«Жылдын супер ремейки»

Жыйынтык

Башка сурамжылоолор


Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ТЕМИР АЙЫМ» МАРГАРЕТ ТЭТЧЕР

№545 12-18-апрель, 2013-ж


Улуу Британиянын «Темир айым» атыккан айтылуу экс-премьер-министри Маргарет Тэтчердин көз жумганы тууралуу кабарды дүйнөлүк коомчулук кайгыруу менен кабыл алды. Үстүбүздөгү жылдын 8-апрелинде 87 жаш курагында дүйнө салган бул айым Советтер Союзунун кулашына чоң салым кошкон саясатчы катары таанымал эле.

«ЖУМА САЙЫН АТАМ МЕНЕН КИТЕПКАНАГА БАРЧУБУЗ»
Маргарет Робертс Англиянын Грантем шаарчасында 1925-жылдын 13-октябрында кедей үй-бүлөдө туулган. Атасы Альфред эркек балалуу болууну эңсегенине карабай, Мьюриэл жана Маргарет аттуу эки кыздуу болот. Альфред өзгөчө кенже кызы Маргаретти катуу тарбиялаган. Ал балалыгын «жума сайын атам менен китепканага барчубуз, ар бирибиз олуттуу экиден роман алып келчүбүз» деп эскерет. Эркек мүнөз бул ишмердин жаш кезегинен калыптанган жашоо образы андан назиктикти талап кылган эмес. Жаш курагына карабай кичинекей Маргарет үйдөгү саясий талкууларга активдүү катышкан.
Үй-бүлөдөгү тартип абдан катуу болгондуктан, балдар үчүн кино, оюн чектелүү эле. Анан да күндүзү эч ким эс алууга акысы жок болчу. Кичинекей Мегги мектепте жакшы окуп, спорт менен машыгып, пианино үйрөнүп, поэтикалык курстарга барчу.
Жаш кезинде аны мода, жигиттер кызыктырган эмес. Өзүнүн чөйрөсүндө бир гана саясат жөнүндө сүйлөп, тартышчу. Ушундан улам мектепте, университетте чогуу окуган курбулары аны кечелерге чакырышпайт эле. Болочоктогу өкмөт башчы Оксфорддун химия факультетине тапшырат. Студенттик жылдарында консерванттар ассоциациясына мүчө болот.

МАРГАРЕТТИН СҮЙҮҮСҮ ЖАНА ҮЙ-БҮЛӨСҮ
Канчалык эркек мүнөздүгүнө салбасын, Маргареттин да жүрөгү сүйүүгө толо болгон. 2-курста окуп жүргөндө Маргарет келбеттүү, бай жигит менен жолугушуп жүрөт. Жаш графтын ата-энеси кедей үй-бүлөнүн кызына үйлөнүүсүнө каршы чыгат. Мезгил өтүп ал шотландиялык фермер жигитти жактырып калат. Фермер Маргарет менен сүйлөшүп жүрүп эле, эжеси Мьюриэлди сүйүп калат. Эжеси Маргаретке салыштармалуу саясатты сүйлөбөгөн, үй жумуштарын жакшы жасаган кыз болгон.
1951-жылдын февралында Маргарет Робертс ийгиликтүү ишкер Дэнис Тэтчер менен капысынан таанышып калат. Дэнис ага чейин үйлөнгөн эле. Ошол күндөн тартып алардын мамилеси от алып, ал достукка гана эмес, улуу сүйүүгө айланган.
Маргарет менен Дэнистин жаш өзгөчөлүгү да бир топ болгон. Бирок Дэнистин он жаш улуу экендиги Маргаретти кызыктырган эмес. Дэнистин энеси менен эжеси бай жана сулуу башка бирөөнү табуусун сунушташкан. Бул пикирди кабыл албаган Дэнис келечекте өзүнүн бийик намысына үйлөнүп жаткандыгын билген.
Турмушка чыккандан кийин Тэтчер фамилиясын алган Маргарет юриспруденцияга окуйт. Ошентип жаштык кыялы ишке ашып, адвокат адистигин алат. 1953-жылы Тэтчерлер эгиз балалуу болушат. Жети айлык төрөлгөн наристелердин бири кыз, бири уул эле. Кызына Кэролл, уулуна Марк деген ысымды Маргарет өзү ыйгарат. Ал кыскартууга болбой тургандай жөнөкөй ысымдарды берет, анткени ар кандай лакап аттарды жактырчу эмес.
Күйөөсү Дэнис Тэтчер 2003-жылы 88 жаш курагында онкологиялык оорудан улам көз жумган.
Кызы Кэрол энеси сыяктуу намыскөй, өзүнө ишенген, күчтүү айым. Ал журналист катары таанымал жана ата-энеси жөнүндө китептерди жазган. Дайыма көлөкөдөй ээрчиген энесинин кадырын өз жолуна кедерги сезчү. Уулу Марк болсо абдан эрке өскөн, ар дайым энесине таянып жүрчү. 2004-жылы Түштүк Африка Республикасында төңкөрүш жасоого катыштыгы бар деп айыпталып, камакка алынган. 2005-жылы айыпты моюндап, сот жарым миллион доллар айып салып, 4 жылга эркинен ажыраткан.

«ТЕМИР АЙЫМДЫН» ДИЕТАСЫ ЖАНА МОДА ТАБИТИ
Маргарет айым келбетине кам көрүүдө да айтканын аткарган курчтугун далилдей алган. 1979-жылы парламенттик шайлоого 14 күн калганда диета кармоону чечет. Татынакай көрүнүү үчүн ал тамактан баш тартып, 2 жумада 10 килограммга арыктайт. «Шайлоо алдындагы» диета грейпфрут (цитрус өсүмдүгү) жана жумурткадан турган эле. Ал эртең менен сууга бышкан эки жумуртка, грейпфрут жана чай ичкен. Түшкү тамакка да эки жумуртка менен грейпфрут (аны кээде помидор менен алмаштырып койчу), кечки тамакка болсо быштак менен жемиштерди жеп, арыктаган.
Саясатчы айым кийим, түс тандоого да өзгөчө табит менен мамиле кылган. 2012-жылы Маргарет Тэтчердин бир нече кийими аукционго коюлуп, 115 миң долларга сатылып, ачык көк түстөгү костюму эле 40 миң долларга бааланган. Раиса Горбачёванын Лондонго анын кабыл алуусуна кийип барган кийимин жактырган эмес. Ошондуктан «Михаил Горбачёвдун көрүнүшүн аялы бузуп коёт» деп сындаган.

САЯСИЙ КАРЬЕРАНЫН БАШЫ ЖАНА АЯГЫ
Окууну бүткөн жаш химиктин жан дүйнөсүнө пластмасса чыгаруучу фирмада иштөө туура келбейт. Студент кезде эле партиянын активдүү мүчөсү болгондуктан, 1948-жылы партиянын атынан өнүкпөгөн округдан талапкерлигин коёт. Таксиге акчасы жок, эртең менен эрте туруп кечке округдун ар бир бурчуна чейин жөө барчу экен. Эмгекти сүйгөн Маргаретке ошондон тарта эрте туруп, кеч жатуу адатка айланган.
Тэтчер британиялык өкмөттү 1979-1990-жылдардын аралыгында башкарып, бул өлкөнүн тарыхында өкмөт башына келген биринчи аял болуп калды.
1990-жылдагы Салык реформасы Маргарет айымга ийгилик алып келбейт. Лондондун көчөлөрүндө 70 миңге жакын демонстранттар салык мыйзамындагы өзгөртүүгө каршы чыгышат. Бул нааразычылыктан улам анын бедели түшүп, ага атаандаштыкка Майкл Хезельтайн чыгат. Ушул себептен партиянын
лидерлигинен жана премьерликтен кетет.
1992-жылы парламенттен биротоло кетет. Ошол эле жылы «Баронесса» улуу даражасын алат.
2002-жылы «темир айымдын» ден соолугу начарлап, отставкага кетип, коомдук жана саясий иш-чаралардан баш тартат. 2013-жылдын 8-апрелинде жүрөк оорусунан о дүйнөгө сапар салды. Анын сөөгүн жерге берүү зыйнаты 17-апрель күнү болорун Британ бийлиги билдирди. «Кубангыла, Тэтчер өлдү» деген плакаттарды көтөргөн жүздөгөн митингчилер анын өлүмүн шампан атып майрамдашууда.

УЧКУЛ СӨЗДӨРҮ

  • Короз жакшы кыйкырышы мүмкүн, бирок жумуртканы баары бир тоок тууйт.
  • Эгер мен жалгыз кырк сегиз кишиге каршы чыгышым керек болсо, ошол кырк сегиз кишиге боорум ооруйт.
  • Маектешиңдин тилин табуу үчүн анын айтканына макул боло бербөө керек.
  • Душманыңды абдан жакшы изилдөөң керек, качандыр бир кезде аны досуңа айлантып алуу үчүн.

Гүлмайрам Сабырбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(13)
15.04.2013. 11:14 
Тайпасы:
Жаран
Комментарийлердин саны:
76
Катталган:
21-02-2013
Соӊку аракети:
26-02-2018 05:37
Жынысы:
Белгисиз
Калаасы:
Бишкек
0
Кандай гана кучтуу, акылдуу, данакер, дуйного (Темир айым) деген атагы чыккан айым эле. Каза болгонун угуп жанып кейип турат. Тилеке каршы мындай адамдар да туболуктуу эмес, баарыбыз барчу жерге барышат.
15.04.2013. 14:15 
Тайпасы:
Жаран
Комментарийлердин саны:
184
Катталган:
30-01-2012
Соӊку аракети:
14-12-2018 15:16
Жынысы:
Белгисиз
0
Кызык экен бул дуйно "Бироого - олум, бироого - майрам"
15.04.2013. 20:04 
Тайпасы:
Жаран
Комментарийлердин саны:
302
Катталган:
19-12-2012
Соӊку аракети:
14-06-2018 17:24
Жынысы:
Белгисиз
0
Temir aiymdyn kyraakylygyna baa berdim, anyn jasagan iwi britan taryhynyn bir baragy.
16.04.2013. 09:40 
Тайпасы:
Кыймылы жок
Комментарийлердин саны:
314
Катталган:
30-10-2012
Соӊку аракети:
20-11-2015 22:16
Жынысы:
Белгисиз
0
Советтик лидер М.Горбачевду "иштешууго жарай турган адам" деп атаган, анткени анын СССРДи кулатып салаарын алдын-ала билген да тиги ханум )))
16.04.2013. 12:54 
Тайпасы:
Түйүлдүк
Комментарийлердин саны:
676
Катталган:
06-11-2012
Соӊку аракети:
14-07-2014 22:40
Жынысы:
Белгисиз
Калаасы:
..........sonuuuuuun jerde
0
мага диетасы жакты, сынап коромго
16.04.2013. 13:18 
Тайпасы:
Кыймылы жок
Комментарийлердин саны:
240
Катталган:
26-05-2011
Соӊку аракети:
20-06-2013 14:07
Жынысы:
Белгисиз
+1
altinim, Этият бол,Тетчерге окшоп калба.
18.04.2013. 10:58 
Тайпасы:
Түйүлдүк
Комментарийлердин саны:
676
Катталган:
06-11-2012
Соӊку аракети:
14-07-2014 22:40
Жынысы:
Белгисиз
Калаасы:
..........sonuuuuuun jerde
0
baibolot71, окшоп калсамбарго бийликтеги бекерчи бок курсактардын тызылдатып сазайын бермекмингоо, макул эми биз ге да кудай тетчерлерден жиберип калаар
16.04.2013. 14:57 
Тайпасы:
Түйүлдүк
Комментарийлердин саны:
17
Катталган:
06-12-2012
Соӊку аракети:
28-11-2013 11:42
Жынысы:
Белгисиз
Калаасы:
Бишкек
0
дагы бир жолу ишендим олум бар экенине дуйнону дунгуроткон адам олбойтко деген кыялдар дар болчуда
16.04.2013. 15:55 
Тайпасы:
Кыймылы жок
Комментарийлердин саны:
7
Катталган:
22-10-2012
Соӊку аракети:
18-07-2015 20:45
Жынысы:
Белгисиз
0
Маргарет Тэтчер менин кумирим. Каза болгонун угуп абдан кейидим. Баары бир ал тируудой сезилет, анткени Маргарет Тэтчердин аты очпойт.
17.04.2013. 19:32 
Тайпасы:
Жаран
Комментарийлердин саны:
64
Катталган:
22-05-2012
Соӊку аракети:
14-12-2018 21:11
Жынысы:
Белгисиз
0
Ушул айым Кыргызстандан чыкканда...балким онуккон мамлекеттердин катарында болот белек...???
18.04.2013. 13:33 
Тайпасы:
Кыймылы жок
Комментарийлердин саны:
41
Катталган:
14-03-2012
Соӊку аракети:
26-10-2015 02:06
Жынысы:
Белгисиз
0
"Короз жакшы кыйкырышы мүмкүн, бирок жумуртканы баары бир тоок тууйт." Ушул учкул созу абдан жакты, туура айткан анча мынча эркек-соройлор суйлогондон башканы билбейт, туйшук , жоопкерчилик деген айымдарда да.
18.04.2013. 13:37 
Тайпасы:
Кыймылы жок
Комментарийлердин саны:
41
Катталган:
14-03-2012
Соӊку аракети:
26-10-2015 02:06
Жынысы:
Белгисиз
0
Нелли, ал кыргызстанда болсо Маргарет Тэтчер эмес эле, Айшакан болуп нан бышырып отурмак да.
18.04.2013. 17:19 
Тайпасы:
Кыймылы жок
Комментарийлердин саны:
38
Катталган:
05-06-2012
Соӊку аракети:
07-11-2013 01:26
Жынысы:
Белгисиз
0
СССРди талкалаганга активдүү катышканы жакпай калды.
19.04.2013. 18:15 
Тайпасы:
Кыймылы жок
Комментарийлердин саны:
23
Катталган:
22-06-2011
Соӊку аракети:
21-07-2013 23:11
Жынысы:
Белгисиз
Калаасы:
Bishkek
0
Митингчилер шампан атып майрамдашууда, "кубангыла Тэтчер айым олду" деп плакатка жазып алышып дегенин тушунбой калдым. Эмнеге?
20.04.2013. 11:26 
Тайпасы:
Жаран
Комментарийлердин саны:
469
Катталган:
01-04-2013
Соӊку аракети:
14-12-2018 14:16
Жынысы:
Белгисиз
Калаасы:
Жалал-Абад,Кыргызстан.
0
Тетчердей айым керек,бизден Тетчердин эркеги чыкса жакшы болмок,темир болуп.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21592;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: