Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАЗ БАГАБЫЗ

№550 17-май-23-май, 2013-ж


Каз дегенде эле көз алдыбызга майпаңдап баскан үй канаттуусу элестээри бышык. Аны эл арасында «канаттуу кой» деп да коюшат. Каздын үй канаттууларынын катарын толуктаганы үч миң жылдан ашуун мезгилди камтыйт. Бүгүнкү макалабыздын негизги өзөгү каздардын породасы, аларды багуу тууралуу болмокчу.

КЫРГЫЗСТАНДАГЫ КАЗДЫН ТҮРЛӨРҮ ЖАНА АЛАРГА МҮНӨЗДӨМӨ
Дүйнө боюнча үй шартына көндүрүлүп багылып келаткан каздардын породасынын саны 26га жетет. Ал эми Кыргызстанда 9 чакты породасы бар. Булар дын ичинен эттүүлүгү боюнча алдыңкы орундагы кеңири тарагандар: ири боз каз, кытай, кубань, горький, рейн, италия жана холмогор каздары. Көпчүлүк породалар элдик селекция жолу менен пайда болгон.

КАЗДЫН ЭТИ 3-5 ЖЫЛДАН КИЙИН КАТУУ БОЛУП КАЛАТ
Каздар тоок же үндүктөрдөй болуп бир топто 10 чактыдан эмес, 3-4төн болуп жашашат. Бир топко 1 эркек жана 2-3 ургаачы каз бөлүнөт. Эгер андан ашып кетсе, жумурткалоосу начарлап кетет. Топко каздарды 9 айлык кезинен тарта кошуп, 3-5 жылга чейин гана кармоо керек. Андан соң союп же сатып жиберген оң. Анткени ургаачыларынын жумуртка берүүсү азайып, эркеги менен ургаачыларынын эттери да катуу тартып калат. Башкача айтканда, карып калат. Ал эми породанын асылдуулугун арттыруу үчүн эркек казды 3 жылда бир алмаштырып туруу зарыл.

ТУКУМУН КӨБӨЙТҮҮ ҮЧҮН ЖУМУРТКАГА КАМ КӨРҮҮ КЕРЕК
Каздар породасына жараша айрымдары 8-10 айлык кезинен тарта тууй баштайт. Бирок алар жылына орто эсеп менен 50 чакты жумуртка тууйт жана бул убакыт февраль-июндун аралыгында өтөт. Андыктан көпчүлүк жумурткалар балапан чыгарууга гана жумшалат. Жумурткаларын уядан жаңы туулары менен алып, салкын, кургак жайга сактоо кажет. Анткени ысык жумуртканын майда тешиктери муздагандан кийин гана бүтөлөт. Болбосо ысык жерде калып кетсе, жумуртканын ичине аба толуп, аба менен кошо микробдор кирип, түйүлдүктүн өлүп калышына себепкер болот. Ошондой эле уяда көпкө туруп калса, каздар тебелеп, жумуртка чайкалып калат.

БАЛАПАН ЧЫГАРУУ
Балапан чыгаруу үчүн жумуртка тандоодо көңүл буруучу жагдайлар
:

  • Кабыгы тегиз болушу керек.
  • Жумуртканы жарыкка каратып ичине көз жүгүртүү зарыл. Жумуртканын сарысы күңүрт түстө, дал ортосунда болууга тийиш жана акырындык менен айлантканда сарысы ордунан жай кыймылдайт. Ал эми белогунда эч кандай так болбошу керек.
  • 15 күнгө чейинки жумурткалардан балапан чыгаруу мүмкүнчүлүгү жогорураак.

Жумуртка бастырууга март айынын аяк чени, апрелдин башы ылайыктуу. Балапандар жумурткадан 28-30 күндөн кийин чыга баштайт. Биринчи чыккандарын улам энесинен бөлүп, жылуу жайга чыгарып туруу зарыл. Болбосо энеси тебелеп өлтүрүп алышы мүмкүн. Балапандар баары чыккан соң гана энесине кайра кошулат. Бир каздын алдына көлөмүнө жараша 9-11 даана жумуртка салынат.

ТОЮТУ
Жаңы чыккан балапандардын тоютун бышырылган жумуртка, быштак, майдаланган жем жана көк чөптөр түзөт. 10 күндөн кийин сууга бышырылган картошка, кызылча сыяктуу жашылчаларды берүүгө болот. Ичүүчү суусун дайыма жаңыртып туруу зарыл. Ошондой эле профилактикалык максатта жумасына бир ирет сууга марганцовка аралаштырып берсе, оорулардын алдын алат.
Ал эми 30 күндөн жогорку каздар жемдин бардык түрүн жей беришет. Күз-кыш мезгилинде ширелүү жашылчаларды сууга бышырып берүү зарыл. Каздар чөптү көбүрөөк жегендиктен, аларга жайыты бар аймактар ылайыктуу. Каздар суу канаттуусуна кирет, демек, аларга сууга жуунуп туруусуна шарт түзүш керек.

КАРМООЧУ ЖАЙ
Каздар суукка чыдамдуу келишет. Андыктан кыштын эң суук күндөрү гана жылуу жайга киришет. Каздарды кармоочу жайдын ичи акталып, тазаланып турушу керек. Полго буттарынан сыз өтпөш үчүн саман, жыгачтын таарындысы, кургак жалбырактар төшөлөт. Кармоочу жай дайыма жарык, кургак жана салкын болгону жакшы. Себеби 10 каз 1 күндө орточо эсеп менен денесинен 2 литр сууну буулантып чыгарып турушат. Андыктан кармалуучу жай нымдуу болуп кетсе, каздар кыштын суугунда тоңуп калышы мүмкүн. 2 казга 1 чарчы метр жай туура келет.
Кармоочу жайдын жанында каздар мите курттардан арылып туруусу үчүн кум, күл аралашкан орун жасап коюу керек.

ЭТИ
Каз 70-75 күн болгон кезинде салмагы 4-4,5 килограммды түзүп, союуга жарап калат. Эскерте кетүүчү жагдай, 75 күнгө чейин союуга мүмкүн болбосо, анда аны 120 күндүк болгонго чейин күтүү керек. Себеби 75 күндөн кийин казда жаңы канаттар, жүндөр пайда боло баштайт. Бул учурда союп бышырса, анын эти көбүктөнүп кетет. Ал эми байлаганда короодон чыгарбай жемди күчтөп берип турса, 1,5-2 жуманын ичинде эле эттенип калат.

ЖҮНҮ
Каздын жүнү баалуу жүндөрдүн бири болуп эсептелинет. Ал жаздык, кышкы күрмөлөрдү жасоодо колдонулат.

ТЫНЧЫ ЖОК БОЛУШАТ
Каздар абдан сезгич болушат. Кичинекей эле коркунуч жаралса, үндөрүн бийик чыгарып ызы-чуу түшүшөт. Мына ушундан улам айрымдар баккысы келбейт. Бирок кадимки иттин аткарган кызматын да аткарат. Короого чоочун адам кирсе үндөрүн чыгарышып, эркеги кол салууга чейин барат.

P.S. Каздын майы да элдик медицинада айрым ооруларга дары катары колдонулат. Кийинки сандарда малдын жана канаттуулардын майы тууралуу маалымат беребиз.

Кубаныч Сыдыков
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(4)
20.05.2013. 12:53 
Тайпасы:
Жаран
Комментарийлердин саны:
19
Катталган:
01-10-2012
Соӊку аракети:
24-11-2017 23:55
Жынысы:
Белгисиз
Калаасы:
bishkek
0
ЭЭЭ журналист жигит каздарды сезгичтигин жазыпсын гой брок тарыхтагы абдан жакшы бир нерсени кошуп койсон болмок. Римде макал бар "РИмди каздар сактап калды деген. Анткени римдиктер катуу уктап жатканда аларга галлдар чабуул коймок болуп келишкенде каздар катуу каркылдап римдиктерди ойготот. Себеби римляндар каз багып алардын сырын жакшы билгендиктен каркылдаганын укканда эле душмандарын сезип аларды согушта талкалаган.
20.05.2013. 17:45 
Тайпасы:
Кыймылы жок
Комментарийлердин саны:
61
Катталган:
05-04-2013
Соӊку аракети:
11-09-2016 08:27
Жынысы:
Белгисиз
Калаасы:
Жашыруун
0
jakshy maalymat eken. Rahmat
22.05.2013. 15:33 
Тайпасы:
Жаран
Комментарийлердин саны:
12
Катталган:
07-03-2013
Соӊку аракети:
10-10-2018 03:07
Жынысы:
Белгисиз
0
ии сонун макала болуптур
25.05.2013. 18:24 
Тайпасы:
Жаран
Комментарийлердин саны:
1143
Катталган:
05-05-2013
Соӊку аракети:
17-11-2018 01:01
Жынысы:
Белгисиз
Калаасы:
Москва
0
Каз багуунун да озуно жараша тумон туйшугу бар экен да, тоок багуунун да ушул сыяктуу эрежелери бар бекен, ыя. Тооктор деле аран кобойгондо бир оорудан улам кырылып калат го.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: