Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ШААРГА ЖАҢЫ КЕЛГЕНДЕ...

№349 10-16-июль, 2009-ж.


Айыл менен шаардын айырмасы бир топ эле. Андыктан элеттен шаарга жаңы келген ар бир адам кызыктуу окуяга туш келери чын. Шоу-бизнес чөйрөсүндөгү белгилүү адамдар шаарга жаңы келгенде башынан өткөргөн кызыктуу окуяларын айтып беришмекчи.


Сапар Эркебаев: «Мен үчүн маршрутка менен троллейбус бирдей болгон»

– Көпчүлүк эле шаарга келгенде туугандарынын үйүнө келишет. Менде болсо андай туугандар жок эле. Шаарга биринчи жолу келерде алдын-ала сүйлөшүлгөндөй тааныш байкелер мени тосуп алышы керек болчу. Келген күнү алар калп айтышып тоспой коюшту. Келип алып барар жерим жок. Эки түн КамАЗдын үстүндө уктадым. Эптеп жашаганга жер тапкандан кийин ал жакка маршрутка менен барыш керек болду. Элдин маршрутканы тосуп түшүп кетип бара жатканын көрүп, мен да ошондой ойдо жарым жолдон эле троллейбусту кол көтөрүп тосуп жатпаймынбы. Жолдо тургандар мени таң калып карашат. Троллейбустун аялдамадан гана токтой турганын кийин билдим.


Акбар Сүйүнбаев: «Аяган батинкемден айрылгам»

– Шаарга келип, жатаканага жа­ңыдан жайгашып балдар менен тааныша баштадым. Биринчи эле күнү Султан Садыралиев “шым алышым керек. Базарга барып келбейлиби?” деп калды. Базарга барып Султанга шым алдык. Айылдан шаарга жөнөөрдө апам жаңы бут кийим сатып берген. Мен кычырап базарга ошол батинкемди кийип алгам. Андан кийин Горький менен Панфилов көчөлөрүнүн кесилишинде жашаган агамдыкына барышым керек болчу. Анын үйү жакын деп ойлоп жөө жөнөгөм, бирок адашып үйүн таппай калдым. Түштөн кийин чыгып алып, түндө үйүн араң таап бардым. Баарынан кызыгы, түн кирип калганда бирөө сабап кетет деп коркпой, жаңы батинкемди бирөө-жарым чечип албаса экен деп коркуп жеттим. Үйгө кирип бут кийимимди чечсем, аяган бут кийимим айрылып калыптыр. Көрүп капа болгонумду айтпа.


Бактыяр Токторов: «Талонумду чайнап салгам»

– Шаарга жаңы келип, дос балдарым менен биринчи жолу троллейбуска түшкөнүмдө кызык окуяга туш болгом. Жаныбызга кондуктор келип, жол кире сурады. Жол кире берсек, талон таштап кетти. Мен ал талонду сакташ керегин билбей оозума салып чайнап салдым. Бир маалда кондуктор “талонуңузду көрсөтүп коюңуз” деп жаныма кайра келди. Мен чайнап салган талонумду оозумдан чыгара албай туруп калдым. Кондуктор унчукпаганымдан “жол кире төлө” деп кыйкырып кирди. Дагы акча төлөмөк белем деп уялбай туруп оозумдагы чайналган талонду алып чыгып көрсөтүүгө аргасыз болгом.


Назми: «Эшиктин алдында таң атыргам»

– Шаарга жаңы келген күнү эжемдин үйүн эптеп таап келсем, үйү бек экен. Мени тосуп алчу эжем конокко кетиптир. Караңгы кирип калды. Эшиктин алдынан бирөөлөр өтсө, коркконумду билгизбей калп эле коңгуроону басып туруп калам. Ошентип отуруп чарчаган жаным уктап кетип, кызыктуу түштөрдү көрүүгө да жетиштим. Таң атканда эжемдер келишкенде, таарынып атып үйгө кирип эс алгам. Ошол шаарга алгач келгенимди эстеп азыр күлүп калам.


Замир Арыкбаев: «Маршрутканы «стоп» деп кыйкырып токтотком»

– Шаарга келгенде орус тилин жакшы билчү эмес элем. Маршруткага түшкөндө “токтотуп коюңуз” деген сөздү орусча айта албай көп кыйналчумун. Орус айдоочу болсо эле “токтоп коюңуз” деп айта албайм. Мен түшө турган жерден башка бирөө түшсө сүйүнүп түшүп кетем. Жок болсо токтомоюнча кете берем. Бир жолу таякем экөөбүз базардан келе жатабыз. Маршрутка толо киши. Үйгө жеткенде таякем түшүп калды, мен болсо кысылыштан чыга албай калдым. Маршрутка жүрүп кетти. Кайсы сөздү айтып токтотом деп ойлонгуча бир аялдама өтүп кетиптирмин. Калып калбайын деп коркуп “сто-о-оп” деп кыйкыргам.


Нурзада Жолдошева: «Жер алдындагы өткөөлдөн башым айланган»

– Айылдан шаарга жаңы келгенимде “Айчүрөк” соода борбордун жанындагы жер алдындагы өткөөлдөн башым айланган. Сейилдеп жүрүп өткөөлдүн бир жагынан кирип, экинчи жагынан чыксам эле баягы мен билген тааныш көчө эмес. Кайра артка кайтып башка жагынан чыксам кайра эле башка көчө. Бирөө-жарымдан суроо да ойго келбептир. Анан 2 сааттай өткөөлдүн ар жагынан бир чыгып, бул жагынан бир чыгып отуруп башым айланып калды. Ыйлап баштасам, бир милиция кызматкери келип үйүмдүн дарегин сурап, ошол жакка кетчү маршруткага салып жиберди. Азыр ойлосом, аябай эле кичинекей болсом керек. Болбосо кантип ошо кичинекей өткөөлдө эки саат башым айланып жүрмөк элем?!


Замира Рахманбердиева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: