Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЖЫРАШУУ АЗЫРКЫ ЗАМАНДЫН ТРАГЕДИЯСЫБЫ?

№537 15-21-февраль, 2013-ж


Окурмандардын көбү болбосо да, азы бул сөз менен тааныш болушу мүмкүн. "Мен "ажырашуу" деген сөз менен тааныш эмесмин" дегендер болсо, куттуктайм, ылайым сизден бул сөз алыс болсун! Таластан бери келип, кеңсебиздин босогосун аттап, арманын айткан Нарбүбү айым болбосо, балким, бул маселеге кайрылбайт белек? Анда, алгач сөз каарманымда.

"АЖЫРАШУУДАН КАТУУ ИЛДЕТКЕ КАБЫЛДЫМ"
– Мен башкалардай болуп датымды айтып, күйөөмдү жамандагым келбейт. Болгону, ажырашуу адамга канчалык оор экенин, анын аркасында ден соолук бузулуп калышы мүмкүндүгүн айткым келди. Учурда Бишкекке дарыланганы келдим, оорумдун атын айткым келбейт. Болбогон нерседен эле күйөөм экөөбүз урушуп кетип, мен төркүнүмө кетип калдым. Артымдан келеби десем, негедир келбеди.
Бир ай ал жакта жашап жүрүп, Талас шаарына иштерим менен барып калсам, жолдун кайрылышынан күйөөм чыгып калды. «Мен ажырашууга сотко арыз бердим. Баланчанчы күнү сот!» деп басып кетти. Үйгө келип сулк куладым. Бир жума тамак да ичпей, сөз да сүйлөй албай жата бердим. Ажырашкан бир менби деңизчи, бирок менин канча жылдан бери курган шаарым, үмүтүм, тилегим кыйылбадыбы... Мен ким үчүн далбастап, ким үчүн барга, жокко чыдап келдим? Менин кунум, менин баам ошол сотко арыз болгон бир кагаз барак беле?..
Кыргызда бир нерсе бар, мындайда эрди-катын гана ажырашпай, тууган-уругу да кошо ажырашат. Эки тарап болуп кырылышып жаткан төркүнүм менен кайын журтумду токтото албадым. Эч кимисине мендей оор болгон жок. Эч бирин менин жүрөгүм канап жатканы, менин жардын кырында турганым, эмне сезип жатканым кызыктырбады. Үй талаш, мүлк талаш, намыс талаш... Акыры катуу илдетке чалдыктым.
Күйөөм ажырашкандан кийин Орусияга кетип калды. Баары мени жубатышты, өтүп кетерин, кайрадан жаңы турмуш баштаарымды айтышты. Кызык, адамга бардыгын талкалап туруп, кайра куруу кызыкпы? Элдей болуп жаңы турмуш баштап кете албадым. Кимдир бирөө мендеги жакшы нерселерди ат тиш менен сууруп салгандай. Ушундай абалдамын.
Азыркы заманда ажырашкандар көп. Мага кызыгы, ошонун баары ушул азап жол менен өтүп, анан жашап кетишеби? Ажырашуунун азабы аяктайбы?

МУСУЛМАНЧЫЛЫКТА ЖАНА КЫРГЫЗЧЫЛЫКТА...
Ажырашууну дүйнө эли «коомдун трагедиясы» деп атап, ага каршы үй-бүлөнү сактап калуу үчүн тренингдерди жүргүзүп келишет. Бирок азырынча майнап аз. Жогорудагы айымдын тагдырын уккандан кийин мага ой келди. Азыр көп кездешип жаткан ажырашуу кыргыздарга кайдан келди? Цивилизация менен кошо келген бул илдеттен арылыш үчүн кайрадан өзүбүздүн түбүбүзгө, тарыхыбызга кайтсак кандай болмок?

Тарыхчы РЫСКУЛ ЖОЛДОШЕВ «кыргыздарда мурун ажырашуу кандай болгон?» деген суроого төмөндөгүдөй жооп берди:
– Ажырашуу болгон, бирок өтө аз. Көчмөн элдин мүнөзүнө ылайык, аялдар күйөөгө баш ийишкен. Патриархалдык доор эле да. Эгерде ажырашуу демилгеси эркектен чыкса, ал аялды өзүнүн багуусунда калтырып, бирок ага эч качан барган эмес. Башка аял алып, нике жаңыртып жашаган. Мындай аялдарды кыргызда «салбар аял» деп коёт. Кээде, тескерисинче, жүүнү бош күйөөсүн чанып, качып кеткен аялдар болгон. Мисалы, Курманжан датка энебиз. Анан да "биз ажыраштык" деп эле экөө эки тарапка басып кеткен эмес. Аларды аял жактан 3 бий, күйөө жактан 3 бий, калыс бир бий чогулуп туруп таразалап ажыраштырышчу.
Тарыхчы агайдын сөзүнөн кийин мусулманчылыкка да кайрылгым келди. Шариат боюнча ажырашууга жубайлардын экөөнүн тең укугу бар делинет. Хадистердин биринде «Алла Таала эң жаман көргөн адал иштердин бири – ажырашуу» деп жазылган. Көпчүлүк учурда талакты эркек киши берет, бирок жашоого көңүлү жок болсо, аял эркектен бошотуп коюусун суранганга укугу бар. Бирок эч себеби жок ажырашууга шариатта тыюу салынат. Ажырашууда кайра жарашуу үчүн мөөнөт берилет. Аны «идда мөөнөтү» дешет. Бул учурда жубайлар элдешип калуу мүмкүнчүлүгүнө ээ.

ЖУБАЙЛАРДАГЫ КООПТУУ МЕЗГИЛ
Эмнеге ажырашуу азыркы заманда көп? Психологдор жубайлардын ажырашуусуна бирге жашаган жылдар таасир берерин айтышат. Изилдөөлөргө таянсак, үйлөнгөндүн биринчи жылында түгөйлөр ажырашышы азыраак болот. Анын себеби жөпжөнөкөй, «сүйүүнүн кемеси али тиричиликке кабылып, талкалана элек кез» болот.
Баш кошкон жылы ажырашкандар – 3,6 пайыз;
1-2 жылга чейин жашап ажырашкандар – 16 пайыз;
3-4 жыл жашап ажырашкандар – 18 пайыз;
5-9 жыл жашап ажырашкандар – 28 пайыз;
10-19 жыл жашап ажырашкандар – 22 пайыз;
20 жылдан ашуун – 10 пайыз.
5тен 9 жылга чейин жашаган учур түгөйлөр үчүн өтө кооптуу мезгил дешет. Анткени бул учурда экөө тең энергиясы ашып, жаңы сезимдерди, балким, башкача жашоону каалашат. Көп жыл чогуу жашашса, ошончо жакын болуп, түгөйлөрдүн кармашкан колдору бекемделет.
Ал эми Улуттук статистика комитетинин маалыматы боюнча да ой жүгүртүп көрөлү. 1990-жылы үйлөнгөндөрдүн саны Кыргызстан боюнча 43 515, ошол жылы ажырашуунун саны 7 829 болгон. Андан кийин 1992-93-жылдардан баштап баш кошкондордун саны 2 эсеге азайып кеткен. Мисалы, 1996-жылы республика боюнча 25 726 түгөй баш кошуп, ажырашуулардын саны 6 216га жеткен. Таң калычтуусу, ажырашкандардын саны мурункуга салыштырмалуу азайган эмес.
Албетте, бул жылдары өлкөбүздүн экономикалык абалы таасир берген көрүнөт. Ушундай темп менен 2006-жылга чейин келген экенбиз. Ал эми кубанарлык көрүнүш, жакынкы жылдары тойлордун саны өскөн. 2012-жылы 45 496 түгөй кол кармашып, ажырашуунун саны
7 307ни түзгөн.
Окурман, «чымчыктын да уясы бузулбасын» дечү бир кезде чоң энем. Ар бир адам "ажырашуу" деген сөздүн аркасында эмне жатканын билсе, ал кадамга эч качан барбайт деп ишенем.

Психологдун кеңеши
АЖЫРАШУУ АЗЫРКЫ ЗАМАНДЫН ТРАГЕДИЯСЫБЫ?
«Ооба, ажыраштык» деп түгөйлөр эч кандай проблемасы жок экөө эки тарапка басып кетпейт эмеспи. Узакка созулган депрессиядан ден соолук да жабыркашы мүмкүн. Андыктан «ажырашкандан кийин кантип андан ары жашоону улап кетиш керек?» деген суроо менен психологго кайрылдык. Бул соболго «Триумф-Инфо» психологиялык окуу борборунун психологу НУРЗАДА МАЯМЕРОВА төмөнкүдөй кеңеш берет:
– Түгөйлөр ажырашканда жалгыздык коркунучу туулат. Көпчүлүк учурда айымдар «эмне кылам, кантип жашайм?» деп кабатыр боло баштайт. Ал эми эркектерде көнүп калган турмушу (психологияда «зона комфорта» деп аталат) бузулуп, өздөрүн жаман сезишет. Негизинен, адамдарды эки типке бөлсө болот. Бул мүнөзүнө жана кандай жагдайда ажырашканына карата бөлүнөт. Бири ажырашкан соң «чоң бир жүктөн кутулдум, жаңыча турмушумду баштайм» десе, экинчилери ички жан дүйнөсүндө чечилбеген (коркуу сезимдер, таарыныч, кек, өзүнө-өзү ишенбестик) маселелерге камалат. Өз жашоосуна болгон жоопкерчилигин да жоготот, депрессияга учурап, кыйналат. Экинчи типке киргендерге, албетте, жардам керек.
Жашоого болгон көз карашты оңдоп, позитивдүү жакка буруп, "болор иш болду, мен аны артка кайрый албайм" деп, жаңы максат менен алдыга жылышыңыз керек. Анткени адам жашоосунун сценарийин өзү гана жазып, ага автор боло алат. Жакшы ойлорду ойлоо турмушуңузду жакшы жагына буруу үчүн жасаган биринчи кадамыңыз болмокчу. Кейип-кепчип, өзүңүз ойлоп таап алган «курмандык» ролунан чыга албасаңыз, жашоого болгон үмүт өчөт. Өткөнгө өкүнүп, кабатырланып, энергияңызды корото берсеңиз, келечекке күч калбай калат. Баары жакшы болот деген ишенимди жан дүйнөңүзгө орнотуп, үмүт менен алга кадам таштаңыз.
Ажырашкандан депрессия болбогон адамдар жок. Бирок чыгуу үчүн бир топ эрежени колдонсоңуз болот.

  • Көп кыймылдаңыз. Жатып алуу ого бетер чүнчүтөт.
  • Массаж, физикалык көнүгүүлөр менен машыгып, йога, бий бийлөө, музыка менен алектенсеңиз болот.
  • Жаратылыш койнунда да жан дүйнө гармонияга келет. Тоого, токойго, суу жээгине туруп ар бир ирмемден ырахат алганга аракет кылыңыз.
  • Катуу кыйналып турганда терең-терең 5-6 жолу дем алыңыз. Каныңыз кычкылтек менен камсыздалып, жеңилдеп каласыз.
  • Ичте айта албай калган таарыныч, ачууну кагазга жазып, болгон окуядан келечекте эмне сабак алса болорун ойлоп, ыраазычылык билдирип, өрттөп жибериңиз. Бул менен жан дүйнөдөгү кир энергияны кагазга өткөрүп, жок кыла аласыз.
  • Баштан өткөн кыйынчылыктарды кезиккен эле адамга айта бербеңиз жана өзүңүз гана бул жагдайдан чыгарыңызга ишенип коюңуз. Окуяны кайра эстөө жаңыдан карттанып бараткан жараны чукугандыкка барабар.
  • Эң негизгиси, өзүңүздү да, мурдагы жубайыңызды да күнөөлөбөңүз. Эгерде нике ажырашууга чейин келсе, демек, ал башынан жаңылыш тандоо болгон.

Нуржамал Жийдебаева
koom@super.kg

«Супердин» сурак бурчу
ҮЙ-БҮЛӨНҮ САКТАП КАЛУУ ҮЧҮН ЭМНЕ КЕРЕК?

Жамийла Токтогулова, Ысык-Көл облусу:
– Учурда экинин бири эле ажырашып жатышат. Буга жаштардын жеңил ойлуулугу себеп болууда деп ойлойм. Үй-бүлөнү бекем сактап калуу үчүн балдарга башынан жакшы тарбия берүү зарыл. Ошол пайдубал болот.

Элкасым Чоюбеков, Жалал-Абад облусу:
– Үй-бүлөнүн бекемдиги үчүн эки тараптан тең аракет күчтүү болушу керек. Мырзалар үйдөгү бардык шартты түзүү менен биргеликте турмушка тың болуусу шарт. Жубайлардын ич ара түшүнүүсү, сый-урматы дагы чоң роль ойнойт.

Венера Назаралиева, Ош облусу:
– Жубайлар бири-бирине ишениш керек. Жакшы учурда да, жаман учурда да ачууга алдырбай, болбогон нерсеге чыр чыгара бербей, сабырдуу болгонго аракет кылуу зарыл. Көп учурда сабырдуулук үй-бүлөнү сактап калат.

Гүлнара Дыйканова, Баткен облусу:
– Азыр ажырашуунун саны көбөйдү. Үй-бүлө коломтосун сактоо үчүн жубайлар бири-бирине түшүнүү менен мамиле кылуусу абзел. Кээ бир учурларда ата-эненин айынан да ажырашып кеткен учурлар болот. Негизи эле үй-бүлөдө ынтымак, биримдик керек.

Урия Исмаилбекова, Нарын облусу:
– Жубайлардын биринин тилин бири таап, турмуштун оош-кыйышында бири-бирине жөлөк болгондору жакшы. Азыркы жаштардын чыдамы жок, талаптары күчтүү, бир аз иштери оңунан чыкпай калса, чыр-чатак башталат.

Адилет Момуналиев, Нарын облусу:
– Азыр уруштун баары эле ичкилик ичкенден келип чыгат. Үй-бүлөнүн башчысы катары эркек киши бардык муктаждыктарды камсыз кылыш керек. Үй-бүлөнүн бузулушун жөнгө салып коюш эркек кишинин колунда.

Зина Акматова, Талас облусу:
– Үй-бүлөнү сактап калуу жубайлардын экөөнөн тең көз каранды. Азыр жаштар ичкилик ичмей, көзүнө чөп салмай сыяктуу нерселердин айынан көп ажырашып жатышат. Ыйман үй-бүлөнү сактап калат.

koom@super.kg



Ажырашуу - коомдун трагедиясы

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(20)
Super TV
15.02.2013. 23:52 
Тайпасы:
Кыймылы жок
Комментарийлердин саны:
0
Катталган:
08-02-2013
Соӊку аракети:
17-02-2013 00:29
Жынысы:
Белгисиз
0
Ар бир адамдын жашоого болгон коз карашынан....
Super TV
15.02.2013. 23:54 
Тайпасы:
Кыймылы жок
Комментарийлердин саны:
49
Катталган:
21-10-2007
Соӊку аракети:
15-07-2015 09:55
Жынысы:
Белгисиз
+1
Сүйүү болсо, ажырашуу болбосо,
Сүйүшкөндөр түбөлүгүн ойлосо.
деген ыр саптарын окуп калдым эле... Ажырашуу, жашоону талкалоо бул оюнчук эмес...
18.02.2013. 10:35 
Тайпасы:
Жаран
Комментарийлердин саны:
114
Катталган:
22-02-2011
Соӊку аракети:
22-10-2018 10:28
Жынысы:
Белгисиз
Калаасы:
Бишкек.
0
Ажырашуу - тагдырдын сыноосу, өмүрүңдүң жаңы барагы.Ажырашуудан кийин депрессия сөзсүз болбой койбойт.Уйку качат, жашоо кызыксыз болуп калат бирок, мунун баары буюрса өтүп кетчү нерсе. Ичкилик ичпей,Өзүңдү алаксыт, балдарыңды ойло. Баардыгын убакыт дарылайт. Көп убакыттан соң, эмнеге эле аны ойлоп кыйнала бердим экен деп, кайра өзүңдү жемелей турган учур да ке
18.02.2013. 10:40 
Тайпасы:
Жаран
Комментарийлердин саны:
114
Катталган:
22-02-2011
Соӊку аракети:
22-10-2018 10:28
Жынысы:
Белгисиз
Калаасы:
Бишкек.
+1
Аялдын чырагы кырк деп бекеринен айтышкан эмес.
сен соолуп эч кимден өч ала албайсың, андан көрө башты көтөр, талыкпай адал иште, ошентип жеңесиң!Тагдырдын ачкычы өз колуңда.
Жашоо керемет, ал кереметтин ээси -өзүн экенин унутпа!
19.02.2013. 17:56 
Тайпасы:
Жаран
Комментарийлердин саны:
16
Катталган:
31-10-2012
Соӊку аракети:
05-04-2018 03:19
Жынысы:
Белгисиз
0
kadam, Туптуура айтасыз)
18.02.2013. 10:48 
Тайпасы:
Тартип бузгандар
Комментарийлердин саны:
121
Катталган:
28-01-2013
Соӊку аракети:
14-03-2014 21:32
Жынысы:
Белгисиз
0
ажырашкан кандай жаман.Леопольд айтмакчы,ребята давайте жить дружно
18.02.2013. 14:16 
Тайпасы:
Кыймылы жок
Комментарийлердин саны:
4
Катталган:
06-02-2013
Соӊку аракети:
19-08-2013 10:27
Жынысы:
Белгисиз
0
Ажырашуу ото-кыйын жана таатал нерсе,балдарды ойлойсун,басып кете албайт экенсин,бул жерден ким утатат убактылуу эч ким билбейт,ошол себептен ойлонуп журо бересин,эмне кылсам туура болот деп.
18.02.2013. 17:03 
Тайпасы:
Жаран
Комментарийлердин саны:
51
Катталган:
17-05-2012
Соӊку аракети:
10-10-2018 12:22
Жынысы:
Белгисиз
Калаасы:
каракоо
0
Ажырашуунун себеби толтура да,анын устундо психологдор жетишсиз эмеспи.Эки тарапта тен куноо болот,бир тарапка эле ишене бербеш керек.Аялдын колуна ай ааламдын ачкычы берилген тушунгон кишиге,биз жаркылдап,куйоону баалап,жылуу создорубузду аябай,кадырын которуп ата энесин оз ата энебиздей коруп турсак эле алар дагы бизди колуна которот эмеспи.Ал гана эмес ичип эле арсылдабай жаркырап тосуп акыл менен акырын ичкилигин койдурса болот.Кобунчо аялдар куйоосуно баласындай мамиле кылышат
18.02.2013. 17:06 
Тайпасы:
Жаран
Комментарийлердин саны:
51
Катталган:
17-05-2012
Соӊку аракети:
10-10-2018 12:22
Жынысы:
Белгисиз
Калаасы:
каракоо
0
ичип келсе арсылдабай жаркырап тосуп,акыл м-н акырын ичкилигин койдурса болот.Эркек озун эркек,адам сезиш керек уйундо,озгочо аялдын жанында.А эркектерге акыл айта турган мырзалар да бардыр арабызда..достор???
18.02.2013. 19:49 
Тайпасы:
Жаран
Комментарийлердин саны:
234
Катталган:
28-05-2011
Соӊку аракети:
27-06-2018 01:21
Жынысы:
Белгисиз
0
istina, erkektigin ichkilik menen korsotush kerekpi anda. toobo! jyluu soz jana jakshy mamile menen korsotush kerek. ayal ayban emes da tuhunot jakshylykty
18.02.2013. 19:56 
Тайпасы:
Жаран
Комментарийлердин саны:
234
Катталган:
28-05-2011
Соӊку аракети:
27-06-2018 01:21
Жынысы:
Белгисиз
0
ushu jindi suunu toktotpoy turgan bolduk da ozu. kayerge barba toobo ayalyn tokmoktop atkany atkan bizdin erkek janduunun kopchulugu. baikush ayaldar alar dele biroonun chyraktay bakkan kyzy go akyry. je kuyoodon chygyp keliptir dep ech kim albasa anday ayaldy. anan da emnege kyzdar chet jakka turmushka chygyp atysht deshet, alar kachyp atyshat da. 19... % ajyrashuu ichkilikten degenge tan kaldym, andan da koburook bolso kerek.
19.02.2013. 04:08 
Тайпасы:
Кыймылы жок
Комментарийлердин саны:
52
Катталган:
20-01-2013
Соӊку аракети:
26-09-2014 17:12
Жынысы:
Белгисиз
0
Кудай туболугунду бир кылбаса мин жолу уй булоонду сактап калам десен да ажырашып кетесин.Баары Алланын буйругу менен.Кээ бири бала учун гана бири-бирине конулу жок кун кечирип келет.
Super TV
19.02.2013. 14:24 
Тайпасы:
Жаран
Комментарийлердин саны:
3
Катталган:
11-05-2012
Соӊку аракети:
21-03-2018 15:14
Жынысы:
Белгисиз
Калаасы:
ош
0
себеби азыркы келиндер келген кундун эртеси куйоосун башкарам деп ошол себептен ажырашуу болуп жатат келиндер чыдап турсанар аз эле жылда эркек озу эле баш ийип берет
Super TV
19.02.2013. 16:24 
Тайпасы:
Кыймылы жок
Комментарийлердин саны:
0
Катталган:
07-02-2013
Соӊку аракети:
07-02-2014 16:44
Жынысы:
Белгисиз
0
772468810 Сиз бир тараптуу коз караш менен карап жатас деп ойлойм.Келиндерди келген кундун эртесинен баштап сен мандай кыл андай кыл талап койгондор да жок эмес ар бир кыз куйоого тийип жатканда ажырашам деп тийбейт деп ойлойм.
Super TV
19.02.2013. 16:29 
Тайпасы:
Кыймылы жок
Комментарийлердин саны:
0
Катталган:
07-02-2013
Соӊку аракети:
07-02-2014 16:44
Жынысы:
Белгисиз
0
Эркектерди кээ бирлерин чечкиндуу эместигинен аялын канатууга кактырбай тумшуктууга чокутпай коргой албаганынан да ушундай корунуштор келип чыгат.
19.02.2013. 19:31 
Тайпасы:
Жаран
Комментарийлердин саны:
114
Катталган:
22-02-2011
Соӊку аракети:
22-10-2018 10:28
Жынысы:
Белгисиз
Калаасы:
Бишкек.
0
Ажырашуу деген балакеттин дагы бир себептеринин бири -коомубуздагы үй-бүлө баалуулуктарынын жоголуп баратканында. Эркек - аял күнөөлү деп бөлгөн болбогон нерсе. "Үй-бүлө ыйык очок"деген ураанды жайылтып, элге сиңиртиш керек. Казактар "Отбасым" деп кандай баалашат, ошолордун деңгээлинен ашып түшүш керек. Буга коомчулук жапырт киришсек, ТВ, ММКлардан үлгүлүү үй-бүл&#
19.02.2013. 19:34 
Тайпасы:
Жаран
Комментарийлердин саны:
114
Катталган:
22-02-2011
Соӊку аракети:
22-10-2018 10:28
Жынысы:
Белгисиз
Калаасы:
Бишкек.
0
ТВ,ММКлардан үлгүлүү үй-бүлөлөрдү даңазалап, жаштар таасир алгыдай статья,берүүлөрдү,уюштурсак абал жеңилдей түшмөк.
24.02.2013. 23:39 
Тайпасы:
Кыймылы жок
Комментарийлердин саны:
120
Катталган:
24-02-2012
Соӊку аракети:
21-01-2016 09:14
Жынысы:
Белгисиз
0
kuranda aytilganday ele jirkenichtuu erkekke jiyirkenichtuu ayal, jiyirkenichtuu ayalga jiyirkenichtuu erkek. ushul sozdon tushunso bolot kunoo 2 tarapta ten bolot anan tarazalp korup chechim chigaruu kerek. albette ajirashuu en jaman nerse ,
05.02.2018. 15:54 
Тайпасы:
Жаран
Комментарийлердин саны:
1
Катталган:
01-12-2016
Соӊку аракети:
14-11-2018 00:11
Жынысы:
Белгисиз
Калаасы:
Бишкек
0
Аллахым баарыбызга бакыт берсин!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: