Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТYНКY КЛУБДАРДАГЫ ТЫНЧЫ ЖОК ЖАШОО

№345 12-18-июнь, 2009-ж.


Илгери кыргыздын жаштары түнкүсүн ай нурунда ак чөлмөк ойноп, селкинчек тээп, жаштыктын кызыгына батышса, азыр түнкү клубдарда көңүл ачышат. Аларга кошулуп биз дагы баш калаадагы «Platinum» түнкү клубуна барып көңүл ачып, аны менен катар бүгүнкү күндүн жаштарынын чыныгы жашоосуна байкоо жүргүздүк.

Face control

Клубдун кире беришинде турган текшерүүчү, кайтаруучулар азыр жаңылык болбой калган. Эки жагына эңгезердей эки коопсуздук кызматкерин койгон татынакай айым кыздардан 300 сом, балдардан 600 сом акы алып, колдоруна мөөр басып жатты (шайлоого барганда коюлуучу мөөрдү элестетсеңиз болот). “Акча тартыш, жакырчылык” дегенибиз менен, эс алууга келгендердин кезеги сыртка чейин чубалып турду. Андан сырткары, face control (клубдарда азыр баштагыдай футболка, чолок шым же кроссовка менен кире берүү деген жок. Спорттук кийимчен келген кардарларга көпчүлүк клубдарда эшик жабык) өңдүү текшерүүдөн өттүк. Азырынча мындай текшерүүлөр элиталык клубдардан гана байкалат.

Биз “периштедей ак кечеге” туш болуптурбуз. Эреже боюнча бул күнү клубдун кардарлары баштан-аяк ак кийинип келүүлөрү керек экен. Бирок кыргызчылыгыбы же башкасыбы, айтор, эрежени сактабаган кардарлар көп эле учурады. “Мунун деле себеби бар” дешет клубдун кызматкерлери. Атайын даярданып кийинип келгендер – клубдун туруктуу кардарлары, калганы – кафе-ресторандарда саат 12ге чейин эс алып, анан банкеттин уланышын каалап келгендер экен. Ошентип, клубда бизди тамекинин ачуу түтүнү менен кулакты жарган музыка тосуп алды.

Баары бийге!

Клубга жаштар бийлеп, таанышып, көңүл ачканы келишет эмеспи. Ошентсе да бий аянтчасында алка-шалка терге түшүп, тынымсыз бийлеп жаткандарды көрүп, эрксизден жылмаясың. Анан да шиш такалуу бут кийимчен кыздарыбыздын секиргенин айтпа! Ушинтип секирип жатып, клубдун жылмакай полунан тайгаланып, колу-бутун кокустатып алгандар да болот экен. Андан да берилүү менен бийлеп жатып, эс-учун жоготуп койгондор да аз эмес. Мындай учурларда эс алдыруучу жайлар деле жок. Болгону, коопсуздук кызматкерлери жардамга келишет. Бий демекчи, клубга коюлуучу музыкаларда өзгөчөлүктөр бар. Тагыраак айтканда, кадимки ырчылардын ырлары коюлбайт.

Клубга жараша музыка

Негизи, клубдарга арналып, атайын бийге ылайыктуу ритмдүү музыкалар жазылат. Көбүнчө саат 11ден 12ге чейин “ланч-мюзик” коюлат. Бул – кардарлар бири-бири менен жакындан таанышып алуу үчүн коюлуучу жайыраак музыка. Андан соң “хаус­” стилиндеги музыка башталат. Башкача айтканда, конокторду бийге азгыруучу музыка. Андан кийин “оор хаус” музыкалар коюлат. Бул кызып турган канды ого бетер оргуштатып, кызытат. Кээ бир клубдар өздөрүнүн өзгөчөлүгү, багыты (жаштарга, орто жаштагыларга, гейлерге жана жалаң кыздарга арналган клубдар) боюнча музыка коюшат. Мисалы, “Ретро-Метродо” дайыма 80-жылдардагы хиттер жаңырат. “Ош” базарда тынымсыз жаңырып туруучу “Ай, жеңелер” өңдүү ырлар клубдагы ди-джейлердин түшүнө да кирбесе керек.

23 миң сомдук шампанга кол жууп...

Кечки клубда тамак-аш көп желе бербейт. Ошондуктан менюдан каалаган тамагыңды таба албайсың. Ал эми ичимдиктерге сөз жок. Виски, коньяк, самбуко – жандандыруучу суусундуктар ченемсиз көп ичилет. Анан да клубда баалар асмандын башында. Жөнөкөй гана мисал, 1 литр кола 150 сом турат.

Көңүл ачкандарды карап отуруп, залга кирген кара терилүү эки конокко назарыбыз бурулду. Алардын бере турган заказын официант айттырбай эле билет окшойт. Эми гана орун алып жайгашканда, “Dom perignon” шампанын көтөрүп жетип келди. Алар шампан атып, тост айтардан мурун ичимдикке кол жууп киришти. Андан соң гана экинчи шампанды ачып, бокалдарга куюшту. Алар заказ кылган шампандын бирөөсү эле 23 миң сом турарын угуп алып, “вау, мына сага эс алуу! ” деп койдук.

Кульминациялык учур

Кульминациялык учур түнкү саат 01.30дан өтүп башталды. Жарым жылаңач болуп, элди кызытып бийлеп жаткан кыздар ого бетер жанданышып, эми көптөн күткөн шоу-программа башталды. Негизи, шоу-программалар күн сайын ар кандай тематикада даярдалат. Биз башта айткандай, “периштедей ак түндөр” кечесине туш болуптурбуз. Ортого түшүп бийлеген атайын бийчи кыздардын кыймыл-аракеттери “мен эркекмин” дегендерди каратпай койбочудай.

Биз барган клубда арт-директор болуп бардык шоу-программаларды уюштуруучу кызматын аткарган ырчы Микаэль эрди-эрдине тийбей сүйлөп, болушунча элди жандандырып жатты. Ырчы жигитибиздин уюштурган программалары да өзүнүн стилиндей өзгөчө экени байкалып турду. Биз күрүгүүгө толгон залдан Микаэлди четке чыгарып, кепке тарттык.

Микаэль: «АКЧАНЫ ЖАКШЫ ТӨЛӨШӨТ»

– Микаэль, кандайча бул клубда иштеп калдың?
– Акчасын жакшы төлөшөт, ошол үчүн иштеп калдым. Анын үстүнө, “золотая молодёжь” келип эс алгандыктан, элиталык клубдардын катарына кирет. Клуб ачылганда мени бул жердин кожоюну чакырган. Алгач кардарлар аз болот эмеспи. Бирок кызыктуу шоу-программаларды уюштуруп, сапаттуу музыка менен кардарлардын санын көбөйттүк.
– Кандай ыңгайсыздыктар бар?
–Көп эле ыңгайсыздыктар болот. Биринчиден, бизде көбүнчө клубдар атайлап фундаменттен баштап салынбайт. Ошол себептен залдын ичиндеги абаны соруп тазалап туруучу “вытяжка” жок, тамекинин түтүндөрү уюп калып жатпайбы. Дубалдар да үн изоляциясы менен курулушу керек. Көпчүлүк клубдарда изоляция жок.
– Шоу-программалар ачык кийинген бийчи кыздарсыз өтпөйт эмеспи. Аларга кардарлар тийишсе кантесиңер?
– Андайлар болбой койбойт. Бирок клубда 12ден кем эмес коопсуздук кызматкерлери тартипти карап турушат.
– Кайсы күндөрү кардар көп болот?
– Өзгөчө кирешелүү күндөр – жума жана ишемби. 400-500 адамдай келет. Калган күндөрү 150-200дүн тегерегинде кардар болот.
– Шоу-программалардын идеясы сага тиешелүүбү?
– Ар кандай идеяларды ойлоп таап, шоулорду кызыктуу жасаганга аракет кылабыз. Мисалы, эртең жалаң клуб сүйүүчүлөрүнүн кечеси болот. Дагы бир күнү сүйүшкөндөр үчүн. Айтор, фантазияга жараша. Анан залдын кооздолушу, бийчи кыздарыбыздын кийингенине чейин каралат. Өзүбүздүн бийчи кыздарыбыздан сырткары, бийчи, чоорчу конокторду чакырып турабыз. Алардын бир сахнага чыгуусу 1000 сомдон кем эмес.

Ди-джейлер керең болуп калуудан коркушабы?

Микаэль менен маегибиз бүткөн соң ушунча элди бийлетип, башкарып турган клубдун “падышасы”, ди-джей Ярослав менен маектештик.
– Ярослав, бул жерде канча жылдан бери иштейсиң?
– Клуб ачылгандан бери иштейм. Бирок буга чейин башка клубдарда иштеп такшалып калгам.
– Кулак жарган музыкадан тажасаң керек...
– Негизи, катуу коюлган музыкадан өзүм ырахат алам. Анан кулактарыбыздын тарсылдактарын аяп, наушник тагынып алабыз. Ал үндү кичине басаңыраак угузат эмеспи. Катуу коюлган музыканы күндө уга берип, керең болуп каламбы деп да корком.
– Эмгек акың канча, сыр болбосо?
– Күнүнө 1800 сомдой табам.
– Жабык кечелерде өзгөчө музыкалар талап кылынса керек...
– Негизи, жабык кечелер алдын-ала уюшулат. Кардарларга кандай стилдеги музыка керек болсо, ошону коюшубуз керек.
Таңга маал акыркы кардарлар клубдан темтеңдей басып чыгып кетишти. Биз да өз жолубузга түштүк. Бирок эс албай эле бирөө жанчып салгандай талыкшый, чарчап бараттык.

Баш калаабыздагы клубдар

Жалпы багыттагы клубдар:
“Citу”, “Ibiza”, “Golden Bull”, “Monarch”, “The Heaven”;
Диско-Клубдар:
“Арбат”, “Apple” “Five Stars”, “Фараон”, “Эпицентр”;
Рок-клубдар:
“Teguila Blues”, “Promzona”, “Zeppelin”.
Көпчүлүк клубдардын орточо кирүү баасы 300 сомдон башталат. Ал эми майрам күндөрү 100 доллардан кем болбойт. Көпчүлүк түнкү клубдарда кыздарга кирүү акысы эркектерден 50 пайызга арзан.

Бахияна Сатылганова,
Акбар Токшумаков
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: