Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СУЛТАН ИБРАГИМОВ

№202 15-21-сентябрь, 2006-ж.


ФРАНЦУЗДАРДЫН ООЗУН АЧЫРГАН УЛАН
Болочок мушкер бокс менен 17 жашында Ростов-на-Дону шаарындагы финансы техникумуна тапшыргандан тартып машыга баштаган. Алгачкы машыктыруучусу Анатолий Черняев менен да дал ошол окуу жайынан таанышкан. Көп өтпөй жөндөмдүү дагестандык бала Анатолийдин промоутер болуп иштеген досу Рамазан Абачараевге жагып калат. Абачараев Султанды Россиянын белгилүү мушкерлери менен беттешке алып чыга баштайт. Жаш муш­кер бат эле көзгө көрүнөт да, Россиянын курама командасына алынат. Султан команданын машыктыруучусунун ишеничин актап 1999-жылы Россиянын чемпиону болуп чыга келет. Ушул эле жылы Султан Финляндиянын Тампер шаарында өтө турган Европанын чемпионатына катышат. Рингге француз Жексон Шане менен чыгат. Таймашта Султан каршылашына карай өзүнө таандык оор, таамай муштарын жамгырдай жаадырат. Натыйжада, Шане рингдин таманына кулап түшөт. Француздун трусасынан машыктыруучусу майдаланып бөлүнүп кеткен “ракушканы” алып чыкканда Султандын күчүнө тан берип оозу ачылат. Машыктыруучу, дегеле француздар минтип “ракушканы” бычыратып жиберген күчтүү мушкерди көрүшө элек болчу. Бирок, Султандын дал ошол жука чурайга ургандары эрежени бузгандыкка киргендиктен, ал алтын медалга жетпей, күмүш медалды мойнуна илет. Ушинтип ал өзүнүн келечектеги эң мыктылардын бири экендигин тастыктоого жетишет.

ОЛИМПИАДА-2000ДЕГИ ЗОР ИЙГИЛИК
Ийгиликтери Султанды 2000-жылы Сиднейдеги Олимпиадага тандоо турнирине катышууга укук алып берет. Чехияда өткөн аталган турнирдин финалына жөнөөрдө Султандын бир тууганы кайтыш болуп, турнирге мушкер чоң аза менен аттанат. Султан рингге кубалык легендарлуу Феликс Савон менен чыгат. Феликс Олимпиадалык оюндардын эки жолку жеңүүчүсү эле. Ал менен беттешкендер анын мушунан камгактай учуп, рингден бутун араң сүйрөп чыкчу. Султан Феликс менен рингге чыкканда эл Султанды сөзсүз эле жеңилет го деп тынып калышат. Антсе да Султан кубалыктан калышпай муштарды узатып жатып, акыркы раундда гана упайдан уттуруп коёт. Бирок, таймашта Султандын мыктылыгы аныкталып калган соң, анын фамилиясы Олимпиадага баруучулардын тизмесине кошулат.
Айткандай эле Султан Сиднейде күмүш медалды камсыз кылууга жетишет. Жаш мушкер туулган жерине кайтып келгенде аны Достук ордени күтүп турган.
Ошондой эле ал ушул жылы спорттун эмгек сиңирген чебери наамына ээ болот.

ДҮЙНӨГӨ ТААНЫЛУУ
2002-жылы Султан профессионалдар катарына өтүп, жаңыча жашоо баштайт. Менеджер Борис Гринберг менен келишим түзүп, АКШга кетет. Борис океан артындагы жашоого керектүү нерселердин баары менен камсыз кылып тургандыктан, Султандын көңүлү бир гана бокска бурулат. Бул Султанды рингде чоң жеңиштерге жетишүүсүнө түздөн-түз көмөк болот.
Султандын АКШда мушташты агрессивдүү түрдө жүргүзүшү, эки колу менен тең каршылашын нокаутка жибере алышы, кандай каршылашы болбосун алардын алдында аскадай кебелбей турушу атайын адистер менен бокс сүйүүчүлөрдүн көңүлүн бурат. Мындай артыкчылыгы Султанды бат эле популярдуулукка жеткизет. Аны күйөрмандары “орус аңчысы” кличкасына кондурат. Султан 10 килограммга толуп, денеси таштай чыңалып чыга келет. Машыгуу жана чоң рингдерге чыгуу кезинде ал белгилүү мушкерлер менен кездешип, алардай болуу үмүтү ого бетер алоолойт.
2002-жылы рингге белгилүү мушкер Эл Коул менен чыгат. Эл мушташта болгону 3-раундга гана жетет. Себеби, 3-раундда аны Султан нокаутка түшүрүүгө жетишет. Ордунан зорго турган Эл оюндан баш тартат.
2003-жылы Султан рингден каршылашы Чед Батлерди катуу муш менен кабыргасын сындыра койгондуктан, аны тез жардам рингден түз эле ооруканага алып кетет.
Ошондо Султан дүйнө чемпиону наамына ээ болот.
2004-жылы Султанага оор салмакта WBO версиясы боюнча чемпиондук наам үчүн рингге америкалык Жеймс Уолтон менен чыгуусуна туура келет. Жеймс тажрыйбалуу, амал-айлаларды жакшы билген мушкер эле. Султан АКШдагы рингге Россия гимнинин астында чыгат. Уюштуруучулар рингди мушташка толук даярдап үлгүрүшпөгөндүктөн, рингдин бурчтары аркан менен тосулбай калган болуп чыгат.
Беттеш бири-бирин тиктешип, акырындан күчтөрүн салмактоо менен башталат. Антсе да 1-раунд бүтпөй жатып, Жеймс Султандын оор мушунан теңселип тең салмагын жогото баштайт. 4-раундда күүлөнүп келип тийген укмуштай катуу муштан рингдин аркан тартылбай калган жеринен учуп барып, судьялар отурган столго кулап, андан сыйгаланып барып көрүүчүлөрдүн бут алдына жатып калат.
Ордунан тиштенип зорго турган Жеймс оюнду улантуу үчүн рингге келет. Бирок, көп өтпөй эле Султандын кезектеги мушу башына тийип, ка­шы жарылып кетет. Султандын кийинки мушу нокдаунга жеткирет. 6-раундда ре­фери Жеймстин денсоолугунан чочулап, оюн­ду токтоттурат. Ошентип, фортуна бул жолу да жаш мушкерди колдоп, ал жеңип чыгат.
2005-жылы апрелде Султан WBO версиясы боюнча Азия-Тынч океан аймагынын чемпиондугу үчүн таймашка “Тоо” кличкалуу америкалык Зури Лоуренс менен чыгат. 4-раундда Султан аскадай заңкайган каршылашын нокдаунга жиберет. Зури ордунан турганы менен жандуу оюн көрсөтүүгө жетише албайт. 9-раундда ал эки ирет полго кулап түшөт. 11-раундда Султан аны дагы бир ирет нокдаунга жибергендиктен, рефери оюнду токтотот. Ошентип, Султан чемпиондук наамдарынын санын дагы бирге кө­бөйтөт.

МАЙК ТАЙСОНДУН КОЛДООСУНДАГЫ ЭҢ ЧОҢ ЖЕҢИШТЕР
Султандын америкадагы башкы машыктыруучусу Карлос Умберто “Панама” Льюис атактуу мушкер Майк Тайсон менен жакындан тааныш болгондуктан, Султан ал аркылуу Майк Тайсон менен таанышууга мүмкүн­чүлүк алат. Тагыраак айтканда, Майк Султандын машыгып жаткан учурунда аны карап отуруп, жаш экенинде өзү да дал ушинтип Султанча мушташа тургандыгын эстеп, аны өзүнө окшоштуруп ичи жылып чыгат. Майктын ою боюнча, Султан өзүнүн кайра жаралышы эле. Ошондуктан, Султан рингден чыкканда Майк аны менен таанышып, ошол жерден эле “орус иним” деп атап алат. Ошондон тартып Майк Султандын машыгууларына катышып, ага керектүү кеңештерди айтып, көтөрмөлөөгө өтөт.
Ушул эле 2005-жылдын декабрында Султан менен америкалык Лэнс Уайтекердин IBF жана WBO версиясы боюнча континенттер аралык чемпион наа­мы үчүн таймашы белгиленет. Таймаш күнү Майк келип, рингдин бурчунан орун алып, таймаш учурунда Султанды сү­рөп баштайт. Тыныгуу кезинде эми кантип мушташуу керек экендигин айтып берип турат. Мунун натыйжасында Султан 7 раунд ичинде Лэнсти 3 ирет нокаутка түшүрө коёт. Америкалык мушкер 4-раундда Султан менен тең чамал муш­ташууга жетишкенине крабастан күч жана айла-амал жагынан андан чабалдык кылат. 7-раундда Султан Лэнстин оң көзүнүн үстүн жара муштайт. Кан жайыла бергендиктен, рефери оюнду токтотуп, врачты чакырат. Жардам көрсөтүлгөн соң, судья оюнду улантууга уруксат берет. Бирок, Лэнс “көзүм жакшы көрбөй жатат” деп оюнду улантуудан баш тартат.
Майк рингге чыгып, Султанды жеңиши менен куттуктап, элге “Султан – дүйнөдөгү оор салмактагы күчтүү мушкерлердин бири” деп жарыя салат. Султан өзү болсо: “Майк мага “эгер анык эркек болсоң, утулууга акың жок” деген. Мен ага жана досторума жеңүүгө убада бергем. Мен убадамда турдум” деп баяндаган интервьюсунда.
Ошентип, Султан техникалык нокаут менен утушка ээ болуп, континенттер аралык чемпион болуп калат.
Бул жеңишинен кийин Султан дагы бир канча ирет рингге аттуу-баштуулар менен чыгып, жеңишти эч бирөөсүнө тарттыра койбой келе жатат.

Даярдаган Канымжан Усупбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: