реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СӨӨЛ – ЖУГУШТУУ ООРУ

№349 10-16-июль, 2009-ж.


Сөөл чоң кишилерден да, кичине балдардан да жолугат. Сөөлдү адам денесинде алып жүргөнү менен, ал жугуштуу экенин биле бербейт. Сөөлдү пайда кылуучу вирус аялдарды жатын моюнчасынын рак оорусуна жеткирерин уккандар ишенбөөсү да мүмкүн. Төмөндө сөөл боюнча маалыматтар.

Сөөл эмнеден пайда болот?

Сөөлдү негизинен папиллома вирусу пайда кылат. Аталган вирустун 100дөн ашык түрү бар.
Сөөлдүн тамыры болбойт жана бутактанып өспөйт. Вирус жуккандан тартып анын биринчи белгиси пайда болгонго чейин (инкубациялык мезгил) 7 аптадан 5 айга чейин убакыт өтөт. Вирус коомдук жайлардан: мончодон, бассейнден, спорт залдан; буюмдардан: бирөөнүн сакал алгычынан, сүлгүсүнөн, бут кийиминен жана башкалардан жугушу мүмкүн. Учурда бассейнге каттоонун сезону болгондуктан, вирусту жугузуп албоого аракет кылуу абзел.
Мындан тышкары, иммунитет төмөндөгөндө организм вируска туруштук бере албай, сөөл өсүп кетет. Ал эми көп тердөө, күндүн зыяндуу нурларынын таасири сөөлдүн чоңоюп жана көбөйүп кетишин шарттайт. Тери жаракатка кабылганда, мисалы, кесилип же айрылып-тытылганда вирусту жугузуп алуу коркунучу чоң. Андыктан кесилген, тытылган жерлерге дароо йод же башка дары-дармектерди сыйпап айыктыруу керек.

Түрлөрү

Сөөл жалпак, жөнөкөй жана тамандын сөөлү болуп бөлүнөт.
Сөөл дененин каалаган жеринде, мисалы, колтукта, моюнда, эмчекте, көздүн сурмасында, эринде, мурунда, ооздун былжыр чел кабыгында, таңдайда кездешиши мүмкүн. Бирок көбүн­чө кол-буттун манжаларында, таманда, жаакта кездешет.
Мындан тышкары, сөөлгө жыныс органдарында кездешүүчү кондиломаны да кошууга болот.

Сөөл жатын моюнчасынын рагына чейин жеткизет

Кондилома берки сөөлдөрдөн венерикалык оору түрүнө киргендиги жана жыныстык кошулуудан жуга тургандыгы менен айырмаланат. Сөөлдөрдүн ичинен эң коркунучтуусу дал ушул кондилома болуп эсептелет. Анткени кондилома жайылып отуруп жыныс органдарын, андан өтүп анустун (арткы тешиктин) айланасын каптай баштайт. Кээде жыныс кынына, жатын моюнчасына дейре жайылып кетет. Мындай болгондо вирус жатын моюнчасынын залалдуу же залалсыз рак оорусун пайда кылуусу мүмкүн. Кондилома сөөлүн короздун таажысына же капустага (броколли) окшоштурушат.
Айта кетүүчү нерсе, адамдын денесиндеги тубаса меңдерди (невус) сөөл менен алмаштырууга болбойт. Бул тууралуу кийинки сандарыбызда сөз кылмакчыбыз.

Дарылоо жолдору

Кээде сөөлдөрдүн өзүнөн-өзү жок болуп кеткен учурлары кездешет. Мындай көрүнүш 40-50 пайызды гана түзөт жана көбүнчө балдарда кезигет.
Дарылоодо жөнөкөй жана жалпак сөөлдөр 1-3 ай ичинде кетип калат. Ал эми таман сөөлүн дарылоодо 2 айдан 5 айга чейинки убакыт керектелет. Кондиломаны жок кылууда өтө этияттык керектелет жана узак убакытты ичине камтыйт.
Сөөлдү жок кылуу үчүн негизинен суюк азот, электр тогу менен күйгүзүү, лазер менен жок кылуу ыкмалары колдонулат. Аталган ыкмаларды дарылоодо ооруну сездирбөөчү дары-дармектер колдонулгандыктан, оорутуу сезилбейт.

Жок кылуу үчүн колдонулуучу каражаттар

Пластырлар. Сөөлдү жок кылууда колдонула турган мындай пластырларга салицил кислотасы сиңирилип коюлат.
“Суперчистотел”. Сырттан сыйпалуучу бальзам. Сөөлдү жок кылууда эң таасирдүү каражат.
Е витамини. Жаңы чыгып келе жаткан сөөлдү кетирүү үчүн дарыканадан Е витаминин (майлуу эритме) сатып алуу керек. Аны жука чүпүрөк же салфетканын бетине куюп, сыртынан байлап, 1 сутка коюу кажет. Курс 2-6 аптага созулат жана ар күнү таңууну алмаштырып туруу зарыл. Сөөл алгач кичирейип, анан жок болот.

Сөөлдү өз алдынча жок кылууга болбойт!

Сөөлү бар адам эч качан дарыгердин кеңе­шисиз аны өз алдынча жок кылууга ара­кет кылбоосу кажет. Себеби жок кылам деп отуруп, сөөлдөрүнүн санын көбөйтүп же чоң шишикке айлантып жана соо жерди кошо күйгүзүп алуусу толук мүмкүн. Ошондуктан сөө­лүн жок кылгысы келгендер сөзсүз дарыгерге көрүнүп, анын кеңеши менен гана дарылануусу ка­жет. Ошондой эле жогоруда аты аталган дарыларды өз алдынча колдонуудан мурда дарыгерге кайрылуу керек экендигин эскертебиз.

Вирусту жугузуп албоо үчүн кеңештер

Сөөлдү пайда кылуучу вирусту жуктуруп албоо үчүн гигиеналык эрежелерди катуу сактоо керек.
Бирөөнүн кийимин, бут кийимин жана башка буюмун колдонбоо кажет. Бассейнге, мончого барганда жылаңайлак жүрбөй, өзүнө гана тиешелүү бут кийимди кийип жүрүү керек.
Жыныс органдарына чыгуучу кондиломага кезиккенде, толук дарыланып айыккыча жыныстык катнашты токтотуп туруу керек. Болбосо, түгөйүнө ооруну жуктурушу турган кеп.
Сөөлү бар адамды карап баккан адам да гигиеналык эрежелерди толук сактабаса, ал адам дагы сөөл илдетине чалдыгышы мүмкүн.
Пляжда күнгө узакка кактанууга болбойт. Анткени күндүн зыяндуу нурунан иммунитет төмөндөп, денеге сөөлдүн чыгып кетишине себепкер болот.
Оозунда сөөлү бар адам менен өбүшүү да коркунучтуу. Анткени вирустун жугуусу толук мүм­күн. Адамды өпкөндө сөөлү бар жеринен өбүүгө болбойт.

Статистикадан

  • Кайсы учурду албайлы, элдин 10 пайызы денесинде сөөлдү алып жүрөт.
  • Калктын 75 пайызга жакыны өмүрүндө жок дегенде бир ирет сөөлгө кез келет.
  • Сөөлдөн кутулуу үчүн жер жүзүндөгү адамдар жылына 125 миллион долларга жакын акча коротушат.
  • Сөөл безеткиден кийинки эң эле көп таркаган тери оорусуна кирет.
  • Папиллома тууралуу алгачкы баян Байыркы Грециянын тарыхында кезигет.

Сөөлдөн кутулгуңуз келсе...

Кадимки жаңгактын жалбырагын бир идишке салып, үстүнө суу куюп кайнатып алат. Анан кайнатма сууп калганда сөөлдүн үстүнө жалбыракты суусу менен басып, целлофан коюп таңуу кажет. Муну күндүз деле бир нече ирет жасай берүүгө болот. Сөөл алгач карарып, анан өлчөмү кичирейип баштап, акырында жоголот.
Байтеректин (осина) суу отуну күйүп жатканда жаракаларынан көбүк чыгат. Көбүктү ылайыктуу нерсе, мисалы, чай кашыктын сабы менен чогултуп алып, сөөлдөргө сыйпоо кажет. Үстүн жаппай ачык калтыруу керек. Ыкманы сөөл жоголгуча колдонуу туура.
Кайыңдын тышкы кабыгынан алынган дарыны (берёзовый деготь) дарыканадан сатып алып, сөөлгө күнүгө сыйпоо кажет. Дарынын жыты кескин ачуу болгондуктан, аны кечки убак сыйпап, жатар алдында жууп салса болот.

Канымжан Усупбекова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
03.03.2012. 11:43 
Тайпасы:
Кыймылы жок
Комментарийлердин саны:
47
Катталган:
18-11-2009
Соӊку аракети:
16-08-2017 15:27
Жынысы:
Белгисиз
Калаасы:
CYЛYКТY
0
пайдалуу кенештер экен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: