КИТЕПКАНАЛАРГА КИТЕП БЕЛЕК КЫЛ!

23-апрелде Нарын шаарындагы Сагымбай Орозбаков атындагы китепканада «Айылдык китепканаларга китеп белек кыл!» деп аталган акция болуп өттү. Бүткүл дүйнөлүк китеп күнүнө арналган иш-чарада облус башчысынын орун басары Чынара Абдыраимакунова, шаар мэри Баатырбек Жээналиев жана бир катар жергиликтүү бийлик өкүлдөрү келип куттукташып, белекке китеп тапшырышты. Мындан сырткары китеп белек кылуу үчүн жергиликтүү акын-жазуучулар, шаар тургундары келишти. Иш-чаранын жүрүшүндө келген коноктор жаш муунду тарбиялоодогу китептин ролу жөнүндө ой-пикирлерин айтышты. Аталган акция аптанын аягына чейин созулат.

Гүлжан Асанкожоева
naryn@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

mahabat.

2013-04-30 22:09:20

кулакты суйундургон дагы бир жанылык.абдан кубанычтамын.Нарын шаарынын тургундарына,оспурумдоруно ийгилик кааламакчымын.эгерде Нарында болгонумда мен да китеп бермекмин.тилекке каршы мен алыс жактамын.

Комментарий калтыруу үчүн өз ысымыңыз менен кириңиз же каттоодон өтүңүз.

№ 547, 26-апрель-2-май, 2013-ж