БИЙЛИК МЕНЕН ОППОЗИЦИЯ ЖОЛУГУШТУ

«Бийлик оппозициянын үнүн укпай жатат». Дайыма айтылып келген ушул нааразычылыкка бүгүнкү бийлик чекит койду. 4-апрелде Бишкекте бийлик жана оппозиция өкүлдөрүнүн жолугушуусу өттү. Бул жолугушууну акыйкатчы Турсунбек Акун демилгелеп, биринчилерден болуп сөз сүйлөдү.
Иш-чарага бийликтен Жоомарт Оторбаев, Экономика министри Темир Сариев, «Ата Мекен» фракциясынын лидери Өмүрбек Текебаев, ал эми оппозиция тараптан «Кыргызстанды сактоо» кыймылынын лидери Мукар Чолпонбаев баштаган топ катышты. Буга чейин жолугушууга катышары айтылган парламенттеги оппозициялык азчылыктын өкүлдөрү келишкен жок. Ал эми Азимбек Бекназаров президент Алмазбек Атамбаев катышпаганы үчүн келүүдөн баш тарткан.
Оппозиция өкүлдөрү «Кумтөр» боюнча келишимди бузуу, Кыргызстанда иштеп жаткан Кытай жарандарынын санына квота коюу өңдүү талаптарды коюшту. Жоомарт Оторбаев мындай жолугушуулардын пайдалуу экенин белгилеп, мындан ары да өткөрүп турууну сунуштады. Кийинки жолугушуу качан болору айтылган жок.

Гүлмайрам Сабырбекова
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

aote

2013-04-08 10:06:47

Тупизм!

Kelbes

2013-04-09 14:35:24

Да, полный отстой!

narunduk

2013-04-11 16:57:48

оппозиция бийликти оюнчук кылгылары келет. Атамбаев келбесе, мен да барбайм дегидей Бекназаров ким экен. Ал бийликти эле коксогон адам. жегич. Болбосо, мурда бийликте жургон кезинде эле кыргызстанды ондоп
, туздоп сактап койбойт беле.

Комментарий калтыруу үчүн өз ысымыңыз менен кириңиз же каттоодон өтүңүз.

№ 544, 5-11-апрель, 2013-ж