ЫРЧЫЛАР ТАЙ УТАБЫЗ ДЕЙБИ?

1-май күнү Бишкектеги кичи футбол майдандарынын биринде «Ырчылар» курама командасы Суперфутболго карата кезектеги машыгуусун өткөрдү. «Команданын көпчүлүгү мурунку күнү «Реал» – «Боруссия» беттешин көрүп, бүгүн уктап калышыптыр. Машыгууну ушундай аз сандагы киши менен өткөрүп жатабыз»,- дейт команданын капитаны Бактияр Токторов. Бул машыгууда ырчылар Асел Кадырбекова, Айпери Сыдыкова, «Биз» тобунун толук курамы жана башка ырчылар болушту. Машыгуу маалында Асел менен Айпери сезимдери менен бөлүшүп кетишти.

АЙПЕРИ СЫДЫКОВА, чабуулчу:
– Мен үйдө интернет менен отуруп жеңил жумуштарга көнүп калыптырмын. Бүгүн Бактияр байке менен күйүккөнчө чуркап, машыгуунун жаагын айрыдык окшойт. Мен үчүн спорт чоочун эмес. Мурун баскетбол ойноп жүрчүмүн. Эми өзүмдү футболдо сынап көрмөкчүмүн.

АСЕЛ КАДЫРБЕКОВА, чабуулчу:
– Машыгуу жагып жатат. Негизи, мен спорттон өтө алыс болчумун. Мектепте окуп жүргөндө деле «ооруп калды» деген аныктама жаздырып, дене тарбия сабагына катышчу эмесмин. Бийлеп, ойноп жатып катуураак кыймылдан эле буту-колумду ооруксунтуп алган күндөр болгон. Топтон да корком. Азыр ошол фобияны жеңип, Суперфутболго катышууну чечтим. Тааныштарыма айтсам, «сен эле футбол ойноп кал» деп жатышат. Ишендире кетейин, былтыр Айперинин ойногонун көрүп, менде кызыгуу пайда болгон. Буюрса, быйыл өзүм ойнойм.

МАРАЛ КОЙЧУКАРАЕВА, «Актёрлор» командасынын оюнчусу:
– Моюнга алып коюшум керек, футбол көргөндү жаман көрөм. «ЮАР-2010до» футбол түшкө кирди го. Вувузелалардын үнү телевизордон угулуп, таанышыңа чалсаң «футбол көрүп жатам» деп... Айтор, катуу көңүл калган. Бирок футбол ойногон жагат. Командага чакырышты эле, ойноону чечтим. Бизде бир гана максат бар, өз күчүбүздү майданда сынап көрүү.

ФАРИДА КАРБОСОВА, «Ырчылар» командасынын оюнчусу:
– Футболду жакшы ойнойм деп айта албайм. Бирок чуркап, алдоо ыкмаларын билем. Мен, негизи, волейбол боюнча окуучу кезде мектептин командасынын башында турчумун. Волейбол боюнча мелдеш уюштурсаңыздар, анда өзүм биринчи болуп колдоп, команданын капитаны болгонго да даярмын. Суперфутболду уюштуруучуларга, анда ойноочу командаларга ийгилик каалайм. Мен азыр концерт менен алаксып, машыгууларга барбай калып жатам. Капитаныбыз Бактияр байке ойнотпой койбосо болду...

Максат Кудайбердиев
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (11)

gulia-2481

2013-05-06 11:33:17

Бактыяр байке Алга!

melkaya

2013-05-07 14:41:24

Футбол бул жылы аябай кызык отот окшойт.

nazika5

2013-05-07 17:18:00

эх кыргызстанда болгонумда мен да барып катышпасам да коруп эс алып келмекмин бирок ишенем супер футбол болооруна ийгилик анда

AFRODITA-89

2013-05-12 10:28:17

nazika5, иий десен кыргызтанды сагындыыыыым....... менда баргым келип аткан.

ermek86

2013-05-07 17:59:40

Алга демекмин, бири келип бири келбей жатса кантип утушат тайды, даярдыгы начар болсо!

Айпери Сыдыкова

2013-05-07 18:08:58

Sozsuz kelip,korup,konul achyp ketinizder :)

asil-08

2013-05-07 22:38:54

тайды алгыла ийгилик мен ырчыларды колдойм

Angel92

2013-05-07 23:41:09

Мен да ырчыларды колдойм,Кыргызстанда болгонумда бармакмын

Baltuwka

2013-05-08 14:43:28

Xixixi Asel Kadurbekova aybai nazik kuz ele. Kantip oinoit boldu eken? ))) Aseldin oinogonun korgonu uchun baramgo XD. Baxtiay aka jagat maga azamatsuz!!! Yrchular kamandasunda dagu kim bar? YRCHULAR AAALLLGAAAAA!!!!!

ledy.1993

2013-05-09 18:12:06

Асельдин кандай ыры бар,такыр укпаптырмын?

admin_media

2013-05-09 18:34:02

ledy.1993,
Бул жактан угуп, клиптерин көрсөңүз болот
http://www.super.kg/media/?search_term=&search_author=533&media_search=1&x=2&y=2

Комментарий калтыруу үчүн өз ысымыңыз менен кириңиз же каттоодон өтүңүз.

№ 548, 3-май-9-май, 2013-ж