Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЛИШЕР ТООТАЕВ

№346 19-25-июнь, 2009-ж.


“Жашоо, турмуш өзгөрүлөт турбайбы, жаштыгымда ойлобопмун мындайды...” деген ырды уксаңыз керек. Бул ыр таланттуу жигит Алишер Тоотаевге таандык. “Бишкекке көп келбегендиктен, сиздер менен байланыша албай жүрчү элем. Эми биротоло көчүп келдим”, - дейт Алишер биз менен болгон маекте.

– Алишер мырза, кош келипсиз.
– Сиздер менен аманчылыкта жүз көрүшүп жатканыма кубанычтамын.
– Алишер, айтсаңыз, ыр дүйнө­сүнө кантип аралашып калгансыз?
– Мектепте окуп жүргөндө эмнегедир эл алдына чыгып ырдоодон уялчумун. 9-классты аяктаганда атам “балам, сенин талантың бар. Ошол талантты катпай, чыгар” деп Оштогу Музыкалык окуу жайга тапшыртты. Ошентип, окуп калдым. Студент кезде ата-энемди сагынып, куса болуп отуруп, “Ата-эне” деген ырымды жазгам. Сөзүн жазсам эле обону өзү чыгып калбаспы. Ошондо музыка дүйнөсүнүн керемет экенин сезгем.
– Ыр жазсаңыз, акын турбайсызбы. Акындар учурдагы ырчылардын ырын катыра сындашат го...
– Өзүмдү толук кандуу акынмын деп эсептебейм. Азыркы ырлар боюнча айтсам, албетте, арасында жакшы ырлар бар. Ошону менен биргеликте котормолор да толтура болуп жатпайбы. Биз, ырчылар, кыргыз маданиятына аз да болсо салым кошушубуз керек. Элдик музыкабызды унутуп, Европаны туурап жатканыбыз, менимче, туура эмес.
– Сизге көбүнчө илхам кандай учурда келет?
– Абдан жакшы суроо экен. Мага илхам ар кандай учурда келет. Мисалы, “Ачып койчу эшигиң” деген ырым автобус менен айылга баратканда жаралган. Бирөөдөн калем сурап, текстин гезиттин бетине эле чиймелеп жазып салгам. “Балалыкты” балалыгымды сагынганда жазгам. Негизи, ыр жүрөктөн жаралат. Кээде түшүмдө да ыр жазып, обон чыгарам. Ошол убакта ойгонуп, жазганга үлгүрөм.
– Сиздин ырларыңызда кө­бүнчө балалык, жашоо, турмуш баяндалат. Эмнеге сүйүү темасына кайрылбайсыз?
– Сүйүүнүн көп түрү бар. Ошонун эң ыйыгы, өзгөчөсү – аял-эркек сүйүүсү. Сүйүү жөнүндө не бир керемет саптарды, чыгармаларды залкар инсандар жазып кеткен. Ошолордой сүйүүнү даңазалаш кыйын. Ошондуктан сүйүүнү жайына койдум.
Өзүңүз сүйүүгө кабылдыңыз беле?
– Ооба, үйдүн кенжетайы болгондуктан, эрке болбосом да өз сөзүмдү берчү эмес элем. Эч кимдин айтканын укпай сүйүп жүрүп, Мырзаке айылынын сулуусу Калимага үйлөнгөм. Анда 20да болчумун. Учурда, Кудайга шүгүр, Перизада аттуу 5 жаштагы кызым, Акжол аттуу уулум бар. Уулум 1,5 жашка чыкты.
– Башка ырчылар сизден ыр сураган учур болду беле?
– Бир жолу Борончу Кудайбергенов агабыз “Күтүшкөн күн­дөр” деген ырымды “мага жак­ты, ырдап жүрөйүн, бербейсиңби?” деп сураганынан бердим. Кайран Бокем, дисктерге, радиолорго “өзүмдүкү” деп чыгарып жибериптир. Анан “ээ, Боке, бул кылганыңыз эмне? Сизден сураныч, радиолордон алыңыз” деп, өзүм чуркап жүрүп, бардык радиолордон алдыргам.
– Ырчылыктан сырткары эмне менен алектенесиз?
– Кээде той-топурларга чакыруу алам дегендей. Жаңырган жылдан бери ЭлТР телеканалында алпаруучу болуп иштөөдөмүн.
– Кантип журналист болуп калдыңыз?
– ЭлТРдин журналисттери маекте­шүүгө чакыргандыктан, баргам. Мурдагы директору Мамырайым агай чакырып, “бизге иштебейсиңби?” деп калды эле, макул болдум. “Алтынчы күнү кечинде”, “Талант таңшыйт” программаларын алпарам. Жакында “Музыкалык саат” программасын алпарышым мүмкүн.
– Борборго келишиңизге эмне түрткү болду? Үйдүн кичүүсү болсоңуз, үйдө калышыңыз керек да....
– Биринчи себеби, борбордон үй алдым, экинчи себеби, биртууганымдай көргөн агам Бек Борбиевдин да айтканын уктум.
– Эмне, Бек байке сизге колдоо көрсөтөбү? Дегеле, чыгармачы­лыгыңызга ким демөөрчү?
– Бек агам жөнөкөй, адамгерч­иликтүү, талантты сыйлаган инсан. Ага-инидей болуп мамилебиз жакшы. Мага моралдык колдоо көрсөткөндөргө Бек Борбиевди, ЭлТРдин башкы директору Нурланбек Шакиевди кошсом болот. Албетте, ата-энемди, биртуугандарымды, ырымды сүйгөн кыргыз элимди, жердеш агаларымды да айтпасам болбос.
– Чыгармачылыгыңызды колдогондор, ырларыңызды сүйүп уккандар көбөйө берсин деп маекти аягына чыгаралы.

  • Тоотаев Алишер Теңизбаевич 1982-жылы 4-майда Ош облусунун Кара-Кулжа районундагы Ылай-Талаа айылында төрөлгөн.
  • Үйбүлөдө – 10 биртуугандын кичүүсү.
  • Учурда – жеке ырчы жана ЭлТР телеканалынын алпаруучусу.
  • Оштогу Ниязалы атындагы Музыкалык окуу жайды жана ОшМУнун финансы жана кредит факультетин бүтүргөн.
  • Эки баланын атасы.
  • Репертуарындагы ырлары – “Күтүшкөн күндөр”, “Балалык”, “Ачык койчу эшигиң” ж.б.


Алия

Мирбек Атабековдун “Күндөр жаңырат” клибин көрбөгөн жан болбосо керек. Мына ошол клиптеги бир жигитти сыртынан сүйүп, так секирген секелек кыз, «Супер TV» теледолбоорунун алпаруучусу – Алия. “Клиптеги Алия менен жашоодогу Алиянын айырмасы кандай?” дегенге төмөндөн жооп аласыз.

– Алия сулуу, өзүң жөнүндө эки ооз кеп...
– “Сулуу” деп мени кубантып салдыңыз го. Өзүм жөнүндө айтсам, мен көп нерсеге умтулган, ачык мүнөздөгү кыялкеч кызмын. Учурда студентмин. Ошону менен биргеликте “СуперTVда” алпаруучулукту аркалайм.
– Алпаруучу болсоң, кесибиң журналистпи?
– Жок. Кыргыз Техникалык университетинин транспорт жана машина куруу факультетинде 1-курста окуйм. Кичинемде эле эркек балдар менен көп ойночумун. Ошондуктан ушул кесипти тандап калгам.
– Анда алпаруучулук – хоббиң турбайбы?
– Ошондой десем да болот. Негизи, менин хоббим – кийим тигүү. Кечеге барчу кийимдерди өзүм эле тигип алам.
– Демек, мыкты тигүүчү экенсиң да. Алпаруучулукка кантип келип калгансың?
– Үйдө телевизор көрүп отургам. Титрдан “алпаруучулукка кастинг жарыялайбыз” деген жарнаманы көрүп, кызыгып калдым да, телефон чалдым. Чалсам, келип кастингге катышуумду айтышты. Барсам, “сүйлөп көрчү” дешти эле коркуп кетип “кыргызчабы?” десем, “орусча алпарасың” дешти. Мен кыргызча түшүнөм, бирок өз деңгээлинде сүйлөй албайм. Карасам, сиздердин гезит турган экен. Андагы шоу-бизнес жаңылыктары дегенди окудум да, ошону айтып бердим. Андан кийин видеопробадан өттүм. Мына ошентип иштеп калдым.
– “Кастингден өтпөй калам” деген жок­суңбу?
– Бир аз корктум. Бою узун кыздар келгенин көрүп, “ий, мени алышпайт го” дегем. А фотопробадан оңой өтөрүмдү билгенмин. Себеби бир учурда фотограф да болуп иштегем.
– Сени КВНден да көргөндөй болдум эле...
– Мен өзүм окуган университеттин “Мартини клаб” командасынын мүчөсүмүн. Бул командага кошулгандан бери көп эле жолу сахнада оюн көрсөттүк окшойт. КВНде ойноп жүрүп, Ассоль Молдокматовадан эки жолу “Мыкты аялзатынын образы” деген наам алдым.
– Атабековдун “Күндөр жаңырат” аттуу клибине кандайча тартылып калдың?
– Канат байке экөөбүз чогуу иштейбиз да, бир күнү эле “Алия, күлгөндөй образ көрсөт. Алия, кайгыргандай кабак бүркөп көрчү” деди, мен окшоштуруп салдым. Анан эле клипке тартылуумду суранды. Клипке тартыларда жаз болчу, мен жука кийинип алгам. Ий, абдан үшүгөм...
– Шоу-бизнестен кимдер менен катыш­тыгың бар?
– Алихан, Даниель, анан Мирбек Атабеков менен таанышмын. Булар “святой” жигиттер да.
– Ошондой “святой” жигиттер артыңдан чуркашса керек...
– Азыр мен жашмын. Сүйлөшкөнүм жок. Келечек көрсөтөт го...
– Бизде “ала качуу” деген салт бар, биле­сиңби?
– Мени ала качып кетүүлөрүнө ата-энем жол бербейт, өзүм да макул эмесмин. Угуп калам, “карыган апалар босогого жатып алат” деп. Андайдан сактасын деңизчи, кокус туш болсом, түшүндүрүп отурбай, кете берем.
– Ырчы болгуң келеби?
– Бош отурганда эле “Сары-Ойду” созуп калам. Үйдөгүлөр абдан күлүшөт. Үйдө баарыбыз орусча сүйлөйбүз, кыргыз тилин кадырлайбыз, түшүнөбүз. Ильяз Адамов деген продюсер байке менен таанышып калсам, “ырдабайсыңбы?” деген сунушун айткан. Кийин телефонун жоготуп алдым.
– Алия, маек куруп бергениңе рахмат. Ушундай талантың менен мүмкүн, ырчы да болорсуң.

  • Альжанова Алия Муратовна, 1990-жылы 14-майда Токмок шаарында төрөлгөн.
  • Төрт биртууган.
  • Алиянын апасы уйгур, атасы казак.
  • Учурда “СуперTV” теледолбоорунун алпаруучусу. “Мартини клаб” КВН командасынын оюнчусу.

Бурул Исмаилова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: