Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАШ ЖИГИТ ТИШ ООРУДАН КАЗА ТАПТЫ. КҮНӨӨ КИМДЕ?

№552 31-май-6-июнь, 2013-ж


«Уулумдун «Апа, мен бат эле айыгам! Анан экөөлөп ушул доктурлардан өч алабыз!» деген акыркы сөзүнүн өтөсүнө чыгайын деп жүрөм». Кеңсебизге баш баккан Жумагүл Шабданова аттуу айым ушинтип сөз баштады. Каарманыбыздын айтымында, он гүлүнүн бири ачыла элек уулу ак халатчандардын шалаакылыгынан улам каза тапкан. «Бирок мен өч алайын деген жокмун, болгону күнөөлүүлөр жазасын алса» дейт уулунан ажыраган эне.

«АПА, СИЗДИ АКЫРКЫ ЖОЛУ КӨРҮП АЛАЙЫНЧЫ»
Уулунун кырчындай 18 жаш курагында каза болуп калганына дале ишенгиси келбеген эне окуяны төкпөй-чачпай төмөндөгүдөй баяндады:
– Уулум Жыл­дызбек Бекмырзаев 1995-жылы 2-апрелде төрөлгөн. 3 бир туугандын ортончусу эле. Кербен шаарындагы Жоомарт Бөкөнбаев атындагы мектепте 11-класста окуп жаткан. Оштогу технологиялык университетке тапшырам деген жакшы тилектери бар болчу. Классташтары, айылдын баары баламды «куудул» деп жакшы көрүшчү. Жылдызбек куудулданып сүйлөп элдин баарын күлдүрүп жүрчү.
Ушул жылдын 21-февраль күнү Жылдызбек Кербен шаарындагы жеке ооруканалардын бирине барып, Айнагүл Чолпонкулова аттуу тиш доктурга курт жеген тишин тазалатып, андан соң пломба салдырган. Ошондо тишинин түбүнө инфекция кирип кетиптир. 22-февралдан баштап түнү менен тиши ооруп, уктабай чыкты. Эртеси иш күнү эмес болгондуктан, 25-февраль күнү гана кайра тишин тазалаган ооруканага бардык. Ал оорукананын стоматология бөлүмүнүн башчысы Базарбай Максүтбеков «тиштин түбү ириңдеп кетиптир. Хирургия бөлүмүнө барып, ириңди алдыргыла» деп Аксы райондук ооруканага жолдомо кагаз жазып берди. Ал жактын хирургия бөлүмүнө алып барсам, бөлүмдүн жетекчиси Дүйшөн Эргешов «тиш ооруга да ооруканага жатчу беле?! Эч нерсе болбойт. Фурацилин деген дары алгыла да, үйгө барып чайкай бергиле» деп койду. «Жолдомобуз турат го, жаткырып кой» десем, «азыр бизде орун жок. Биз тиш ооруганды жаткыра албайбыз» деп баламды кабыл албай койду.
Эртеси уулумду үй-бүлөлүк дарыгер Гүлмира Абдуллаевага алып бардым. Ал баланын дене табын өлчөп, ооруксунууну билдирбеген ийне сайды да «дене табы 39,4 градус экен, хирургга алып барыңыз» деди. Ал айткан хирургга барсам, баланы көзүнүн кыйыгынан карап, «бул менин оорум эмес, лорго көрсөтүңүз» деди. Лорго алып барсам анысы да «бул менин оорум эмес» дейт. «Баланын дене табы көтөрүлүп жатат, анан мен каякка алып барышым керек?» десем, «Цефазолин деген укол алыңыз да, үйдөн карай бериңиз» деп койду. Эртеси Аксы райондук ооруканасынын башкы дарыгери Абдыманап Кулубаевге кирип, баламдын акыбалы оор болуп жатканын түшүндүрүп, аны хирургия бөлүмүнө ээрчитип бардым. Ал жерден Эшалиев, Эргешов дегендер стоматолог Базарбай Максүтбековду чакырышты, анан балама ампициллин уколун сайып коюшту. «Асма укол бербейсиңерби?» десем, алар «балаңызда асма укол бере турган оору жок. Эч нерсе болбойт, бул андай деле коркунучтуу оору эмес» деп ооруканага жаткырышты. Ооруканада ошол убакта бош орундар бар эле экен. Кийин мен 3 күн бою «мага жолдомо эле берип койчу. Бул жерде рентгениңер болбосо же дарыгерлер жакшы карабаса. Баламдын абалы уламдан-улам оорлоп баратат» деп башкы врачка бир күндө 3 жолу барып жалдырадым. Ал «өзүбүз эле карайбыз» деп жолдомо берген жок. Баламдын акыбалы оорлоп, мен ага кошулуп ыйлап, «сен бир аз жата турчу, мен врачтарды чакырып келе калайын» десем, балам «Апа, сизди акыркы жолу көрүп алайынчы. Мен өлүп калат окшойм!» деди (каарманыбыз сөзүнүн ушул жеринен жашып кетти).

«КҮНӨӨЛҮҮ ВРАЧ АКЧА СУНУШТАДЫ»
– Баламды жанында жаткан адамга табыштап коюп, чуркап дарыгерлер отурган кабинетке барсам, башкы врач Абдыманап Кулубаев, бир нече дарыгерлер болуп тамак ичип отурушуптур. Аны көрө сала «баланын акыбалы оор болуп, жерде томолонуп жатса, силер жайбаракат тамактанып отурасыңар. Балама жардам бергиле!» деп кыйкырдым. Ошондо гана алар чуркап келип, баламды карашты. Мен «жолдомо жазып бербесеңер, силер жоопкер болосуңар» деп туруп алдым.
Ошентип, врачтар кечинде гана өз ара кеңешип, анан «колубуздан келгенин кылдык. Баланы шаарга алып барбасаңыз болбой калды окшойт» деп качан гана уулумдун абалы начарлап кеткенде Бишкекке жолдомо жазып беришти. Жолдомону алып Бишкектеги Улуттук госпиталга келдик. Бизди Алмаз Кулназаров деген врач кабыл алды. Өзүбүздүн райондо 12 күндө чыгат деген анализди 3 мүнөттө чыгарып берди. Анан баланы палатага да жаткырбастан, 15 мүнөткө жетпей операцияга алып кирип кетишти. Операциядан чыккан соң балам кичине өзүнө келип калды. Анан «баланын өпкөсүнө ириң чаап кетиптир, экинчи операцияга алып киребиз» дешти.
Экинчи операцияны баламдын мойнун кесип жасап, «баланын иммунитети өтө начар, Аксы райондук ооруканадан эч кандай азыктандыруучу асма укол куюшкан эмес» дешти. Дагы бир профессорду чакырышты, ал баламды көрүп, мени иш бөлмөсүнө чакырып, «биз эч нерсе айта албайбыз, бир Кудайдан. Баланы өтө оор акыбалда алып келдиңиз. Дагы аракет кылабыз. Эми «өлсө, сизде доом жок» деп мага кол коюп бериңиз» деди. Көзүмдүн жашын көл кылып «доом жок» деп кол коюп бердим. Анан операция жасалып, ал ийгиликтүү болду. Баламды акырындан бастыра баштадык. Бир күнү врач Алмаз «эже, уулуңузду алдыда эң оор операция күтүп турат. Баланын мойнундагы күрөө тамыры ириңдеп кеткен. Аны алыш керек» деди. Ошентип, 9-март күнү операцияга алып кирип кетишти. Мен эшикте күтүп тургам. Көптөн кийин Алмаз чыкты. Дароо эле «операция кандай өттү? Жакшыбы?» деп сурасам, ал «эже, жүрсөңүз бөлмөмө, сүйлөшчү сөздөр бар» дегенинен кирдим. Анан артымдан дагы эки врач кирип келди. Көл-шал терге түшүшкөн, кийимдеринин баары кан. Аларга «жакшы операция жасап баламды сактап калганыңар үчүн рахмат, айланайындар!» деп алкыш айтып жатсам эле Алмаз «эже, колубуздан келгенин жасадык, бирок уулуңузду сактап кала албай калдык, кечириңиз» деди...
Баламдын өлүмүнө себепкер дарыгер Абдыманап Кулубаев Аксы райондук прокуратурасына жазган арызымды кайтарып алышымды талап кылып, акча сунуштап жатат. Бирок мен эч кандай акчага алданбайм. Анткени балам өлөр алдында мага «апа, мен айыгам, анан экөөлөп ушул доктурлардан өч алабыз» деп айткан.

«КОЛУБУЗДАН КЕЛГЕНИН ЖАСАДЫК»
Мындан соң биз экинчи тараптын, тагыраак айтканда, Кербен шаарындагы оорукананын башкы врачы АБДЫМАНАП КУЛУБАЕВге байланыштык:
– Бала чындап эле биздин ооруканада жаткан. Алгач биздин бир дарыгер оорусун түшүнбөй лорго жибериптир. Бала лорго барып, андан соң үйүнө кетип калыптыр. Эртеси ооруганынан кайра келди. Бизде 2 күн жатты. Кулагына наушник салып жакшы эле угуп жүргөн. Анан мен дарыгерлерди, баланын туугандарын чогултуп, «бул ооруну биз операция жасай албайбыз. Моюнда кан тамыр көп, операция учурунда кан көп кетип калышы ыктымал. Ошондуктан борборго эле алып баргыла» дегем. Анан Бишкектеги тааныш дарыгерлерге чалып, «тууганым болот» деп дайындап жибергенбиз. Ал жактан 4 жолу операция болду. Төртүнчүсүндө кан көп кетип, бала каза болуп калды. Биз колубуздан келген жардамыбызды бердик.
Баланын апасына мен пара сунуштаган жокмун. «Биз балаңызды атайылап сабап өлтүргөн жокпуз. Анын өмүрүн сактап калалы деп колубуздан келген жардамды кылдык. Айла жок экен. Эми баланын кыркына, жылдыгына жана эстелигине жардам берели» деп айтканыбыз чын. Мен өзүм ажымын. 5 маал намаз окуйм. Ажыга барып келгенден кийин айылдагы ажы аксакалдар, врачтар чогулуп куран окутуп жатканбыз. Анан баланын апасы кирип келип эле бизди сүрөткө тартып, кыйкырып баштады. Баланы караганбыз, ошол учурда акыбалы күндөгүдөй эле болчу.

«ЭКСПЕРТИЗАНЫН ЖЫЙЫНТЫГЫ ЧЫКСЫН, АНАН...»
Карачечекей уулун жоготкон эне азыркы учурга чейин баласынын өлүмү боюнча кылмыш иши козголбой жатканын айтат. Аксы прокуратурасы иш алып барып, иштин чоо-жайын Талант аттуу тергөөчү иликтемей болгон. Аксы райондук прокуратурасынын тергөөчүсү ТАЛАНТ АХМЕДОВ менен байланышсак, ал төмөнкүлөрдү билдирди:
– Бул факт боюнча Кылмыш жана жаза кодексинин 119-беренеси (медициналык кызматкердин өзүнүн кесиптик милдеттерин талапка ылайык аткарбашы) менен кылмыш иши козголгон. Азыркы убакта керектүү материалдардын баары экспертизада каралып жатат. Экспертизанын жыйынтыгы чыккандан кийин гана тийиштүү чара көрөбүз.
Бул окуя тууралуу Саламаттыкты сактоо министрлигинин басма сөз кызматына байланышканыбызда алар бизге Канат аттуу кызматкеринин телефон номерин беришти. Бирок аны менен байланыша албадык.
Өткөндө бир ырчы «тишимди оңдотуп стоматологго каттап жүргөм. Бир жумадан соң катуу ооруп калдым. Ооруканага барсам, «сарык оору жугузуп алыпсың» деп айтышты. Бир айдан ашуун дарыландым, тиш дарыгердин шалаакылыгынын айынан» деп кейиген болчу. Эми бул жигит тиш оору себеп болуп өмүр менен кош айтышты. Гиппократтын антын ичкен ак халатчандар оорулууга дыкат карап, өз ишине так болуп, өмүр сакчысы болушса экен...

Асхат Субанбеков
koom@super.kg



Тиш оору жаш жигиттин өмүрүн алып кетти

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(87)
04.06.2013. 10:27 
Тайпасы:
Жаран
Комментарийлердин саны:
30
Катталган:
15-02-2013
Соӊку аракети:
28-02-2017 09:14
Жынысы:
Белгисиз
0
Чындап эле врачтар кайдыгер мамиле кылып карагысы да келбейт, бирок алардын карабай койгонго акысы жок да себеби алар ошол жумушу учун айлык алып уй-булосун багып жатат го.Супер-Инфо ушул иш боюнча аягына чыкканча козомолдоп турсаныздар болобу?
04.06.2013. 11:25 
Тайпасы:
Кыймылы жок
Комментарийлердин саны:
9
Катталган:
24-01-2013
Соӊку аракети:
01-04-2014 21:04
Жынысы:
Белгисиз
0
баланы караган имиш абалы кундогудой эле болчу дегендеби дагы уялбай врач атанып журу!кантип абалы кундогудой эле болсо олумго жетмек беле?больница эмне куран окутуп тамак жеп той кыла турган жерби?ажымын дейт :-( дагы
04.06.2013. 14:08 
Тайпасы:
Аким
Комментарийлердин саны:
534
Катталган:
26-01-2013
Соӊку аракети:
26-10-2018 02:37
Жынысы:
Белгисиз
Калаасы:
Ак монгулуу Ала-тоо
0
Оздорунун баласы ооруса кандай акыбалда болот ,коротэлек.Жазасын алышсынбашка ак халатчандарга сабак болот.Супер инфо ушул ишти аягына чыгарып берсенер жакшы болмок,эненин куйутун басып.Бир азда болсо жардам ирээтинде
04.06.2013. 17:36 
Тайпасы:
Жаран
Комментарийлердин саны:
128
Катталган:
11-04-2013
Соӊку аракети:
09-10-2018 19:45
Жынысы:
Белгисиз
0
Стаматологдор тиш жасоодо колдонгон курал-шаймандарын ар бир оорулуну коргон сайын стерилизовайт этип туруш керек. Мен коргом вата менен суртуп койуп ,башкалардын оозуна салып даарылап жатканын. Албетте анан оору жугатта. Мисалы шаар жерлеринде эле тазалыкты текшергендер болбосо эле,райондордо айыл жергесинде эптеп эле.
04.06.2013. 19:05 
Тайпасы:
Жаран
Комментарийлердин саны:
657
Катталган:
30-04-2013
Соӊку аракети:
12-11-2018 22:04
Жынысы:
Белгисиз
0
Taakyr uaiat degen jok anan men Ajylykka baryp kelgem dep koiot....
04.06.2013. 19:35 
Тайпасы:
Жаран
Комментарийлердин саны:
6
Катталган:
24-04-2013
Соӊку аракети:
11-09-2018 19:49
Жынысы:
Белгисиз
Калаасы:
Trolltunga
0
Кудайым озу сактасын,врачтар кичине жоопкерчиликтуу болушса экен.Эжеге сабыр каалайм.Тиштин ириндегени эмес,ооруганы да жаман го!Менин да тишимди курт жеп,ириндеди эле врачтар жакшы эле айыктырып беришти.
05.06.2013. 10:10 
Тайпасы:
Кыймылы жок
Комментарийлердин саны:
5
Катталган:
07-02-2013
Соӊку аракети:
06-04-2015 01:42
Жынысы:
Белгисиз
0
кайрат кылыныз! тимеле жирно отурушат го врачтар..
05.06.2013. 12:25 
Тайпасы:
Жаран
Комментарийлердин саны:
104
Катталган:
10-04-2013
Соӊку аракети:
11-11-2018 22:52
Жынысы:
Белгисиз
0
Баягы эле кайдыгерчилик.Беш кол тен эмес, арасында жакшылары да бар.Ал эми бул врачтар жазасын алыш керек эгер адилеттуулук бар болсо.Ууру тойгончо жеп олгончо карганат .
05.06.2013. 12:54 
Тайпасы:
Жаран
Комментарийлердин саны:
267
Катталган:
01-04-2013
Соӊку аракети:
10-11-2018 16:42
Жынысы:
Белгисиз
Калаасы:
Жалал-Абад,Кыргызстан.
+1
Аллахым озу ынсап берсинчи,эжеке кайрат кылыныз,белинизди бекем бууп,калган балдарыныздын омурун тилениз.Аллах Таалам баланызга жаннаттан жай берсин,ал доктур аты барларга озу жазасын берсин.
05.06.2013. 12:59 
Тайпасы:
Жаран
Комментарийлердин саны:
35
Катталган:
02-06-2013
Соӊку аракети:
29-08-2018 11:15
Жынысы:
Белгисиз
Калаасы:
Кыргызстан
0
Врачтар оз ишин так аткарса жакшы болмок, эже кайрат кылыныз. Больницада кор-я куч.
05.06.2013. 14:21 
Тайпасы:
Кыймылы жок
Комментарийлердин саны:
1
Катталган:
03-06-2013
Соӊку аракети:
05-06-2013 14:31
Жынысы:
Белгисиз
0
Врачтардын козун азыр акча басып калган, акча берсен талаптагыдай карайт бербесен оло бер деп басып кетишет. Бирок мамлекет маянасын жогурулатканда мынчалык акчага ач коз болушмак эмес.
08.06.2013. 11:58 
Тайпасы:
Кыймылы жок
Комментарийлердин саны:
1
Катталган:
31-05-2011
Соӊку аракети:
03-05-2015 13:08
Жынысы:
Белгисиз
0
Zhyldyz92, Мамлекет маянасын которгон чактада алар кутурган иттей токтобойт!!! У них же нет чувства совести, или хотя бы чуть чуть адамгерчилиги болгондо да ошол балага жардам бермек. Хотя бизде нормальный врачтар калдыбы озу???
06.06.2013. 15:33 
Тайпасы:
Кыймылы жок
Комментарийлердин саны:
21
Катталган:
30-05-2013
Соӊку аракети:
17-09-2015 17:32
Жынысы:
Белгисиз
0
билими жок врачтар коп, акча менен эпреп бутушкон.
06.06.2013. 18:23 
Тайпасы:
Жаран
Комментарийлердин саны:
141
Катталган:
29-11-2007
Соӊку аракети:
10-11-2018 16:27
Жынысы:
Белгисиз
Калаасы:
France
0
Baary le men taanygan vrachtar, men taanygan Kerbendin Besh korgon kochosundo jashagan enenin neberesi eken, Kudai jatkan jerin jannattan bersin, arty kairyluu topuragy torpoo bolsun! emne deibiz azyr zaman ozgordu adamdyn peili ozgordu, oz bir tuuganyn da karabai kaidyger basyp ketken vrachtardyn biri myna ushul vrachtardyn arasyndagy xirurg vrach Duishon Ergeshov bolup sanalat, oz bir tuugan ukosun karabai koiup olturup kolubuzga salyp koidu go,ejem 3 kyzy menen burkurap yilap kala bergen
06.06.2013. 18:35 
Тайпасы:
Жаран
Комментарийлердин саны:
141
Катталган:
29-11-2007
Соӊку аракети:
10-11-2018 16:27
Жынысы:
Белгисиз
Калаасы:
France
0
myndan 4jyl murda, vrachtarga kunun tushkuluk kylbasyn eken dep kaldym, akchadan bersen karait berbesen jok bolosun.
07.06.2013. 10:20 
Тайпасы:
Кыймылы жок
Комментарийлердин саны:
3
Катталган:
30-04-2013
Соӊку аракети:
07-06-2013 10:26
Жынысы:
Белгисиз
0
Жаткан жери жайлуу болсун эже! Менда Кербенденмин кызык менин тишимди да пахтаны калтырып,тишим ириндеп кеткен .акыры тишимди жулдуруп тынгам. Ошол эле дагы бир аял атамдын таза тиштерин аралап пломба койгон . Акча иштеш учун. Уяты жоктор .
07.06.2013. 11:13 
Тайпасы:
Түйүлдүк
Комментарийлердин саны:
483
Катталган:
07-08-2011
Соӊку аракети:
25-10-2016 17:50
Жынысы:
Белгисиз
0
Ким эмне кылса да эртеби, кечби закондун алдында жооп берет, законго болбосо да кудайдын алдында жооп берет. Мен тааныган эле врачтар. Айнагул эже койкондоп алып куноонун баары ошондо экен. Жакшылап дарылап берсе болмок, врачтарга болгон сый-урматын да кетет экен, тообо.
Жаш жигиттин жаткан жери жайлуу болсун, ата-эне бир туугандарына конул айтып, сабыр кылуусун отунобуз. Куноокорлорду куноосуз калтырбаныз эже. Сизге ийгилик!
07.06.2013. 15:13 
Тайпасы:
Жаран
Комментарийлердин саны:
9
Катталган:
04-08-2011
Соӊку аракети:
07-11-2018 16:51
Жынысы:
Белгисиз
0
мен да балам менен жатканда тушундум врачтардын козун акча басып калыптыр. Мына кылабыз,ана кылабыз деп созуп журушту,качан гана акча бергенден кийин анан эртеси сразу операция жасашты. Балам 1жашта эле ошондо. Озу 6жашка чейинби бекер болуш керек эле баардык нерсе. Врачтар эле эмес медсестралар деле алайын деп эле турушат экен.
07.06.2013. 20:05 
Тайпасы:
Жаран
Комментарийлердин саны:
110
Катталган:
01-08-2011
Соӊку аракети:
13-11-2018 11:02
Жынысы:
Белгисиз
Калаасы:
Bishkek
0
доктурлар адамды оорудан куткарып экинчи омур бергендин ордуна эх тушунбойм атып эле салса кээ бирин же адам ооруп олуп калганын кундо коруп жатып буларга типичный корунуш болуп калабы чын эле олум алдында жатса кайдыгер тойлук жеп отурушат ал ошол адам бироонун баласы апасы суйгон жары ал бир жолу жаралат башка шанс жок адам болсо экен урматтуу доктурларыбыз
08.06.2013. 10:14 
Тайпасы:
Кыймылы жок
Комментарийлердин саны:
27
Катталган:
24-04-2013
Соӊку аракети:
24-11-2014 14:58
Жынысы:
Белгисиз
0
врачтарыбызга Кудай ыйман, ынсап берсин!
08.06.2013. 22:09 
Тайпасы:
Жаран
Комментарийлердин саны:
17
Катталган:
04-05-2013
Соӊку аракети:
20-07-2018 12:23
Жынысы:
Белгисиз
0
ушул каравандын тиш доктурларына тообоода.менин тиштеримдида туура эмес тазалашып,азбын тарткам.азыр десналарым хронич.восполен.болуп айыкпай журот.врачтар кичине коздорун ачып койсо акча, акча эле дей бербей!эже кайрат кылыныз!
09.06.2013. 12:19 
Тайпасы:
Жаран
Комментарийлердин саны:
199
Катталган:
03-12-2008
Соӊку аракети:
13-11-2018 13:08
Жынысы:
Белгисиз
Калаасы:
Бишкек
0
Кудай мындай кунду башка салбасын.Кайрат кылыныз.Баардыгы жазасын алат бугун болбосо эртен.
Врачтар оздоруно ишене албагандан кийин иштебей эле коюшса адам омуру менен ойнобой.
09.06.2013. 21:49 
Тайпасы:
Кыймылы жок
Комментарийлердин саны:
5
Катталган:
09-04-2013
Соӊку аракети:
16-06-2013 20:54
Жынысы:
Белгисиз
0
Жаткан жери жайлуу болсун! Эжеке озунузду ойлонуз. Мындай врвчтарды жазалаш керек.
Super TV
16.06.2013. 18:08 
Тайпасы:
Кыймылы жок
Комментарийлердин саны:
12
Катталган:
11-11-2011
Соӊку аракети:
11-07-2017 09:45
Жынысы:
Белгисиз
Калаасы:
Бишкек
0
Бизде озу жакшы жашоо болобу же жокпу кантип
эле элдин баары озун ойлоп калган мен да билем кайдыгер караган врачтар коп адамдын ден соолугу учун гана эмес омуруно да жооп берээрин эске алышса экен
Super TV
15.08.2013. 22:42 
Тайпасы:
Кыймылы жок
Комментарийлердин саны:
4
Катталган:
05-07-2013
Соӊку аракети:
29-11-2013 23:03
Жынысы:
Белгисиз
0
Ошол врачтарды кудай жазасын берсин ылайым
06.12.2013. 15:02 
Тайпасы:
Жаран
Комментарийлердин саны:
174
Катталган:
04-12-2013
Соӊку аракети:
13-11-2018 18:42
Жынысы:
Белгисиз
0
Окугандардын арасында врачтар болсо кечирип койгула бирок, угаловный кодекске озгортуу киргизиш керек, катуурак чара коро турган. Ошондо булар жоопкерчиликтен коркуп, жакшы иштешет беле.
Super TV
19.01.2014. 19:57 
Тайпасы:
Кыймылы жок
Комментарийлердин саны:
10
Катталган:
05-01-2014
Соӊку аракети:
29-10-2014 18:56
Жынысы:
Белгисиз
Калаасы:
Бишкек
0
Эже ким куноо онболсо АЛЛАХЫМ карап турат.Сабыр кылыныз АЛЛАХЫМ сизге сабырдуулук берсин.Баланыздын жаткан жери жайлуу болуп,жанын жаннатан берсин оомиин!!
Super TV
03.07.2014. 18:37 
Тайпасы:
Жаран
Комментарийлердин саны:
1
Катталган:
22-11-2013
Соӊку аракети:
19-05-2017 00:37
Жынысы:
Белгисиз
0
Эхх аллахым озу сактасын андайлардан(((. Азыркы врачтар акчага крап калышкан акчан жок болсо карабай эч нерсе кылбай коюшат. Э Аллахым ынсап бере гой ар бир инсанга...
Super TV
05.07.2014. 22:56 
Тайпасы:
Кыймылы жок
Комментарийлердин саны:
0
Катталган:
11-11-2011
Соӊку аракети:
06-10-2014 16:49
Жынысы:
Белгисиз
0
ииии, байкуш эне. .
Super TV
12.07.2014. 13:00 
Тайпасы:
Кыймылы жок
Комментарийлердин саны:
17
Катталган:
05-08-2013
Соӊку аракети:
28-10-2015 15:09
Жынысы:
Белгисиз
0
Беш кол тен эместа жакшы врачтар да бар бирок ошо Жалабад ОШтун врачтарын акча кобуроок кызыктырса керек
Super TV
12.02.2015. 11:24 
Тайпасы:
Жаран
Комментарийлердин саны:
64
Катталган:
25-06-2014
Соӊку аракети:
04-11-2018 13:37
Жынысы:
Белгисиз
0
Атин ай, кайдигерлик тубубузго жете турган болдуго. Оз ишин билбеген чаласабат врачтарга наалат. Эненин коз жашы, баланын убалы кимге!!!
1
2
3
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: