Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАРЫЗДЫН АЙЫНАН АТЫЛГАН ОК АДАМ ӨМҮРҮН КЫЙДЫ

№540 8-14-март, 2013-ж


Кыш мезгилинин акыркы күндөрүндө борбор калаабыздын Түштүк дарбаза аталган аймагындагы сейил бакта атышуу болгон. Бир жигит башына тийген октон каза болсо, дагы бирөөсүнүн бутуна ок тийип, ооруканага жеткирилген.

ЧАК ТҮШТӨГҮ АТЫШУУ
Ушул жылдын февраль айынын 27синде болжол менен саат 16ларда Бишкектин Түштүк дарбазасындагы сейил бакта атышуу болгон. Милиция кызматкерлеринин айтымында, «разборканын» келип чыгышына 9 миң доллар карыз себепчи экен. Карыз берген жана алган адамдар чырды чечишип алуу үчүн борбордун четиндеги эс алуу багында жолугушкан. Аласа-бересеси барлар жолугушууга «жан-жөкөрлөрүн» кошо ээрчите келишип, эки тарапта тең жандарында куралдар болгон. Чырды тынч жол менен чечүү ишке ашпай, курал колдонууга келип жеткен.
Окуя болгон жерге барган күчөтүлгөн милиция тобу «разборканын» бир нече катышуучусун кармаган. Криминалисттер Макаров үлгүсүндөгү тапанчанын бир нече гильзаларын табышкан. Ошондой эле тартип сакчылары тарабынан каза болгон жигиттин өздүгү аныкталып, ал Таш-Көмүр шаарында туулган 32 жаштагы Мирлан Жоробаев аттуу жигит болсо, ал эми бутуна ок тийип ооруканага жеткирилген Аксы районунун тургуну 23 жаштагы Ислам Атабеков болуп чыккан.

ШЕКТҮҮЛӨРДҮН БИРИ КАРМАЛЫП, ЭКИНЧИСИ ИЗДӨӨДӨ
Бул кылмышка 4 адам шектелип, алардын экөөнүн өздүгү аныкталган. Жеке ишкердик менен алектенген (үстөгү менен карызга акча берет) Кочкор-Ата шаарында төрөлгөн 41 жаштагы Касымбек Эргешов жана дагы экөө издөөдө болсо, Ош шаарында туулган 35 жаштагы Жеңиш Дооталиев көп өтпөй колго түшүрүлүп камакка алынган. Иликтөө учурунда ал кылмышын мойнуна алып, Стечкин тапанчасын октору менен өткөрүп берген. Мындан сырткары мушташтын дагы бир катышуучусу 33 жаштагы Мирдин Батырбеков деген жигиттен уруксат документтери бар Форт-12 үлгүсүндөгү травматикалык тапанча табылып, тартылып алынган.
Суралган күбөлөрдүн көрсөтмөлөрү азырынча түрдүүчө чыгууда. Жабырлануучу тараптын айтымы боюнча окуя төмөнкүчө болгон. Жабырлануучу тараптын бирине Касымбек Эргешов 9 миң доллар акча карыз болгон. Ал бир нече досторун чогултат да, карызын дооламакка Бишкек шаарынын Совет-Медеров көчөлөрүнүн кесилишиндеги дүкөндүн ичинде жайгашкан Касымбектин кеңсесине келишет. Бирок кеңседен Эргешовду таппай, телефонуна чалышканда ал Түштүк дарбазадагы эс алуу багында жолугууга чакырат. Аталган аймакка жабырлануучу достору менен барса, Эргешовдун жанында да өзүнүн кишилери болгон. Сүйлөшүү учурунда эки тараптын ортосунда чыр чыгып, Эргешов тараптан бирөөсү жанындагы тапанчадан ок чыгарган. Андан соң алар 2 машинага отуруп изин суутуп кетишкен.

«МЕН КОРГОНГОМ»
Кылмышка шектелип кармалган ЖЕҢИШ ДООТАЛИЕВ «жабырлануучу тараптын куралын тартып алып аткам» деп билдирүүдө
– Мен аларды тааныбайм. Алар дүкөнгө келип коркутушуп, агам экөөбүздү телефон чалып чакырышты. Биз чечишип алуу үчүн жолугушууга бардык. Бизди көпчүлүк болуп сабап киришти. Анан агамды атып жиберишти эле, ал жыгылып калды. Мен коргонуп жатып, балдардын биринин тапанчасын тартып алып, бир нече жолу атып жибердим. Бирөөсүнүн башына ок тийгендей болду, анан мен качып кеттим.
Ал эми бутуна ок тийип жаракат алган Ислам Атабеков учурда Бишкек шаардык Травматология жана ортопедия илимий изилдөө борборунда дарыланууда. Ага жолугуп, окуя кандай болгондугун сураганыбызда ал «ошол күнкү окуяны эстегим да келбейт» деп айтып берүүдөн баш тартты.

«БАШКЫ ШЕКТҮҮ КАРМАЛА ЭЛЕК»
Бишкек ШИИББинин маалымат кызматынын кызматкери ОЛЖОБАЙ КАЗАБАЕВ бул окуя боюнча төмөнкүлөрдү билдирди:
– Бул факт боюнча Кылмыш жана жаза кодексинин 97-беренеси боюнча кылмыш иши козголду. Шектүү делинип 1978-жылы Ош шаарында туулган Жеңиш Дооталиев аттуу жаран колго түшүрүлдү. Ал кылмышын мойнуна алып, 16 огу менен АПС үлгүсүндөгү тапанчаны өзү өткөрүп берди. Табылган гильзалар жана канга боёлгон чүпүрөктөргө карата соттук-баллистикалык жана соттук-биологиялык экспертизалар дайындалган. Учурда кылмышка шектелип кармалган Бишкек ШИИББинин убактылуу кармоочу жайына киргизилип, калган катышуучуларды издөө, кармоо иш-чаралары жүрүп жатат.


ЖАЛАЛ-АБАДДА КРИМАВТОРИТЕТТИ АТЫП КЕТИШТИ
Бул атышуудан көп өтпөй Жалал-Абад шаарында Боке каймана аттуу кримавторитет Болот Маматов атып өлтүрүлдү.
5-март күнү саат күндүзгү 12лер чамасында Жалал-Абад шаарынын Могол көчөсүндөгү үйүнөн чыгып баратканда аны белгисиз адамдар атып кетишкен. Төшүнө 2 ок тийген Болот Маматов ооруканага жеткирилип, өзүнө келбей каза болгон. Ал Макаров тапанчасынан атылган октон каза болгондугу аныкталган. Болот Маматов кримавторитет жана уюшкан кылмыш тобунун мүчөсү катары каттоодо турган. ИИМдин маалымат кызматынын кызматкери Таалайбек Суусунбаевдин айтымында, 38 жаштагы Болот Маматов 2010-жылы кылмыш дүйнөсүнөн четтеп кеткен экен. Бирок кээ бир маалыматтарга караганда, ал жакында эле өзүн Жалал-Абад облусунун «положенеци» кылып шайлап алган. Бул факт боюнча Кылмыш жана жаза кодексинин 97-беренеси (киши өлтүрүү) боюнча кылмыш иши козголуп, учурда Жалал-Абад шаардык жана облустук ИИБинин кызматкерлери тарабынан кылмышкерлерди издөө иштери жүрүп жатат.

Негизи эле мындай ок атышуу менен коштолгон чыр-чатак өлкөбүздө көп кайталанууда. ИИМдин билдиришинче, 2010-жылкы Апрель, Июнь окуяларында жоголгон куралдардын жарымы али кайтарыла элек. Бул куралдар кээ бир кылмыштарга колдонулган учурлар да бар. Мындан башка да кылмыш топторунун мүчөлөрүнүн колдорунда курал бар экендигин эске алсак, өлкөбүз кадимки Сицилия жыттанып калбаса экен деп чочуйсуң.

МААЛЫМАТ ҮЧҮН
Стечкиндин автоматтык тапанчасы (АПС), калибри 9 миллиметр. АПС согуш аракеттерине түздөн-түз катышкан офицерлерди жана кээ бир атайын бөлүктөрдүн сержанттарын куралдандырууга багышталган. Аны «чёрный рыноктон» табуу да оңойго турбайт. Тапанча 2010-жылдагы Апрель окуясында
жоголгондордун катарында болушу мүмкүн.

Нурбек Абдыкадыров
koom@super.kg


Карыздын айынан атылган ок адам өмүрүн кыйды

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(4)
Super TV
10.03.2013. 14:25 
Тайпасы:
Кыймылы жок
Комментарийлердин саны:
4
Катталган:
20-01-2013
Соӊку аракети:
26-09-2014 17:12
Жынысы:
Белгисиз
0
крим инфонун балдарыго чакалайдын чак тушундо атышса деги заман кайда баратат Адам омуру оюнчук болуп калдыбы?
11.03.2013. 19:40 
Тайпасы:
Жаран
Комментарийлердин саны:
126
Катталган:
10-11-2012
Соӊку аракети:
10-06-2018 22:29
Жынысы:
Белгисиз
Калаасы:
Кыргызстан.
0
90чу жылдан ото елек екенбиз биз али,россиядан 23жыл артта калыппыз!
11.03.2013. 22:10 
Тайпасы:
Кыймылы жок
Комментарийлердин саны:
27
Катталган:
27-01-2012
Соӊку аракети:
08-11-2015 06:53
Жынысы:
Белгисиз
Калаасы:
moscow
0
23 жыл Орусиядан аркадабыз, Грециядан 3 кылым аркадабыз... Бирок орустарда да кримчойронун авторитеттерин атып тынышты го, 3 сун атып ташташты
12.03.2013. 05:55 
Тайпасы:
Тартип бузгандар
Комментарийлердин саны:
122
Катталган:
15-09-2009
Соӊку аракети:
15-12-2013 17:06
Жынысы:
Белгисиз
Калаасы:
Бишкек
0
Бирин олуп бирин кал !!!
Тынчыраак жашайт элибиз эч кандай криминалы жок
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: