Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЭЗЕЛКИ КЕК ЖЕ БЕЙКҮНӨӨ КУРМАНДЫК

№202 15-21-сентябрь, 2006-ж.


ИЙНЕНИН КУРМАНДЫГЫ

Ачкыч кылдырап, эшик шарт ачылды. Көзүн албай турган Ажар эшиктен кирип келе жаткан Алишерди көрүп, чуркап жетти.
– Кана, «дозаны» алып келдиңби?
– Чүш, сулуум, азыр эмес.
Алишер алдында турган кыздын жалооруган көз карашын, титиреген колдорун, эчен күндөн бери таралбаган чачын, жүдөңкү жүзүн көрүп, маашырлана жылмайды. Эки жыл мурун жолукканда теңине албай чамгарактаган кыз колунан эми минтип жем сурап турат.
– Али, сен билесиң да кандай болоорун. Мен... мен азыр сайынбасам болбойт. Кыйнабачы мени, мен каалаганыңдын баарын аткарам. Бир гана суранам, «дозамды» берчи?!
Кыздын жалдырап суранганы Алишердин аянычын козгомок тургай, кайра табасын кандырды.
– Каалаганымдын баарын, ээ?..
– Ооба, эмне кааласаң ошону...
– А мен көптү каалайм да.
Аз өтпөй эле Алишердин жырткыч оюну башталды. Энеден туума жылаңачтатып, бирде мышык кылып төрт аяктатып, бирде ит кылып бастырып, үрдүрүп...
– Ха-ха-ха... Кана, дагы бир үрүп койчу, күчүгүм.
– Аф-аф-аф,- дейт кыз жан дили менен бериле иттин образына кирип.
Эптеп эле Алишердин колундагы дозаны алуудан башка эч кандай каалоо калбаган эле. Адамдык намыс, сезими, акыл-эси бүт бойдон өчүп, жалгыз гана баңгизат деген нерсе жашоосунда орун алып калган.
– Болду, болду жетишет,- деди Алишер ордунан туруп баратып.
– Али...
– Азыр, шашпай тур.
– Али, суранам сенден!- Ажардын көздөрү тостоюп кетти.
Кээде ушинтип каалаганын жасатып алып, таптакыр бербей койчу да адаты бар эле. Бирок, бул жолу Алинин боорукердиги кармадыбы, берди. Каруусуна сайылган ийнеден кийин ырахаттана оор дем алган Ажардын көзү сүзүлө түштү. Башын жаңгактай чаккан оорусу басаңдап, көңүлү көтөрүлө баштады.
Кыздын каректери коймолжуп, коюуланып баратканын сезген Алишер маңдайына келди да, мыс­кыл тигилди.
«Жок, азыр көрсөтпөйм муну. Мындан да жаман абалга келип, көргөндө атакесинин жүрөгү айрылып, ошол замат тиги дүйнөгө кеткендей боло турган абалында көргөзөм. Шашпа, азыр эрте...»
Көзүнө мындан эки жыл мурун бүтүрүү кечесинде көпөлөктөй назик ийиле жароокер жылмайган кыздын элеси тартылды.
– Ха-ха-ха... Эми эмне дээр элең? Менин кегим сеникинен да ашып түшкөнүн көрдүңбү? Кыйын гана болосуңар, ээ? Дүйнөнүн гана түрткүсү болуп, ар дайым силер каалагандай болот деп ойлойсуң. Бирок...
Алишер дагы далай түшүнүксүз сөздөрдү айтып, күңгүрөнүп көпкө отурду. Үйдүн бир бурчунда акыл эсинен, адамдык касиетинен ажыраган бейкүнөө жан. Ал эми экинчи четинде көздөрүндө кек күйүп, кудум адам-карышкырга айланып кеткен, аёо дегенди билбей калган адам отурду.

КЕК КУУГАН ЖИГИТ

Мунун баары Ажардын бүтүрүү кечесинен башталган. Министр атасы өзгөчө кече уюштурду. Көзгө басар жалгыз кызынын бүтүрүү кечесин колдон келишинче азем менен өткөрбөй эмне болуптур. Кадыраалынын бар дүйнөсү, медер тутканы ушул кызы. Шаар толгон дү­көндөрү, эсеп жеткис байлыгы четте калып, бар байлыгы мына ушул ажайып келишимдүү кыз болчу.
Кызын жанындай жакшы көрөөр эле. Кече жарымдап калганда чачын жалтырата артка тараган, көздөрү сүрдүү, өзбектерге түспөл­дөш жигит достору менен пайда болду.
– Кадыраалы аке, сиздин кубанычыңыз, биздин кубаныч,- ийиле колдорун бооруна ала койду.
– Оо, шумкарым, келдиңби?
Кадыраалы жамажайы жайыла күлүп, тоcуп алды. Бул жигит жакындан бери Кадыраалынын ишенген жигиттерине айланган Алишер эле. Иштин көзүн тез таап кеткен бул жигитти Кадыраалы жакын көрүп жүр­гөн. Бирок, көзүнөн күйүп турган кекти байкабаган эле...
«Азыр күлө тур, министр аке. Анан сенин да ыйлаар мезгилиң келет» Ичинен кекенген Алишер тишин кычыратып алды.
– Менин кызым – Ажар!
Кадыраалы тигинин эмне ойлоп турганын билбей, кызына кол жаңсады.
«Оо, сулуу кыз! Ушундай экенсиң да...» Атасына жаркылдай келе жаткан кызды бир, Кадыраалыны бир карады Алишер. Көзүнөн аталык сыймыгы, мээрими төгүлгөн Кадыраалыны көрүп, ошондо эле кызы аркылуу өч алаарын пландаштырып койгон эле.
«Дүйнөдө эң кымбат адамынан ажыраган кандай болорун сезсин. Ошондо гана менин бейкүнөө өлгөн карындашымды эстейт» Алишердин көкүрөгүнө ушул ой түшүп, планы акырындап тамыр жая баштаган эле.

КОРДУК

«Уурдап кетишти. Кадыраалынын жалгыз кызы дайынсыз жоголду. Байлыгың менен деле эч нерсе кыла албайт экенсиң да.» Чагылгандай тез тараган бул кабардан эл ушундай уу-дуу кеп кылышты. Кадыраалы ийне жоготкондой эле издеди. Акчасын чачып, буту үзүлгөнчө жүгүрдү. Бирок, эч таба албады. Акыры кү­йүт­түү башын кучактап отуруп калды.
Кызы болсо ушул эле шаардын экинчи бурчунда ит көрбөгөн кордукту көрүп, капаска салган чымчыктай далбастап, атакесин чакырып, ааламга үнү жетип жаткан эле.
– Эмне керек силерге? Мен эмне кылдым сага? Эмне күнөөмө?
– Сен эмес. Атаң кылган күнөө­нү...
– Атам?!
– Кел бери... Билегиңди тоc.
– Жок, жок, суранам, Алишер бай­ке. Жок, кереги жок... Cуранам сизден...
Туйлап жулкунган кыздын ой-боюна койбой күч менен каруусуна ийне сайды. Кордоду. Эркин майыштырды. Ушинтип төрт айдын ичинде кызды эч кандай сезими жок макулукка айлантты. Бирок, дагы эле көкүрөгүндөгү көксөөсү сууган жок. Кеги бүтпөдү. Акыры эки жыл үйүндө камады. Кадыраалынын кызынын күйүтүн унутуп, элге аралаша баштаганын уккан Алишер «Кызың тирүү» деген мазмундагы кабар жөнөттү.
Үмүтү таш каап бараткан ата кайрадан тозоктун отуна түшө баштады. Аз мезгил өтпөй дагы кабар келди. Бул интернет менен жөнө­түл­гөн кызынын азыркы кездеги абалын чагылдырган сүрөтү эле. Өңүнөн кетип, көздөрү алайган жарым жылаңач кызынын бир бөлмөдө отурган сүрөтү жана кыскача кат... «Өз кызыңдын тирүүлөй өлгөнүн көрдүңбү? Менин чырактай карындашымдын кантип өлгө­нүн эстечи. Билесиңби, ал кантип өлгөнүн. Эсиңдеби?»
– Аа-а-а...
Ач айкырыкты салган Кадыраалы башын мыкчып алды. Ооба, ошондой болгон. Кыргыз-өзбектен чыккан аргын жанга көзү түшүп калганы чын. «Бирок, ал кырсык эмес беле. Ал өзүн өзү өлтүрүп албады беле» деди ою алдастап. Бирок, көкүрөгүнүн түпкүрүндөгү чындыктан кантип кутулат. Өткөн өмүрү тасма сыңары көз алдынан өтүп жатты.
– Жаным, бардыгы жайында болот.
Жылаңач жаткан кыздын асты-үстүнө түшкөн Кадыраалы ушинтип күбүрөп жатты. Эч кимдин колу тийбеген аруу кызды зордоп алып келип төшөгүнө салып беришкен. Өз атасынан улуу адамга кордолуп калганына ичи ачыша онтоп алды кыз. «Өлөм, баары бир өлөм. Жашабайм! Бир гана агам Алишерди көрүп өлсөм, арманым болбос эле». Сенделип ордунан турган кызды ошол күнү үйүнө жеткирип коюшту.
Ошол түнү эле агасына кат жазган кыз бийик кабаттуу үйдөн секирип кетип жан таслим болгонун уккан эле. Эми эбак «из басты» болгон нерсе эчен жылдан кийин калкып чыкканына кара жерди муштап алды.

БЕЙКҮНӨӨ ӨЛҮМ

– Менин кызматым сизге керекпи...
– Аа, эмне дейсиң?
Өңүнөн кетип, чачтары куудай агара түшкөн Кадыраалы башын жулка көтөрүп Алишерди карап калды. Кайрадан суроосун тез кайталаган Алишердин сөзүн угуп же укпай атканы билинбей көпкө турду. Тумандаган көздөрүн өйдө көтөрө албай отура берди.
– Сизге эмне болду? Өзүңүздү жаман сезип турасызбы?
Көпкө унчукпай отурган Кадыраалы өзүнчө күңгүрөнүп жиберди.
– Өз күнөөмдү Кудай эмнеге өзүмө тарттырган жок? Менин кызым... Мени тирүүлөй кескилеп алса да чыдайт элем го. Эмнеге аны?.. Айтчы, эмнеге? Ким экенин билсем, өз колум менен кескилеп...
Өз тизесин өзү муштап отурган Кадыраалыны байкаган Али­шер мы­йы­гынан жылмайып алды.

ххх

«Мындан ары чыдабайм. Эми мага эч нерсенин кереги жок. Болду эми, өз жанымды өзүм кыям».
Ушул ойлор келе калганда өзүнө жол тапкандай сүйүнө түштү Ажар. Бирок Алишер үйгө бычак, жип деген нерселерди койбойт. Терезе темир тордон. Шалдайып отуруп калды. Эки жылдан бери турмушу таптакыр башка нукка бурулуп... Эч нерсеге мээси жетпейт.
«Эми мага баары бир» деди оюнда. Денесин ооруткан, акыл-эсин алган ойлорду өзүнөн кубалагысы келди.
Ошол күнү үйүнө келген Алишер кан тамырын кесип салып, ваннада жансыз жаткан кыздын өлүгүн көрдү. Көздөрү Алишерди күнөөлөгөндөй ачык калган экен. Шуу үшкүрүп жиберди Алишер. Бирок, «кек алып, көксөөм сууйт» деген көкүрөгү андан бетер ооруп калганын сезди. Отура калып, онтоп алып ыйлап жиберди. Ал карындашы өлгөндөн бери биринчи жолу ыйлашы эле.

Нуржамал Жийдебаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: