Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЛИМОН ӨСТҮРҮП ПАЙДА ТАПСА БОЛОТ

№550 17-май-23-май, 2013-ж


Лимон – жылуулукту сүйүүчү цитрус өсүмдүгү. Бирок аны Кыргызстандын аймагында теплицада өстүрүп, түшүм алып, пайда тапса болот. Андай бизнес кылгандардын бири баткендик Садырбек Кожоев лимон өстүрүүдөгү тажрыйбасы менен бөлүшөт.

ТЕПЛИЦА КУРУУ ЖАНА АГА КЕРЕКТҮҮЛӨР
Теплицалардын түрлөрү көп. Алардын бири траншея түрүндөгү теплица. Бул ирет узундугу 13, туурасы 7 метр болгон 10 түп лимон өстүрүүгө ылайыктуу ушундай теплицаны куруу боюнча кеңеш бермекчибиз. Мунун эки башына дубал, ал эми 2 капталына дубал тургузулбай, арматуранын үстүнөн эле клеёнка жабылат.

Пайдубал үчүн
Пайдубалдын бийиктиги – 70 сантиметр, ал эми туурасы – 40 сантиметр
Цемент – 2,5 тонна (килограммы 7 сом) – 17 500 сом
Шагыл – 12 тонна (1 тоннасы 583 сом) – 7000 сом
Кум – 9,5 тонна (тоннасы 350 сом) – 3325 сом
Пайдубалга кеткен чыгым – 27 825 сом

Дубал үчүн
Кум – 2 тонна (1 тоннасы 350 сом) – 700 сом
Цемент – 200 килограмм (килограммы 7 сом) – 1400 сом
Пескоблок – 400 даана (даанасы 27 сом) – 10 800 сом
Дубалга кеткен чыгым – 12 900 сом

Үстүн жабуу үчүн
Арматура (темирден) – 500 метр (метри 15 сом) – 7500 сом
Электрод – 2 куту (1 кутусу 300 сом) – 600 сом
Клеёнка – 26 метр (1 метри 60 сом) – 1560 сом
Ширетүүчүнүн акысы – 6000 сом
Үстүн жабууга кеткен жалпы чыгым – 15 660 сом

Теплицанын жылуулугун сактоо үчүн 
2 темир меш (1 меш 3000 сом) – 6000 сом
Көмүр 1,5 тонна (1 кыш үчүн 1 килограммы 7 сом) – 10 500 сом
Теплицанын жылуулугу үчүн кеткен чыгым – 16 500 сом

Лимон көчөтүн сатып алуу үчүн
10 түп (1 түп көчөт 300 сом) – 3000 сом
Жалпысынан чыгаша 75 885 сомду түздү

Теплица куруу
Теплицанын жалпы бийиктиги 3-3,5 метр болот.
1-кадам. Алгач теплица курула турган жер тандалып, белгиленет. Анан ал жердин ичи 1 метр тереңдикте казылып топурагы сыртка ташылат. 
2-кадам. Теплицанын пайдубалы казылган жерден 1 метр алыстыкта тургузулат. Бул казылган жер көчүп, пайдубалга коркунуч келбеши үчүн керек.
3-кадам. Башы менен аягына пескоблоктон дубал тургузулат.
4-кадам. Дубал бүткөндөн кийин темирден жасалган арматуралар ийилип ширетилет. Дубалдын бир тарабына эшик курулат.
5-кадам. Мештер орнотулат.
6-кадам.  Теплицанын үстүнөн клеёнка жабылат.
7-кадам. Лимон көчөтү отургузулуучу жерге топурак, кум, кык аралаштырылып чачылат. Мунун 20 пайызы  кум , 30 пайызы кык, калган 50 пайызы топурак болушу керек.
8-кадам. Жер даяр болгон соң лимон көчөттөрү аралыгы 2,5 метрден отургузулат.

КАНЧА ЖЫЛДА МӨМӨ БЕРЕ БАШТАЙТ?
Отургузулган көчөт 3 жылдан кийин өз мөмөсүн бере баштайт. Алгач бир түп лимон 4-10 даана мөмө берсе, түшүмү жылдан жылга көбөйүп отуруп, төрт жыл өткөндө орто эсеп менен бир түбү 500 даанадан берет.
Теплицанын ичиндеги жылуулук жыл бою +15 градуста сакталышы кажет. Ушул температурадан түшпөсө, анда лимон бир жагынан бышып, бир жагынан гүлдөй берет. Гүлүн 15 күндө төгүп, мөмөсү 3-4 айда бышат.

ЗЫЯНКЕЧТЕРГЕ КАРШЫ КАРАЖАТ 
Лимонду көбүнчө шире басып калат. Андан арылтуу үчүн В-58 (фосфамид) деген дары колдонулат. Анын 100 граммы 100 сом. 100 грамм дарыны 10 литр сууга аралаштырып даракка чачуу кажет. Лимондун бою кароосуна жараша өсө берет.

ЖАҢЫ КӨЧӨТ ДАЯРДОО
Лимондун кичирээк бир бутагын кесип, анын 2 жалбырагын калтырып, калган бөлүгүн кесип салуу кажет. Минткенде калемче пайда болот. Калемчелер ар бири 5 граммдан алынган корневин, гетероауксин аттуу дарылар кошулган сууга 16  саатка салынат. Андан кийин атайын идишке отургузулуп, баягы дары аралаштырылган суу түбүнө куюлат. Бул дарылар таякчадан тез тамыр чыгарууга жардам берет. Дарылардын 5 граммы 100 сом турат. Көчөт 2-3 жылдык болуп өскөндөн кийин гана жетилди деп жерге отургузулат.

СУУКТА КАМ КӨРҮҮ
Суукта  теплицанын ичине орнотулган мештерге от жагылат. Ал эми жазында теплицанын үстү жабылган клеёнка алынып салынат. Ал жакшы сакталыш үчүн жерге көмүп коюу керек. Кыш келгенде көмүлгөн клеёнканы алып, колдоно берсе болот.

ТҮШКӨН КИРЕШЕ
Лимон дарагы теплицага отургузулгандан кийин төртүнчү жылы жакшы түшүм берип, кеткен чыгымдарды актай баштайт. Мисалы, ар бири 500 даана мөмө берсе, аны 25 сомдон сатканда 125 000 сом акча болот. Ошентип, теплицага отургузулгандан 4 жылдан кийин, көмүр, дарыларга кеткен чыгымдарды кошпогондо, таза кирешелер көп болот.

«ЖЫЛДЫК КИРЕШЕМ 50-60 МИҢ СОМ»
Бизге кеңешин айткан САДЫРБЕК КОЖОЕВ мырза лимон өстүрүп соода кылат.
– Мен лимон өстүрүү менен 4 жылдан бери алектенем. Теплицамда учурда 10 түп лимон бар. Алардын ар бири орто эсеп менен 500 даанадан мөмө бере башташты. Дүң баада 1 чоң даанасын 25 сомдон, орточосун 20 сомдон тапшырабыз. Жалпысынан 1 жылдык кирешебиз орто эсеп менен 50-60 миң сомду түзөт. Бирок лимон суукка чыдамсыз, –2 градуста эле үшүк алып кетет.
Лимондун жаш көчөттөрүн сатсаң да жакшы пайда көрөсүң. Мен жылына 50-60 жаңы көчөт даярдап, ар бирин 300 сомдон сатам. Айта кетчү нерсе, лимон данегинен эмес, көчөттөн отургузулат. Көчөттөн отургузулганы 3-4 жылда мөмөсүн бере баштаса, данектен өнүп чыкканы 20-25 жылда мөмө берет.

P.S.Керектүү материалдардын баалары Баткен шаарындагы баа боюнча берилди. Аймактарда айырмачылыктар болушу мүмкүн.

Бегайым Тажибай кызы
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(3)
01.06.2013. 16:39 
Тайпасы:
Тартип бузгандар
Комментарийлердин саны:
350
Катталган:
17-11-2010
Соӊку аракети:
11-02-2014 11:16
Жынысы:
Белгисиз
Калаасы:
Ош
0
балээ го
03.06.2013. 09:19 
Тайпасы:
Кыймылы жок
Комментарийлердин саны:
1
Катталган:
28-02-2011
Соӊку аракети:
18-02-2015 04:16
Жынысы:
Белгисиз
0
Bishkekte kochotun kaysi jerden satyp alsa bolot?
31.01.2018. 11:24 
Тайпасы:
Жаран
Комментарийлердин саны:
1
Катталган:
30-03-2015
Соӊку аракети:
01-02-2018 16:59
Жынысы:
Белгисиз
0
супер!!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: