөчү,- деди чыртыя түшкөн Бермет.
– Ары-бери өткөн сайын тийише беришет. Анан да мунун апасы Жылдыз эжемдин колун сурап үйгө келиптир.
– Анда болочок жездең болот турбайбы.
– Кой, ары карап үч түкүр, ушу кантип жездем болсун?
Кыздар шыбырашып баратышат, машинаны аларды жандап жай айдап калды.
– Бермет, карындаш!
– Ов!
– Курбуң экөөңөрдү сыйлап койбойлубу?
– Ой, сыйыңарга рахмат. Силер эле калдыңар...
Берметтен озунуп Асман үн катты. Ошол замат машина токтоп, үч жигит чыгып келатат. Бермет калчылдап алган.
– Сен да, унчукпа десем, эми булар сөгөт бизди,- деди Бермет бүжүрөй.
– Сөгүп көрсүн...- дегиче болбой бирөөсү Асманды шап көтөрө калды. Берметтин чапкылаганына карабай олбурлуу үч жигит машинага Асманды салып зуу коюшту. «Коё бер» деп тепкилеп, кыйкырып, сөгүп-тилдеп баратат балдарды.
– Коркоктор, кем акылдар!
– Кой дейм, карындаш, жемелебе бизди.
– Коё бергиле, алып келген жериңерге алып барып койбосоңор, өмүрүңөр түрмөдө чирийт!
– Корктук, корктук, түрмөдө биз чирибейбиз, а сен биз барганда Космостун көшөгөсүнөн чыгып, чай куюп сыйлап турасың.
Ушинткен жигиттин сөзү жакты белем, жанатан бери башын кашып алдыңкы орундукта келаткан Космос ырсайып алды.
– Айтканың келсин, дос! Ак куу моюн аяштуу болгону калдык, ии-ий.
Толкунданган бирөөсү ушинтип айтып ого бетер машинанын ичи Асмандын ыйына эмес, жигиттердин күлкүсүнө толуп кетти.
Кептин төркүнүн эми түшүндү кыз. Ала качат деген үч уктаса түшүнө кирбеген окуяга эмне дээрин билбей алайды. Бая классташы сынай карап суроо бергени бекер эмес экен. «сениби, Бермет! Менин эң жакын курбум деп жүрсөм, кылганың ушул беле?» деп ичинен ызырынды ага. Бир көчө ылдый бурула бергенде апасынын караанын көрө койгон кыз кыйкырып калды.
– Апа, апа дейм!
Көчөдө бараткан апасы кайдан уксун, анын үстүнө бир-эки кыйкырганда эле кыздын оозун жаап, зымырап өтүп кетишкен. Арткы айнектен апасынын караанын карап, үнү бүттү кыздын. Жанатан бери эркек мүнөзүнө салып ыйлабай келаткан. Апасын көрүп эреркеп алды белем, эми көзүнүн жашын көлдөтүп өксүп баратты.
– Эй, Космос!- деди бир убакта сөгүнгөнүн токтотуп, жазылган чачын оңдогон кыз.
– Апаңды үйгө жөнөткөндө Жылдыз эжемди сурап келишти эле го, мен Асманмын, Жылдыз эмес. Билесиңби ошону, мен анын сиңдисимин!
Космоско сүйлөтө койбой эле жанындагы досу үн катты.
– Ой, билебиз, адашкан жокпуз. Сен Асмансың. Биздин аяш Асман!
– Коё бер колумду, көк мээ! Ооруп кетти.
– Сен тепкиленбей отурсаң, коё берем!
– Тепкилемек турсун өлтүрүп салам, уктуңбу, өлтүрүп!
– Мына келип калдык, эми жеңелерге уят кылбай, машинадан өзүң акырын түш...
Асмандын мындайды биринчи жолу көрүшү. Миң аракет кылбасын, айланып-тегеренген апалар үйгө алып кирип кетишти. Ак жоолугун көтөрүп келаткан аяш энеси Асманды көрүп, таң кала шалдайып туруп калды. 
– Алып чыгып кетиңизчи, сиз мени билесиз го, мен азыр турмушка чыкпайм,- деп боздоп кирди Асман тиги аялды кучактап ыйлап. Чынында, Асманды көрүп аяш энесинин да эси чыгып кетти. «Жылдызды ала качып келишкен окшойт, андайда курбума өзүм жооп берем» деп айтып алган эле. Эми кантет?..
– Асман, чырагым, ыйлаба. Балдар адашып Жылдызды эмей эле...
– Жылдыз да, мен да тийбейбиз балаңарга. Алар адашпай эле мени ала качып келишти. Сиз кылган турбайсызбы баарын,- деп апасынын курбусуна бакырып чыгып баратканда алдынан улгайган кемпир чыга калып, отура калды.
– Айланайын кызым. Буудайдын барар жери – тегирмен, кыздын барар жери Теңирден. Буйрук экен, биздин босогону аттап келдиң. Эми чыга көрбө.
– Сиз менин чоң энемдей эле аял экенсиз, аяп коюңузчу,- деп жалооруй ыйлады ага карап.
– Мен балаңарды тааныбайм, мектепти бүгүн бүтүп жатам, апаке. Келечегиме балта чаппагылачы, сураныч,- деп жалдырай баштады.
Кызды ким укчу эле мындайда. Баягы эле «биз деле ушинтип келгенбиз, мына кара, эми минтип бир үйдү зымылдатып кармап, экинин энеси болдук. Тигине сага окшоп келип байбиче болгондор бар» деп жооткоткон дежур сөздөр. Асман чыдабады, акыры кыйкырды.
– Космосту чакыргыла, мага күйөө болчу ошолбу же башкабы?
– Чакыралы, чакыралы,- деп күйпөлөктөп калышты, жанатан бери жоолук сала албай ар кимиси ар кайсы бурчта отурган келиндер. Башын шылкыйтып күнөөкөр келди.
– Эй, Космоссуңбу, вертолётсуңбу, мага ким экениң баары бир. Менин жигитим бар, сага тийбейм. Уктуңбу, ошондуктан убара болбой, уят боло элегиңде жеткирип кой үйгө. Самат байкем укса, моюнуңду үзөт. А Мелистин мүнөзүн сага айтпай эле коёюн,- деди жигитинин атын айтып кайраттана.
– Мен коркпойм эч кимден, мага да баары бир. Сен ушул үйдө каласың, болду, сөз бүттү. Саматты жакшы тааныйм, карындашы мендей жигитке барганын укса сүйүнөт ал деле,- деди ого бетер кыздын жанын кашайтып.
– Баары бир отурбайм, апамды чакыргыла,- деди жинденип, колуна эмне тийсе ыргытынып.
– Апаң азыр келет, айтышкан. Кудагыйды жакшылап коноктойлу,- деп сыртка эки келин чыгышты.
Ыйлагандан көзү шишип, колдору көк ала болгон кыз тизесин кучактай телмирип отурат. «Эмне деген шумдуктуу салты бар эле кыргыздын? Апам байкушту булар жеп коюшат го, ар бири сүйлөгөндө эле «макул» деп салбаса экен. Анда мен өлөм. Терезеден секиремби, жүрөккө бычак матырамбы, кыскасы, сүйбөгөн адамга башымды байлагыча, жер кучактап тынч жатайын» деди кыз ичинен. «Жакын эле турган жерге кантип жетпейт, жетип келбейби?» деп апасынын келбей жатканына кейип сүйлөнүп алды. Бир убакта чай көтөрүп Космос менен досу киришти.
– Оо, аяш, жоошуп калыпсың, айылга бекер концерт коюп бердиң го сен.
– Азыр антракттан кийинки концертти күт,- деди кыртышы сүйбөгөн Асман.
– Ха-ха, антракт учурунда чай ичип, өзөк жалгап алыңыз, аяш.
Колу-бутун кармап, оозун жаап машинага салып келгени аз келгенсип, эми чай көтөрүп кирип какшыктаган жигитке жини келген кыз чайнекти бир тепти. Ысык чай килемге төгүлүп, аз жерден тиги шакылыктаган досу күйүп кала жаздады.
– Ой-бой, өнөрүң күч экен го сенин. Эртең ушул килемди өзүң жууйсуң, ошондо мен сага айна алып келип берем,- деди күлгөн жигит.
– Азыр тиги тамакты досуң экөөңдүн башыңа аңтарып коё электе жоголгула!
Ушул убакта сыртта аялдардын үндөрү чыгып калды. «Апам» деди сүйүнгөн кыз.
– Апа, апа, мен бул жактамын. Апа...

(Уландысы кийинки санда)

Жаңыл Калыкова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Башка сандарда:
Комментарийлер(10)
18.02.2013. 09:43 
Тайпасы:
Жаран
Комментарийлердин саны:
13
Катталган:
28-01-2013
Соӊку аракети:
19-11-2018 00:31
Жынысы:
Белгисиз
Калаасы:
Калининград
0
дагы бир жума кутуу...
18.02.2013. 12:23 
Тайпасы:
Жаран
Комментарийлердин саны:
63
Катталган:
28-03-2009
Соӊку аракети:
19-04-2017 11:43
Жынысы:
Белгисиз
Калаасы:
Ош
0
толук эле жазып койгулачы же китеби барбы ? Кутууго чыдам жетпей кеттат
18.02.2013. 12:29 
Тайпасы:
Кыймылы жок
Комментарийлердин саны:
2
Катталган:
04-02-2013
Соӊку аракети:
17-09-2013 13:01
Жынысы:
Белгисиз
0
бир жума кутуш крек эн жакшы жерине келбедиби э!!!
18.02.2013. 15:40 
Тайпасы:
Жаран
Комментарийлердин саны:
28
Катталган:
26-12-2011
Соӊку аракети:
28-02-2018 09:57
Жынысы:
Белгисиз
Калаасы:
Bishkek
0
jigiti je agasi keldi go alip krtiwse eken kantip uwul salt bolsun bul kylmyw suibogon balaga tiise baari bir baktyluu bolbooit bala dele koiberse bolmok
19.02.2013. 01:11 
Тайпасы:
Жаран
Комментарийлердин саны:
302
Катталган:
19-12-2012
Соӊку аракети:
14-06-2018 17:24
Жынысы:
Белгисиз
0
Emi kyzygyna kele bawtady korunot, kelgile emi 1 jumany choguu kutolu,
19.02.2013. 01:58 
Тайпасы:
Кыймылы жок
Комментарийлердин саны:
37
Катталган:
01-10-2011
Соӊку аракети:
23-04-2013 12:55
Жынысы:
Белгисиз
Калаасы:
YSSYK-KUL.Biwkek
0
Kosmos kosmoto uchup jurup bir dagy kyz mn taanywa albai koigon go ee?anan alakachty da))))
19.02.2013. 09:14 
Тайпасы:
Кыймылы жок
Комментарийлердин саны:
7
Катталган:
10-06-2009
Соӊку аракети:
30-03-2015 12:04
Жынысы:
Белгисиз
0
атаганат асман эми алакачуунун курмандыгы болуп калбаса экен. окунучтуу салт деп ала качып алган
19.02.2013. 19:52 
Тайпасы:
Жаран
Комментарийлердин саны:
0
Катталган:
02-02-2012
Соӊку аракети:
01-12-2017 09:13
Жынысы:
Белгисиз
0
иий,Асман,айла жок отурат болушу керек,байкуш кыз,
21.02.2013. 17:10 
Тайпасы:
Жаран
Комментарийлердин саны:
82
Катталган:
26-11-2009
Соӊку аракети:
30-10-2018 00:28
Жынысы:
Белгисиз
Калаасы:
Жер эне
0
Асман, ушул күнгө чейин менин оюмдагыдай кыз болуп келдиң, эми ошонуңду улантып, сени алып качып келген зөөкүр менен кала көрбө!
:-)
22.02.2013. 20:13 
Тайпасы:
Жаран
Комментарийлердин саны:
49
Катталган:
21-02-2013
Соӊку аракети:
26-02-2018 05:37
Жынысы:
Белгисиз
Калаасы:
Бишкек
0
Мен мурда кызыкпайт болчум мындай сериалдарды окуганга, Тагдыр оюунун окугандан кийин, мен да кун санап бул жаны сериалды кутуп баштадым. Кызыктуу экен.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: