Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Назгүл Жетигенова: «АЛИНА ЖОЛУГУШУУГА ТЕРЕЗЕДЕН КАЧЫП ЧЫКЧУ»

№349 10-16-июль, 2009-ж.


“Ачылбаган сандыкта бычыла элек кундуз бар” дегендей, элдин назарында жүргөн популярдуу адамдарыбыз тууралуу канчалаган маалыматтар жазылса да, баары бир көпчүлүккө айтылбаган сапаттары, кылык-жоруктары болот. Муну бала чагынан бери жанында жүргөн биртууганы гана ачып бере алат. Кыргыз эстрадасынын көрүнүктүү өкүлдөрүнүн бири Алина Жетигенованын сиңдиси Назгүл Жетигенованы конокко чакырдык.

– Назгүл, саламатсызбы. Бир эмес, эки жылдыз – Алина менен Назира Жетигеновалардын биртууганы болуу кандай экен?
– Алина эжем менен Назиранын биртууганы болуу мен үчүн сыймык. Биртуугандарың тууралуу элден жакшы кеп угуп калсаң, бир кубанып аласың. Анан эл арасында өзүңдү этият алып жүрүүгө аракет кыласың. Эл оозуна алынып калган биртуугандарыма сөз тийип калбасын дейт экенсиң.
– Сиз учурда эмне иш менен алектенесиз?
– Алина эжем мени жакшы эле ырчы кылууга аракет кылды. Жадакалса бир-эки жолу сахнага чыгып, анын артында коштоп ырдап жүрдүм. Өзүм табиятымдан аябай тартынчаакмын. Ошондуктан Алина эжеме “Назираны эле чыгаргылачы, андан бирдеме чыгат” деп айта берип көндүрүп, өзүм сахна жашоосуна аралашпоону туура көрдүм. Ал гастролдорго барганда мени да алып алчу. Көбүнчө жээндерим Азиз менен Азелди багышчумун.
Бир жолу Алина эжем Юрмалага барарда көйнөк тиктириш керек болду. Мен кичинемден эле тигүүгө шыктуу элем. Анан кие турган көйнөктүн дизайнын өзүбүз эле ойлоп таап, бир түндө тигип чыктык. Көйнөк артындагы чоң көпөлөгү менен өзгөчөлөнгөн. Чет жердик ырчылар да кызыгып кармап көрүшкөн экен. Ошондон улам тигүүчүлүк кесипке кызыгуум артып калды. Учурда Райхан Абдувалиеванын кийим тигүү це­хинде технолог болуп иштейм.
– Алина эженин сизге жакпаган сапаты...
– Кемчилиги жок адам болбойт да. Ал абдан уйкучу. Танк тебелеп кетсе деле уктай берет.
– Эжеңиз менен эмне жөнүндө көп сырдашасыз?
– Эми эки аялдын башы кошулганда ар бир темадан бирден чымчып өтмөйүнчө болбойт да. Болгон сырларымды айта берем, анан ал кеп-кеңешин берет. Чынын айтсам, мен боёнгонду да билчү эмесмин. Өзүңдү кандай алып жүрүүдөн баштап, кабыргадан коюлчу маселелерден кантип чыгууну да үйрөтүп келет.
Төмөндө Назгүлдүн ырчы тууралуу айтып берген баянына кулак салып, сыр күндөлүгүн барактай кетели.

“Мурдун тырмап отура берчү”

– Алина эжем чоң атамдын иниси Абдылда атамдын колунда чоңойгон. Бизге 8-классты бүткөндө келди. Буга чейин Алина биртууган эжебиз экенин жакшы түшүнө берчү эмеспиз. Биринчи жолу келгенде Назира элдин баарына “биздин үйгө чоочун кыз келди, ал эми биз менен жашайт экен” деп мактанып жүрбөйбү.
Алина бизге келген алгачкы учурда эч нерсе менен иши жок жүрө берчү. Назира абдан тентек болгондуктан, экөөбүз көп тытышчубуз. Мындай учурларда Алина эжем ажыратып коюунун ордуна мурдун тырмап же телевизор көрүп, укмаксанга салып отура берчү.
Качан гана Назира атамдын мотоциклин уурдап алып, (канча таяк жесе деле короодон дос балдары менен сүйрөп чыгып кетмей адаты бар болчу) балдар менен оюнга кеткенде мени үйүбүздүн жер төлөсүнө алып кирип, комуз, аккордеон черткенди үйрөтө берчү. Өзү да жыргап ырдап, бийлеп, комуз чертип калчу. Кээде кошунанын кыздарын чогултуп алып, концерт коюп ойноор элек. Алина эжем экөөбүз ынтымактуу болчубуз. Назира Алмаз байкем менен бир болуп, үй жасап ойночубуз. Мен да, Алина эжем да кийим тиккенди жакшы билгендиктен, куурчактарга сонун кылып көйнөктөрдү тигип алчубуз. Ал эми Назира менен байкем эптеп-септеп самсаалатып бирдемелерди жасап алып, анан биздикин көргөндө ичтери күйө беришчү. Назира катуу чычалап кеткенде биздикин тепкилеп, тытып салып качып кетчү.

“Чүкө атып ойночу”

– Алинаны багып чоңойткон атам кийинчерээк көзү жакшы көрбөй калган. Алина калпак кийип, эркекче үн менен “ассалоом алейкум” деп атам менен учураша берип тажатчу экен. Баягы карыган атам “кел, келегой, кимдин баласысың?” десе, “осурак Абдылданын” деп качып кетчү. Бул жоругун бир күндө 3-4 жолу кайталай бергенден такыр тажачу эмес. Атамдардын үйү биздин эле айылда болгондуктан, Алина эки жакта тең жүрө берчү. Анан да өтө жактырып ойногон оюну чүкө атуу болчу. Эркек балдардан кем калышчу эмес.

“Алинанын айынан жамбашымда так калган”

– Алина эжем бала чагынан эле жалтырак, кооз нерселерге абдан жакын. Бир жолу апам мага кубулуп турган төш белги (значок) сатып берди. Аны кыймылдатсаң “Сениби, шашпа” мультфильминдеги карышкыр менен коён бири-бирин кубалашкансып турчу. Менден алып тагынып, Абдылда атамдыкына кетип калыптыр. Апам башка кыздарга берип салган экен деп мени урушуп: “Бар, таап кел”,- деди.
Шашкан боюнча чо-оң көлөчтү кийип алып жөнөп калдым. Кирип баратканда эшиктин алдындагы чоң итти байкаган эмесмин. Чыгып баратып баягы шалпылдаган көлөч менен уктап жаткан немени чочутуп алдым окшойт, “арр” деп жамбашыман тиштеп калса болобу. Мен бакырып качып жөнөдүм, Алина артыман чуркап келе жатса ого бетер безеленип качыптырмын, ит экен деп. Ошентип, Алинанын айынан жамбашымда так калган.

“Үйдүн тегерегинде балдардын ышкырыгы таш жарчу”

– Алина мектептин алдыңкы окуучуларынан эле. Окуудан кийин мектепте кандай ийрим болсо да катыша берчү. “Айрыкча математиканы семичкедей чагат” деп мугалимдер мактап калышчу. Жакшы окуган кыздарды көп жигиттер жакшы көрө беришет го. Алина эжемди да сүйгөн балдар көп болгон. Кеч киргенде эле терезенин түбүнөн ышкырыктар чыгып калчу. Апам болсо аны “свиданиеге чыгып кетпесин” деп сайма сайдырып отургузуп койчу. Бирок ал баарын уктатып коюп, акырын терезеден чыгып кетчү. Биз муну байкап калсак, “эртең үйдү өзүм жалгыз жыйнайм, тигини берем, муну берем” деп алдап койчу.

Бир жолу таң атканда келем деп апама кармалып калды. Көрсө, туулган күнгө барган экен. Анан апамдан аябай таяк жеди. Ал ыйлап жатса, Назира экөөбүздүн боорубуз ачып, кошулуп өңгүрөп ыйлаганыбыз эсимен кетпейт.

“Кесибин тымызын эле тандап койгон”

– Ал мектепти аяктап, чоң окууга тапшырууга атам менен Бишкекке келген. Көп өтпөй атам “кызымды мугалимдин окуусуна тапшырттым” деп келип калды. Кийинчерээк атам башында тапшырткан ЖОЖго барып, эжемди таппай коёт. Көрсө, ал өзү эле Искусство институна барып тапшырып алган экен. Бул тандоосуна ата-энебиз өтө деле каршылык кылган жок. Ошентип, ал кесибин өзү эле тымызын чечип койгон. Студент болуп жүргөндө Кубат аттуу жездебиз аны ала качып кетет. Убакыт өтүп, эки балалуу болгон соң ортодогу түшүнбөстүктөрдөн улам ажырашып кетишкен.
Учурда сүйүктүү жары менен бактылуу турмушта жашап жатат.

Алина жана Назира жөнүндө...

  • Алина таптакыр палоо жасай албайт.
  • Азан чакырган аты – Алмакан. Достору Алина деп жүрүп эле Алина атка конуп калган.
  • Назира аялдарга караганда мырзалар менен бат тил табышат.
  • Алина белекке саат тартуулаганды жактырат. Сиңдисине 9 кымбат баалуу саат белек кылган.
  • Назира эркектин кийимин кийгенди жакшы көрөт.
  • Биртуугандар саунага барып эс алууну жактырышат.

Биртуугандар тууралуу

  1. Алина – 45 жашта, 3 баланын энеси;
  2. Алмаз – 2 баланын атасы, 43 жашында каза болгон;
  3. Чолпонбек – 41 жашында каза болгон;
  4. Назгүл – 37 жашта, 1 баланын энеси;
  5. Назира – 35 жашта, 2 баланын энеси;
  6. Наргиза – 30 жашта, 2 баланын энеси.

Эки иниси оорудан улам кайтыш болуп кетишкен. Иниси Алмаз менен атасы инсульттан бир күндө каза болуп калышкан. Учурда 4 биртууган Бишкек шаарында турушат. Апасы Назира менен чогуу жашайт.

Бахияна Сатылганова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: