КУБАТ ОТОРБАЕВДИН ИШИ БАЙКООЧУ КЕҢЕШТИ КАНААТТАНДЫРГАН ЖОК

Байкоочу кеңеш 2012-жылга карата КТРКнын башкы директорунун отчётун канааттандырарлык эмес деп тапты жана ага ишеним көрсөтпөө маселесин көтөрүп чыкмакчы. Бул тууралуу КТРКнын ишмердигин көзөмөлдөө боюнча Байкоочу кеңештин төрагасы Фархат Бекманбетов ЖКдагы комитет жыйынында билдирди. Анын айтымында, аталган маселе Байкоочу кеңештин келерки отурумунда талкууга коюлат.
Жыл ичинде Байкоочу кеңешке КТРКга карата жарандардан 165 арыз-даттануу келип түшкөн. Байкоочу кеңештин айрым мүчөлөрү буга байланыштуу Кубат Оторбаевге ишеним көрсөтпөөнү демилгелеп чыгуу маанайында.
Телеканалдын көрсөтүүлөрү начар деген сын көп айтыларын, бул жерде журналисттердин эмес, жетекчиликтин күнөөсү чоң экендигин КТРКнын журналисти К.Эсенбаев баса белгилеп өттү. «Алып баруучулар – телеканалдын жүзү, алардын дикциясы таза болушу керек. Бирок алып баруучуларга сынак жарыяланбайт. Олигархтардын аялдарынын иш орунуна айланып калды»,- деди ал.
Ал эми Байкоочу кеңештин төрагасы Фархат мырзага байланышканыбызда «КТРКнын башкы директоруна ишеним көрсөтпөө демилгеси көтөрүлгөн жок, азырынча, былтыркы жыл үчүн отчётун канааттандырарлык эмес деп таптык»,- деп ЖКда айткан сөзүн оңдоду.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (8)

Suluwka_1992

2013-05-27 11:03:30

Мен бул айткандарына кошулбайм. Кубат Оторбаев жапжакшынакай эле иштеп жатат го. Мен учун КТРК да жылыш бар. Дагы бироо анын оордуна келгиси келип атса керек да.
Кыргыздар болгонду болгондой суйлогонду качан уйронобуз деги?!

best-life

2013-05-27 13:19:25

ээр-токум кыйшайып жаткан го, байкоочу кенешти неге шайлады ошого окшогон нерселерди байкасын деп шайлады да. Бирок менин КТРге ичим чыга бербейт, баардыгы бир беткей...

Nazar.arapbaev

2013-05-27 13:52:19

tuurale koroiun desen,korgongo dele e4 nerse jok...

Shekerbek

2013-05-27 14:56:33

"Жашоо суртумдору" деген кино мага жагат жакшы которушкан (с юмором) КТРК азаматсынар!!! АЛГА

arzuu1

2013-05-27 21:17:11

Акыркы убакта Кубат байкебиз негедиир жолунан чыгып кетти эле озу

Baizakk11

2013-05-28 03:30:36

Кубат оторбаевтын иши чынында коомга и чойрогода жакпайт бул киши бир жаакту алып барат оз ишин алмаштыруу керек созсуз

Baizakk11

2013-05-28 03:34:01

Оторбаев кайсыл чиновник туура эл учун мекен учун ишин алыпбарса ошонун барып жумурткасынан кыр издейт накта каррупциянер ушул болот

mi-li-na

2013-05-28 13:52:30

КТРдин сапырылган акчалары, Оторбавди озу эле издеп барган акчалар башын кичине тегеретип койгондур да ;)

Комментарий калтыруу үчүн өз ысымыңыз менен кириңиз же каттоодон өтүңүз.

№ 551, 24-май-30-май, 2013-ж