Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Анжелика – ЦИРК ХАНЫШАСЫ

№347 26-июнь - 2-июль, 2009-ж.


Борбордук цирктин жетекчилиги менен Улуттук биринчи канал биргеликте уюштурушкан “Жылдыздар манежде” шоу долбоорун баарыбыз эле теледен көрүп келгенбиз. Белгилүү инсандарды чогулткан бул долбоорго башында 50дөн ашуун адам катышып, мыктылардын мыктысы деп тогузу тандалган. Долбоор 3 тур да өтүп, жеңүүчүлөр аныкталды.

Анжелика: «Алтын таажы киеримди түшүмдө көргөм »

– Анжелика, жеңишиң кут болсун! Гран-Прини утуп алам деп ойлодуң беле?
– Долбоор жаңы башталып жатканда түш көргөм. Анда Гран-Прини утуп алган экем. Эртеси келип Назгүл Насиевага айтсам, «эч кимге айтпа» деп койгон. Көрсө, 5 ай мурда эле аян берилген окшойт. Бүт орундар аныкталып Гран-Приге келгенде чын эле мен жеңдимби деп гүлдү бетиме жаап алып ыйлап жибердим. Чындыгында, күткөн эмесмин. Жолдошум күнүгө беш маал намаз окуган соң “келинчегим жеңишке жетсе экен” деп тилечү. Өзүм да 1,5 жаштагы кызымды таштап коюп күндүз циркте машыгып, түнкүсүн форма тиктирип алаксып, кыскасы, жарым жылдан бери бир да ыр жаздырган жокмун. Гран-При менин маңдай тер эмгегимдин артынан келди.
– Сен башында “жеңсем байгеми 9 катышуучуга тең бөлүп берем” деп айткан экенсиң...
– Ооба, мен утам деп ойлогон эмесмин да (күлүп). Сөзүмө туруп бөлүп берейин десем, биринчиден, 25 пайызы салыкка кетти. Анан туугандарымды, катышуучуларды, окутуучуларды чакырып той бердим. Келген ырчылар ырдап, куудулдар күлдүрүп жыргап эс алып кетишти. Анан конкурстун 9 катышуучусуна 10 миң сом болбосо да, акчадан бирдей кылып бөлүп бердим. Андан калганын жарык дүйнөгө, анан сахнага алып келген эки энем Гүлина жана Айчүрөк эжеге бердим. Эми жакында карылар үйүнө, балдар үйүнө бардык катышуучуларды алып белек-бечкек менен концерт коюп барууну пландап жатам.
Демек, жүз миң сомдон өзүңө эч нерсе калбайт экен да...
– Мага «Жылдыздар манежде» долбоорунун ичинен “Цирк ханышасы” жана “Ала-Тоо периси” наамдары, Гран-Принин ээси деп Маданият министри Султан Раев кийгизген 160 миң сомдук алтын таажы жетиштүү.

Назира Жетигенова, куудул: «Орусиянын көп акчасынан калдым»

– Башка аялзатынан айырмаланып сиз күчтүү көрүнөсүз. Антсе да трюктарды жасоодо кыйынчылыктар болгондур...
– Ооба, аябай эле кыйналдым. Мисалы, оозумдан от чыгаруу үчүн оозума кичине күйүүчү май куюп алышым керек болчу. Мен аны ичип алып кусуп, ууланып бир жума төшөктө жаттым. Бутумду күйгүзүп алып мына карачы, дагы деле былжырап жүрөт. Мындан сырткары Орусияга гастролго кетмекмин, бара албай көп акчадан калдым.

Жанета Бобкова, ырчы: «Долбоорго катышып, 7 килограммга арыктадым»

– Жанета, сени “Гран-Прини сатып алат экен” деген сөздөр эл оозунда жү­рөт эле...
– 1-2-турда жакшы баа алгандыгым үчүн ушундай сөздөр чыгып кетиптир. Бул баалар менин жеңишке жетүүмө тоскоол болуп калды. Эч нерсе эмес, катышуунун өзү эрдик. 7 килограммга арыктадым, жолдошум досу менен биргеликте Мерседес 600 үлгүсүндөгү машина белек кылды. Ал эми Туризм агенттигинин директору Турусбек Мамашев 10 күнгө Араб Эмиратына эс алууга жолдомо берди. Булардын баары жеңиш эмей эмне?!

Аскат Эрбаев, актёр: «Элдин батасы Гран-Приден жогору турат»

– Аскат, көпчүлүк «калыстар туура эмес баа берип коюшту. Аскат жеңүүчү болуш керек эле» дешүүдө...
– Долбоордун башында колумдан бир нерсе келерине ишенип катышкам. Калыстар чечими кандай болсо мен ага каршы эмесмин. Мен үчүн – элдин батасы баарынан жогору турат.

Эрмек Маматов, ырчы: «Буту-колум иштебей жатып калдым»

– Долбоор жөнүндө эмне айтасың?
– Цирктин ар тараптуу өнөрүн үйрөнүп жашоомо жаңылык киргиздим. Баарынан жаманы – мен күтпөгөн жыйынтыкты угуп, көшөгөнүн артында колу-бутум иштебей жатып калганым болду.

Роза Азимбаева, актриса: «Калыстарга нааразымын»

– Роза, нааразычылыктар жокпу?
– Мени калыстар тобунун берген баалары канааттандырган жок. Мисалы Аскат эч ким жасай албай турган трюктары жасады. Аны эске албай ал спортчу деп аз баа берип коюшту. Бул туура эмес, спорт менен цирктин айырмасы чоң да. Андай болсо спортчулар келип, Аскат жасаган трюктарды жасап көрсүнчү.

Адил Кайыпов, үн режиссёр: «Цирк өнөрүн үйрөнгөнүм – жеңиш»

– Адил, долбоорго кандайча катышып калдың?
– Биринчи каналда иштейт эмесминби. Уюштуруучулар «келип катышып көр» дешти эле катыштым. Бул жерден мен үчүн чыгармачылыктын дагы бир жаңы эшиги ачылды. Биринчиликти ким алса ошо алсын, мага эч айырмасы жок. Башкысы, мен үчүн катышып үйрөнгөнүм чоң жеңиш болду.

Назгүл Насиева, продюсер: «мени Каза болду деп, тааныштар куран окуганы келишүүдө»

– Назгүл эже, өзүңүздү ушунча кыйнап жаны­ңыз­га эмне күч келди?
– Ошону айтсаң, 2-турга даярданып жатып 2 метр бийиктиктен учуп түштүм. Мээм чайкалып, бел сөөктөрүмдөн, катуу жаракат алдым. Кызыгы, көпчүлүккө мени каза болду деген ушак тараган экен. Тааныштарым үйгө куран окуганы келип жатпайбы.
Жетем дегениме өжөрлүк менен жеттим. Эмнегедир SMS добуш берүүнүн жыйынтыгын чыгарышкан жок. Финал болгон күнү Маданият министри Султан Раев Анжеликаны куттуктап, башына таажы кийгизип кетип калды. Таажыны Раев өз чөнтөгүнөн чыгарып сатып бердиби же Маданият министрлиги тарабынан алындыбы, түшүнгөн жокмун.
Кыскасы, Мамлекеттик цирк имаратында өткөн бул долбоорго өкмөт да, Маданият министрлиги да татыктуу көңүл бөлбөй койгону өкүндүрөт.

Назик Исраилова, бийчи: «Циркте иштеп калганы жатам»

– Назик, бийлеп жүрөсүң, сен үчүн циркте ойноо оңой эле болдубу?
– Кайдан, бийдеги кыймылдар менен цирктеги кыймылдын айырмасы асман менен жердей. Керек болсо эки эсе кыйын. Цирктин талаптарын аткарам деп буттарым ооруп, бийик такалуу бут кийим кие албай калдым. Бирок циркке жумушка орношуп жатам.

«Жылдыздар манежде» долбоорунун максаты туурасында долбоордун авторлорунун бири, Мамлекеттик цирктин көркөм жетекчиси, Тажиев Кадырбек Мукашевич:

«Жүз миң сомду чөнтөгүмдөн чыгардым»

– Көп жылдардан бери циркте эмгектенип келген жубайым Клара Тажиева, Улуттук биринчи каналдын журналисти Элмира Тезекбаева жана мен, бул долбоордун авторубуз. Долбоорду Улуттук биринчи каналдын жетекчилиги жана цирктин эмгек жамааты менен биргеликте ишке ашырдык. Ошондой эле Гран-Приге коюлган 100 миң сомду өз чөнтөгүмдөн чыгардым.
Үйрөтүүчү мугалимдердин айлыгын, катышуучулар кийип чыгуучу кийимдерди тиктирүү да менин моюнумда болду. Долбоордун негизги максаты – цирк өнөрүн жандандыруу менен бирге биздин жылдыздардын ырдан башка таланттарын элге көрсөтүү. Бул ишти Орусиядан кийин эле биз уюштурдук. Ал эми канчалык деңгээлде экенине көрүүчүлөр өздөрү баа беришер.

Долбоордун авторлорунун бири Элмира Тезекбаева: «калыстар туура чечим чыгарышты»

– Элмира эже, эл арасында “жалаң ырчылар катышса болмок” деген сөздөр болууда. Андан сырткары ушул долбоордун жыйынтыгы жөнүндө айтсаңыз...
– “Бүткөн ишке сынчы көп” демекчи, ар кандай сөздөр айтылып жатат. Негизи, биз бул шоуну ырчы, бийчи, актёр, саясатчылар арасында өтөт деп чечкенбиз. Аскаттын каскадёр экенин билген эмеспиз. Ошону эске алып, “Жанета сатып алат экен” деген сөздөрдү да эске алып калыстар тобу Гран-Принин ээси деп Анжеликаны тапты. Менимче, туура эле чечилди деп ойлоймун.

Замира Рахманбердиева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
21.12.2009. 03:15 
Тайпасы:
Жаран
Комментарийлердин саны:
4
Катталган:
21-12-2009
Соӊку аракети:
11-09-2018 14:57
Жынысы:
Белгисиз
0
просто Анжеликага алтын таажы жакшы жарашат деп берип койду болуш керек
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: