ТАЛАС ЭЛИ ЧЫҢГЫЗ АЙТМАТОВДУН 85 ЖЫЛДЫГЫНА КАМ КӨРҮШҮҮДӨ

Талас шаарындагы К.Медетбеков атындагы музыкалык драма театрдын кызматкерлери Нарын облусунда өтүүчү республикалык 5-фестивалга кызуу даярдык көрүшүүдө. Аталган театрдын башчысы Кубан Эстебесов билдиргендей, бул фестиваль 5 жылдан бери республиканын бардык театрларынын арасында өткөрүлүп келет. Талас облусунун театр артисттери аталган фестивалда Ибрагим Сотиковдун «Апендинин беш катыны» аттуу спектаклин коюшат.
Ошондой эле 20-23-июнь күндөрү Маданият, маалымат жана туризм министрлигинин демилгеси менен Талас облусунда маданият кызматкерлеринин республикалык семинар-кеңешмеси болот. Аталган кеңешмеде айылдык Маданият үйлөрүндө аткарылып жаткан иштер, жергиликтүү бийлик менен маданият кызматкерлеринин ортосундагы алака, ошондой эле Чыңгыз Айтматовдун 85 жылдыгын өткөрүү маселелери талкууланат.

Гүлназ Атантаева
talas@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Мэри

2013-06-10 15:46:01

Залкардын 85 жылдыгы демекчи, Бишкектеги эстелиги орнотула элек болуш керек, менин билишимче, же мен жанылып жатамбы... Эгер ошондой болсо, анда бул абдан кечирилгис нерсе деп эсептейм...

TolonturCN

2013-06-15 08:59:49

Мэри, Бишкектеги эстелиги Таласка орнотула элек дейсизби?

Мэри

2013-06-24 14:36:26

Жок, ошол Бишкектегиси да орнотула элек да, ошону айтып жатам...

Комментарий калтыруу үчүн өз ысымыңыз менен кириңиз же каттоодон өтүңүз.

№ 553, 7-июнь-13-июнь, 2013-ж