Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ЗАМАН ЖАҢЫ – ЭЛ ЖАҢЫ»

№345 12-18-июнь, 2009-ж.


Президенттик шайлоо жакындаган сайын жарышка түшкөндөрдүн штабдарында иш кызып турган кези. Бийлик тарап “биз жакшы иштеп жатабыз, элдин жашоо­су оңолуу жолунда, эл бизди шайлайт” десе, оппозиция тарап “биз жаңы идея, жаңы лидер менен келе жатабыз, эл бизди колдойт” деп күүлөнүүдө. БЭКтин шайлоого даярдык көрүү боюнча штабынын жетекчиси, ЖКнын депутаты, СДПК фракциясынын жетекчиси Бакыт Бешимов жана штабдын бир катар мүчөлөрү биз менен байланышып, даярдыктары тууралуу кеп салып беришти.

Бакыт Бешимов:

«Кыргыз эли 18 жылдан бери жаңыланууну күтүп жатат»

– Бакыт мырза, саламатсызбы. Президенттик шайлоо жакындап келе жатат. БЭКтин штабынын шайлоого даярдыгы кандай? Шайлоо программасы даярбы? Негизги идея эмне болмокчу?
– Стратегиялык идеябызды 18-июндан тартып элге сунуштайбыз. Урматтуу мекендештерибизге мен толук ишенем. Алар биздин идеябызды жүрөгү, акылы менен кабыл алышат. Анткени биздин идеябызды элдин идеясы деп эсептейм. Негизги урааныбыз “Заман жаңы – эл жаңы” болот. Эмне себептен? Анткени коомубуз жаңыланышы керек. Адамдарыбыз башкача, бири-бирибизге өтө мээримдүү мамиледе болушубуз керек. Менин каалоом, кыргызстандыктар баарыбыз бир идеянын алдында биригип туруп, жаңылануу жолунда турмушту баштасак. Биз азыркы күндө жалганчы саясатчылардан тажадык, коррупциячыларга тойдук, уурулукту жок кылууга убакыт келди. Биз Кыргызстандын коому таза болуусун тилейбиз. Жалпы эл да дал ушуну күтүп жатат. Кыргызстандын көз карандысыз мамлекет болгонунан бери 18 жыл өттү. 18 жылдан бери ар бир кыргызстандыктын жүрөгүндө “качан биз таза коом болобуз? Качан биз бири-бирибиз жөнүндө адамгерчиликтин негизинде гана ойлонобуз?” деген суроо турат. Ошондуктан биздин максат жөнөкөй эле бирөөнү президенттикке алып баруу эмес. Коомубузду, элибизди жакшылыкка чакыралы деген ой менен шайлоого баратабыз. А.Акаев, К.Бакиевдер тарыхта калышсын. Болду, алардын заманы өттү. Биз Кыргызстандын соңку тарыхында жаңы баракча ачышыбыз керек.
– БЭК экономиканы көтөрүү, өндүрүштү өнүктүрүү багытында кандай программаларды иштеп чыгат?
– Эң биринчиден, Кыргызстандын байлыгы Кыргызстандыкы бойдон калыш керек. “Бала төрөп эне болом” деген жаш айым “кантип багып алам, баламдын келечеги кандай болот?” деп ойлонбосун, чечкиндүү эле “мекеним, коомум ошол баланын камын көрөт” деген ойдо болсун дейбиз. Жогорку билими бар такси айдоочулар “качанга чейин өз кесибим менен иштей албайм” деп ойлонбош керек. Биз кесиби бар адамдарды татыктуу жумуш орундары менен камсыз болсун дейбиз. Мектеп окуучулары базарларда араба тартып иштебестен, билим алсын, ата-энеси балдарын татыктуу бага алсын деп ойлойбуз. Дыйкандарыбыз кылган мээнетинин пайдасын алсын, мамлекет колдоо көрсөтүп, кам көрсүн деген пикирдебиз. ЖОЖдордогу студенттерибиз “экзаменге кайдан акча таап берем?” деп ойлонбош керек. Караңыздар, биздин экономикалык көз карашыбыз, жөнөкөй адамдын кызыкчылыгына багытталган. Ошол карапайым адамдын маселеси чечилсин дейбиз. Муну чечкенге биздин күчүбүз жетет.
– Сиз шайлоо өткөрүү боюн­ча штабдын жетекчиси катары шайлоонун таза өтөрүнө ишене­сизби?
– Бийлик эч качан таза шайлоого барбайт. Анткени ажонун 2005-жылы шайлоо алдында берген убадаларынын бирөөсү да аткарылган эмес. Азыр элдин басымдуу бөлүгү учурдагы бийликти колдобойт. Болду, токтотсун. Канча жылдан бери өлкөнү үйбүлөлүк кландын башкаруусу тажатып бүттү. Бизде шайлоонун таза өтпөшүн алдын-ала билдирген эсепсиз фактылар бар. Добуштар бурмаланып, элдин укугу тебеленери анык.
– “Таза өтпөйт” дейсиз. Анда БЭКтин кадамы кандай болот, өз добуштарыңыздарды кантип кор­гойсуздар?
– Мен Кыргызстандын ар бир жараны келе жаткан шайлоого жооп­кер­чиликтүү мамиле жасайт деп ишенем. Ошол эле учурда ар бир адам өзүнүн кадыр-баркын, укугун тебелетпейт деп ойлойм. Элдин укугун коргоого көмөк көрсөтүүгө биз даярбыз. Учурда бийлик админстративдик ресурстарды колдонуу жолу менен бизге тоскоолдуктарды кылууда. Ошондуктан биз бүтүн мүмкүнчүлүгүбүздү колдонуп, элдин добушун уурдатпоого аракет кылабыз. Бийликтин бул аракеттерин токтотуу максатында биздин штаб Кыргызстандагы эл аралык уюмдардын өкүлчүлүктөрү менен да тыгыз иштеп жатат. Алар да шайлоодо байкоочу катары көз салышып, өз бааларын беришет. Эгер расмий кыргыз бийлиги эл аралык коомчулуктун астында өз абийрин төккүсү келбесе, добуштарды бурмалоого барбаса керек.
Мен 1-2 күндүн ичинде азыркы президент К.Бакиев президенттик жаңы шайлоо башталганга чейин сая­сый партиялардагы жана уюмдардагы өз ишин токтото турушу керекпи же жокпу – ушул маселени чечип берүүнү өтүнүп, Конституциялык сотко расмий түрдө кайрылам.

Улан Орозалиев, штабдын мүчөсү:

«Басмайылдын кысканын
жигит билбейт, ат билет.
Эр жигиттин мыктысын
жакын билбейт, жат билет»

– Улан мырза, саламатсызбы. Шайлоого даярдыктар кандай жү­рүп жатат, элдин маанайы кандай?
– Мен акыркы бир жуманын ичинде Ысык-Көл, Жумгал, Кочкордо болуп келдим. Эл коом алдында өз пикирин ачык айтпаса да, бетме-бет сүйлөшкөндө учурдагы бийликке нааразы экендигин байкаса болот. Бийлик “көл окуясын” экинчи жолу кайталады. Бийликтин бул кадамын көлдүн элин мазактап-шылдыңдап жатканы деп эсептейм. Эл келе жаткан шайлоого барат, өз добушун берет. Бирок ошол добуштарды бурмалатпастан, ачык-айкын эсептөө керек. Ал эми учурдагы шайлоо технологиясы мурдагы А.Акаевдин убагындагыдай эле. Болгону, бир артыкчылыгы бар. Буларга криминал кошулду. Мунун аягы эмне менен бүтөт? Артын ойлогон киши жоктой. Бийликтин түбүнө криминал жетет деп ойлойм. Кыргыз эли менен ойногонго болбойт. Эл бир силкинсе аягы жаман болот. Муну бийликтегилер такыр эле түшүнбөй коюшту. Ошондуктан учурдагы бийлик келечегин ойлосо, Көлдөгү окуяларды кайталабашы керек. Шайлоону таза өткөрүүгө оппозиция эмес, бийлик өзү кызыкдар болушу керек. Анткени 23-июлдан кийин эле Кыргызстандын тарыхы токтоп калбайт. Кыргыз эли дагы канчалаган кылымдарды карытат. Түндүк-түштүк болуп бө­лүнүүнү да күчөтпөй, тескерисинче жоюуга аракет кылуу керек. Элди бөлгөн жакшылыкка алып келбейт. Биримдик керек. Биз ушул идеяларды көтөрүп жатабыз.
Кыргызда “Басмайылдын кысканын жигит билбейт, ат билет. Эр жигиттин мыктысын жакын билбейт, жат билет”,- деген жакшы макал бар. Бүгүн кыргыз эли добушун кимге берерин жакшы билет. Ошондуктан добуштар бурмаланган күндө дагы шайлоочуларыбыз менен чогуу өз укугубузду коргогонго аракет кылабыз.


Жыргалбек Турдукожоев, штабдын өкүлү:

«Жаштардын учурдагы тилеги – жаңылануу, өзгөрүү»

– Жыргалбек мырза, шайлоо алдында жаштардын көз карашы кандай? Жаңы шайлана турган президенттен жаштардын күткөнү эмне?
– Жаңыланууну жана жаңы заманды колдогон жаштарыбыздын маанайы жакшы. Жаштардын учурдагы эңсегени – жаңылануу болсун, жаңы адам келсин, жаңыча сапаттуу жакшы өзгөрүүлөр болсун деген тилек. Алардын каалоосу – татыктуу жашоо. Жаштар жаңы көз караш күтүп жатышат. Жаңы көз караш жаңы президент менен гана келиши мүмкүн. Алар Европада жашагыбыз келет деген жок. Ошол батыштын жашоо деңгээлин Кыргызстанда жаратууну күтүп жатышат. Жаштарыбыз чет өлкөгө барып жашайбыз деген жок. Ушул жерде төрөлүп, ушул жерде жашап, ушул жерде бул дүйнө менен кош айтышууну самап турат. Канчалаган жаштарыбыз учурда жумуш издеп өз карынын, бала-чакасын багам деп чет өлкөдө тентип жүрөт. Кыргыз бийлиги ишке жарамдуу жаштарыбызды тентитпей, аларга татыктуу иш орундарын камсыздап берүүгө милдеттүү. Биздин штаб ушул көйгөйлүү маселелерди жоюу максатында өзүнүн концепциясын иштеп жатат. Муну биз 18-июлдан тарта элибизге жарыялайбыз.
Балдарыбыз, жаштарыбыз мамлектибиздин келечеги баарынан маанилүү. Ошол үчүн биз биринчи кезекте, жаштарыбызга татыктуу келечек түзүп берүүгө милдеттүүбүз. Менин ишеничим, жаштарыбыз биздин жаңы идеяны колдоп, өлкөдө жакында боло турган жаңыланууга өз салымдарын кошот. Ошондуктан жаштар жаңылануу стратегиясын колдоп жатышат.
– Маегиңерге чоң рахмат.

Ринат Акматов
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: